Wikipedia:Artikel nan Tapiliah/2024

Poster Kongres Muhammadiyah di Bukittinggi, 14-21 Maret 1930

Muhammadiyah di Sumatera Barat adolah sijarah nan maliputi jariah jo pangaruah organisasi iko dalam kahidupan masyarakaik Sumatera Barat. Di Indonesia, Sumatera Barat tanamo sabagai basis utamo Muhammadiyah bahkan malahiakan banyak tokoh Muhammadiyah di tingkek nasional. Bagi Muhammadiyah, daerah iko dianggap pantiang karano dari siko Muhammadiyah manjadi gadang hinggo punyo banyak cabang di Indonesia.

Paham Muhammadiyah barasa dari Yogyakarta, kudian dibaok ka Minangkabau dek Sutan Mansur jo Haji Rasul. Pado 29 Mei 1925, kaduonyo mambukak cabang Muhammadiyah di Nagari Sungai Batang, Maninjau nan manjadi cabang Muhammadiyah partamo di lua Jawa. (salangkoknyo...)

Artikel nan Tapiliah sabalunnyo: Japang – Pandemi Covid-19 di Indonesia – Al-Bajan – Bagindo Aziz Chan – Yurisprudensi

---

CT scan sisi kiri utak nan maalami kakurangan darah (gejala stroke iskemik) dari sumbatan pado arteri.

Stroke (dibaco: strok) adolah karusakan jaringan utak baiak sabagian atau sadoalahannyo nan tajadi mandadak, balansuang labiah dari 24 jam sarato disababkan dek faktor-faktor masalah pambuluah darah (vaskular). Pambuluah darah arteri nan maaliakan darah ka utak tasumbek, kuyak, atau tirih. Stroke atau cerebrovascular accident (CVA), marupokan ilangnyo fungsi-fungsi utak sacaro capek, dek gangguan suplai darah ka utak. Hal iko dapek tajadi dek iskemia (bakurangnyo aliran darah) nan disababkan juo dek panyumbekan (thrombosis, arterial embolism), atau adonyo padarahan (haemorrhage). Stroke adolah panyabab katigo kamatian paliang banyak, sarato panyabab utamo... (baco salangkoknyo)

Artikel nan Tapiliah sabalunnyo: Muhammadiyah di Sumatera Barat – Japang – Pandemi Covid-19 di Indonesia – Al-Bajan – Bagindo Aziz Chan

---

Syekh Daud Rasyidi (duduak paling suok), basamo Syekh Djambek, Inyiak Canduang, Inyiak Parabek, jo Dr. Abdullah Ahmad

Syekh Haji Daud Rasyidi (lahia di Balingka, Agam, 1880 - maningga di Bukittinggi, Sumatera Barat, 26 Januari 1948 pado umua 68 tahun) adolah saurang ulama Minangkabau. Baliau tamasuak ka golongan Kaum Mudo nan bakambang pado abad ka-20, sarato dikenal sabagai pandakwah kaliliang sajak suraunyo dihampeh galodo, kamudian bajuang malawan takanan Balando sarato mambantu pajuangan Indonesia pado maso Revolusi Kamardekaan. Syekh Daud tamasuak ulama nan mambantu Abdullah Ahmad untuak mandirian Persatuan Guru Agama Islam pado taun 1919 di Padang, sarato bapartisipasi dalam mambuek komite nan manulak Ordonansi Guru 1928 jo Ordonansi Sekolah Liar 1932 diterapkan di ranah Minang... (baco salangkoknyo)

Artikel nan Tapiliah sabalunnyo: Stroke – Muhammadiyah di Sumatera Barat – Japang – Pandemi Covid-19 di Indonesia – Al-Bajan

---

Syekh Haji Adam B.B. atau Syekh Adam Balai-Balai (lahia di Nagari Balai-balai, Padang Panjang, Sumatera Barat, 31 Agustus 1889 – maningga 15 Juli 1953 pado umua 63 taun) adolah saurang ulama Minangkabau tanamo nan tacataik sampai patangahan abaik ka-20. Adam B.B. mulonyo iolah saurang pandeka jo parewa nan kudian dikenal sabagai ulama jo guru. Baliau adolah pandiri Surau Pasar Baru (SPB) di Padang Panjang nan kini banamo Madrasah Irsyadin Naas (MIN).... (baco salangkoknyo)

Artikel nan Tapiliah sabalunnyo: Daud Rasyidi – Stroke – Muhammadiyah di Sumatera Barat – Japang – Pandemi Covid-19 di Indonesia

---

---

---

---

---

---

---

---