Wikipedia

Riau

(Dialiahkan dari Provinsi Riau)

Riau (Jawi: رياو) adolah sabuah provinsi di Indonesia nan talatak di bagian tangah pulau Sumatra. Provinsi iko talatak di bagian tangah pantai timur Pulau Sumatra, iyolah di sapanjang pasisia Selat Malaka. Inggo taun 2004, provinsi ko juo mambantang sampai Kapulauan Riau, sakalompok gadang pulau-pulau kaciak (pulau-pulau utamonyo antaro lain Pulau Batam jo Pulau Bintan) nan talatak di sabalah timur Sumatra dan sabalah selatan Singapura. Kapulauan ko dipacah manjadi provinsi surang pado Juli 2004. Ibu kota jo kota paliang gadang Riau adolah Pekanbaru. Kota gadang lainnyo antaro lain Dumai, Selatpanjang, Bagansiapiapi, Bengkalis, Bangkinang, Tembilahan, jo Rengat.

Riau
Provinsi di Indonesia
Transkripsi bahaso Melayu
 • Jawiرياو
Berkas:Stadion utama-saidmufti.jpg

Saarah jarum jam dari ateh: Cagar Biosfer Giam Siak Kecil-Bukit Batu, Istano Siak, Jambatan Tengku Agung Sultanah Latifah, Panorama kota Pekanbaru, Stadion Utamo Riau, Anjuang Seni Idrus Tintin.
Bandera Riau
Bendera		Lambang Riau
Lambang
Semboyan:
Bumi Bertuah Negeri Beradat
بومي برتواه نڬري برادت
Peta lokasi Riau
Peta lokasi Riau
Nagara Indonesia
Ari jadi9 Agustus 1957
Kota gadang lainnyo
Jumlah satuan pamarintahan[1]
Pamarintahan
 • GubernurSyamsuar
 • Wakia GubernurEdy Nasution
 • Sekretaris DaerahSF Haryanto
 • Ketua DPRDYulisman
Laweh[2]
 • Total87.023,66 km2 (33,600,02 sq mi)
Panduduak (2021)[3][4]
 • Total6.454.751
 • Kapadatan74/km2 (190/sq mi)
Demografi
 • Etnis
 • AgamoIslam 87,11%
Kristen 10,73%
— Protestan 9,67%
— Katolik 1,06%
Buddha 2,10%
Konghucu 0,03%
Kapicayoan 0,02%
Hindu 0,01%[3][6]
 • BahasoResmi:
Indonesia
Regional:
Melayu (dominan), Banjar, Batak, Bugis, Jawa, Kampar, Loncong, Minangkabau, Arab, Hokkien, Tamil, Tiochiu, Tionghoa
 • IPM▲ 72,94 (2021)
Tinggi[7]
Kode pos28xxx-29xxx
Kode area telepon
ISO 3166ID-RI
Plat kandaraanBM
Dasa hukum pandirianUndang-Undang RI No. 19/drt Tahun 1957, tanggal 10 Agustus 1957
DAURp 1.603.291.532.000,00- (2020)[8]
Lagu daerahLancang kuning, Soleram, dan Kelewang
Rumah tradisionalSelaso Jatuh Kembar
Sanjato tradisionalKeris, Beladau
FloraNibung
FaunaSerindit malayu
Situs webriau.go.id

Riau kini marupokan salah satu provinsi takayo di Indonesia, dan sumber dayonyo didominasi dek sumber alam, utamonyo minyak bumi, gas alam, gatah, kelapa sawit jo parak serat. Tapi, panabangan hutan nan marajolelo alah mangurangi laweh hutan sacaro signifikan, dari 78% pado 1982 manjadi anyo 33% pado 2005.[9] Rato-rato 160,000 hektare hutan abih ditabeh satiok taun, manyisokan 22%, atau 2,45 juta hektare pado taun 2009.[10] Deforestasi jo tujuan pambukaan lahan-lahan parak karambia sawit dan produksi karateh alah mambuek kabuik asok nan amaik mangganggu di provinsi ko salamo batahun-tahun, dan manyeba ka nagara-nagara tatangga co Malaysia jo Singapura.

Etimologi

suntiang

Ado tigo kamungkinan asa kato riau nan manjadi namo provinsi iko. Partamo, dari kato Portugih, rio nan aratinyo batang aia.[11][12] Pado taun 1514, ado ekspedisi militer Portugih nan manalusuri Batang Siak nan batujuan untuak mancari lokasi pusek karajaan nan diyakininyo ado di kawasan tasabuik, sarato mangaja sakalian pangikuik Sultan Mahmud Syah nan malarikan diri sasudah tumbangnyo Kasultanan Malaka.[13]

Versi kaduo manyabuik baso riau barasa dari kato riahi nan aratinyo aia lauik. Kato iko didugo barasa dari tokoh Sinbad al-Bahar dalam kitab Seribu Satu Malam,[12] dan versi katigo manyabuik baso kato iko barasa dari tuturan masyarakaik satampek, diangkek dari kato rioh atau riuh, nan aratinyo rami, hiruak pikuak urang karajo. Gadang kamungkinan namo iko barasa dari panamoan panduduak satampek, yaitu urang Malayu nan iduik di daerah Bintan, nan kini masuak wilayah Kapulauan Riau. Namo itu kamungkinan alah mulai tanamo samanjak Rajo Kaciak mamindahkan pusek karajaan dari Johor ka Ulu Riau pado taun 1719.[12]

Sijarah

suntiang

Maso Prasijarah

suntiang

Riau dipakirokan alah diuni pado maso antaro 40.000 inggo 10.000 tahun sabalun masehi. Kasimpulan ko diambiak sasudah panamuan alaik dari Maso Pleistosen di Sungai Sengigi di Kabupaten Kuantan Singingi pado Agustus 2009. Alaik-alaik batu nan ditamukan antaro lain roda, katam, jo sarapiah jo kapak batu inti, nan marupokan bahan dasa pambuek katam jo sarapiah. Tim panaliti manamukan juo babarapo fosil kayu nan dipakirokan labiah tuo daripado alaik-alaik batu tasabuik. Nan dipakirokan mamakai alaik-alaik ko adolah Pithecanthropus erectus (diklasifikasikan ulang sabagai Homo erectus) cando nan tasuo di Sangiran, Jawa Tengah. Alaik-alaik ko manjadi bukti baso ado pauni Riau di maso prasijarah. Pamukiman nan labiah awa pakirokan mungkin alah ado di area itu samanjak panamuan Candi Muaro Takuih, Kampar pado 1860.[14][15]

Masa prakolonial

suntiang

Pado mulo abaik ka-16, Tome Pires, saurang panjalajah Portugih, mancataik dalam bukunyo, Suma Oriental baso kota-kota di pasisia timur Sumatera antaro suatu daerah nan disabuiknyo Arcat (sakitar Aru jo Rokan) inggo Jambi marupokan palabuahan dagang nan dikuasoi dek rajo-rajo dari Minangkabau.[16] Di wilayah tasabuik, tukang-tukang galeh Minangkabau mandirikan kampuang-kampuang niago di sapanjang Sungai Siak, Kampar, Rokan, jo Indragiri, sarato panduduak lokal mandirikan karajaan-karajaan semiotonom nan diagiah kabebasan untuak maatua urusan dalam nagarinyo, tapi masih diwajibkan untuak mambayia ameh manah kapado rajo-rajo Minangkabau. Ciek dari sakian banyak kampuang nan tanamo adolah Senapelan nan kudian bakambang manjadi Pekanbaru, nan kini manjadi ibu kota provinsi.

Sijarah Riau pado maso pra-kolonial didominasi babarapo karajaan otonom nan manguasoi baragam wilayah di Riau. Karajaan nan paliang mulo, Karajaan Keritang, didugo alah muncua pado abaik kaanam, jo wilayah kakuasoan dipakirokan talatak di Keritang, Indragiri Hilir. Karajaan iko panah manjadi wilayah taklukan Majapahit, tapi sairiang masuaknyo ajaran Islam, karajaan tasabuik dikuasoi pulo dek Kasultanan Malaka. Salain karajaan iko, ado pulo Karajaan Kemuning, Karajaan Batin Enam Suku, dan Karajaan Indragiri, sadoalahnyo didugo bapusek di Indragiri Hilir.[17]

Maso kolonial Belanda

suntiang
 
Wilayah zelfbestuur di Sumatra Tengah, 1941.

Invasi Ulando nan agresif ka pantai timur Sumatera indak dapek diadang dek Siak. Ulando mampasampik wilayah daulak Siak, jo mandirikan Karesidenan Riau (Residentie Riouw) di bawah pamarintahan Hindia Ulando nan bakadudukan di Tanjung Pinang.[18] Sultan-sultan Siak indak dapek babuek apo-apo dek alah takabek pajanjian jo Ulando. Kadudukan Siak samakin malamah dek adonyo tariak ulua antaro Ulando jo Inggirih nan maso itu manguasoi Selat Malaka, untuak mandapek wilayah-wilayah strategis di pantai timur Sumatera. Sultan Siak wakatu itu tapaso manyarah kapado kahandak Ulando jo manandotangani pajanjian pado Juli 1873 nan manyarahkan Bengkalis kapado Ulando, dan mulai wakatu itu, wilayah-wilayah nan sabalunnyo manjadi Daulaik Siak ciek ciek bapindah tangan kapado Ulando. Pado maso nan ampia basamoan, Indragiri juo mulai dipangaruahi dek Ulando, tapi akianyo baru sabana di baruah kuaso Batavia pado taun 1938. Panguasoan Ulando ateh Siak manjadi awa pacahnyo Parang Aceh.

Di pasasia, Ulando bagarak capek maapuihkan karajaan-karajaan nan masih alun tunduak. Ulando manunjuak saurang residen di Tanjung Pinang untuak maawasi daerah-daerah pasisia, dan Ulando barasia mamakzulkan Sultan Riau-Lingga, Sultan Abdul Rahman Muazzam Syah pado Februari 1911.[19]

Pandudukan Japang

suntiang

Pado maso pandudukan Japang di Indonesia, Riau manjadi salah satu sasaran utamo untuak diduduki. Bala tantara Japang manduduki Rengat pado 31 Maret 1942.[17] Sadoalah Riau jo capek tunduak di bawah pamarintahan Japang. Salah satu paninggalan maso pandudukan Japang adolah jalua kareta api sapanjang 220 km nan mangubuangkan Muaro Sijunjung dan Pekanbaru nan tabangkalai. Ratusan ribu rakyaik Riau dipaso bakarajo dek tantara Japang untuak manyalasaikan proyek iko.[20][21][22]

Maso kamardekaan

suntiang
 
Rumah Adat Balai Selasar Jatuh Tunggal, Rumah Adat Riau di Taman Mini Indonesia Indah, DKI Jakarta.

Revolusi nasional jo Orde Lama

suntiang

Pado mulo kamardekaan Indonesia, bakeh wilayah Karesidenan Riau dilabua dan tagabuang dalam Provinsi Sumatra nan bapusek di Medan. Sairiang jo panumpasan simpatisan Pamarintahan Revolusioner Republik Indonesia (PRRI), Provinsi Sumatera dimekarkan baliak manjadi tigo provinsi, yakni Sumatera Utara, Sumatera Tengah, jo Sumatera Selatan. Katiko itu, Sumatera Tengah manjadi basis takuek dari PRRI, situasi iko manyababkan pamarintah pusek mambuek strategi mamacah Sumatera Tengah jo tujuan untuak malamahkan pagarakan PRRI.[23] Salanjuiknyo pado taun 1957, manuruik Undang-Undang Darurat Nomor 19 tahun 1957 Archived 2022-04-06 di Wayback Machine., Sumatera Tengah dimekarkan manjadi tigo provinsi yaitu Riau, Jambi dan Sumatera Barat. Kudian nan manjadi wilayah Provinsi Riau nan baru tabantuak adolah bakeh wilayah Kasultanan Siak Sri Inderapura jo Keresidenan Riau sarato ditambah Kampar.

Riau sempat manjadi salah satu daerah nan tapangaruah Pamarintahan Revolusioner Republik Indonesia pado akia 1950-an. Pamarintah pusek manggelar Operasi Tegas dibawah pimpinan Kaharuddin Nasution, nan kudian manjadi gubernur provinsi iko, dan barasia manumpas siso-siso simpatisan PRRI.[24]

Salapeh situasi kaamanan baransua puliah, pamarintah pusek mulai mampatimbangkan untuak meamindahkan ibu kota provinsi dari Tanjung Pinang ka Pekanbaru, nan sacara geografis talatak di tangah-tangah. Pamarintah akianyo manatapkan Pekanbaru sabagai ibu kota provinsi nan baru pado 20 Januari 1959 lewaik Kepmendagri No. Desember 52/I/44-25.[25]

Maso Orde Baru

suntiang

Salapeh jatuahnyo Orde Lama, Riau manjadi salah satu tonggak pambangunan ekonomi Orde Baru nan baliak manggaliek.[26] Pado taun 1944, ahli geologi NPPM, Richard H. Hopper dan Toru Oki basamo timnyo manamukan sumua minyak tagadang di Asia Tenggara yaitu di Minas, Siak. Sumua iko mulonyo banamo Minas No. 1. Minas tanamo jo jinih minyak Sumatra Light Crude (SLC) nan rancak jo mamiliki kadar balerang randah.[27] Pado maso awal 1950-an, sumua-sumua minyak baru ditamukan di Minas, Duri, Bengkalis, Pantaicermin, dan Petapahan. Eksploitasi minyak bumi di Riau dimulai di Blok Siak pado September 1963, jo ditandotanganinyo kontrak karya jo PT California Texas Indonesia (kini manjadi Chevron Pacific Indonesia).[28] Provinsi iko sempat diandalkan sabagai panyumbang 70 persen dari produksi minyak nasional pado taun 1970-an.[29]

Riau juo manjadi tujuan utamo program transmigrasi nan dicanangkan dek pamarintahan Soeharto. Banyak kaluarga dari Pulau Jawa nan pindah ka parak-parak sawit nan jolong dibukak di Riau, sainggo mambantuak suatu komunitas surang nan kini bajumlah cukuik signifikan.[30]

Era reformasi

suntiang

Pado taun 1999, Saleh Djasit tapiliah manjadi putra daerah asali Riau kaduo (salain Arifin Achmad) dan partamo dipiliah dek DPRD Provinsi sabagai gubernur. Pado tahun 2003, mantan Bupati Indragiri Hilir, Rusli Zainal, tapiliah manjadi gubernur, dan tapiliah baliak lewaik pamilihan lansuang dek rakyaik pado tahun 2008. Mulai tanggal 19 Februari 2014, Provinsi Riau sacaro resmi dipimpin dek gubernur, Annas Maamun. Baru mamimpin 7 Bulan, Annas Maamun dilengserkan salapeh Komisi Pemberantasan Korupsi (KPK) Manangkok Tangan Annas Maamun dalam kasus Aliah Fungsi Lahan di Kabupaten Kuansing. Kini provinsi Riau dipimpin dek Arsyadjuliandi Rachman (Andi Rachman).

Salapeh kajatuahan Orde Baru, Riau manjadi salah satu sasaran provinsi nan ka dimekarkan. Pado taun 2002, pamarintah manatapkan pamekaran Kepulauan Riau nan baribu kota di Tanjung Pinang, dari provinsi Riau.[31]

Pamarintahan

suntiang

Kapalo daerah

suntiang
 Artikel utamo untuak bagian ko adolah: Daftar gubernur Riau

Daftar Gubernur Riau

DPRD Provinsi

suntiang
 Artikel utamo untuak bagian ko adolah: Dewan Perwakilan Rakyat Daerah Provinsi Riau

Dewan Perwakilan Rakyat Daerah Provinsi Riau

Pambagian administratif

suntiang
 Artikel utamo untuak bagian ko adolah: Daftar kabupaten dan kota di Riau
 
No. Kabupaten/kota Pusek pamarintahan Bupati/wali kota Laweh wilayah (km2)[32] Jumlah panduduak (2017)[32] Kecamatan Kelurahan/desa Lambang
 
 Peta lokasi
1 Kabupaten Bengkalis Bengkalis Kasmarni 6.975,41 537.142 11 19/136
 
 
2 Kabupaten Indragiri Hilir Tembilahan M. Wardan 12.614,78 616.347 20 39/197
 
 
3 Kabupaten Indragiri Hulu Rengat Chairul Riski (Pj.) 7.723,80 421.922 14 16/178
 
 
4 Kabupaten Kampar Bangkinang Catur Sugeng Susanto 10.983,47 740.839 21 8/242
 
 
5 Kabupaten Kepulauan Meranti Selatpanjang Muhammad Adil 3.707,84 206.611 9 5/96
 
 
6 Kabupaten Kuantan Singingi Taluk Kuantan Andi Putra 5.259,36 326.266 15 11/218
 
 
7 Kabupaten Pelalawan Pangkalan Kerinci Zukri Misran 12.758,45 365.817 12 14/104
 
 
8 Kabupaten Rokan Hilir Bagansiapiapi Suyatno 8.881,59 631.238 15 25/159
 
 
9 Kabupaten Rokan Hulu Pasir Pengaraian Abdul Haris

(Plh.)

7.588,13 553.095 16 6/139
 
 
10 Kabupaten Siak Siak Sri Indrapura Alfedri 8.275,18 415.128 14 9/122
 
 
11 Kota Dumai - Paisal 1.623,38 280.174 7 36/-
 
 
12 Kota Pekanbaru - Firdaus 632,27 886.226 12 83/-
 
 


Galeri

suntiang
Cari tau tantang Riau di proyek-proyek Wikimedia lainnyo:
  Definisi dan terjemahan dari Wiktionary
  Gambar dan media dari WikiCommons
  Berita dari Wikinews
  Kutipan dari Wikiquote
  Teks sumber dari Wikisource
  Buku dari Wikibooks
  •  
    Musajik Ar-Rahman di Pekanbaru
  •  
    Bakeh rumah Kapitan di Bagansiapiapi
  •  
    Kelenteng Ing Hok Kiong di Bagansiapiapi

Caliak pulo

suntiang

Rujuakan

suntiang
  1. ↑ (20 Februari 2013) "2012, Jumlah Desa di Riau Tambah 173" Archived 2013-10-24 di Wayback Machine.. Riau Terkini, diakses 17 Oktober 2013
  2. ↑ "Keadaan Alam" Archived 2013-08-23 di Wayback Machine.. Badan Pusat Statistik, diakses 17 Oktober 2013.
  3. ↑ a b "Visualisasi Data Kependuduakan - Kementerian Dalam Negeri 2020" (Visual). www.dukcapil.kemendagri.go.id. Diakses tanggal 9 September 2021. 
  4. ↑ "Provinsi Riau Dalam Angka 2021" (pdf). BPS Provinsi Riau. hlm. 63. Diakses tanggal 26 Februari 2021. 
  5. ↑ "Provinsi Riau Dalam Angka 2016" Archived 2017-07-28 di Wayback Machine., diakses 13 Agustus 2017
  6. ↑ "Sosial Budaya, Demografi, Provinsi Riau 2018". www.riau.go.id. Diarsipkan dari versi asli tanggal 2019-12-03. Diakses tanggal 5 Februari 2020. 
  7. ↑ "Indeks Pembangunan Manusia Menurut Provinsi 2019-2021". www.bps.go.id. Diakses tanggal 26 November 2021. 
  8. ↑ "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (PDF). www.djpk.kemenkeu.go.id. (2020). Diakses tanggal 26 Februari 2021.  [pranala nonaktif permanen]
  9. ↑ "WWF: The Eleventh Hour for Riau's Forests" (PDF). Diarsipkan dari versi asli (PDF) tanggal 2007-06-14. Diakses tanggal 2019-05-29. 
  10. ↑ Rizal Harahap (16 Mei 2009) "Logging moratorium `a must' to save Riau forests". The Jakarta Post, diakses 17 Oktober 2013.
  11. ↑ Suwardi MS (1991). Budaya Melayu dalam perjalanannya menuju masa depan. Pekanbaru: Yayasan Penerbit MSI-Riau.
  12. ↑ a b c "Kondisi Sosial Budaya Provinsi Riau" Archived 2018-03-04 di Wayback Machine.. Sekretariat Negara, diakses 17 Oktober 2013.
  13. ↑ Schnitger, F. M., Fürer-Haimendorf, C. ., & Tichelman, G. L. (1939). Forgotten kingdoms in Sumatra. Leiden: E. J. Brill.
  14. ↑ Tanggal tidak diketahui. "Artefak Masa Prasejarah Ditemukan di Riau". ANTARA, diakses 17 Oktober 2013.
  15. ↑ 13 Agustus 2009. "Fosil Dari Zaman Prasejarah Ditemukan di Riau" Archived 17 October 2013 di Wayback Machine.. TvOne, diakses 17 Oktober 2013.
  16. ↑ Andaya, Leonard Y. (2008). Leaves of the Same Tree: Trade and Ethnicity in the Straits of Melaka. New York: University of Hawaii press. p. 200. ISBN 978-082-4-83189-9. 
  17. ↑ a b "Sejarah Singkat Indragiri Hilir" Archived 2015-09-24 di Wayback Machine.. Situs resmi pemerintah kabupaten Indragiri Hilir, diakses 17 Oktober 2013.
  18. ↑ Netscher, E., (1854), Beschrijving van een Gedeelte der Residentie Riouw, Tijdschrift voor Indische Taal- Land- en, Volkenkunde.
  19. ↑ "Penghapusan Kerajaan Riau-Lingga 1911-1913" Archived 2013-10-19 di Wayback Machine.. Tanjungpinang Pos, 14 September 2013. Diakses 17 Oktober 2013.
  20. ↑ "Menyusuri Jejak Romusa Jepang Pembangunan Rel Kereta Api di Kuansing-Pekanbaru: Jejak Rel Sudah Pupus, Penemuan Tengkorak Manusia Hal Biasa" Archived 2019-05-17 di Wayback Machine.. Riau Pos, 25 Agustus 2013. Diakses 23 Oktober 2013.
  21. ↑ "Menyusuri Bentangan Rel Kereta Api di Riau". Tribunnews.com, 10 Juni 2013. Diakses 23 Oktober 2013.
  22. ↑ "Lok Uap di Muaro, Sisa Jalur Kereta Api Maut Muaro Sijunjung - Pekanbaru". Kompas.com, 6 November 2009. Diakses 23 Oktober 2013.
  23. ↑ Asnan, Gusti (2007). Memikir Ulang Regionalisme: Sumatra Barat tahun 1950-an. Yayasan Obor Indonesia. ISBN 978-979-461-640-6. 
  24. ↑ Sejarah Singkat Kodam IV/Diponegoro: KILAS BALIK PENGABDIAN KODAM IV/DIPONEGORO DARI MASA KE MASA Archived 2013-11-08 di Wayback Machine.. Situs resmi Kodam IV/Diponegoro, diakses 23 Oktober 2013.
  25. ↑ "Pekanbaru Kota Bertuah" Archived 2013-11-04 di Wayback Machine.. Situs resmi RRI Pekanbaru, diakses 23 Oktober 2013.
  26. ↑ Samad, R. S., & Zulkarnain (2010). Negara dan masyarakat: Studi penetrasi negara di Riau Kepulauan masa Orde Baru. Yogyakarta: Pustaka Pelajar.
  27. ↑ "Geliat Industri Hulu Minyak Indonesia" Archived 2013-11-04 di Wayback Machine.. National Geographic Indonesia, diakses 23 Oktober 2013
  28. ↑ "Perebutan Secuil Ladang di Negeri Kaya Minyak".ANTARA, 26 Maret 2013. Diakses 23 Oktober 2013.
  29. ↑ "Sumur Minyak di Riau Tinggal Sejarah". JPNN, 19 Mei 2011. Diakses 23 Oktober 2013
  30. ↑ "80% Petani Sawit di Riau Transmigran Asli Jawa". Detik.com, 3 Mei 2012. Diakses 23 Oktober 2013.
  31. ↑ [http://www.setneg.go.id/components/com_perundangan/docviewer.php?id=294&filename=UU_no_25_th_2002.pdf "UU Nomor 25 Tahun 2002". Situs resmi Sekretariat Negara Republik Indonesia, diakses 26 Oktober 2013
  32. ↑ a b "Kode dan Data Wilayah Administrasi Pemerintahan (Permendagri No.137-2017) - Kementerian Dalam Negeri - Republik Indonesia". www.kemendagri.go.id (dalam bahasa Inggris). Diarsipkan dari versi asli tanggal 2017-04-29. Diakses tanggal 2018-07-09. 

Pautan lua

suntiang
Ado kategori tantang Riau di Wikimedia Commons
  Portal Indonesia


   Artikel batopik geografi Indonesia ko baru babantuak rancangan. Sanak dapek mambantu Wikipedia mangambangannyo.
Diambiak dari "https://min.wikipedia.org/w/index.php?title=Riau&oldid=3149331"