Wikipedia

Tuhan

Tuhan dipahami sabagai Zat Mahakuaso dan asas dari suatu kapicayoan.[1] Indak ado mupakaik soal konsep katuhanan, sainggo ado baragam konsep katuhanan maliputi teisme, deisme, panteisme, dan lain-lain. Dalam pandangan teisme, Tuhan marupokan pancipta nan juo pangatua sagalo kajadian di alam semesta. Manuruik deisme, Tuhan marupokan pancipta alam samesta, tapi indak turuik sato dalam kajadian di alam semesta. Manuruik panteisme, Tuhan marupokan alam semesta itu surang. Banyak cendekiawan maanggap baragam sipaik-sipaik Tuhan barasa dari konsep katuhanan nan babeda-beda. Nan paliang umum, di antaronyo adalah Mahatahu (nan tahu sagalonyo), Mahakuaso (nan kuasonyo indak tabateh), Mahaado (hadia di mano pun), Mahamulia (manganduang sagalo sipaik-sipaik rancak nan sampurono), indak ado nan sapangkek jo-Nya, sarato basipaik kaka abadi. Panganuik monoteisme picayo baso Tuhan hanyo ado ciek, sarato indak bawujuik (tanpa materi), mamiliki pribadi, sumber sagalo kawajiban moral, dan "hal paliang gadang nan dapek diranuangkan".[1] Banyak filsuf abaik patangahan jo modern tanamo nan mangambangkan argumen untuak mandukuang dan mambantah adonyo Tuhan. [2]

Representasi (untuak soni atau panyambahan) Tuhan pado (dari kida ateh, saârah jarum jam) Kristen, Atenisme, Zoroastrianisme, Hindu Bali jo Shinto.

Ado banyak namo untuak manyabuik Tuhan, dan namo nan babedo-bado malakek pado gagasan kultural tantang sosok Tuhan jo sipaik-sipaik apo nan dimiliki-Nyo. Atenisme pado zaman Mesir Kuno, kamungkinan gadang marupoan agamo monoteistis paliang tuo nan pernah tarcatat dalam sijarah nan maajaan Tuhan sejati jo pancipta alam semesta,[3] nan disabuik Aten.[4] Kalimaik "Aku adaloh Aku" dalam Alkitab Ibrani, jo "Tetragrammaton" YHVH digunoan sabagai namo Tuhan, sadangkan Yahweh, jo Yehuwa kadang digunoan dalam agamo Kristen sabagai hasil vokalisasi dari YHWH. Dalam bahasa Arab, nama Allah digunakan, dan karena predominansi Islam di antara para penutur bahasa Arab, maka nama Allah memiliki konotasi dengan kaparcayaan jo kabudayaan Islam, Umaik Muslim mangenal 99 namo suci bagi Allah, sadangkan umaik Yahudi biasonyo manyabuik Tuhan jo galaElohim atau Adonai (namo nan kaduo dipicayo dek sajumlah pakar barasa dari bahaso Mesir Kuno, Aten).[5][6][7][8][9] Dalam agamo Hindu, Brahman biasonyo dianggap sabagai Tuhan monistis.[10] Agamo-agamo lainnyo mamiliki panggilan untuak Tuhan, di antaranyo: Baha dalam agama Baha'i,[11] Waheguru dalam Sikhisme,[12] jo Ahura Mazda dalam Zoroastrianisme.[13]

Etimologi jo terminologi

suntiang

Kato Tuhan dalam bahaso Melayu barasa dari kato tuan. Buku partamo nan manunjuakan hubungan kato tuan jo Tuhan adolah Ensiklopedia Populer Gereja dek Adolf Heuken SJ (1976). Manuruik buku tu, arti kato Tuhan ado hubungannya jo kato Melayu tuan nan aratinyo atasan/panguaso/pamilik.[14] Kato "Tuan" marujuak kapado manusia, atau hal-hal lain nan punyo sifat manguasoi, punyo, atau manjago. Kato itu juo digunokan untuak manyabuik urang nan labiah tinggi, atau urang nan dihormati. Panggunoannyo umumnyo dipakai samo-samo jo tamasuak kato lain manuruik kato "tuan" sandiri, dimisakan pado kato "tuan rumah" atau "tuan tanah" jo sataruihnyo (bahaso Inggirih: Lord). Kato iko biasonyo dipakai dalam konteks salain keagamaan nan bersifat katuhanan.[15]

Ahli bahaso Remy Sylado manamukan bahwa parubahan kato "tuan" nan basipaik insani, manjadi "Tuhan" nan basipaik ilahi, bamulo dari tajemahan Alkitab ka dalam bahaso Malayu karya Melchior Leijdecker nan tabik pado taun 1733.[16][17] Dalam tajmahan sabalunnyo, iyolah kitab nasrani dalam bahaso Melayu jo aksara Latin tajamahan Brouwerius nan muncua pado taun 1668, kato dalam bahaso Yunaninyo, Kyrios, jo julukan nan diparuntuakkan kapado Isa Almasih iko ditarjemahkan manjadi "Tuan". Kato nan diartikan dek Brouwerius sabagai "Tuhan"—samo jo bahaso Portugis Senhor, Parancih Seigneur, Inggirih Lord, Balando Heere—malalui Leijdecker diubah manjadi "Tuhan" jo kamudian, panarjamah Alkitab bahaso Melayu malanjuikan panamuan Leijdeckers itu. Kini kato Tuhan nan partamo kali dicaliak dek Leijdecker untuak marujuak kapado duo pangartian pelik insani jo ilahi dalam teologi Kristen tantang tokoh Isa Almasih akhirnyo manjadi lema khas dalam bahaso Indonesia.[16] Dalam Alkitab tajamahan baru (1974), kato Tuhan (dan kaluaga katonyo, misal Tuhanku) disabuik sebanyak 7677 kali dalam 6510 ayat di saluruah protokanonika Pajanjian Lamo (Ibrani) jo Pajanjian Baru (Yunani).[18] Kato ko biasonyo dipakai untuak manulih kato Kurios (Yunani) jo Adonai (Ibrani). Salain itu, khusus untua manajamahkan Tetragrammaton YHWH, panajemah TB dalam edisi cetak manggunokan huruf kapital (smallcaps) Tuhan, mangikuti tradisi tajamahan nan alah ado,[19] misalnyo dalam Kajadian 2:4, "Demikianlah riwayat langit dan bumi pada waktu diciptakan. Ketika Tuhan Allah (YHWH Elohim) menjadikan bumi dan langit, --".[20] (Namun untuak manulih "Adonai YHWH" digunakan "Tuhan Allah", misalnyp dalam Yesaya 61:1, "Roh Tuhan ALLAH ada padaku, oleh karena TUHAN telah mengurapi aku; Ia telah mengutus aku untuk menyampaikan kabar baik kepada orang-orang sengsara, dan merawat orang-orang yang remuk hati, untuk memberitakan pembebasan kepada orang-orang tawanan, dan kepada orang-orang yang terkurung kelepasan dari penjara,--".

Dalam bahaso Indonesia moderen, kato "Tuhan" umumnyo dipakai untuak marujuak kapado sabuah Dzat abadi jo supernatural. Dalam konteks agamo samawi, kato Tuhan (dengan huruf T gadang) alah biaso manyatokan kapado Allah, nan diyakini sabagai Dzat nan maha samparono, pamilik langik jo bumi nan di sembah manusia. Dalam bahaso Arab kato ko sapadan jo kato rabb. Manuruik Ibnu Atsir, Tuhan jo tuan sacaro bahaso bahaso disabuik pamilik, panguaso, pangatur, pambina, pangurus jo panyadio nikmat.[21] Kato Tuhan disabuik labiah dari 1.000 kali dalam Al-Qur'an.[22] Dalam monotheisme, biasonyo di agiah tau bahasonyo Tuhan mangawasi jo mamarentah manusia jo alam semesta atau alam semesta. Hal iko dapek juo digunokan untuak marujuak kapado babarapo konsep nan sarupo iko, misalnyo suatu bentuk energi atau kesadaran nan manjalajah alam semesta, nan kabaradoannyo mambuek alam semesta ado; sumber dari sagalo sasuatu nan ado; kebajikan nan paliang tinggi dan tinggi di dalam sagalo makhluk iduik; atau apo sajo nan indak dapek dipahami atau dijelaskan.

Di dalam bahasa Melayu atau bahasa Indonesia, duo konsep atau namo nan bahubungan jo katuhanan, iolah: Tuhan sandiri, jo dewa. Panganut monoteisme biasonyo manolak manggunokan kato dewa, kareno marujuak kapado entitas-entitas dalam agamo politeistis. Meskipun baitu, panggunoan kato dewa parnah digunokan sabalum panggunoan kato Tuhan. Dalam Prasasti Trengganu, prasasti nan tua di dalam bahasa Melayu nan ditulih manggunokan huruf Arab (huruf Jawi) manyabuik Sang Dewata Mulia Raya. Dewata nan dikenal urang Melayu barasa dari kato devata, sabagai hasil panyebaran agamo Hindu-Buddha di Nusantara. Baapun, pado maso kini, mukasuik istilah Tuhan digunokan untuak marujuak Tuhan nan tunggal, samantaro dewa dianggap mangandung arti ciek dari banyak Tuhan sahinggo condong mangacu kapado politeisme. Salain itu dalam teks kadang juo digunokan kato "tuhan" bahuruf ketek (mirip jo kata "allah" bahuruf ketek), tarutamo katiko mampabandiangkan antaro Tuhan Allah nan esa jo tuhan (tuan) nan lain, misalnyo dalam Ulangan 10:17: "Sebab TUHAN, Allahmulah Allah segala allah dan Tuhan segala tuhan, Allah yang besar, kuat dan dahsyat, yang tidak memandang bulu ataupun menerima suap;", Korintus 8:5, jo Mazmur 136:3.

Konsep tantang Tuhan

suntiang

Konsep katuhanan alah dikatahui sajak manusia ado di dunia. Konsep katuhanan iko barasa dari suatu hal nan gaib. Konsep katuhanan nan paliang partamo adolah animisme jo dinamika. Kaduo konsep iko alah ado sajak zaman manusia kuno, dan sifatnyo sederhana. Satiyok sasuatu nan gaib, lah ditantukan dek Tuhan. Salain itu, konsep katuhanan tu bakambang sairiang tabantuaknyo struktur masyarakaik pado manusia. Konsep Tuhan batambah gadang jo pambangunan hierarki katuhanan. Pado maso kini, tabantuaklah polytheisme nan picayo baraso Tuhan indak ciek. Dalam konsep iko, Tuhan punyo kaluarga atau masyarakaik sarupo jo masyarakaik manusia. Dari politeisme lah barulah ado konsep katuhanan lain, iyolah henoteisme. Dalam hénotesime, Tuhan diyakini punyo struktur pamarintahan jo pamarintahan tatinggi dipacik Dewa. Pakembangan salanjuiknyo dari henoteisme mamuncuakan monotheisme jo konsep baso Tuhan adolah sasuatu nan ciek.[23]

Indak ado kasapahaman tantang konsep katuhanan. Konsep katuhanan dalam agamo samawi tamasuak definisi monotheistik tantang Tuhan dalam agamo Yahudi, pandangan Kristen tantang Tritunggal, jo konsep Tuhan dalam Islam. Agamo-agamo dharma juo punyo pandangan nan balainan tantang Tuhan. Konsep-Konsep katuhanan dalam agamo Hindu ado di wilayah, sekte, kasta, jo bamacam-macam, mulai dari panenteistik, monotheistik, politeistik, bahkan ateistik. Adolah tokoh katuhanan nan dikana juo dek Gautama Buddha, tarutamo Sakhra jo Brahma.

Monoteisme jo henoteisme

suntiang
 
Hubungan antaro Allah Bapa, Allah Anak, jo Roh Kudus dalam Scutum Fidei, manjalehan garis gadnag konsep Tritunggal.

Urang-urang nan manyatokan monotheisme ma anggap baraso Tuhan hanyo ado surang, dan babarapo ajaran monotheis maanggap baraso Tuhan nan bana adolah Tuhan nan disambah dek kasadonyo agamo jo namo nan balain. Pandangan nan baraso kasadonyo pamuja Tuhan (dalam agamo nan balain) sabananyo manyambah Tuhan nan samo—atau indak disadari dek umat tasabuik—utamo-utamo diajakan dalam agamo Hindu[24] jo Sikh.[25]

Agamo Samawi atau juo disabuik rumpun agamo abrahamis (dek karano picayo Ibrahim/Ibrahim sabagai nabi) atau agamo langit dimaksudkan untuak manunjuk agamo Yahudi, Kristen, jo Islam. Agamo-agamo ko disabuik sabagai agamo-agamo monotheistik dek karano inyo hanyo manakankan ado ciek Tuhan. Urang Yahudi jo Islam bahkan manulak visualisasi Tuhan karano manuruiknyo indak ado nan dapek manyarupoi Tuhan. Walaupun serumpun, agamo-agamo iko manggunokan namo-namo nan babeda-beda disababakan dek parbedaan bahaso jo jangka panjang sajarahnyo. Namo nan acok ditamui adolah: Yahweh dalam agamo Yahudi; Bapak atau Isa dalam agamo Kristen; Allah dalam agamo Islam.

Agamo Kristen mangenal konsep Tritunggal, nan mukasuiknyo Tuhan mampunyoi tigo pribadi: Bapak, Putra, jo Roh Kudus. Konsep iko utamo dipakai dalam Gereja Katolik jo Gereja Ortodoks. Konsep iko adolah paham monotheis nan dipakai sajak dari Konsili Nicea I pado taun 325 M. Kata "Tritunggal" sandiri indak ado dalam Alkitab. Di Ulangan 6:4 ado tatulih, baraso Tuhan tu esa. Kaesaan iko dalam bahaso asali (ekhad) adolah "kasatuan dari babarapo satuan". Contonyo, dalam Kajadian 2:24 tatulih, "keduanya (manusia dan istrinya) menjadi satu (ekhad) daging" bararti kasatuan dari duo manusia. Di Kajadian 1:26 Tuhan manyabuik diri-Nyo jo kato ganti "kita", nan manganduang kejamakan dalam sifat Tuhan. Artinyo adolah satu Substansi katuhanan, tapi tadiri dari tigo pribadi.

Salain dari monotheisme nan indak manyatokan ado dewa-dewi, ado pulo ajaran henoteisme nan picayo jo manyambah ciek Tuhan, tapi juo picayo jo dewa-dewi lainnyo jo bahkan dapek manyambahnyo. Varian istilah tasabuik adolah "monoteisme inklusif" jo "politeisme monarki", dipakai untuak mambedakan ragam dari fenomena tasabuik. Henoteisme sarupo tapi kurang eksklusif dari monolatri (pamujaan kapado ciek Tuhan) dek karano monolatori hanyo manyambah kapado ciek Tuhan (manolak eksistensi dewi-dewi untuak disambah), samantaro panganut henoteisme dapek manyambah dewa-dewi dari panteon nan inyo picayo, tergantung pado kaadannyo, walaupun biasonyo inyo hanyo ka manyambah kapado ciek Tuhan sajo salamo hiduiknyo (kacuali ado konversi tatantu). Di babarapo agamo, pemilihan Tuhan mahakuaso dalam karangka henoteistik dapek tajadi, badasarkan alasan budaya, geografis, historis, bahkan politik.

Teisme, deisme, jo panteisme

suntiang

Teisme sacaro umum maajakan baso Tuhan ado sacaro realistis, objektif, jo independen. Tuhan diyakini sabagai pancipta jo pangatur sagalo sasuatu; maha kuasa jo abadi; pribadi jo barintegrasi samo alam semesta malalui pangalaman agamo jo doa-doa umat-Nyo.[26] Teisme manegaskan baso Tuhan sulit dipahami dek manusia sakaligus kekal salmaonyo; mako, Tuhan bersipaik indak tabateh sakaligus ado untuak mangurus kajadian di dunia.[27] Namun, indak kasadonyo urang teisme mangakui dalil tasabuik.[28] Teologi Katolik maakui baraso Tuhan Maha Kuasa sahinggo indak ka tarikek pado wakatu. Banyak panganut teisme pacayo bahasonyo Tuhan Mahakuwaso, Nan Maha Panolong, nan Maha Panyayang, walaupun pangakuan iko manimbuakan patanyoan tantang tanggung jawab Tuhan ateh kajahatan jo kasusahan nan ado di dunia. Babarapo urang ma anggap, Tuhan manahan diri walau punyo kuaso, nan tawu apo nan ka tajadi, sarato nan sangaik panyayang. Sabaliaknyo, manuruik teisme nan tabukak, dek karano alam wakatu, atribut Maha Tau indak mangartikan baraso Allah juo dapek manyampaikan masa depan. Teisme kadang-kadang digunokan untuak marujuak kapado iman kapado Allah jo dewa/dewi sacaro umum, misalnyo monotheisme jo politeisme.[29][30]

Deisme maajakan bahasonyo Tuhan sulik dipahami dek akal manusia. Menurut penganut deisme, Tuhan tu ado, tetapi indak ikuik campua dalam urusan kajadian di dunia satalah Inyo salasai manciptakan alam semesta.[31] Manuruik pandangan iko, Tuhan indak mampunyoi sifat-sifat kamanusiaan, indak serta-merta manjawab doa umat-Nya jo indak manunjuakkan mukjizat. Sacaro umum, deisme mayakini bahasonyo Tuhan maagiah kabebasan kapado manusia jo indak nio tahu mangenai apo nan dipeabuek manusia. Duo cabang deisme, pandeisme jo panendeisme mangombinasikan deisme jo panteisme jo panenteisme.[32][33][34] Pandeisme dimakasuikan untuak manjalehan mangapo Tuhan manciptakan alam semesta kamudian mangabaiannyo,[35] sabagaimano panteisme manjalehan asa mulo jo makasuik kabaradoan alam semesta.[36][37]

Panteisme maajakan bahasonyo Tuhan adolah alam semesta jo alam semesta itu Tuhan, sadangkan panenteisme manyatokan bahasonyo Tuhan maliputi alam semesta, tatapi alam semesta indaklah Tuhan. Konsep iko marupokan pandangan dalam ajaran Gereja Katolik Liberal, Theosophy, babarapo mazhab agamo Hindu, Sikhisme, babarapa divisi Neopaganisme jo Taoisme. Kabbalah, mistisisme Yahudi, malukisan pandangan Tuhan nan panteistis/panenteistis—nan ditarimo sacaro lueh dek aliran Yahudi Hasidik, khususnyo dari pandirinyo, Baal Shem Tov—namun hanyo sabagai tambahan tahadok pandangan Yahudi mangenai Tuhan personal, indak dalam pandangan panteistis murni nan manolak bateh-bateh persona Tuhan.

Konsep ketuhanan lainnya

suntiang

Disteisme, nan takait jo teodisi, adolah bantuak teisme nan mangajakan bahasonyo Tuhan indak sapanuahnyo elok namun juo indak sapanuahnyo jaek sabagai konsekuensi adonyo masalah kajahatan. Salah satu contoh aplikasi pandangan iko barasa dari kisah karya Dostoevsky, Karamazov Bersaudara.[38]

Pada maso kini, babarapo konsep nan labiah abstrak alah dikambangkan, misalnyo teologi proses jo teisme terbuka. Filsuf Prancis kontemporer Michel Henry manyatokan suatu pandekatan fenomenologi jo pangartian Tuhan sabagai esensi fenomenologis dari kahidupan.[39]

Tuhan juo diyakini sabagai zat nan indak bawujud, sasuatu nan bakapribadian, sumber sagalo kawajiban moral, jo "hal tagadang nan dapek direnungkan".[40] Atribut-atribut tasabuik diakui dek teolog Yahudi, Kristen awal, jo muslim, nan takamuko di antaronyo adolah: Maimonides,[41] Agustinus dari Hippo,[41] jo Al-Ghazali.[42]

Keberadaan Tuhan

suntiang

Ado banyak pasoalan filosofis manganai kabaradoan Tuhan. Babarapo definisi Tuhan indak basifat spesifik, samantaro nan lainnyo manguraikan sifat-sifat nan salinag batantangan. Argumen tantang kabaradoan Tuhan pado umumnyo maliputi tipe metafisis, empiris, induktif, jo subjektif, samantaro nan lainnyo bakutat pado teori evolusioner, aturan, jo kompleksitas di dunia. Pandapek nan manantang kabaradoan Tuhan pado umumnyo maliputi tipe empiris, deduktif, jo induktif.

Ado banyak pandapaek nan dikamukokan dalam usaho pambuktian kabaradoan Tuhan.[43] Babarapo pandapek takamuko adolah Quinque viae, argumen dari kainginan nan dikamukokan dek C.S. Lewis, jo argumen ontologis nan dikamukokan dek St. Anselmus jo Descartes.[44] Bukti-bukti tasabuik dipadebatkan jo caro sengit, bahkan di antaro para panganut teisme sakalipun. Babarapo di antaronyo, misalnya argumen ontologis, masih sangaik kontroversial di kalangan panganut teisme. Aquinas manulih risalah tantang Tuhan untuak manyangkal bukti-bukti nan diajukan Anselmus.[45]

Pandekatan nan dilakukan Anselmus adolah untuak mandefinisikan Tuhan sabagai "tidak ada yang lebih besar daripada-Nya untuk bisa direnungkan". Filsuf panteis Baruch Spinoza mambaok gagasan tasebuik labiah ekstrem: "Melalui Tuhan aku memahami sesuatu yang mutlak tak terbatas, yaitu, suatu zat yang mengandung atribut-atribut tak terbatas, masing-masing menyiratkan esensi yang kekal dan tidak terbatas". Bagi Spinoza, sagalo alam samesta tabuek dari satu zat, iolah Tuhan, atau padanannyo, iolah alam.[46] Bukti kabaradoan Tuhan nan diajukannyo merupokan variasi dari argumen ontologis.[47]

Fisikawan kondang, Stephen Hawking, jo panulih Leonard Mlodinow manyatokan dalam bukunyo, The Grand Design, bahasonyo marupokan hal nan wajar untuak mancari tahu siapo atau apo nan mambantuak alam samesta, tetapi bilo jawabannyo adolah Tuhan, mako patanyoannyo babaliak manjadi siapo atau apo nan manciptakan Tuhan. Takait patanyoan ini, lumrah tadanga bahasonyo ado sasuatu nan indak diciptakan jo indak paralu pancipta, jo sasuatu itu disabuik Tuhan. Hal iko dikana sabagai argumen sebab pertama untuak mandukuang kabaradoan Tuhan. Akan tatapi, kadua panulih tasebuik mangklaim bahasonyo pasti ado jawaban masuak aka sacaro ilmiah, tanpa mancampua kayakinan tantang hal-hal gaib.[48]

Babarapa teolog, misalnyo ilmuwan sakaligus teolog A.E. McGrath, bapandapek bahasonyo kabaradoan Tuhan indaklah patanyoan nan bisa dijawab jo metode ilmiah.[49][50] Agnostik Stephen Jay Gould bapandapek bahasonyo ilmu pangatahuan jo agamo indak batantangan jo indak saliang manjatuahan.[51]

Babarapo kasimpulan nan diparoleh dari babagai argumen nan mandukuang jo manantang kabaradoan Tuhan adolah: "Tuhan indak ado" (ateisme kuat); "Tuhan ampia indak ado"[52] (ateisme de facto); "indak jaleh apokah Tuhan ado atau indak" (agnostisisme[53]); "Tuhan ado, tatapi indak bisa dibuktikan atau dibantah (teisme lemah); jo "Tuhan ado jo dapek dibuktikan" (teisme kuek).

Tuhan dalam sudut pandang nonteistis

suntiang

Manuruik ajaran nonteisme, alam samesta dapek dijalehan tanpa mangungkit hal-hal gaib atau sasuatu nan indak taramati. Babarapo nonteis mangindari konsep katuhanan, samantaro manuruik nan lain, hal itu amaik pantiang; nonteis lainnyo mamandang sosok Tuhan sabagai simbol nilai-nilai jo aspirasi manusia. Ateis asa Inggris, Charles Bradlaugh manyatokan bahasonyo inyo manolak untuak bakato "Tuhan itu indak ado", kareno kato 'Tuhan' sandiri tadanga sabagai ungkapan untuak makasuik nan indak jaleh atau indak nyato; sacaro labiah spesifik, inyo bakato bahasonyo inyo indak mayakini Tuhan manuruik agamo Kristen.[54]

Stephen Jay Gould malakukan pandakatan jo mambagi dunia filosofi manjadi "non-overlapping magisteria" (NOMA). Manuruik pandangan tasebuik, patanyoan saputar hal-hal gaib/supernatural, sarupo halnyo kabaradoan jo sifat-sifat Tuhan, basifat non-empiris jo labiah layak diulas dalam bidang teologi. Metode ilmiah sayogianyo dipakai untuak majawab patanyoan manganai dunia nyato, jo teologi dipakai untuak majawab patanyoan tatang tujuan sejati jo nilai-nilai moral. Manurut padangan ini, kurangnyo bukti empiris tantang kakuatan supernatural tahadap kajadian alam, manyababkan ilmu pangatahuan manjadi pilihan pokok dalam manjalaskan fenomena di dunia.[55]

Manuruik pandangan lainnyo, nan dikambangkan dek Richard Dawkins, dinyatokan bahwa kabaradaan Tuhan adolah patanyaan empiris, jo alasan bahwa "alam semesta jo tuhan ka sungguah babeda jo nan tanpa tuhan, jo itu tentu marupokan pabedaan ilmiah."[56] Carl Sagan bapandapek bahwa doktrin Pancipta Alam Semesta sulit dibuktikan maupun dibantahkan, dan penemuan ilmiah yang dapat manyangka kabaradoan Sang Pancipta tentu manjadi panamuan bahwa usia alam samesta indak tabatas.[57]

Tuhan antropomorfis

suntiang

Pascal Boyer bapandapek bahwa dalam dunia nan dipanuhi dek babagai konsep saputa hal gaib nan babeda-beda, sacara umum, makhluk gaib tasebuik candaruang batindak salayaknyo manusia. Panggambaran dewa-dewi jo makhluk gaib lainnyo salayaknyo manusia adolah ciri nan mudah dikenali dari suatu agamo. Sabagai contoh, mitologi Yunani, nan manuruiknyo cenderung manyarupai opera sabun maso kini daripado suatu sistem kapicayoan.[58] Bertrand du Castel jo Timothy Jurgensen mandemonstrasikan malalui formalisasi bahwa panjalasan Boyer cocok jo epistemologi fisika dalam mamosisikan entitas nan diamati sabagai intermedian indak sacara langsuang.[59] Antropolog Stewart Guthrie bapandapat bahasonyo masyarakik mamproyeksikan ciri manusia kapado aspek-aspek non-manusia di dunia karena itu akan mambuat aspek-aspek tasabuik labiah familier. Sigmund Freud juo manyatokan bahwa konsep ketuhanan adolah proyeksi sosok ayah bagi sasaurang.[60]

Émile Durkheim adolah salah saurang patamo nan manyatokan bahwa tuhan marepresentasikan ekstensi kehidupan sosial manusia untuak mamasuakkan unsur-unsur gaib. Mangimbangi panyataan tasebuik, psikolog Matt Rossano bapandapek bahwa katiko manusia mulai iduik dalam kelompok-kelompok nan lebiah gadang, mereka manciptakan sosok tuhan sabagai panagakan ateh moralitas. Dalam kalompok nan labiah kecil, moralitas dapek dijago jo kakuatan sosial sarupo panyabaran gosip atau panjagaan namo baiak. Akan tatapi, lebih sulit untuak manjago moralitas dalam kalompok gadang jo manggunokan kakuatan sosial. Rossano manyatkan bahwa jo manambahan kapicayoan ka tuhan jo makhluk gaib nan mahatahu, mako manusia manamukan strategi efektif untuak mengandalikan keegoisan jo mambangun kelompok nan labiah kooperatif.[61]

Persentase kepercayaan akan Tuhan

suntiang
 
Persentase populasi di negara-negara Eropa sebagai hasil survei tahun 2005 bahwa mereka "percaya akan Tuhan". Negara mayoritas Katolik Roma (e.g.: Polandia, Portugal), Gereja Ortodoks Timur (Yunani, Romania, Siprus) atau Muslim (Turki) cenderung menunjukkan persentase tinggi.

Sampai taun 2000, sakitar 53% populasi dunia teridentifikasi sabagai panganuik salah satu dari tigo agamo samawi tagadang (33% Kristen, 20% Islam, <1% Yahudi), 6% Buddhis, 13% umat Hindu, 6% panganuik kapicayoan tradisional Tionghoa, 7% panganuik agamo lainnyo, jo kurang dari 15% mangaku indak beragamo. Kabanyakan agamo nan dianut manganduang kapicayoan akan Tuhan, roh, dewa-dewi, jo makhluk gaib.[62] Agamo samawi salain Kristen, Islam, jo Yahudi maliputi agamo Baha'i, Samaritanisme, Gerakan Rastafari, Yazidisme, jo Gereja Unifikasi.

Peran pado kemanusiaan

suntiang

Pamikiran manganai peran Tuhan dalam kabaradoan manusia di alam samesta alah dikambangkan dek Giovanni Pico della Mirandola jo Marsilio Ficino. Pico mayakini bahwa Tuhan alah mamberikan kasadaran kapado manusia mangenai hakikat kabaradoannyo di alam samesta sabagai katetapan-Nyo. Badasarkan kasadaran ini, manusia mampunyoi tangguang jawab ateh kahidupan nan diberikan kapadonyo dek Tuhan. Sadangkan Ficino bapandapek bahwa manusia marupokan makhluk rasional. Tuhan baperan mambimbing manusia di dalam kahidupannyo. Tanpa kabaradoan Tuhan, manusia indak dapek malakukan pabaikan apopun pado dirinyo surang.[63]

Lihat pula

suntiang

Rujuakan

suntiang
  1. ↑ a b swinburne, R.G. (1995), "God", dalam Honderich, Ted, The Oxford Companion to Philosophy, Oxford: Oxford University Press 
  2. ↑ Platinga, Alvin (2000), "God, Arguments for the Existence of", Routledge Encyclopedia of Philosophy, Routledge 
  3. ↑ Lichtheim, M. (1980), Ancient Egyptian Literature, 2, hlm. 96 
  4. ↑ Assmann, Jan (2005), Religion and Cultural Memory: Ten Studies, hlm. 59 
  5. ↑ Sigmund, Freud (1939), Moses and Monotheism: Three Essays 
  6. ↑ Stent, Gunther Siegmund (2002), Paradoxes of Free Will, DIANE, hlm. 34–38, ISBN 0-87169-926-5 
  7. ↑ Assmann, Jan (1997), Moses the Egyptian: The Memory of Egypt in Western Monotheism, Harvard University Press, ISBN 0-674-58739-1 
  8. ↑ Shupak, N. (1995), The Monotheism of Moses and the Monotheism of Akhenaten, Sevivot 
  9. ↑ Albright, William F. (Mei 1973), The Biblical Archaeologist, 36, No. 2, hlm. 48–76, doi:10.2307/3211050 
  10. ↑ Levine, Michael P. (2002), Pantheism: A Non-Theistic Concept of Deity, hlm. 136 
  11. ↑ Watanabe, Joyce (2006), "Baháʾuʾlláh", A Feast for the Soul: Meditations on the Attributes of God, hlm. x 
  12. ↑ Duggal, Kartar Singh (1988), Philosophy and Faith of Sikhism, hlm. ix 
  13. ↑ Kidder, David S.; Oppenheim, Noah D., The Intellectual Devotional: Revive Your Mind, Complete Your Education, and Roam Confidently With the Cultured Class, hlm. 364 
  14. ↑ Heuken, Adolf (1976), Ensiklopedi Populer Gereja 
  15. ↑ "Kamus Besar Bahasa Indonesia dalam jaringan". Pusat Bahasa Departemen Pendidikan Republik Indonesia. Diarsipkan dari versi asli tanggal 2014-05-27. Diakses tanggal 6 Februari 2024. 
  16. ↑ a b Sylado, Remy, Asal kata Tuhan 
  17. ↑ "Lukas 1:46 (LEYDEKKER DRAFT)". alkitab.mobi. Diakses tanggal 2024-02-06. 
  18. ↑ "tuhan (TB) - Pencarian Teks - Alkitab SABDA". alkitab.sabda.org. Diakses tanggal 2024-02-06. 
  19. ↑ Misalnya dalam bahasa Inggris Lord Holman Illustrated Bible Dictionary. Nashville, TN: Holman Bible Publishers. 6 Desember 2003. p. 1046. ISBN 0-8054-2836-4. https://archive.org/details/holmanillustrate0000unse_x2x0. 
  20. ↑ "Kejadian 2:4 (Versi Paralel) - Tampilan Ayat - Alkitab SABDA". alkitab.sabda.org. Diakses tanggal 2024-02-06. 
  21. ↑ 'Ar-Rabb, Yang Maha Mengatur dan Menguasai Alam Semesta, Muslim.Or.Id [pranala nonaktif permanen][pautan nonaktif salamonyo]
  22. ↑ www.dudung.net https://www.dudung.net/index.php?naon=cari&pilihan=1&keyword=tuhan&awal=1025. Diakses tanggal 2024-02-06.  Tidak memiliki atau tanpa |title= (bantuan)
  23. ↑ Kasno (2018). Salsabila, Intan. ed. Filsafat Agama. Surabaya: Alpha. pp. 33. ISBN 978-602-6681-18-8. http://repository.uinsby.ac.id/id/eprint/1155/1/Kasno_Filsafat%20Agama.pdf. 
  24. ↑ Essentials of Hinduism, 2002 
  25. ↑ Sri Granth 
  26. ↑ Smart, Jack (2003). Atheism and Theism. Blackwell Publishing. p. 8. ISBN 0-631-23259-1. 
  27. ↑ Lemos, Ramon M. (2001). A Neomedieval Essay in Philosophical Theology. Lexington Books. p. 34. ISBN 0-7391-0250-8. 
  28. ↑ Smart, Jack (2003). Atheism and Theism. Blackwell Publishing. p. 8. ISBN 0-631-23259-1. 
  29. ↑ "Philosophy of Religion.info–Glossary–Theism, Atheism, and Agonisticism". Philosophy of Religion.info. Diarsipkan dari versi asli tanggal 2008-04-24. Diakses tanggal 6 Februari 2024. 
  30. ↑ "Theism–definition of theism by the Free Online Dictionary, Thesaurus and Encyclopedia". TheFreeDictionary. Diakses tanggal 6 Februari 2024. 
  31. ↑ Lemos, Ramon M. (2001). A Neomedieval Essay in Philosophical Theology. Lexington Books. p. 34. ISBN 0-7391-0250-8. 
  32. ↑ Alan H. Dawe (2011). The God Franchise: A Theory of Everything. p. 48. ISBN 0473201143. 
  33. ↑ Sean F. Johnston (2009). The History of Science: A Beginner's Guide. p. 90. ISBN 1-85168-681-9. https://archive.org/details/historyofscience0000john. 
  34. ↑ Paul Bradley (2011). This Strange Eventful History: A Philosophy of Meaning. p. 156. ISBN 0875868762. 
  35. ↑ Allan R. Fuller (2010). Thought: The Only Reality. p. 79. ISBN 1608445909. 
  36. ↑ Allan R. Fuller (2010). Thought: The Only Reality. p. 79. ISBN 1608445909. 
  37. ↑ Peter C. Rogers (2009). Ultimate Truth, Book 1. p. 121. ISBN 1438979681. 
  38. ↑ Dostoyevsky, Fyodor, "The Brothers Karamazov", The Project Gutenberg EBook, Gutenberg.org, hlm. 259–261 
  39. ↑ Henry, Michel (2003). I Am the Truth. Toward a Philosophy of Christianity. Translated by Susan Emanuel. Stanford University Press. ISBN 0-8047-3780-0. 
  40. ↑ swinburne, R.G. (1995), "God", dalam Honderich, Ted, The Oxford Companion to Philosophy, Oxford: Oxford University Press 
  41. ↑ a b Edwards, Paul (1995), "God and the Philosophers", dalam Honderich, Ted, The Oxford Companion to Philosophy, Oxford University Press, ISBN 978-1-61592-446-2 
  42. ↑ Platinga, Alvin (2000), "God, Arguments for the Existence of", Routledge Encyclopedia of Philosophy, Routledge 
  43. ↑ Aquinas, Thomas (1990). Kreeft, Peter. ed. Summa of the Summa. Ignatius Press. p. 63. 
  44. ↑ Aquinas, Thomas (1990). Kreeft, Peter. ed. Summa of the Summa. Ignatius Press. pp. 65–69. 
  45. ↑ Aquinas, Thomas (1274). Summa Theologica. Part 1, Question 2, Article 3. http://www.newadvent.org/summa/. 
  46. ↑ Curley, Edwin M. (1985). The Collected Works of Spinoza. Princeton University Press. ISBN 978-0-691-07222-7. 
  47. ↑ Nadler, Steven, "Baruch Spinoza", dalam Edward N. Zalta, The Stanford Encyclopedia of Philosophy (edisi ke-Musim Gugur 2012) 
  48. ↑ Stephen Hawking (2010). The Grand Design. Bantam Books. p. 172. ISBN 978-0-553-80537-6. https://archive.org/details/granddesign0000hawk_x0i7. 
  49. ↑ Alister E. McGrath (2005). Dawkins' God: genes, memes, and the meaning of life. Wiley-Blackwell. ISBN 978-1-4051-2539-0. http://books.google.com/books?id=V9dr6167AJ8C. 
  50. ↑ Floyd H. Barackman (2001). Practical Christian Theology: Examining the Great Doctrines of the Faith. Kregel Academic. ISBN 978-0-8254-2380-2. http://books.google.com/books?id=Jb5aRB7OxWsC. 
  51. ↑ Gould, Stephen J. (1998). Leonardo's Mountain of Clams and the Diet of Worms. Jonathan Cape. p. 274. ISBN 0-224-05043-5. https://archive.org/details/leonardosmountai0000goul. 
  52. ↑ Dawkins, Richard. "Why There Almost Certainly Is No God". The Huffington Post. Diakses tanggal 6 Februari 2024. 
  53. ↑ Dixon, Thomas (2008). Science and Religion: A Very Short Introduction. Oxford: Oxford University Press. p. 63. ISBN 978-0-19-929551-7. https://archive.org/details/sciencereligionv00dixo_676. 
  54. ↑ Iconoclast (1876), A Plea for Atheism, London: Austin & Co., hlm. 2 
  55. ↑ Dawkins, Richard (2006). The God Delusion. Great Britain: Bantam Press. ISBN 0-618-68000-4. https://archive.org/details/goddelusion0000dawk_j9i4. 
  56. ↑ Dawkins, Richard. "Why There Almost Certainly Is No God". The Huffington Post. Diakses tanggal 6 Februari 2024. 
  57. ↑ Sagan, Carl (1996). The Demon Haunted World p.278. New York: Ballantine Books. ISBN 0-345-40946-9. 
  58. ↑ Boyer, Pascal (2001). Religion Explained,. New York: Basic Books. pp. 142–243. ISBN 0-465-00696-5. http://books.google.com/?id=wreF80OHTicC&pg=PA142&lpg=PA142&dq=boyer+modern+soap+opera. [pranala nonaktif permanen][pautan nonaktif salamonyo]
  59. ↑ du Castel, Bertrand (2008). Computer Theology,. Austin, Texas: Midori Press. pp. 221–222. ISBN 0-9801821-1-5. 
  60. ↑ Barrett, Justin (1996). "Conceptualizing a Nonnatural Entity: Anthropomorphism in God Concepts" (PDF). 
  61. ↑ Rossano, Matt (2007). "Supernaturalizing Social Life: Religion and the Evolution of Human Cooperation" (PDF). Diarsipkan dari versi asli (PDF) tanggal 2012-03-03. Diakses tanggal 6 Februari 2024. 
  62. ↑ National Geographic Family Reference Atlas of the World p. 49
  63. ↑ Faza, Abrar M. Dawud (2010). Harahap, Ahmad Gozali. ed. Perspektif Sufistik Ali Shariati dalam Puisi "One Followed by Eternity of Zeroes”. Medan: Penerbit Panjiaswaja Press. pp. 6-7. ISBN 978-602-96654-2-0. http://repository.uinsu.ac.id/5096/1/Buku%20Filsafat%20Ketuhanan%20Ali%20Shariati.pdf. 

Pautan lua

suntiang
Diambiak dari "https://min.wikipedia.org/w/index.php?title=Tuhan&oldid=3152203"