Parewa

Parewa adolah personal atau kelompok dalam masyarakaik di Minangkabau, nan pamudonyo punyo kahidupan nan kurang atau indak mamparatian norma-norma sosial atau agamo. Sacaro etimologi parewa adolah panjaek atau parusuah. Walaupun begitu, mereka indak nio manggaduah urang lain dan sangat manjago namo baik suku dan kampuangnyo serta hormat tahadok sasamo dan suko manolong. Salain lihai dalam silek, mereka dianggap mampunyoi ilmu hitam.

Parewa jugo marupoan sabuah upayo untuak manampakkan ideologi golongan. Di dalam carito lisan, acok na digambarkan sabagai urang mudo nan bapakaian hitam layaknyo padeka silek yang mamakai daster yang diikekan ka kapalo, suko judi, mabuak, jo suko bacakak. Sagalo kabebasan jo pemberontakan tahadok nilai-nilai disematkan ka parewa.

Keunikan dari Bahasa Parewa

Dalam konteks bahaso, parewa manjadi wujud dari kaunikan ragam bahaso Minangkabau. Caranyo babahaso dianggap mampunyoi kekhususan dan dikategorikan sabagai salah satu dari ampek ragam bahasa salain ragam bahaso adaik, surau, dan ragam bahaso biaso. Ragam bahaso parewa acok digunoan dalam urang mudo dalam berkomunikasi karena acok cenderung saketek "kumuah" atau kasa jo sindiran. Salah satu contoh tokoh nan manjalani iduik sabagai parewa adolah "Syekh Muhammad Djamil Djambek (1860-1947)" nan dapek diliek di catatan Buya Mas'oed Abidin. Di dalam catatan tasabuik, dikecekkan bahwasonyo baliau adolah saurang tokoh dan pambaharu Islam di Minangkabau, nan maabiahan maso mudonyo sabagai parewa sabalun manamuan jalan nan lain dan manjadi ahli falak takamuko.

Patauikkan antaro konotasi baik jo buruak memang salalu disamekkan ka parewa. Golongan parewa acok disabuik sabagai urang bagak nan acok maresahkan warga jo nagari, nan kerap mambuek rusuah, parampokan, pambunuhan jo panyiksaan. Korban utamo mereka adolah pedagang. Hal iko mambuek warga takuik ka mereka.

Dalam kaba klasik Minangkabau nan bajudul Gadih Ranti dapek diliek bahwa parewa atau urang bagak difungsikan oleh Angku Palo untuk manyingkian Bujang Saman, tunangan Gadih Ranti. Parewa ko berhasil manyingkian Bujang Saman dan mambuek Bujang Saman karajo rodi di Malalak. Dalam roman Sangsaro Mambaok Nikmat (1929) karya tulih Sutan Sati juo digambarkan kisah Kacak, saurang Angku Mudo jo urang kayo kamanakan Tuan Laras, mambayia saurang Parewa untuak mambunuah Midun, dan parewa ko barhasil mambuek Midun dipanjaro di Muaro Padang.

Indak sadoalah parewa bakonotasi buruak dalam sajarah. Dalam babarapo catatan, sabagian dari mereka pernah manggarikan palawanan tahadok panjajah atau urang kayo nan manjarek kalangan bawah jo hutang. Sairiang jo pakambangan zaman, tarutamo maso pamarintahan Balando, sabagian mereka dimanfaikan urang kayo, cukong Chino, jo pangusaho Eropa sabagai kaki tangan untuak manjua candu, jo mamunguik utang.