Kasultanan Serdang

Kasultanan Serdang alah ado pado tahun 1723 nan kamudian bagabuang ka Republik Indonesia di tahun 1946. Kasultanan iko bapisah dari Deli sasudah sengketa tahta karajaan pado tahun 1720. Sarupo jo karajaan-karajaan lainnyo di pantai timua Sumatra, Serdang manjadi makmur karano dibukaknyo pakabunan tembakau, karet, jo kelapa sawit.

ﻛﺴﻠﺘﺎﻧﻦ سردڠ Negeri Kasultanan Serdang Serdang Darul Arif ← Berkas:Bendera Negeri Deli.JPG 1723–1946 → Bandera Kasultanan Serdang Lambang Kasultanan Serdang Bandera Lambang Lokasi Kesultanan Serdang Wilayah Kesultanan Serdang pada 1930 (pada peta berwarna jingga) Ibu kota Perbaungan Bahaso Melayu Agamo Islam Pamarentahan Monarki Kesultanan Sultan  - 1723-1782 Tuanku Umar Johan Pahlawan Alam Shah  - 1879-1946 Sultan Sulaiman Syariful Alam Shah  - 2011-Sekarang Sultan Achmad Thalaa Shariful Alam Shah Sejarah  - Didirikan 1723  - Revolusi Sosial Sumatra Timur 1946

Serdang ditaklukkan dek tentara Hindia Belanda pado tahun 1865. Berdasarkan pajanjian nan ditandotangani tahun 1907, Serdang mengakui kadaulatan Belanda, dan indak berhak malakuan hubuangan lua nagari dengan negara lain. Dalam paristiwa revolusi sosial di Sumatra Timur tahun 1946, Sultan Serdang katiko itu manyarahkan kakuasaannyo kapado aparat Republik.

Wilayah Kakuasoan

Wilayah kakuasoan Kasultanan Serdang meliputi Batang Kuis, Padang, Bedagai, Percut, Senembah, Araskabu jo Ramunia. Kamudian wilayah Perbaungan masuak juo kadalam Kasultanan Serdang karano adonyo ikatan pakawinan.

Sijarah

Pandirian Kasultanan Deli

Manuruik riwayat, saurang Laksamana dari Sultan Iskandar Muda Aceh banamo Sri Paduka Gocah Pahlawan, bagala Laksamana Khoja Bintan, manikah jo adiak Rajo Urung (negeri) Sunggal, sabuah daerah Suku Karo nan alah mamaluak agamo Islam. Kamudian, dek 4 Rajo-Rajo Urung Suku Karo nan alah Islam tasabuik, Laksamana iko diangkek manjadi rajo di Deli pado tahun 1630. Dengan paristiwa itu, Karajaan Deli alah resmi badiri, dan Laksamana manjadi Rajo Deli partamo. Dalam proses panobatan Rajo Deli tasabuik, Rajo Urung Sunggal batugas salaku Ulun Jandi, yaitunyo mangucapkan taat setia dari urang-urang gadang jo rakyat kapado rajo. Kamudian, tabantuak pulo Lembaga Datuk Berempat, jo Rajo Urung Sunggal marupoan salah saurang anggoto Lembaga Datuk Berempat tasabuik.

Kamaluik di dalam Kasultanan Deli

Dalam pakambangannyo, pado tahun 1723 tajadi kamaluik katiko Tuanku Panglima Paderap, Rajo Deli ka-3 mangkat. Kamaluik iko tajadi karano putera nan paliang tuo Rajo nan saharusnyo manggantiannyo kironyo mampunyoi cacat di matonyo, sahinggo indak bisa manjadi rajo. Putera nomor 2, Tuanku Pasutan nan sangaik barambisi manjadi rajo kamudian maambiak alih tahta sarato mangusia adiaknyo, Tuanku Umar basamo ibundanyo Permaisuri Tuanku Puan Sampai ka wilayah Serdang.

Manuruik adaik Melayu, sabananyo Tuanku Umar nan saharusnyo manggantian ayahnyo manjadi Rajo Deli, karano inyo putera garaha (permaisuri), samantaro Tuanku Pasutan hanyo dari selir. Tatapi, karano masih di bawah umua, Tuanku Umar akhianyo tasingkia dari Deli. Untuak manghindari agar indak tajadi parang saudara, mako 2 Urang gadang Deli, yaitu Rajo Urung Sunggal jo Rajo Urung Senembal, basamo saurang Raja Urung Batak Timur di wilayah Serdang bagian hulu (Tanjong Merawa), jo saurang pambesar dari Aceh (Kejeruan Lumu), lalu marajokan Tuanku Umar sabagai Rajo Serdang partamo tahun 1723. Sajak maso itu, badiri Karajaan Serdang sabagai pacahan dari Kerajaan Deli.

Pariode Pamarintahan

Berkas:Istana+sultan+serdang.jpg

Istano Darul Arif di Kota Galuh, Perbaungan, Serdang Bedagai pado tahun 1930-an.

Panggabuangan jo Perbaungan, Serdang Bedagai|Perbaungan

Kasultanan Serdang badiri labiah dari duo abaik, dari 1723 hinggo 1946. Salamo pariode itu, alah bakuaso 5 urang Sultan. Sultan Serdang I adolah Tuanku Umar, kamudian baliau digantian dek Tuanku Sultan Ainan Johan Alma Shah (1767-1817). Tuanku Sultan Ainan Johan Alam Shah baisterikan Tuangku Sri Alam, puteri Rajo Perbaungan. Pado maso Sultan Ainan Johan iko, tajadi panyatuan Kasultanan Serdang jo Perbaungan. Caritonyo, sawakatu Rajo Perbaungan maningga dunia, indak ado urang nan berhak manggantikannyo, sabab inyo indak mampunyoi anak laki-laki. Dek karano anak padusi Rajo Perbaungan manikah jo Sultan Serdang, mako akhianyo, Kasultanan Perbaungan digabuang jo Serdang. Jadi, panggabuangan iko balangsuang samato-mato karano adonyo hubuangan kakarabatan, bukan karano paparangan.

Putera Ainan Johan Alam Shah nan tatuo, Tuangku Zainal Abidin, diangkek manjadi Tengku Besar. Suatu katiko inyo pai baparang mambantu mertuanyo nan sadang talibaik parang saudara marabuik tahta Langkat. Dalam paparangan mambela mertuanyo tasabuik, inyo tabunuah di Pungai (Langkat) dan digelar Marhom Mangkat di Pungai (1815). Untuak manggantikan putera mahkota (di Serdang disebut Tengku Besar) nan tewas, mako, adiak putera mahkota, yaitu Tuanku Thaf Sinar Basyar Shah kamudian diangkek sabagai panggantinyo, dengan gala nan samo: Tengku Besar.

Sultan Thaf Sinar Basyar Shah

Ketika Sultan Johan Alam Shah mangkat tahun 1817, adiak Tuangku Zainal Abidin, yaitu Tuanku Sultan Thaf Sinar Basar Shah (mamarintah 1817-1850) diangkek dek Dewan Orang Besar manjadi rajo manggantian ayahnyo. Katiko itu, sabananyo Tuanku Zainal Abidin, Tengku Besar nan alah tewas, mampunyoi putera, namun puteranyo iko indak berhak manjadi rajo, sabab, katiko ayahnyo maningga dunia, statusnyo masih sabagai Tengku Besar, bukan rajo. Jadi, manuruik adaik Malayu Serdang, katurunan putera tatuo indak otomatis manjadi rajo, karano sabab-sabab tatantu.

Dikuasai Balando dan bagabuang jo Indonesia

Pamarintahan baru baganti dan kaadaan taruih barubah. Pado tahun 1865, Serdang ditaklukkan dek Belanda. Salanjuiknyo, pado tahun 1907, Serdang manandotangani pajanjian dengan Belanda nan malarang Serdang bahubuangan dengan negeri lua. Sasudah bajalan batahun-tahun dalam pangaruah Balando, akhianyo, pado tahun 1946, pado maso pamarintahan Sultan Sulaiman Syariful Alamshah, Serdang bagabuang ka Negara Kesatuan Republik Indonesia.

Struktur Pamarintahan

Sultan Sulaiman Syariful Alam Shah (mamarintah 1879-1946).

Berkas:Sultan-Lukman.jpg

Sultan Lukman Sinar Bashar Shah II (mamarintah 2002-2011).

Berkas:Sultan Tuanku Achmad Thalaa Shariful Alam Shah.jpg

Sultan Achmad Thalaa Shariful Alam Shah (mamarintah sajak tahun 2011).

Rajo Partamo

Struktur tatinggi di Kesultanan Serdang dipimpin dek saurang Rajo. Pado maso itu, paranan saurang rajo adolah:

1. Sabagai Kapalo Pamarintahan Kasultanan Serdang.
2. Sabagai Kapalo Agama Islam (Khalifatullah fi’l ardh)
3. Sabagai Kapalo Adat Melayu.

Lambago Orang Besar Berempat

Pado maso pamarintahan rajo nan ka-2, Tuanku Sultan Ainan Johan Almashah (1767-1817), tasusunlah Lambago Orang Besar Berempat di Serdang nan bapangkek Wazir Sultan, yaitu:

1. Rajo Muda (gala iko kamudian barubah manjadi Bendahara)
2. Datok Maha Menteri (wilayahnyo di Araskabu)
3. Datok Paduka Raja (wilayahnyo di Batangkuwis) katurunan Kejeruan Lumu
4. Sri Maharaja (wilayahnyo di Ramunia).

Pambantuakan Lambago Orang Besar Berempat di Serdang iko, disababkan Raja Urung Sunggal babaliak ka Deli, samantaro Rajo Urung Senembah jo Rajo Urung Tg. Merawa tetap manjadi rajo di wilayah taklukan Serdang.

Sultan Ainan Johan Almashah mampakukuah Lambago Empat Orang Besar di ateh badasarkan fenomena alam jo hewan nan malambangkan kakuatan, sarupo 4 penjuru mato angin (barat, timur, selatan, utara), kukuhnyo 4 kaki binatang dan asas Tungku Sajarangan (4 batu penyangga untuak masak makanan). Lambago itu juga malambangkan sendi kakaluargaan pado masyarakaik Melayu Sumatra Timur yaitu: suami, isteri, anak beru (menantu) jo Puang (mertua). Demikianlah, pambantukan lambago di ateh didasarkan pado aka budaya masyarakaik Serdang sendiri. Salanjuiknyo, lambago ikolah nan baparan dalam upacara pakawinan maupun pahelatan gadang.

Jabatan Lainnyo

Salain para pajabaik istano di ateh, Sultan juga dibantu dek Syahbandar (perdagangan) jo Temenggong (Kepala polisi jo kaamanan). Sultan Serdang manjalankan hukum kapado rakyat badasarkan Hukum Syariah Islam jo Hukum Adat sarupo kato papatah, “Adat bersendikan Hukum Syara, Hukum Syara’ bersendikan Kitabullah”.

Panguaso/Sultan

Panguaso

• 1723-1782 Tuanku Umar Johan Pahlawan Alam Shah bin Tuanku Panglima Paderap (Kejeruan Junjungan), Rajo Serdang
• 1782-1822 Tuanku Ainan Johan Pahlawan Alam Shah ibni al-Marhum Tuanku Umar (Al-Marhum Kacapuri), Rajo Serdang

Sultan

• 1822-1851 Sultan Thaf Sinar Basyar Shah ibni al-Marhum Tuanku Ainan Johan Pahlawan Alam Shah (Al-Marhum Besar), Sultan dan Yang di-Pertuan Besar Serdang
• 1851-1879 Sultan Basyaruddin Syaiful Alam Shah ibni al-Marhum Sultan Thaf Sinar Bashar Shah (Al-Marhum Kota Batu), Sultan dan Yang di-Pertuan Besar Serdang
• 1879-1946 Sultan Sulaiman Syariful Alam Shah ibni al-Marhum Sultan Bashar un-din (Al-Marhum Perbaungan), Sultan dan Yang di-Pertuan Besar Serdang

Kapalo Rumah Tanggo

• 1946-1960 Tuanku Rajih Anwar ibni al-Marhum Sultan Sulaiman Shariful Alam Shah, Tengku Putra Mahkota, Kapalo Rumah Tanggo Istano Serdang

Sultan

• 1960-2001 Sri Sultan Tuanku Abu Nawar Sharifullah Alam Shah al-Haj ibni al-Marhum Sultan Sulaiman Shariful Alam Shah, Sultan dan Kapalo Rumah Tanggo Istano Serdang
• 2002-2011 Sri Sultan Tuanku Lukman Sinar Bashar Shah II ibni al-Marhum Sultan Sulaiman Shariful Alam Shah, Sultan dan Kapalo Rumah Tanggo Istano Serdang.
• 2011 Sri Sultan Tuanku Achmad Thalaa Shariful Alam Shah ibni al-Marhum Sultan Tuanku Abunawar Shariful Alam, Sultan dan Kapalo Rumah Tanggo Istano Serdang.

Kahidupan Sosial-Budaya

Berkas:Replika Istano Sultan Serdang.jpg

Istano Kasultanan Serdang nan baru di Melati Kebun, Pegajahan, Serdang Bedagai. Pambangunan istano iko diprakarsai dek Sultan Lukman Sinar Bashar Shah II dan diresmian pado 7 Januari 2012.

Panulisan sijarah nan talalu barorientasi politik, dengan titik fokus rajo, kaluarganyo jo para pembesar istano manyababkan sisi kahidupan sosial masyarakaik awam jadi talupoan. Dek karano itu, bukanlah pekerjaan nan murah untuak mandapekan data manganai kahidupan sosial-budaya pada suatu karajaan sacaro lengkap. Barikuik iko, saketek gambaran manganai kahidupan sosial budaya di Karajaan Serdang pado pariode pamarintahan Sultan Thaf Sinar Basyar Shah.

Catatan Utusan Karajaan Inggris

Pado maso pamarintahannyo, Serdang manjadi aman tenteram jo makmur karano padagangan nan rami. Katiko utusan Karajaan Inggris dari Penang, Johan Anderson, mangunjuangi Serdang tahun 1823, inyo mancatat:

1. Padagangan antaro Serdang dengan Pulau Pinang sangaik rami (tarutamo lado jo hasia hutan).
2. Sultan Thaf Sinar Basyar Shah (bagala Sultan Besar) mamarintah dengan lemah lembut, suko mamajukan ilmu pangatahuan dan mampunyoi kapa dagang pribadi.
3. Industri rakyat dimajukan dan banyak padagang dari pantai barat Sumatra (orang Alas) nan malintasi pagunuangan Bukit Barisan manjua dagangannyo ka lua nagari malalui Serdang.
4. Baginda sangaik toleran dan suko bamusyawarah dengan negeri-negeri nan tunduak kapado Serdang, tamasuak urang-urang Batak dari Padalaman.
5. Cukai di Serdang cukuik moderat.

Papatah Melayu

Kasado hal tasabuik diateh dapek tajadi karano Sultan bapegang teguh pado pepatah adat Melayu. Di antaro pepatah dan adat tasabuik adolah:

• secukap menjadi segantang, yang keras dibuat ladang, yang becek dilepaskan itik, air yang dalam diperlihara ikan;
• genggam bara, biar sampai menjadi arang (sabar menderita mencapai kejayaan);
• cencaru makan petang, bagai lebah menghimpun madu (meskipun lambat tetapi kerja keras maka pembangunan terlaksana);
• hati Gajah sama dilapah, hati kuman sama dicecah (melaksanakan kerja pembangunan dengan berhasil baik bersama-sama).

Dalam pakambangannyo, karano Sultan Thaf Sinar Basyar Shah ini amat bapegang teguh pado adat Melayu disertai sikap lemah lembut dan sopan, akhianyo banyak rakyat Batak di pedalaman yang masuak Melayu (Islam). Ateh dasar jaso-jasonyo, mako katika Sultan Thaf Sinar Basarshah mangkat pado tahun 1850, para Orang Besar dan rakyat Serdang maagia penghormatan untuaknyo dengan gala Marhom Besar.

Pranala luar

• (Inggirih) Royal Ark: Serdang
• (Indonesia) Reinterpretasi dan Reposisi terhadap Adat dan Tradisi: Kasus Melayu Islam beraja di Serdang Archived 2007-03-11 di Wayback Machine.
• (Indonesia) Sejarah Kerajaan Serdang di MelayuOnline.com Archived 2007-09-27 di Wayback Machine.