Wikipedia

Kapulauan Nusantara

(Dialiahkan dari Nusantara)

Nusantara adolah sabuah istilah nan barasa dari kato dalam bahaso Kawi (sabuah bantuak bahaso Jawa Kuno nan banyak dipangaruhi bahaso Sanskerta), iyolah ꦤꦸꦱ (nusa) tjmh. har. "pulau" jo ꦲꦤ꧀ꦠꦫ (antara) tjmh. har. "lua". Di Indonesia, istilah "Nusantara" sacaro spesifik marujuak ka Indonesia (pulau Indonesia),[1][2][3]:3[4]:230 kato iko partamo kali tacataik dalam kitab Negarakertagama untuak manggambakan konsep nagara nan dianuik Majapahit; nan kawasannyo marujuak kapado sabagian gadang Asia Tenggara, tarutamo di wilayah kapulauan.

Peta kapulauan Nusantara balampih ameh malambangkan tanah aia Nagara Kasatuan Republik Indonesia di Ruang Kamardekaan Monas, Jakarta.

Konsep tantang Nusantara sabagai sabuah daerah nan digabuang pado mulonyo indak barasa dari Gajah Mada, tapi dek Rajo Katanegara dari Karajaan Singhasari—disabuik juo Singasari atau Singosari—dalam Prasasti Mula Malurung nan ditabikan dek Kertanegara pado taun 1255 ateh parentah bapaknyo, Wisnuwardhana (bakuaso pado taun 1248-1268), sabagai rajo Singhasari.[5] Salain itu, pado taun 1275, istilah Cakravala Mandala Dvipantara digunokan dek Kertanegara untuak manggambari aspirasi tantang Kapulauan Asia Tenggara nan basatu di bawah kakuwasoan Singhasari jo ditandai sabagai awa untuak usaonyo dalam mangarajoan aspirasi tadi.[6] Dvipantara adolah kato dalam Bahaso Sansekerta nan aratinyo "pulau-pulau nan ado di tangah" sabagai sinonim untuak kato Nusantara karano kaduo dvipa jo nusa sama-sama aratinyo adolah "pulau". Kertanegara mambuek visi tantang panyatuan pamarintah jo karajaan maritim di Asia Tenggara sabagai patahanan dalam mampatahankan jo mangadapi kabangkitan dari ekspansionis Dinasti Yuan dari China—atau Tiongkok—nan dipimpin dek urang Mongol atau Kakaisaran Mongol di bawah kaisar Kubilai Khan.[7]

Pado taun 1900-an istilah ko dihiduikan baliak dek Ki Hajar Dewantara[8] sabagai salah satu namo alternatif untuak nagara mardeka salain Hindia Balando. Sakalipun namo "Indonesia" (tjmh. har.'Pulau-pulau Hindia') disatujui untuak digunokan sabagai namo rasmi Nagara Kesatuan Republik Indonesia, kato Nusantara tatap dibadikan sabagai sinonim untuak pulau-pulau Indonesia. Panggunoan istilah ko pado maso kuno dipakai untuak manggambari kesatuan geografi-antropologi kapulauan nan talatak antaro banua Asia jo Australia (tamasuak Samananjuang Malaysia).

Sacaro labiah laweh, Nusantara dalam bahaso modern tamasuak Indonesia, Malaysia, Singapura, Thailand Selatan, Kapulauan Andaman & Nikobar, Brunei, Filipina, Timor Timur, Papua Nugini, Solomon Utara, jo Kapulauan Selat Torres, sarato mungkin pulau-pulau ketek di samudra Hindia sarupo Pulau Natal, Kapulaukan Cocos (Keeling), jo pulau Pasir.[9][10]

Pribumi-Nusantara (Pribumi Indonesia), juo disabuik pribumi (lit. 'patamo di tanah air Indonesia), adolah urang Indonesia nan niniak muyangnyo talatak di Nusantara sajak jaman prasejarah dari abaik ka-7 M sampai abaik ka-13 Masehi, dipabensoan jo urang Indonesia katurunan asing (bagian) nan dikatahui, sarupo urang Indonesia Tionghoa, urang Indonesia Arab, urang Indonesia India jo urang Indo-Eropa (Eurasia) nan sabalunnyo ado di Indonesia dari Zaman penjajahan kolonial sajak abaik ka-16 M.[11] Istilah pribumi dipopulerkan sasudah kamardekaan Indonesia sabagai pangganti nan tahormaik untuak istilah kolonial Belanda Inlander.

Samaso pandudukan Balando di Nusantara (Indonesia), salah surang nan cukuik bapangaruah iyolah Sir Thomas Stamford Bingley Raffles nan banyak malakukan pajalanan di babarapo daerah Nusantara nan kamudian tamuannyo dituangkannyo dalam bantuak catatan atau laporan pajalanan. Babarapo di antaronyo iyolah Sumatera, Kalimantan, Sulawesi, Bali, Timor, Rotti, Solor, Flores, jo Sumba.[12]

Nusantara dalam konsep kenegaraan Jawa

suntiang
 
Wilayah Majapahit di puncaknyo paliang gadang badasarkan Kitab Nagarakretagama.

Dalam konsep kenegaraan Jawa pado abaik ka-13 sampai ka-15, rajo adolah "Rajo-Dewa": Rajo nan mamarentah adolah juo penjelmaan dewa. Dek karano itu, daerah-daerah nan punyo kakuasoan tu manyampaikan konsep kakuasoan dewa. Karajaan Majapahit dapek dipakai sabagai contoh. Nagara dibagi manjadi tigo bagian wilayah:

  1. Nagara Agung marupoan daerah di tangah ibu kota karajaan nan dikuasoi rajo.
  2. Mancanegara adolah daerah di Pulau Jawa jo sakitarnyo nan budayonyo masih sarupo jo Nagara Agung, tapi alah ado di "daerah parbatasan". Dari suduik pandang iko, Madura jo Bali adolah daerah daerah "mancanegara". Lampuang jo Palembang juo dianggap daerah "mancanagara".
  3. Nusantara, nan aratinyo "pulau lain" (di lua Jawa)[13] adolah daerah di lua pangaruah budayo Jawa tapi masih diklaim sabagai daerah panjak: panguwaso-panguwasonyo musti mambayie pahala.

Pado taun 1336 Masehi Gajah Mada manyatokan dalam Janji Palapa: Sira Gajah Mada pepatih amungkubumi tan ayun amukita palapa, sira Gajah Mada: Lamun huwus kalah Nusantara ingsun amukti palapa, lamun kalah ring Gurun, ring Seram, Tanjungpura, ring Haru, ring Pahang, Dompo, ring Bali, Sunda, Palembang, Tumasik, samana ingsun amukti palapa.[14] Artinyo adolah, "Inyo adolah Gajah Mada Amangkubumi nan indak kamalapehan puaso. Inyo adolah Gajah Mada, "Kok lah manangkok kapulauan lain, ambo (baru) ka bapuaso. Jikok ambo ka mangalahkan Gurun, Seram, Tanjung Pura, Haru, Pahang, Dompo, Bali, Sunda, Palembang, Tumasik, mako samo jo itu pulolah ambo ka malapehan puaso".

Kitab Negarakertagama manyatokan wilayah "Nusantara", nan pado maso kini dapek dikatokan mancakuik sabagian gadang wilayah Indonesia moderen (Sumatra, Kalimantan, Nusa Tenggara, sabagian Sulawesi jo pulau-pulau sakitarnyo, sabagian Kapulauan Maluku, jo Papua Barat) ditambah wilayah Malaysia, Singapura, Brunei jo sabagian ketek Filipina bagian selatan. Secara morfologi, kato ko adolah kato gabungan nan diambiak dari bahaso Jawa Kuno nusa ("pulau") jo antaro (lain/saling).

Kato Nusantara indak hanyo dipakai dek urang Jawa sajo jo indak hilang pulo sasudah runtuahnyo Majapahit. Kato ko dapek ditamui di Sejarah Melayu, sabuah sastra Melayu klasik nan ditulih paling awal pado taun 1612, tapi kato iko tatap tanamo hinggo manuskrip taun 1808:[15][16]

Terlalu sekali besar kerajaan Baginda (Majapahit) pada jaman itu, segala seluruh Jawa semuanya dalam hukum Baginda, dan segala raja-raja Nusantara pun setengah sudah ta-luk kepada Baginda.[17]

Dwipantara

suntiang

Kabanyakan sajarawan Indonesia picayo baso konsep satuan Nusantara indak partamo kali diucapkan dek Gajah Mada dalam Janji Palapa pado taun 1336, tapi diucapkan labiah dari satangah abaik sabalunnyo dek Katanegara pado taun 1275. Pado sabalunnyo dikenal konsep Cakrawala Mandala Dwipantara nan dicetuskan dek Katanegara, rajo Singhasari.[18] Dwipantara adolah kato dalam bahaso Sanskerta untuak "kapulauan antara", nan aratinyo samo persis jo Nusantara, karano "dwipa" adolah sinonim "nusa" nan aratinyo "pulau". Kertanegara punyo pandangan sabuah persatuan karajaan-karajaan Asia Tenggara di bawah kawibawaan Singhasari dalam mangadoi ancaman kemungkinan serangan Mongol nan mambangun Dinasti Yuan di Cino. Itulah sababnyo Kertanegara mamulai Ekspedisi Pamalayu untuak manjalin pasatujuan jo pasakutuan politik jo karajaan Malayu Dharmasraya di Sumatera Barat. Pado mulonyo ekspedisi iko dianggap panaklukan militer, namun akhirnyo diduga ekspedisi iko labiah basipaik upayo diplomatik barupo mancaliakan kakuatan jo kawibawaan untuak maulah pasahabatan jo pasakutuan jo karajaan Malayu Dharmasraya. Buktinyo adolah Kertanegara mampasambahan Arca Amoghapasa sabagai hadiah untuak manyanangan hati panguwaso jo urang Melayu. Sabagai balasannyo, rajo Melayu manyuruah anaknyo; Darah Jingga jo Darah Patak ka Jawa untuak di kawin jo panguwaso Jawa.

Panggunoan moderen

suntiang

Pado taun 1920-an, Ki Hajar Dewantara mangusuakan untuak manggunokan baliak istilah "Nusantara" untuak manyabuik wilayah Hindia Belando. Namo iko dipakai sabagai salah satu alternatif dek indak punyo unsua bahaso asiang. Salain itu, alasan lain ditantuan dek karano Balando, sabagai panjaja, labiah suko manggunokan istilah Indie (tjmh. har. "Hindia"), nan manyababkan banyak karancuan jo literatur bahaso lain nan dapek manunjuakan identitas bangso lain, iyolah India. Istilah iko juo punyo babarapo alternatif lain, sarupo "Indonesië" (Indonesia) jo "Insulinde" (bararti "Pulau-pulau Hindia"). Istilah nan terakhir iko dikatokan dek Eduard Douwes Dekker.[19]

Kutiko "Indonesia" akhirnya ditantuakan sabagai namo kabangsaan untuak nagara nan mardeka palanjuik Hindia Belanda pado Kongres Janji Pemuda II (1928), istilah Nusantara indak manurunkan pamakaiannyo. Istilah iko kamudian tatap dipakai sabagai sinonim untuak "Indonesia", dan dipakai dalam babarapo hal nan utamonyo berkaitan jo kebangsaan, contohnyo iyolah dalam arti kabudayaan, antropogeografis, maupun politik (misalnyo dalam konsep Wawasan Nusantara).

Namo ibu kota Indonesia

suntiang

Menteri Parancanoan Pembangunan Nasional/Kapalo Bappenas Suharso Monoarfa manyampaian, ibu kota baru di Kalimantan Timur ka diagiah namo Nusantara.[20] Manuruik tradisi lisan lokal Kutai sarupo nan dicatat dalam naskah sijarah Salasiah Kutai (terjemahan: 'Silsilah karajaan Kutai'), sabalun daerah tu banamo Kutai pado abaik ka-13, wilayah tu juo disabuik Nusentara[21](terjemahan: 'tanah nan tapotong'), karano tanah Aji Batara iko talatak antaro Jahitan Layar (diduga koloni Jawa) jo Kutai lamo.[22]

Caliak juo

suntiang

Rujuakan

suntiang
  1. ↑ "Nusantara". Nusantara (edisi ke-3). Badan Pengembangan dan Pembinaan Bahasa. 26 Oktober 2016. https://kbbi.kemdikbud.go.id/entri/Nusantara. 
  2. ↑ Rais, Mohamed Amien; Ng, Taryn; Irwan, Omar; Najib, Muhammad (2004). Putra Nusantara: Son of the Indonesian Archipelago [Putra Nusantara: Putra Kepulauan Indonesia]. Singapore: Stamford Press. ISBN 9810499078. https://www.nlb.gov.sg/biblio/12269405. 
  3. ↑ Rais, Mohamed Amien; Ng, Taryn; Irwan, Omar; Najib, Muhammad (2004). Putra Nusantara: Son of the Indonesian Archipelago [Putra Nusantara: Putra Kepulauan Indonesia]. Singapore: Stamford Press. ISBN 9810499078. https://www.nlb.gov.sg/biblio/12269405. 
  4. ↑ Avé, J. (1989). "'Indonesia', 'Insulinde' and 'Nusantara': Dotting the I's and Crossing the T". Bijdragen Tot De Taal-, Land- En Volkenkunde (dalam bahasa Inggris). Leiden, the Netherlands. 145 (2/3): 230. 'Nusantara' has been understood and used to refer to the whole, that is, the mosaic of 'nusas' which constitutes an archipelago, specifically the Indonesian archipelago. Berg's interpretation, however, appears to have been generally accepted... 
  5. ↑ Mpu, Prapañca; Robson, Stuart O. (1995) (dalam bahaso en). Deśawarṇana: (Nāgarakṛtāgama). KITLV. ISBN 978-90-6718-094-8. https://books.google.com/books?id=aZduAAAAMAAJ. 
  6. ↑ Kusumoprojo, Wahyono Suroto (2009) (dalam bahaso id). Indonesia negara maritim. PT Mizan Publika. ISBN 978-979-3603-94-0. https://books.google.co.id/books?id=QoJKR85srh8C&lpg=PA186&hl=id&pg=PA186#v=onepage&q&f=false. 
  7. ↑ "Timeline of the Yuan dynasty". Wikipedia (dalam bahasa Inggris). Diakses tanggal 3 Februari 2024. 
  8. ↑ Justus M. van der Kroef (1951). "The Term Indonesia: Its Origin and Usage". Journal of the American Oriental Society. 71 (3): 166–171. doi:10.2307/595186. 
  9. ↑ Evers, Hans-Dieter (2016). "Nusantara: History of a Concept". Journal of the Malaysian Branch of the Royal Asiatic Society. 89 (1): 3–14. doi:10.1353/ras.2016.0004. ISSN 2180-4338. 
  10. ↑ Hafizah Iszahanid (11 Oktober 2018). "Istilah Nusantara diguna tanpa semangat penyatuan Melayu". Berita Harian. Konsep Nusantara dalam pemahaman warga Indonesia sangat berbeza dengan apa yang difahami rakyat Malaysia, bahkan hampir kesemua negara lain di Asia Tenggara termasuk Singapura...ketika kebanyakan penduduk Asia Tenggara merujuk Nusantara kepada wilayah Kepulauan Melayu atau negara di Asia Tenggara, penduduk Indonesia sebaliknya berpendapat Nusantara adalah Indonesia semata-mata. 
  11. ↑ Times, I. D. N.; Wicaksono, Bayu D. "Siapa Pribumi Asli Indonesia yang Sebenarnya? Sejarah Telah Menjawab!". IDN Times (dalam bahasa In). Diakses tanggal 2024-02-03. 
  12. ↑ Annabel Tah Gallop, dkk (2020). Nusantara Semasa Rafless: Catatan dan Laporan Perjalanan di Sumatera, Kalimatan, Sulawesi, Bali, Timur, Rotti, Sawu, Solor, Flores, dan Sumbar. Yogyakarta: Penerbit Ombak. ISBN 978-602-258-555-8. http://penerbitombak.com/product/nusantara-semasa-raffles-catatan-dan-laporan-perjalanan-di-sumatra-kalimantan-sulawesi-bali-timor-rotti-sawu-solor-flores-dan-sumba/. 
  13. ↑ Jerry H. Bentley, Renate Bridenthal, Kären E. Wigen (éds.), Seascapes: Maritime Histories, Littoral Cultures, and Transoceanic Exchanges, 2007, University of Hawai'i Press, Honolulu, hal. 61
  14. ↑ developer, mediaindonesia com. "Ini Isi dan Tujuan Gajah Mada Mengucapkan Sumpah Palapa". mediaindonesia.com (dalam bahasa Indonesia). Diakses tanggal 2024-02-03. 
  15. ↑ Ismail, Abdul Rahman Haji (1998). "Malay Annals". Malaysian Branch of the Royal Asiatic Society: 93. ISBN 9789679948134. 
  16. ↑ Ismail, Abdul Rahman Haji (1998). "Malay Annals". Malaysian Branch of the Royal Asiatic Society: 93. ISBN 9789679948134. 
  17. ↑ Nugroho, Irawan Djoko (2009). Meluruskan Sejarah Majapahit. Ragam Media. p. 227. 
  18. ↑ Kusumoprojo, Wahyono Suroto (2009) (dalam bahaso id). Indonesia negara maritim. PT Mizan Publika. ISBN 978-979-3603-94-0. https://books.google.co.id/books?id=QoJKR85srh8C&pg=PA186&lpg=PA186&dq=Dwipantara+Kertanegara&source=bl&ots=-zuo1ZqYSR&sig=4aX9X1NqYnfOV6TEciuKrSevrPU&hl=id&sa=X&ei=cBfzTrr2AsLKrAfHvNz_Dw. 
  19. ↑ Justus M. van der Kroef (1951). "The Term Indonesia: Its Origin and Usage". Journal of the American Oriental Society. 71 (3): 166–171. doi:10.2307/595186. 
  20. ↑ Ardito Ramadhan (17 Januari 2022). "Kepala Bappenas Umumkan Nama Ibu Kota Baru: Nusantara". Kompas.com (dalam bahasa Indonesia). Diakses tanggal 6 Februari 2024. 
  21. ↑ Tromp, S.W. (2018-02-15). "Uit de Salasila van Koetei". Bijdragen tot de Taal-, Land- en Volkenkunde. 37 (1): 1–108. doi:10.1163/22134379-90000277. ISSN 0006-2294. Diarsipkan dari versi asli tanggal 19 January 2022. Diakses tanggal 6 Februari 2024. 
  22. ↑ Knappert, S.C. (1905-01-01). "Beschrijving van de Onderafdeeling Koetei". Bijdragen tot de Taal-, Land- en Volkenkunde (dalam bahasa Belanda). 58 (1): 575–654. doi:10.1163/22134379-90001995. ISSN 0006-2294. Diarsipkan dari versi asli tanggal 19 January 2022. Diakses tanggal 2 Februari 2024. 

Pautan Lua

suntiang
  Portal Indonesia
Diambiak dari "https://min.wikipedia.org/w/index.php?title=Kapulauan_Nusantara&oldid=3155881"