Palabuahan udaro Internasional Minangkabau
Palabuahan udaro Internasional Minangkabau (bahaso Indonesia: Bandar Udara Internasional Minangkabau) (IATA: PDG, ICAO: WIPT) biaso disabuik BIM adolah palabuahan udaro utamo di Provinsi Sumatera Barat, Indonesia. Lataknyo labiah kurang 23 km barat lauik kota Padang, iyolah di Katapiang, Kabupaten Padang Pariaman. Palabuahan udaro ko mulai baoperasi pado bulan Juli 2005, manggantian Palabuahan udaro Tabiang di Padang. Namo palabuahan udaro maambiak namo etnis Minangkabau nan mauni wilayah ko. Ado ciek bangunan terminal nan malayani panabangan internasional jo domestik sarato langkok jo 17 gerai check in, 5 konveyor untuak bagasi, sarato 9 gerai panjualan tiket.[3] Arsitektur atok terminal palabuahan udaro ko bantuaknyo bagonjong, sarupo jo arsitektur atok rumah gadang, rumah tradisional khas Minangkabau.
| Palabuahan udaro Internasional Minangkabau Minangkabau International Airport باندارو اينتيرنسيونل مينڠكاباو | |||||||||||
|---|---|---|---|---|---|---|---|---|---|---|---|
 | |||||||||||
| IATA: PDG · ICAO: WIEE – WMO: 96163 | |||||||||||
| Informasi | |||||||||||
| Jinih bandaro | Publik | ||||||||||
| Pamiliak | Pamarintah Indonesia | ||||||||||
| Pangalola | PT Angkasa Pura II | ||||||||||
| Malayani | Padang, Pariaman | ||||||||||
| Lokasi | Kabupaten Padang Pariaman, Sumatra Barat, Indonesia | ||||||||||
| Dibuko | 22 Agustus 2005 (operasional) 25 Agustus 2005 (dirasmian) | ||||||||||
| Kota fokus untuak | |||||||||||
| Ketinggian MDPL | 18 kaki (5 m) | ||||||||||
| Koordinat | 00°47′12″S 100°16′50″E / 0.78667°S 100.28056°EKoordinat: 00°47′12″S 100°16′50″E / 0.78667°S 100.28056°E | ||||||||||
| Situs web | http://www.minangkabau-airport.co.id | ||||||||||
| Petas | |||||||||||
 Sumatra daerah di Indonesia | |||||||||||
  PDG  PDG | |||||||||||
| Landas pacu | |||||||||||
| |||||||||||
| Statistik (2017) | |||||||||||
| |||||||||||
Pado akia taun 2013, panjang landasan pacu ditambah inggo mancapai 250 m, supayo tipe kapatabang gadang sarupo Boeing 747 jo Airbus A340 dapek pulo mandarek di siko, dan alah ado rancano untuak maubuangkan palabuahan udaro jo kota Padang jo layanan kareta api.[4] Pangambangan terminal fase kaduo alah pulo diumuman dan kaputusannyo bamuaik di situs web PT Angkasa Pura II.[5]
Pambangunan
suntiangPalabuahan udaro Internasional Minangkabau dibangun sabagai pangganti Palabuahan udaro Tabiang nan alah indak lai mamanuahi syaraik dari sisi kasalamaikan panabangan sasudah 34 taun lamonyo dipakai.[6] Pambangunan palabuahan udaro ko mulai dilakukan pado taun 2001 jo maabihan anggaran sakitar 9,4 miliar Yen, jo 10% di antaronyo (kiro-kiro 97,6 miliar Rupiah) marupokan pinjaman lunak dari Japan Bank International Coorporation (JICB). Konstruksinyo malibaikan kontraktor Shimizu jo Marubeni J.O. dari Japang, jo Adhi Karya dari Indonesia.[7]
Palabuahan udaro Internasional Minangkabau tagak di atek tanah salaweh 4,27 km² jo landasan pacu sapanjang 3.000 meter jo leba 45 meter.[8] Panabangan domestik dan internasional dilayani dek terminal salaweh 20.568 m², nan bakapasitas sakitar 2,3 juta panompang satiok tahunnyo.[9] Pado taun 2017, palabuahan ko ka dipalaweh duo tahap inggo mancapai 49.000 m². Jo pangambangan tu bekonyo ka dapek manampuang kiro-kiro 5,9 juta panompang per tahun.[9]
Palabuahan udaro ko adolah palabuahan udaro kaduo di Indonesia sasudah Soekarno-Hatta nan pambangunannyo dilakukan dari sajak samulo. Rencana induak pambangunan palabuahan udaro ko dilakukan dalam tigo tahap, tahap kaduonyo dimulai pado taun 2010. Sasudah sado tahap salasai pangarajoannyo, panjang landasan palabuahan ko ka dipapanjang manjadi 3.600 meter, nan juo langkok jo landasan pangubuang (taxiway) paralel di sapanjang landasan.
Transportasi Darek
suntiangPalabuahan udaro Internasional Minangkabau (BIM) dapek diakses baiak manggunoan kandaraan pribadi, maupun kandaraan umum sarupo bus jo taksi nan baoperasi satiok ari dari Kota Padang jo kota-kota lain di sakitarnyo.[10] Salamo taun 2015, jumlah panompang di BIM alah mancapai 3,1 juta panompang.[11] Sajalan jo pakambangan BIM, pamarintah daerah alah mambangun jalan layang di simpang ampek jalan masuak manuju BIM, nan disusua jo palebaran rueh jalan Tabiang—Duku sapanjang 10 km nan marupokan bagian dari rueh jalan Padang—Bukittinggi.[10]
Bus
suntiangPalabuahan udaro ko tahubuang malalui angkutan bus jo Kota Padang.
| Operator | Rute | Lokasi |
|---|---|---|
| Damri | Pasar Raya | Padang |
| Tranex Mandiri | Lubuk Begalung | Padang |
Kareta api
suntiang
Untua manuju Kota Padang, PT (Persero) Kereta Api alah mambangun jalur kareta api baru sapanjang 4,2 km dari Stasiun Duku manuju BIM.[12] Proyek ko manjadikan Palabuahan udaro Internasional Minangkabau tacataik sabagai palabuahan kaduo di Indonesia nan dapek diakses malalui jalur kareta api.[13] Uruang dari rencana samulo, angkutan kareta api nan ka mangubuangkan Stasiun Simpang Haru, Padang ko ditargetkan salesai pado Agustus 2016.[14] Kareta Palabuahan udaro Minangkabau akhianyo dirasmikan dek Presiden Joko Widodo pado tanggal 21 Mei 2018,[15] jo tarif dari Stasiun Padang ka Stasiun Palabuahan udaro Internasional Minangkabau anyo Rp10.000,00.[16]
Maskapai jo tujuan
suntiang
Panabangan nan dilayani di palabuahan udaro ko samo jo palabuahan udaro sabalunnyo.Untuak panabangan domestik, antaro lain maubuangkan Padang jo Jakarta, Batam, Medan, Bengkulu, Sungaipenuh, Sipora, jo Bandung. Samantaro untuak panabangan internasional iyolah jo Kuala Lumpur, Singapura, Jeddah, jo Madinah.
Palabuahan udaro Minangkabau dapek manampuang kapatabang sarupo Airbus A300, Airbus A319, Airbus A320, Airbus A330, Airbus A340, Airbus A350, ATR 72, Boeing 747, Boeing 777, jo McDonnell Douglas MD-11. Fasilitas nan jauah labiah langkok daripado Palabuahan udaro Tabing, maningkekan aktivitas panabangan di bandaro ko.[17]
Barikuik daftar panabangan lansuang malalui Palabuahan udaro Internasional Minangkabau:
Maskapai panompang
suntiang- ↑ Transit ka Thiruvananthapuram
- ↑ Transit ka Thiruvananthapuram
Kargo
suntiang| Maskapai | Tujuan | Route |
|---|---|---|
| Cardig Air | Jakarta–Halim Perdanakusuma | Domestik |
Rujuakan
suntiang- ↑ Informasi palabuahan udaro World Aero Data untuak WIPT
- ↑ Informasi palabuahan udaro untuak WIPT di Great Circle Mapper. Sumber: DAFIF.
- ↑ "PT Angkasapura II – Minangkabau Airport Facilities". Diarsipkan dari versi asli tanggal 2018-09-09. Diakses tanggal 2015-10-09.
- ↑ "Minangkabau Airport". Diarsipkan dari versi asli tanggal 2015-07-23. Diakses tanggal 2015-10-09.
- ↑ "PT Angkasapura II". Diarsipkan dari versi asli tanggal 2019-12-13. Diakses tanggal 2015-10-09.
- ↑ "Profil di situs web resmi Palabuahan udaro Internasional Minangkabau". Diarsipkan dari versi asli tanggal 2012-07-02. Diakses tanggal 2012-06-26.
- ↑ "Info di situs web resmi Palabuahan udaro Internasional Minangkabau". Diarsipkan dari versi asli tanggal 2012-07-02. Diakses tanggal 2012-06-26.
- ↑ "Bandara Internasional Minangkabau Tambah Landasan Pacu". Okezone.com. 2012-07-20. Diakses tanggal 2012-06-26.
- ↑ a b "AP II Investasi Rp61 Miliar untuk BIM". Diakses tanggal 2016-07-30.
- ↑ a b Kutipan rusak: Tag
<ref>indak sah; indak ado teks untuak ref banamoinfo - ↑ Kutipan rusak: Tag
<ref>indak sah; indak ado teks untuak ref banamoAP II Investasi - ↑ Febrianti (4 Januari 2013). "Sumatra Barat Buat Railbus ke Bandara". Tempo.co. Diarsipkan dari versi asli tanggal 2015-04-18. Diakses tanggal 31 Januari 2013.
- ↑ "Bandara Minangkabau Akan Diperluas dan Dilengkapi Akses Kereta". Detik.com. 2016-05-21. Diakses tanggal 2016-07-30.
- ↑ "Kereta Bandara Minangkabau Ditargetkan Beroperasi Tahun Ini". Tempo.co. Diakses pada 30 Juli 2016.
- ↑ Agustiyanti (2018-05-22). "Tiket Kereta Bandara Minangkabau Hanya Rp10 Ribu". CNN Indonesia. Diakses tanggal 2018-05-22.
- ↑ Chandra, Ardan Adhi (2018-05-21). "Kok Bisa Tarif Kereta Bandara Minangkabau Cuma Rp 5.000-10.000?". detikFinance. Diakses tanggal 2018-05-22.
- ↑ "Informasi kedatangan pesawat di situs web resmi Palabuahan udaro Internasional Minangkabau". Diarsipkan dari versi asli tanggal 2012-04-24. Diakses tanggal 2012-06-26.