Biluluak (atau buah tap) iyolah namo makanan babantuak lonjong jo bawarna putiah nan marupokan incek dari batang anau. Caro mambuek biluluak iko, biasonyo buah anau dibaka dulu, alah itu diambiak inceknyo untuak diabuih salamo babarapo jam. Incek buah anau nan alah diabuih itu lalu dirandam jo aia sada babarapo hari untuak difermentasikan.

Biluluak dari incek buah anau

Kanduangan suntiang

Biluluak manganduang aia nan sangaik tinggi, sampai 93,8% dalam setiok 100 gram-nyo.[1] Biluluak iko pun manganduang 0,69 gram protein, 4 gram karbohidrat, jo abu kiro-kiro sa-gram kamudian serat kasa 0,95 gram. Salain raso buahnyo nan malapeh hauih, makan biluluak dapek malancakan karajo saluran cerna manusia. Biluluak iko biasonyo banyak tadapek di bulan Ramadhan nan dijadikan bahan pambuek kolak jo  es buah.[2]

Kanduangan karbohidrat biluluak dapek manganyangkan urang nan mamakannyo, salain itu dapek juo manurunkan salero makan untuak urang nan diet.[3] Kamudian biluluak dapek jadi ubek nyeri dan manganduang kalsium sarupo tulang jawi.[4] Kanduangan mineral sarupo protasium, iron, kalsium dapek menyagarkan tubuah dan mempalanca metabolisme tubuah.

Gambar suntiang

Rujuakan suntiang

  1. "Khasiat Kolang-kaling untuk Kesehatan". Dream. 2014-08-01. Diakses tanggal 2016-01-31. 
  2. "Buat Manisan Kolang Kaling Praktis untuk Kolak dan Es Buah". Detik. 2015-06-16. Diarsipkan dari versi asli tanggal 2015-06-19. Diakses tanggal 2016-01-31. 
  3. "Intip 5 Makanan Sehat Asli Betawi". Liputan 6. 2015-06-23. Diakses tanggal 2016-01-31. 
  4. "Rahasia Tersembunyi Pada Kolang Kaling". Bentaran. 2016-01-29. Diarsipkan dari versi asli tanggal 2016-01-29. Diakses tanggal 2016-01-31.