Hukum warih

Hukum warih adolah hukum nan maatur pambagian harato paninggalan urang nan alah maningga ka urang nan bahak. Aturannyo babedo-bedo di satiok masyarakaik jo baubah sairiang wakatu. Sacaro rasmi mawarihan harato bando jo/atau utang pribadi dapek dilakuan dek pawarih jo surek wasiat, nan dibuktian jo notaris atau jo caro lain nan sah.

Dalam agamo

Al-Qur'an mamparkenalan sajumlah hak jo pambatehan babedo dalam masalah warih nan babedo jo kabiasoan masyarakaik pra-Islam, takah palakuan tahadok padusi jo panghidupan kaluarga. Al-Qur'an mamperkenalan ahli warih tambahan nan indak bahak manarimo pado maso pra-Islam, jo manyabuikan sambilan karabaik sacaro khusus, anam di antaronyo padusi jo tigo laki-laki. Hak warih untuak padusi labiah randah dibandiangan laki-laki karano dalam Islam ado tangguang jawab untuak mauruih pangaluarana padusi. Misalnyo Al-Qur'an surek An-nisa ayaik 11, manjalehan anak laki-laki bahak mandapekan warih duo kali lipek dari anak padusi. Al-Qur'an pulo mamelokan hukum warih, sahinggo mambantuak sistem hukum nan samparono. Pakambangan iko babedo jo masyarakat pra-Islam nan mano aturan pawarihannyo baragam. Salain itu, dalam Al-Qur'an tadapek pulo pambatehan tahadok wasiat surang Muslim dalam pambagian haratonyo. Ayaik-ayaik Al-Qur'an tu labiah jauah diuraian dek ahli hukum Islam manggunoan Hadis sarato panalaran hukum takah Qiyas. Namun bak itu, pado nyatonyo masih juo ado pacampuran jo adaik istiadaik masyarakat satampek dalam pambagian harato warih di umaik Islam.