Wikipedia

Sijarah Nusantara pado era karajaan Islam

Karajaan Islam di Indonesia dipakirokan kajayaannyo balangsuang antaro abaik 12 sampai ka abaik 13.[1] Bakambangnyo karajaan-karajaan tasabuik salah satunyo dikaranokan maraknyo lalu linteh padagangan lauik yang tajadi. Padagangan-padagangan Islam dari Arab, India, Persia, Cino, babaua jo masyarakaik Indonesia yang manyababkan manyebanyo agama Islam di Indonesia. Karajaan tasabuik taseba capek dibabarapo daerah di Indonesia yaitu di Sumatra, Jawa, Maluku, jo Sulawesi.[2] Masuaknyo Islam di Indonesia manandokan muncuanyo era baru dalam babagai aspek kahidupan yang bakambang di masyarakaik. Aturan-aturan iduik yang mulai manjadi bagian yang indak tapisahkan mulai dipraktiakkan atau diimplementasikan dalam satiok aspek kahidupan. Aturan-aturan iduik tasabuk indak hanyo bakaitan jo aspek legalitas formal yang banuanso hukum, malainkan pulo nilai-nilai yang takanduang dalam ajaran agamo Islam yang bakaitan jo aspek kahidupan ekonomi, budaya, sosial kamasyarakatan bahkan politiak yang manjadi bagian dari bagaimano Islam mandakekan diri pado masyarakaik Nusantara.[3]

Awal masuaknyo Islam ka Indonesia indak basamoan, karano ado babarapo daerah yang sajak dini alah masuak Islam dan ado yang alun pernah masuak Islam. Sajarawan Islam bapandapek bahwo Islam partamo masuak ka Indonesia adolah di daerah Pulau Sumatra (sakitar abaik ka-7 dan abaik ka-8 Masehi). Sadangkan, Islam masuak ka Jawa pado wakatu tahun 475 Hijiriah (1082 Masehi). Kadatangan Islam ka balahan Indonesia bagian timua ka Maluku juo indak dapek dipisahan dari kagiatan padagangan yang dipakiroan masuak [ado abaik ka-14 Masehi. Di Kalimantan khususmnyo di daerah Banjarmasin, proses Islamisasi di daerah itu tajadi kiro-kiro taun 1550 Masehi. Adopun di Pulau Sulawesi, tarutamo di bagian salatan alah di datangi padagang muslim pado abaik ka-15 Masehi. Sadangkan sakitar abaik ka-12 masyarakaik muslim tasabuik salanjuiknyo manumbuahkan karajaan Islam dan tacataiklah sajumlah karajaan-karajaan Islam di Nusantara sarupo Perlak, Pasai, Aceh Darussalam, Pagaruyung, Kepaksian Sekala Brak, Banten, Demak, Mataram, dan lain sabagainyo. Tacatat pulo karajaan Gowa, Tallo, Bone di Sulawesi, Ternate, dan Tidore di Maluku.[4]

Dari babagai karajaan Islam yang ado di Indonesia, Karajaan Samudera Pasai marupokan karajaan Islam partamo yang muncua pado abaik patangahan yaitu pado taun 1262 Mashi, bukti bahwo karajaan Samudera Pasai marupokan karajaan Islam dapek diliek dari salah satu pandapek patualang muslim asa Maroko yang banamo Abu Abdullah Ibnu Batuthah pado taun 1304 – 1368 Masehi yang malakukan pajalanan ka Samudera Pasai.[5] Karajaan Samudera Pasai manjadi salah satu panyeba agamo Islam pado abaik ka 11-12 yang dapek mambuek jumlah panganut agamo Islam malampaui jumlah panganut agama Corak Hindu jo Buddha yang sabalumnyo yang paliang dominan di Jawa dan sabagian di Sumatra tamasuak Bali jo pulau-pulau Timua Indonesia.[6] Karajaan Samudera Pasai juo manjadi salah satu pusaik studi Islam di Indonesia karano adonyo capua tangan atau karajo kareh dari tokoh atau pamimpin yang ado di karajaan Samudera Pasai itu. Tokoh atau pamimpin karajaan agamo Islam adolah sultan Malik Al-Shaleh. Inyo marupokan putra Batak Gayo, bakeh prajurit Kasultanan Daya Pasai, pado mulonyo baliau banamo Meurah Silu dan alun mamaluak agamo Islam. Tapi, indak lamo satalah Rajo Merah Silu bamimpi basobok jo Nabi Muhammad SAW, baliau kamudian masuak agamo Islam dan mangganti namonyo.[7]

Sajak akhia abaik ka-15 jo pamulaan abaik ka-16 Masehi, pusaik-pusaik padagangan di pasisia utaro, sarupo Gresik, Demak, Dermayu, Cirebon, dan Banten alah manunjuakan kagiatan kaagamaan yang dilakukan oelh para wali di Jawa. Kamudian kagiatan itu muncua sabagai kakuatan politiak jo adonyo karajaan Demak sabagai panguaso Islam partamo di Jawa yang berasil manyerang ibukota Majapahit. Para wali jo bantuan karajaan Demak, Pajang jo Mataram dapek mangambangkan Islam ka saluruah daerah-daerah pantiang di Jawa, bahkan sampai kalua Jawa sarupo Banjarmasin, Hitu, Ternate, Tidore, dan Lombok.[8] Pakambangan Islam sacaro struktural atau pado level birokrasi diawali jo masuak Islamnyo para rajo-rajo yang kamudian diikuti oleh rakyatnyo. Papindahan agamo para panguaso itu mamfasilitasi percepatn pakambangan Islam sacaro kuantitatif. Bahkan jo masuaknyo Islam dalam kalompok bangsawan jo rajo, pado akhianyo mereka akan mandalami dan mamahami Islam dalam komunitasnyo dan iko awal muncuanyo sosok sultan yang manjadi ulama.[9]

Pado akhia abaik 16 Masehi, tajadi kamunduran dalam hal panyabaran Islam malalui karajaan-karajaan. Hal iko indak mambaok pangaruah yang cukuik lueh pado parubahan hukum Islam, walaupun tatap manjadi bagian yang iduik dalam masyarakaik Indonesia. Pangaruah indak ado kamunduran karajaan-karajaan Islam di Indonesia babandian luruih jo muncuanyo V.O.C (Vereenigde Oostindische Compagnie) sabagai pawakilan kolonialisme dengan motif paniagaan (padagangan). Maso paraliahan panguaso wilayah Indonesia dari karajaan-karajaan Islam ka V.O.C jo karajaan Balando, indak sacaro langsuang mangubah kaadaan masyarakaik Indonesia dalam mangamalkan aturan-aturan Islam yang alah manyatu dalam mangamalkan aturan-aturan Islam yang alah manyatu dalam ritualitas kahidupan baragamo muslim di Indonesia. Kondisi itu ditunjuakan jo sikap panguaso kolonial tatap mampatahankan lambago paradilan agamo di wilayah Aceh, Jambi, Kalimantan Selatan dan Timur, Sulawesi Selatan, Sulawesi Utara, Gajo, Alas, Tapanuli dan Sumatera Selatan, dan Jawa, walaupun tatap barado di bawa pangadilan nagari.[10]

Sijarah Karajaan Islam di Nusantara

suntiang

Masuaknyo agamo Islam ka Nusantara (Indonesia) pado abaik 7 akhia dibaok dek para Al-Mujahid pariode I atau fase partamo, alah mambaok banyak parubahan jo pakambagan pado masyarakaik, adaik jo budaya, dan pamarintahan. Parubahan dan pakambangan tasabuik taliek jaleh jo badirinyo karajaan-karajaan yang bamulo bacorak hindu dan manganuik anisisme mangadopsi agamo Islam, antaro lain sabagai barikuik:

Karajaan Islam di Sumatra

suntiang

Karajaan Islam di Maluku

suntiang

Karajaan Islam di Sulawesi

suntiang

Karajaan Islam di Nusa Tenggara Baraik dan Timua

suntiang

Karajaan Islam di Kalimantan

suntiang

Rujuakan

suntiang
  1. ↑ Yasmin, Puti. "3 Teori Masuknya Islam ke Indonesia Lengkap". detiknews (dalam bahasa Indonesia). Diakses tanggal 2020-08-26. 
  2. ↑ "7 Kerajaan Islam Tertua di Indonesia | Indonesia Baik". indonesiabaik.id. Diakses tanggal 2020-08-26. 
  3. ↑ Alma’arif 2015.
  4. ↑ Susmihara 2018, hlm. 14-15.
  5. ↑ Poncowati et al 2017, hlm. 2.
  6. ↑ Gunawan 2018, hlm. 15.
  7. ↑ Yakin 2015, hlm. 274.
  8. ↑ Jannah dan Hadi 2018, hlm. 32.
  9. ↑ Nasution 2020, hlm. 42.
  10. ↑ Fadhly 2017, hlm. 387-388.

Daftar pustaka

suntiang
Diambiak dari "https://min.wikipedia.org/w/index.php?title=Sijarah_Nusantara_pado_era_karajaan_Islam&oldid=3154435"