Taman Siswa

Taman Siswa adolah namo sakolah nan didirikan dek Ki Hadjar Dewantara pado tanggal 3 Juli 1922 di Yogyakarta (Taman bararti tampek bamain atau tampek baraja, jo Siswa bararti murik). Pado wakatu partamo kali didirikan, sakolah Taman Siswa iko diagiah namo "National Onderwijs Institut Taman Siswa", nan marupoan realisasi gagasan inyo basamo-samo jo kawan di paguyuban Sloso Kliwon. Sakolah Taman Siswa iko kini bapusat di balai Ibu Pawiyatan (Majelis Luhur) di Jalan Taman Siswa, Yogyakarta, jo mampunyai 129 sakolah cabang di babagai kota di saluruah Indonesia.

Bp. Soerjoadipoetro tangah maaja di Taman Siswa Bandung. Foto koleksi KITLV.

Ibu Soerjoadipoetro babincang-bincang jo babarapo siswi Taman Siswa Bandung. Foto koleksi KITLV.

Prinsip dasar dalam sakolah/pandidikan Taman Siswa nan manjadi pedoman bagi saurang guru dikenal sabagai Patrap Triloka. Konsep iko dikambangan dek Suwardi satealah inyo mampalajari sistem pandidikan progresif nan dipakenalkan dek Maria Montessori (Italia) jo Rabindranath Tagore (India/Benggala). Patrap Triloka mampunyoi unsur-unsur (dalam bahaso Jawa)

• ing ngarsa sung tulada (ꦲꦶꦁꦔꦂꦱ​ꦱꦸꦁ​ꦠꦸꦭ​ꦝ​, "(nan) di muko maagiah taladan"),
• ing madya mangun karsa (ꦲꦶꦁꦩ​ꦢꦾ​ꦩꦔꦸꦤ꧀ꦏꦂꦱ​, "(nan) di tangah mambangun kamauan/inisiatif"),
• tut wuri handayani (ꦠꦸꦠ꧀ꦮꦸꦫꦶꦲ​ꦤ꧀ꦢ​ꦪ​ꦤꦶ, "dari balakang mandukuang").

Patrap Triloka dipakai sabagai panduan jo padoman dalam dunia pandidikan di Indonesia.

Panji Tamansiswa

• Bentuk

Babantuak parisai jo ukuran leba dibandiangan panjang 2:3. Di bagian bawah, mulai bateh 2/3 dari ateh malangkuang.

• Isi

1. lambang Tamansiswa;
2. suci Tata Ngesti Tunggal;
3. tahun masehi 1922 jo hiasannyo.

• Warna

Mampunyoi warna dasa hijau. Lambang Tamansiswa, tulisan, angko, hiasan jo rumbainyo bawarna kuniang ameh.

• Arti warna

1. kuniang emas= cahayo, cemerlang, cito-cito luhur;
2. hijau : harapan, salalu bakambang, pandidikan.

• Ukuran Baku

Sekitar 50x75 cm, untuak kaperluan lain ukuran babandiang 2:3.

Caliak pulo

• Taman Indria atau Taman kanak-kanak (TK) dalam sistem pandidikan Taman Siswa
• Taman Muda atau Sakolah Dasar (SD) dalam sistem pandidikan Taman Siswa
• Taman Madya atau Sakolah Manangah Partamo (SMP)
• Taman Dewasa atau Sekolah Manangah Ateh (SMA)
• Taman Guru atau Sarjana Wiyata atau Universitas (Universitas)

Pranala lua

• (Indonesia) Situs Resmi Tamansiswa Archived 2012-12-26 di Wayback Machine.