Urang Jawa
Suku Jawa (Jawa ngoko: ꦮꦺꦴꦁꦗꦮ Wong Jawa, Jawa krama: ꦠꦶꦲꦾꦁꦗꦮꦶ Tiyang Jawi) marupokan suku banso tagadang di Indonesia nan barasa dari Jawa Tengah, Jawa Timur, jo Yogyakarta. Saindaknyo 41,7% panduduak Indonesia marupokan etnis Jawa.[3] Salain di katigo provinsi tasabuik, suku Jawa banyak bamukim di Lampung, Banten, Jakarta, jo Sumatera Utara. Di Jawa Barat mareka banyak ditamukan di Kabupaten Indramayu jo Cirebon. Suku Jawa juo punyo sub-suku, sarupo suku Osing, urang Samin, suku Bawean/Boyan, Naga, Nagaring, suku Tengger, jo lain-lain.[4] Salain itu, suku Jawa ado pulo nan ado di nagara Suriname, Amerika Selatan karano pado maso kolonial Balando suku iko dibaok ka sinan sabagai pakarajo dan kini suku Jawa di sinan dikenal sabagai Jawa Suriname.
Sijarah
suntiangTakah kabanyakan kelompok etnis Indonesia nan lain, tamasuak suku Sunda, masyarakaik Jawa marupoanbangsa Austronesia nan moyangnyo dipakiroan barasa dari Taiwan dan bamigrasi malalui Filipina[5] untuak mancapai pulau Jawa antaro tahun 1500 SM hinggo 1000 SM.[6] Namun, manuruik studi genetik nan terbaru, masyarakaik Jawa basamo jo masyarakat Sunda dan Bali mamiliki rasio penanda genetik nan ampiang samo antaro genetik bangsa Austronesia jo Austroasiatik.[7]
Agamo dan kaparcayaan
suntiang| Agamo | Total[8] |
|---|---|
| Islam | 92.107.046 |
| Kristen | 2.428.121 |
| Hindu | 160.090 |
| Buddha | 90.465 |
| Lainnyo | 12.456 |
| Total | 94.788.943 |
Religion of Javanese[9] ██ Sunni Islam (97.17%)██ Protestantism (1.59%)██ Roman Catholic (0.97%)██ Hinduism (0.16%)██ Buddhism (0.10%)██ Other, mostly Kejawen (0.01%)
Mayoritas urang Jawa mamaluak agama Islam Sunni,[10] catatan patamo kontak Islam jo Jawa nan tacatat adolah pado pado 475 Hijriah (1082 M), sabagaimano tampak pado makam Fatimah binti Maimun.[11]:56 Meskipun baitu, parkembangan Islam baru manjadi gencar pado periode Majapahit, sairing dengan pardagangan atau hubungan upeti antaro Majapahit jo berbagai negara bagian takah Perlak jo Samudra Pasai di Aceh.[12] Di pamakaman Troloyo/Tralaya Trowulan (ibu kota Majapahit), ado babarapo batu nisan Muslim nan barasa dari abaik ka-14 (1368 M, 1376 M). Kadekatan situs iko jo kraton manunjuakan adonyo urang-urang Muslim nan punyo hubungan dakek jo istano.[13]:6
Pado maso awal panyabarannyo, Islam mamperoleh pijakannyo di kota-kota palabuhan di pesisir utara Jawa takah Gresik, Ampel Denta (Surabaya), Tuban, Demak, jo Kudus. Panyebaran jo kagiatan dakwah Islam di kalangan masyarakat Jawa sacara tradisional dikaikan jo Wali Songo.[14]
Minoritas urang Jawa ado pulo nan mamaluak agamo Kristen (Protestan jo Katolik), nan terkonsentrasi di Jawa Tengah (khususnyo Semarang, Surakarta, Salatiga, Magelang) jo Yogyakarta untuak agamo Katolik. Gereja Kristen pribumi takah Gereja Kristen Jawa (Gereja Kristen Jawa) jo Gereja Kristen Jawa Timur (Gereja Kristen Jawi Wetan) ado pulo. Dalam skala nan labiah ketek, agamo Hindu jo Buddha juo masih dianuik dek masyarakaik Jawa. Urang Jawa suku Tengger masih mampraktikan Jawa-Hindu sampai kini, jo tingga di desa-desa di lereng Gunung Bromo. Samantaro itu, kantong masyarakaik Jawa Buddha ado di desa Kalimanggis, Temanggung.[15]
Kebatinan, disabuik pulo jo Kejawèn, Agama Jawa atau Kapercayaan adolah agamo tradisi Jawa, nan terdiri dari campuran animistik, Hindu-Buddha, jo Islam, tautamo Sufi, baik dalam kapercayaan atau praktik. Agamo iko punyo aka pado sijarah jo religiusitas Jawa, aspek-aspek sinkretisasi dari babagai agama..[16][17][18]
Urang Jawa di Sumatera Barat
suntiangUrang Jawa rami tibo ka Sumatera Barat pado maso panjajahan Hindia Balando samaso Parang Pidari. Sangkek itu Ulando manambah pasukan untuak malawan Pidari dari Jawa nan tadiri dari urang-urang Jawa nan manjadi tawanan Parang Diponegoro, nan disabuik sabagai Laskar Sentot. Kudian sasudah parang, urang-urang Jawa dijadikan pagawai pamarintahan ataupun tanago profesional Hindia Balando sarupo mantri-mantri pakabunan kopi ataupun dotor-dotor nan dikirim tugas katiko ado wabah.[19]
Kudian pulo urang Jawa nan disabuik sabagai urang rantai. Urang rantai adolah urang tahanan dari Jawa nan dipaso karajo. Disabuik rantai dek urang-urang tahanan tasabuik dirantai pado liianyo supayo indak malarian diri. Sabalun dipakarajokan, urang-urang rantai ko ditahan di pinjaro tuo, Pulaukaram, Padang, sabalun ditantukan tampek karajonyo. Urang-urang rantai nan dipakarajokan di Sumatera Barat dijadikan buruh tambang batubara Ombilin, Sawahlunto.[19]
Urang-urang Jawa nan tibo di Sumatera Barat pado maso kolonial mambantuak pamukimannyo surang. Pamukimannyo disabuik Kampuang Jawa atau Kampuang Jao, nan taseba di babarapo kota sarupo Padang, Sawahlunto, jo Solok. Urang-urang Jawa ko baadaptasi jo adat jo kabudayaan satampek, bahkan dapek tabantuak bahaso kreol sarupo bahaso Tansi di Sawahlunto. Bahaso Tansi marupokan bahaso kreol antaro Minang, Jawa, jo bahaso-bahaso lain nan dibaok urang buangan ka Sawahlunto.[19]
Tokoh-tokoh Jawa
suntiang
- Abdurrahman Wahid, Presiden Republik Indonesia (1999-2001)
- Ahmad Dahlan, Ulama (Kyai) jo pandiri organisasi Muhammadiyah.
- Boediono, Wakil Presiden Republik Indonesia.
- Hasyim Asyari, Pandiri Nahdatul Ulama.
- HM. Soeharto, Presiden Republik Indonesia (1967-1998).
- Joko Widodo, Walikota Surakarta, Gubernur DKI Jakarta dan Presiden Republik Indonesia (2014-2019)
- Julius Darmaatmadja, Uskup Agung Jakarta jo Mantan Katua KWI (Konferensi Waligereja Indonesia) 2000-2006.
- Khofifah Indar Parawansa, Politikus jo Mantan Menteri Nagara Pemberdayaan Perempuan.
- Megawati Soekarnoputri, Presiden Republik Indonesia (2001-2004) jo sakaligus presiden wanita partamo di Indonesia
- Nurcholish Madjid, Cendekiawan jo budayowan.
- Paul Salam Soemohardjo, Katua Parlemen Suriname jo Katua Partai Pertjaja Luhur di Suriname.
- Purnomo Yusgiantoro, Mantari Energi jo Sumberdayo Mineral.
- RA. Kartini, Pahlawan Nasional.
- Saifullah Yusuf, Mantan Mantari Nagara Percepatan Pambangunan Daerah Tatingga. Kiniko manjabaik Wakil Gubernur Jawa Timur.
- Soekarno, Proklamator jo Presiden Republik Indonesia.
- Susilo Bambang Yudhoyono, Presiden Republik Indonesia (2004-2014), Ketua Umum Partai Demokrat.
- Wage Rudolf Supratman, Pancipta lagu "Indonesia Raya".
- Wahid Hasjim, Pahlawan nasional Indonesia jo mantari nagara dalam kabinet partamo Indonesia
- Hidayat Nur Wahid, Mantan Katua MPR RI periode taun 2004 -2009.
Galeri
suntiang-
Bangsawan Jawa
Rujuakan
suntiang- ↑ Kewarganegaraan, Suku Bangsa, Agama dan Bahasa Sehari-hari Penduduk Indonesia Hasil Sensus Penduduk 2010. Badan Pusat Statistik. 28 Nopember 2011. ISBN 9789790644175. http://sp2010.bps.go.id/files/ebook/kewarganegaraan%20penduduk%20indonesia/index.html.
- ↑ http://www.presidenri.go.id/index.php/fokus/2006/02/04/149.html peresmian konghucu, diakses 15 mei 2012
- ↑ Indonesia's Population: Ethnicity and Religion in a Changing Political Landscape. Institute of Southeast Asian Studies. 28 Nopember 2003.
- ↑ http://sp2010.bps.go.id/files/ebook/kewarganegaraan%20penduduk%20indonesia/index.html
- ↑ Spiller, Henry (2008). Gamelan music of Indonesia. Taylor & Francis. ISBN 978-0-415-96067-0. https://books.google.com/books?id=2L2Z2nYd_QsC.
- ↑ Taylor (2003), hlm. 7.
- ↑ "Pemetaan Genetika Manusia Indonesia". Kompas.com (dalam bahasa Indonesian). Diarsipkan dari versi asli tanggal 23 Februari 2016. Diakses tanggal 5 September 2017.
- ↑ Aris Ananta, Evi Nurvidya Arifin, M Sairi Hasbullah, Nur Budi Handayani, Agus Pramono. Demography of Indonesia's Ethnicity. Singapore: ISEAS: Institute of Southeast Asian Studies, 2015. p. 273.
- ↑ Aris Ananta, Evi Nurvidya Arifin, M Sairi Hasbullah, Nur Budi Handayani, Agus Pramono. Demography of Indonesia's Ethnicity. Singapore: ISEAS: Institute of Southeast Asian Studies, 2015. p. 270 (based on 2010 census data).
- ↑ Geertz, Clifford (1976). The religion of Java. University of Chicago Press. ISBN 978-0-226-28510-8. https://books.google.com/books?id=-SYM4PW-YAgC.
- ↑ Sunyoto, Agus (2017). Atlas Walisongo. South Tangerang: Pustaka IIMaN. https://archive.org/details/atlaswalisongo/page/n43/mode/2up?q=kun-lun.
- ↑ Wink, André (2004). Indo-Islamic society, 14th-15th centuries. BRILL. pp. 217. ISBN 978-90-0413561-1. https://books.google.com/books?id=nyYslywJUE8C.
- ↑ Manguin, Pierre-Yves; Nicholl, Robert (1985). "The Introduction of Islam into Champa". Journal of the Malaysian Branch of the Royal Asiatic Society. 58 (1): 1–28.
- ↑ Ricklefs, M.C. (1991). A History of Modern Indonesia since c.1300, 2nd Edition. London: MacMillan. pp. 9–10. ISBN 0-333-57689-6.
- ↑ Beatty, Andrew (1999). Varieties of Javanese religion: an anthropological account. Cambridge University Press. ISBN 978-0-521-62473-2. https://books.google.com/books?id=axMY8TFSBywC.
- ↑ Gin 2004, hlm. 719.
- ↑ Caldarola 1982, hlm. 501.
- ↑ Hooker 1988, hlm. 196.
- ↑ a b c Amran, hlm. 297-310.
Daftar pustaka
suntiang- (Inggirih) Clifford Geertz.1960. The religion of Java. Glencoe : The Free press of Glencoe
- Amran, Rusli (1988). Padang Riwayatmu Dulu. Jakarta: Yasaguna.
Caliak pulo
suntiang| Ado kategori tantang Urang Jawa di Wikimedia Commons |
 |
Iko baru laman rancangan. Bantulah Wikipedia untuak mangambangannyo. |