Malayupura adolah namo pusek pamarentahan atau karajaan Rajo Adityawarman, nan lataknyo dipakiroan di kanagarian Pagaruyuang jo daerah sakitanyo (Buo, Saruaso).[1][2] Namo Malayupura (aratinyo 'Nagari Malayu') ko tasabuik dalam batu basurek paninggalan Rajo Adityawarman, batarikh 1347 M, nan tapahek di bagian balakang patuang Amoghapasa.[1][3][4][5]

Pamakaian istilah 'Malayu' untuak pusek pamarentahan di dataran tinggi Minangkabau ko, satalah sabalunnyo dipakai di Dharmasraya (di ulu Batang Hari) jo Jambi (muaro Batang Hari), manunjuakan kamungkinan bagisianyo pusek Karajaan Malayu dari pasisia timua ka tangah padalaman pulau Sumatera.[2][5]

Satalah maso Rajo Adityawarman jo panaruihnyo Ananggawarman pado akia abaik ka-14 tu, tajadi kakosongan barito manganai karajaan ko salamo babarapo abaik.[3] Babagai paninggalan budayo, batu basurek, jo arkeologi nan ado, dipakiroan pado maso tu mulailah tabantuak adaik-budayo jo kakuatan ekonomi nan kusuih Minangkabau.[2][3]

Muncua lai barito manganai daerah tu pado awa abaik ka-16, dek urang-urang Portugih nan mulai manyabuik namo Pagaruyuang sabagai namo karajaan ko.[2] Salah satunyo Tomé Pires (1513-1515), nan manulih baso daerah ko barado di bawah kakuasoan tigo rajo nan manatap di padalaman Minangkabau, namun wilayah kakuasoannyo macakuik juo pasisia timua (Rokan, Kampar, Siak, Indragiri, Jambi) jo pasisia baraik (Barus, Tiku, Pariaman) pulau Sumatera.[6]

Caliak puloSuntiang

RujuakanSuntiang

  1. ^ a b Cœdès, George (1968). The Indianized States of South-East Asia. University of Hawaii Press. ISBN 082480368X, 9780824803681. https://books.google.co.id/books?id=iDyJBFTdiwoC&pg=PA232&dq=malayupura&hl=id&sa=X&ved=0ahUKEwiYgb-C993OAhXBsI8KHQJfCQ0QuwUIIjAA#v=onepage&q=malayupura&f=false. 
  2. ^ a b c d Andaya, Leonard Y. (2008). Leaves of the Same Tree: Trade and Ethnicity in the Straits of Melaka. Ed. berilustrasi. University of Hawaii Press. p. 15, 85-86. ISBN 0824831896, 9780824831899. https://books.google.co.id/books?id=w7AqZR1ZUZgC&pg=PA153&dq=malayupura&hl=id&sa=X&ved=0ahUKEwiYgb-C993OAhXBsI8KHQJfCQ0QuwUIKjAB#v=snippet&q=malayupura%20malayu%20city&f=false. 
  3. ^ a b c Kartomi, Margaret J. (2012). Musical Journeys in Sumatra. University of Illinois Press. ISBN 0252093828, 9780252093821. https://books.google.co.id/books?id=5IvZiVFBvtYC&pg=PA375&dq=malayupura&hl=id&sa=X&ved=0ahUKEwiKo7DI993OAhUDqo8KHd-mD4AQuwUIJDAB#v=onepage&q=malayupura&f=false. 
  4. ^ Kozok, Uli (2015). A 14th Century Malay Code of Laws: The Nitisarasamuccaya. Institute of Southeast Asian Studies. p. 34-35. ISBN 9814459747, 9789814459747. https://books.google.co.id/books?id=35lqBgAAQBAJ&pg=PA34&dq=malayupura&hl=id&sa=X&ved=0ahUKEwiYgb-C993OAhXBsI8KHQJfCQ0QuwUISzAG#v=onepage&q=malayupura&f=false. 
  5. ^ a b Huskin, Frans Husken; van der Meij, Dick (2013). Reading Asia: New Research in Asian Studies. Routledge. p. 84. ISBN 1136843841, 9781136843846. https://books.google.co.id/books?id=3VpUAQAAQBAJ&pg=PA84&dq=melayupura&hl=id&sa=X&ved=0ahUKEwjzu8Py993OAhUIuo8KHTnUA1QQuwUIJzAB#v=onepage&q=melayupura&f=false. 
  6. ^ Andaya, Leonard Y. (2008). Leaves of the Same Tree: Trade and Ethnicity in the Straits of Melaka. p.91.