Buka menu utama

Rancangan atau stub (disabuik rintisan pado Wikipedia bahaso Indonesia) adolah tulisan pendek (ciek kalimaik inggo duo paragraf) nan diharokan dapek manaruko artikel nan langkok. Kadang digunoan untuak artikel nan alun alah ditajamahan (biasonyo dari Wikipedia Bahaso Inggirih atau Indonesia), walaupun artikel tajamahannyo alah cukuik panjang.

Ampia satiok artikel dalam Wikipedia adolah upayo manyarayo atau bagotong-royong dari banyak urang, nan satiok urang manyumbang saketek atau banyak ilimunyo untuak manyamparonokan artikel tasabuik, baiak itu manambahan informasi, pautan (link), mampeloki ijoan, manambahan gambar, mawifikasi, jo tugeh-tugeh lain nan manjadian suatu artikel itu rancak.

Janlah sagan untuak manakan tab Suntiang jo turuik sato mangambangkan artikel Wikipedia sabisa Sanak.

Padoman umum tantang struktur suatu tulisan rancangan nan elokSuntiang

Suatu tulisan rancangan adolah tulisan pendek (kiro-kiro ciek kalimaik inggo duo paragraf) jo indak maagiah informasi sacaro langkop, tapi masih mampunyoi mukasuik. Babeda jo tulisan nan indak punyo mukasuik jo tujuan atau indak manjalehan judul artikel, nan disabuik sabagai tulisan rancangan biasonyo maagiah panjalehan nan singkek tantang subyek artikel sarato dek a artikel tasabuik paralu dimasuakan ka dalam Wikipedia.

Barikuik adolah suatu padoman umum tantang struktur suatu tulisan rancangan nan elok:

Mampunyoi Paragraf tabukak nan sasuai. Di dalam paragraf pambukak tasabuik musti ado kalimo unsua di bawah ko:

  1. Definisi dari judul atau subjek halaman, minimal ciek kalimaik. Standar Wikipedia, judul musti diagiah huruf taba. (misa: "Ujang Rizal adolah pamain rabab pasisia nan lahia di Painan")
  2. Panjalehan alasan subyek tasabuik cukuik pantiang sarato paralu manjadi artikel ensiklopedia. Kalimaik tasabuik musti ado dalam paragraf partamo. (misa: "Ujang Rizal marupokan pamain rabab pasisia partamo nan manjadi pamanang kontes bakat lua nagari")
  3. Musti tabukti bana. (misa: Dari mano Sanak mandapek informasi baso Ujang Rizal marupokan pamain rabab pasisia partamo nan manjadi pamanang kontes bakaik lua nagari?). Khusus untuak biografi tokoh nan masih iduik musti mamatuahi kabijakan khusus.
  4. Saratokan jo rujuakan nan cukuik (misa pautan surek kaba atau kantua barito) nan tapicayo. Labiah lanjuik, caliak Wikipedia:Kutip sumber tulisan.
  5. Rancangan musti ditulih rapi dan jo bahaso Minang umum nan baiak jo bana. Jan lupo untuak malakukan wikifikasi (maagiah link ka artikel lain dalam Wikipedia bahaso Minang pado kato-kato kunci) saparalunyo.

Kok Sanak alah tabiaso jo Wikipedia, indak ado salahnyo untuak manambahan hal-hal barikuik

  1. Templat rancangan nan sasuai
  2. Pautan lua nan sasuai jo subyek dalam pambahasan (piliahan). (misa, situs pribadi Ujang Rizal)
  3. Kategori nan sasuai. (misa, Seniman Indonesia)
  4. Kotak info jo kotak navigasi
  5. Interwiki, kok ado.

Artikel nan cukuik langkok, tapi indak diwikifikasi atau copy edit sacaro rancak, umumnyo indak dianggap sabagai suatu rancangan. Artikel-artikel cando ko musti diagiah tando pamaliharoan nan sasuai (misa, ({{wikify}}). Walaupun baitu, templat rancangan biasonyo tatap diagiah.

Arok manjadi paratian baso artikel pendek nan manganduang informasi nan talampau saketek atau indak jaleh, dapek dicalonkan untuak diapuih atau digabuang ka artikel lain nan takaik. Wikipedia bukanlah suatu lubuak kato (kamus), tapi mampunyoi proyek sudaro - Wiktionary - nan buliah dipakai untuak mamasuakan materi-materi nan patuik masuak ka dalam lubuak kato. Kok artikel Sanak pendek sangaik dan marupokan suatu definisi kato, patimbangkan untuak mamasuakannyo ka Wiktionary, atau tambahan informasi lainnyo sainggo patuik masuak ensiklopedia.

Rancangan nan indak sasuaiSuntiang

Indak sadoalah artikel rancangan sacaro otomatis sasuai sabagai artikel ensiklopedia. "Rancangan" nan disabuik indak mamanuahi padoman umam tantang struktur suatu tulisan rancangan nan rancak dapek diagiah tando {{kambangan}} bahkan buliah diusulan untuak diapuih. Dek karano itu, pastikan tulisan nan Sanak rancang alah mamanuahi syaraik-syaraik nan tasabuik di ateh.