Karajaan Dharmasraya

Karajaan Dharmasraya marupokan sabuah Karajaan nan barado di Provinsi Sumatra Barat. Dulu, wilayah kakuasaan karajaan ko marupokan wilayah kakuasaan Karajaan Sriwijaya sabalumnyao, dari Samananjuang Malaya hinggo Sumatra. Kini, Dharmasraya manjadi kabupaten baru hasil pamekaran Kabupaten Sawahlunto/Sijunjung. Namun, bekas-bekas kajayaan karajaan Islam Dharmasraya masih bisa disaksikan sampai saaik kini.

Rumah Gadang SigunturEdit

Bangunan karajaan ko dibangun pado abaik ka-17. Lueh bangunannyo sakitar 118,4 meter parsagi. Lataknyo barado di Jorong Siguntur, Nagari Siguntur, Kecamatan Sitiung, Kabupaten Dharmasraya. Rumah gadang ko awalnyo difungsian sabagai tampek musyawarah adaik. Hinggo kini, fungsi nyo masih dijalanan. Sabagai bangunan khas Minangkabau, rumah gadang ko atoknyo babantuak bagonjong nan tabuek dari seng. Sadangkan, dindiang jo lantainyo dari kayu, mode itu lo jendela jo pintu.

Masjid Tua SigunturEdit

Massajik ko umuanyo alah labiah dari 100 tahun. Lokasinyo barado persis di sabalah makam rajo Siguntur. Atoknyo tabuek dari seng  nan babantuak tumpang tigo.

Masajik Siguntur tagak di ateh tanah barukuran 21,7 x 19 meter. Masajik dikaliliangi paga beton di bagian muko jo paga kawaek duri di bagian sampiang jo balakang. Ruang utamo masajik barukuran 15 x 10 meter, badindiang batu kali sataba 40 cm. Ado lapan jendela kayu nan ado di dalam masajik. Sadangkan, tiang utamonya bajumlah limo buah nan tabuek dari kayu ulin. ado pulo tiang pendukuang bajumlah 12 buah

Situ Makan Raja SigunturEdit

Iko marupokan kompleks pamakaman rajo Siguntur jo katurunanny. Namun, makam ko babeda jo pamakaman rajo pado umumnyo nan mewah. Makam rajo Siguntur sangaik saderhana karano hanyo ditandoi nisan jo jirek dari bata jo batu.

Ada cukuik banyak tokoh nan dimakamkan di siko. Namun, nan bisa dikanali hanyo anam. Makam Sri Maharajo Dirajo Ibnu bagala Sultan Muhammad Syah bin Sora, Sultan Abdul Jalil bin Sultan Muhammad Syah Tuangku Bagindo Ratu II, jo Sultan Abdul Kadire Tuangku Bagindo Ratu III. Salain itu, Sultan Amirudin Tuangku Bagindo Ratu IV, Sultan Ali A Tuangku Bagindo V, jo Sultan Abu Bakar Tuangku Bagindo Ratu VI.[1]

RujuakanEdit

  1. https://www.republika.co.id/berita/dunia-islam/islam-nusantara/17/05/16/oq171a313-jejak-peninggalan-kerajaan-dharmasraya