Istano Siak
Istano Siak, Istano Siak Sri Indrapura atau Istano Asserayah Hasyimiah adolah istano nan talatak indak jauah dari palabuahan Siak, tapeknyo di jalan Sultan Syarif Kasim, Kabupaten Siak, Provinsi Riau.[1][2] Istano Siak marupokan paninggalan Kasultanan Siak Sri Indrapura nan salasai pado tahun 1893. Istano Siak marupokan tampek tingga resmi Kasultanan Siak, nan kini alah majadi tampek wisata sarato tampek panyimpanan barang-barang karajaan. [3]
| Istano Siak Sri Inderapura ايستان سياق سري ايندراڤورا Istano Asserayah Hassyimiyah | |
|---|---|
| Namo sasuai jo Sistem Registrasi Nasional Cagar Budaya | |
.jpg) Halaman muko Istano Siak | |
 Cagar budaya Indonesia | |
| Kategori | Bangunan |
| No. registrasi nasional | RNCB.20040303.02.000442 |
| Lokasi | Kabupaten Siak, Riau |
| Taun panatapan | 2004 |
| Pamiliak |  Indonesia |
| Pangalola | Dinas Kebudayaan, Kesenian, dan Pariwisata & BP3 Batusangkar |
Asa Mulo
suntiangKasultanan Siak sabananyo marupokan pacahan dari karajaan Melayu. Sultan Abdul Jalil Rahmat Syah sabagai rajo ketek, basalisiah jo Sultan Sulaiman nan ditolong dek urang Bugih. Karano kalah, Sultan Abdul Jalil Rahmat Syah pai dari karajaan Melayu.[4]
Sultan Abdul Jalil Rahmat Syah pai ka Johor, Bintang, Bengkalis dan akhirnyo ka padalaman Siak nan kamudian mambuek karajaan atau kasultanan. Ibukota kasultanan siak pun babarapo kali pindah, diantaranyo ka Buantan, Mempura, Sanapelan, Mempura, tarakhia di Kota Tinggi atau Siak Sri Indrapura. Di Kota Tinggi ko lah sultan Abdul Jalil Rahmat syah mandirikan istano Siak. [5]
Bangunan
suntiangKomplek bangunan kasultanan Siak mamiliki laweh sakitar 32.000 m2 nan tadiri ateh ampek buah istano, yaitu: istano Siak, istano Baroe, istano Padjang, jo istano Lima. Istano Siak mampunyoi laweh sakitar 1000 m2 nan mamiliki corak campuran arsitektur Malayu, Timur Tangah jo Eropa. Istano siak badindiang keramik, di ateh nyo ado ampek buah patuang alang nan malambangkan keberanian, jo di halamannyo ado salapan buah sanjato, yaitu: sanjato mariam.[5][4][3]
Istano Siak tadiri ateh duo lantai. Lantai partamo mampunyoi 6 ruang sidang, ruang tunggu tamu, ruang tamu kehormatan, ruang tamu laki-laki, ruang tamu padusi, tu di sampiang kanan untuak ruang pesta. Di lantai kaduo ado 9 ruangan khusus untuak sultan sarato ciek ruangan sabagai tuang tamu karajaan.[4]
Barang-Barang Nan Ado di Istano
suntiangAdo banyak barang paninggalan kasultanan Siak di dalam istano. Diantaro barang-barang tu adolah: singgasana ameh, patuang parunggu Ratu Wihelmia, tombak, brangkas, duplikat mahkota bahkan ado pulo komet. Kini babarapo barang istano Siak ado juo nan tasimpan di Museum Nasional.[3][5]
Rujuakan
suntiang- ↑ Silvia Galikano (01 Agustus 2015). "Istana Matahari Timur, Bukti Kejayaan Kerajaan Siak di Riau". detiktravel. Diakses tanggal 21 Juli 2020.
- ↑ bpcbsumbar (2021-01-22). "Istana Siak dalam Dimensi Sejarah dan Arkeologi". Balai Pelestarian Cagar Budaya Sumatera Barat (dalam bahasa Inggris). Diakses tanggal 2024-09-18.
- ↑ a b c "Wisata Sejarah Istana Siak, Koleksi Peninggalan Sultan Awet dan Terawat". Tribun Pekanbaru (dalam bahasa Indonesia). Diakses tanggal 2019-11-10.
- ↑ a b c Elsara, Deasy (2012-10-15). "Sepenggal sejarah Melayu Islam di Istana Siak". Wego Indonesia Travel Blog (dalam bahasa Inggris). Diakses tanggal 2019-11-10.
- ↑ a b c Rudi (2019-10-02). "Istana Siak, Jejak Sejarah Kesultanan Siak Sri Inderapura". NativeIndonesia.com (dalam bahasa Inggris). Diakses tanggal 2019-11-10.