Pintu masuak ka Batu Caves, jo patuang Dewa Murugan
Pintu masuak ka Batu Caves, jo patuang Dewa Murugan

Batu Caves (Tamil: பத்து மலை; Minangkabau: Guo Batu), adolah sabuah bukik kapua, nan mamiliki sarangkaian guo jo kuil guo, talatak di distrik Gombak, Selangor, Malaysia. Tampek ko dinamoi dari Sungai Batu, nan mangalia malalui bukik. Batu Caves marupoan juo namo desa tadakek. Batu kapua pambantuak Batu Caves dikatokan barumua sakita 400 juta taun. Babarapo pintu masuak guo digunokan sabagai tampek panampuangan bagi masarakaik adaik Tamuan (sabuah suku Urang Asli). Pado awal 1860, pamukim Tiongkok mulai manggali guano untuak pupuak sayuran mareka. Namun, mareka manjadi takana hanyo satalah bukik-bukik kapua dicataik dek pamarentah kolonial tamasuak Daly jo Syers sarato naturalis Amerika, William Hornaday pado taun 1878. (salangkoknyo...)

Artikel nan Tapiliah sabalunnyo: Fatimah binti MaimunNan AchnasMitologi BatakSaridjah NiungBatu basurek Padang Roco


Batu basurek Kuburajo I
Batu basurek Kuburajo I

Batu basurek Kuburajo I adolah salah satu batu basurek paninggalan Rajo Adityawarman nan ditamuan di Kubu Rajo, Limo Kaum, Tanah Datar, di tapi jalan dari Batusangkar manuju ka Padang. Batu basurek ko ditulih dalam bahaso Sanskerta sabanyak anam baleh barih. H. Kern patamo kali manyabuik batu basurek ko taun 1913, nan badasa tampek ditamuannyo mako disangkonyo iko lah batu nisan atau "Kubua Rajo" Adityawarman (Balando: grafsteen). F.D.K. Bosch mampaeloki panapsiran ko, baso nan tapek manuruik bahaso Minangkabau adolah "Kubu Rajo" (aratinyo benteng). Isi batu basurek Kuburajo I dimulai jo manyabuik Adwayawarman sabagai apak dari Rajo Adityawarman, nan bagala Kanakamedinindra ('Panguaso Tanah Ameh'). (salangkoknyo...)

Artikel nan Tapiliah sabalunnyo: Batu CavesFatimah binti MaimunNan AchnasMitologi BatakSaridjah Niung


Sungai Yarmouk maalia ka Sungai Yordan
Sungai Yarmouk maalia ka Sungai Yordan

Sungai Yarmuk (bahaso Arab: نهر اليرموك‎, Nahr Al-Yarmuk, atau شريعة المناذرة, Syariah al-Manadhirah; Ibrani: נהר הירמוך‎, Nahar HaYarmukh; Latin: Hieromices), kadang ditulih Yarmouk, adolah anak sungai tagadang dari Sungai Yordan. Sungai ko maalia malalui Yordania, Suriah, jo Israel dan malalui sabagian gadang dataran tinggi Hauran. Sumber aia utamonyo adolah wadi 'Allan jo Ruqqad di utara, sarato Ehreir jo Zeizun di timur. Walaupun sungai ko sampik jo dangka di sapanjang alirannyo, di ujuangnyo ampia saleba Yordan, iyolah tigo puluah kaki lebanyo jo limo kaki dalamnyo. Jambatan Matius nan tanamo daulu panah malinteh manyubarangi Yarmuk pado patamuannyo jo Yordan. (salangkoknyo...)

Artikel nan Tapiliah sabalunnyo: Batu basurek Kuburajo IBatu CavesFatimah binti MaimunNan AchnasMitologi Batak


Avro Anson RI-003 adaloh sabauh kapa tabang  bamasin duo kaluaan Inggris, nan marupokan kapa tabang katigo nan dipunyoi pamarintah Republik Indonesia. Kapa Avro Anson dibali pado awal bulan Desember 1947, diagiah nomor register RI-003, dan digunokan sabagai sarano angkutan udaro militer maupun sipil. Upayo pambalian kapa tabang iko dimulai dengan dibantuaknyo Panitia Pusat Pangumpua Ameh dek Mohammad Hatta di Bukittinggi pado tanggal 27 September 1947, nan batujuan mangumpuakan sumbangan masyarakaik untuak mambali kapa tabang, dalam rangko malawan tahado Agresi Militer Belanda. Panitio dipimpin dek Mr A Karim, Direktur Bank Negara. Ameh pambarian masyarakaik Sumatera Barat kamudian takumpua sabarek 14 kilo, dan dibalikan kapa tabang Avro Anson di Thailand, punyo Paul H Keegan, warga nagaro Australia dan mantan panabang RAF (Angkatan Udara Karajaan Inggris). Kapa tabang itu dibaok sandiri dek Keegan ka lapangan udara Gadut, Bukittinggi. Pado akhir bulan Desember 1947, Komodor Udara Iswahjoedi dan Komodor Udara Halim Perdanakusuma manabangkan kapa tabang... (salangkoknyo...)

Artikel nan Tapiliah sabalunnyo: Sungai YarmukBatu basurek Kuburajo IBatu CavesFatimah binti MaimunNan Achnas


Pasangan Amis, maso sabalun PD II
Pasangan Amis, maso sabalun PD II

Urang Amis (Cino: 阿美族; pinyin: āměi-zú; disabuik juo Ami atau Pangcah) adolah suatu kalompok etnis Austronesia nan marupoan panduduak asali Taiwan. Bahaso urang Amish disabuik juo bahaso Amis, nan tamasuak rumpun bahaso Austronesia. Urang Amis adolah satu dari anam baleh panduduak asali satampek nan disabuik juo aborigin Taiwan. Wilayah tradisional urang Amis maliputi ngarai panjang antaro Pagunuangan Tangah jo Pagunuangan Pantai (Lambah Huatung), dataran randah pasisia Pasifik di timur inggo ka Pagunuangan Pantai jo Samananjuang Hengchun. Pado taun 2014, jumalah panduduak Amis lah mancapai 200.604 jiwa. Jumalah ko mancapai labiah kurang 37,1% dari kasaluruahan panduduak asali Taiwan, mambueknyo jadi salah satu kalompok panduduak asali tagadang. Urang Amis umumnyo bakarajo sabagai nalayan dek iduiknyo di pasisia pantai. Ubuangan kakarabatan tradisionalnyo basipaik matrilineal. Kampuang tradisional Amis... (salangkoknyo)

Artikel nan Tapiliah sabalunnyo: Avro Anson RI-003Sungai YarmukBatu basurek Kuburajo IBatu CavesFatimah binti Maimun


Kaligrafi namo Abu Hurairah
Kaligrafi namo Abu Hurairah

Abu Hurairah (bahaso Arab: أبو هريرة) adolah salah surang Sahabaik Nabi, ulama, jo parawi hadits nan tanamo. Baliau adolah parawi nan paliang banyak mariwayaikan hadits dari Nabi Muhammad SAW, iyolah manuruik Ibnul Jauzi adolah sabanyak 5.374 hadits. Namo Abu Hurairah ko sasungguahnyo adolah gala nan aratinyo 'pamiliak anak kuciang', dek karano baliau sanang mamiaro kuciang. Namo baliau nan sabananyo iolah Abdurrahman bin Shakr. Abu Hurairah datang ka Madinah pado taun ka-7 Hijriyah (629 Masehi). Baliau sampek maabihan wakatu basamo Nabi salamo tigo taun. Satalah Nabi wafaik, Abu Hurairah pun manjadi salah satu tampek batanyo manganai hal-hal agamo dan sarak. Saindaknyo 800 urang alah baraja ka baliau... (salangkoknyo)

Artikel nan Tapiliah sabalunnyo: Urang AmisAvro Anson RI-003Sungai YarmukBatu basurek Kuburajo IBatu Caves


Lorong bawah tanah Derinkuyu
Lorong bawah tanah Derinkuyu

Kota bawah tanah Derinkuyu (bahaso Turki: Derinkuyu Yeraltı Şehri, arati: "sumua dalam") adolah suatu kota bawah tanah kuno nan batingkek-tingkek, tapeknyo di Subprovinsi Derinkuyu, Provinsi Nevşehir, Turki. Bakadalaman inggo 54 m (177 kaki) di bawah pamukoan tanah, kota tu dapek manampuang inggo sakita 20.000 urang basarato ewan taranak dan bahan makanan mareka. Iko adolah kota bawah tanah tagadang nan lah digali, salain dari babarapo kompleks bawah tanah lainnyo nan taseba di babagai wilayah Kapadokia di Turki. Situs kota bawah tanah Derinkuyu mulai tabukak untuak umum pado taun 1969, dan 10%-15% dari kasaluruahan situs kini ko dapek diakses dek para wisatawan. Derinkuyu bajarak 29 km sabalah selatan kota Nevşehir, malalui... (salangkoknyo)

Artikel nan Tapiliah sabalunnyo: Abu HurairahUrang AmisAvro Anson RI-003Sungai YarmukBatu basurek Kuburajo I


Shamiram mamandang jinasah Ara nan Takah (lukisan Vardges Sureniants, 1899).
Shamiram mamandang jinasah Ara nan Takah (lukisan Vardges Sureniants, 1899).

Ara nan Takah (Armenia: Ara Geghetsik) adolah surang pahlawan dalam curito rakyaik Armenia. Dalam legenda populer kasusastraan Armenia, inyo marupoan tokoh nan ruponyo sabana elok, inggo mambuek Ratu Asyur Semiramis (Armenia: Shamiram) sampai mamarangi Armenia untuak mandapekannyo.

Ratu Semiramis dari Niniwe daulunyo basuami Rajo Ninus, tapi rajo tu pai maninggaan bininyo dek karano muak jo sipaiknyo nan indak satio. Dek karano Ara nan Takah manulak cinto Semiramis, mako tajadilah paparangan antaro kaduonyo di daerah nan banamo Ararat. Para panglimo parang Niniwe diparentahan untuak manangkok Ara iduik-iduik, tapi Ara tabunuah basamo pasukannyo. Dek sadiah jo manyasai kajadian tu, Samiramis cubo mamakai ilimu sihia untuak mambangkikan jinasah Ara, tapi... (salangkoknyo)

Artikel nan Tapiliah sabalunnyo: Kota bawah tanah DerinkuyuAbu HurairahUrang AmisAvro Anson RI-003Sungai Yarmuk


Lambang Kabupaten Dharmasraya
Lambang Kabupaten Dharmasraya

Kabupaten Dharmasraya adolah salah satu kabupaten nan barado di Provinsi Sumatera Barat, Indonesia, nan wilayahnyo babateh juo jo Provinsi Riau jo Jambi. Kabupaten ko dibantuak dek Undang-undang no. 38 Taun 2003, di ma sabalunnyo wilayah iko adolah bagian dari kabupaten Sawahlunto-Sijunjung. Ibu kota kabupaten ko adolah Pulau Punjung. Namo Dharmasraya patamo kali tasabuik pado batu basurek Padang Roco (1347 M), nan pado maso tu marupoan pusek Karajaan Malayupura, nan dipimpin dek rajo-rajo dari wangsa Mauliwarmadewa. Batu basurek ko tapahek pado aleh (lapik) patuang Amoghapāśa Lokeśvara, nan dibao dari Jawa dek ampek pajabaik Karajaan Singhasari ateh parentah Maharajo Sri Kertanagara. Tigo situs kompleks biaro paninggalan karajaan lamo tu, iyolah situs... (salangkoknyo)

Artikel nan Tapiliah sabalunnyo: Ara nan TakahKota bawah tanah DerinkuyuAbu HurairahUrang AmisAvro Anson RI-003


Batu basurek Saruaso I adolah salah satu batu basurek dari jaman Rajo Adityawarman. Batu basurek ko ditamuan di Nagari Saruaso, Tanjung Emas, Tanah Datar. Bantuak batu basurek ko manyarupoi kubus, baukuran tinggi 75 cm, panjang 133 cm, jo leba 110 cm. Batu basurek ko ditulih di ateh batu pasia kwarsa bawarno coklat kaputiahan, mamakai bahaso Sanskerta jo uruf Jawa Kuno. Batu basurek ko batarikh 1297 Saka atau 1375 M.

Kini ko, batu basurek Saruaso I masih barado di tampek panamuannyo (in situ), alah diagiah atok tradisional Minangkabau sabagai palinduang, sarato barado di bawah pangawasan BPCB Batusangkar. (salangkoknyo...)

Artikel nan Tapiliah sabalunnyo: Kabupaten DharmasrayaAra nan TakahKota bawah tanah DerinkuyuAbu HurairahUrang Amis


Raden Mas Soewardi Soerjaningrat atau Ki Hadjar Dewantara adolah aktivis pagerakan kamerdekaan Indonesia, kolumnis, politisi, jo palopor pandidikan bagi kaum pribumi Indonesia dari zaman panjajahan Balando. Inyo adolah pandiri Paguruan Taman Siswa, suatu limbago pandidikan nan maagiah kasempatan bagi para pribumi jelata untuak dapek mandapek hak pandidikan sarupo halnyo para priyayi maupun urang-urang Balando.

Tangga kalahirannyo kini diparingati di Indonesia sabagai Hari Pendidikan Nasional. Bagian dari semboyan ciptaannyo, tut wuri handayani, manjadi slogan Kamantarian Pandidikan jo Kabudayaan Indonesia. Namonyo diabadikan sabagai salah sabuah namo kapa parang Indonesia, KRI Ki Hajar Dewantara. Potret dirinyo diabadikan pado pitih karateh pacahan 20.000 rupiah taun edisi 1998. Inyo dikukuahan sabagai pahlawan nasional nan ka-2 dek Presiden RI, Sukarno, pado 28 Nopember 1959 (Surek Kaputusan Presiden Republik Indonesia No. 305 Taun 1959, tanggal 28 Nopember 1959). (Caliak salangkoknyo...)

Artikel nan Tapiliah sabalunnyo: Batu basurek Saruaso IKabupaten DharmasrayaAra nan TakahKota bawah tanah DerinkuyuAbu Hurairah


Biluluak (atau buah tap) iyolah namo makanan babantuak lonjong jo bawarna putiah nan marupokan incek dari batang anau. Caro mambuek biluluak iko, biasonyo buah anau dibaka dulu, sudah itu diambiak inceknyo untuak diabuih salamo babarapo jam. Incek buah anau nan alah diabuih itu lalu dirandam jo aia sada babarapo hari untuak difermentasikan. Biluluak manganduang aia nan sangaik tinggi, sampai 93,8% dalam setiok 100 gram-nyo. Biluluak iko pun manganduang 0,69 gram protein, 4 gram karbohidrat, jo abu kiro-kiro sa-gram kamudian serat kasa 0,95 gram. Salain raso buahnyo nan malapeh hauih, makan biluluak dapek malancakan karajo saluran cerna manusia. Biluluak iko biasonyo banyak tadapek di bulan Ramadhan nan dijadikan bahan pambuek kolak jo es buah. Kanduangan karbohidrat biluluak dapek manganyangkan... (salangkoknyo...)

Artikel nan Tapiliah sabalunnyo: Ki Hadjar DewantaraBatu basurek Saruaso IKabupaten DharmasrayaAra nan TakahKota bawah tanah Derinkuyu