Garuda Indonesia
PT. Garuda Indonesia (Persero) Tbk (call sign sabagai Garuda Indonesia) (IDX: GIAA) adolah maskapai panabangan nasional Indonesia. Garuda adolah namo wahana tunggangan Dewa Wisnu dalam mitologi India kuno. Pado tahun 2007, maskapai iko basamo jo maskapai Indonesia lainnyo (tamasuak anak parusahaan Garuda Indonesia, Citilink), dilarang tabang ka Eropa karano kajadian nan menimpa kapatabang Garuda Indonesia nomor panabangan 200.[1] Satahun kudian, maskapai iko manarimo sertifikasi IATA Operational Safety Audit (IOSA) dari IATA nan manunjuakkan Garuda Indonesia alah mamanuahi standar keselamatan panabangan Internasional.[2] Pabaikan layanan dan maningkeknyo kualitas layanan maskapai mambuek Garuda manjadi pamenang kategori "World's Most Improved Airline" dari Skytrax.[3] 1 Juni 2010 manjadi hari basijarah bagi Garuda Indonesia, di mano baliaknyo pambukaan rute Amsterdam dilaksanokan manggunokan Kapatabang Airbus A330-200 jo pambarantian di Dubai. Pado bulan Juni 2012, Garuda Indonesia jo klub sipak bola Liverpool FC, Inggirih mangadokan pajanjian karajo samo dan kini marupokan sponsor global untuak Liverpool FC.[4] Tahun 2013, Garuda Indonesia mendapek duo panghargaan dari Skytrax yaitu "World Best Economy Class" dan "World Best Economy Class Seat". Pado patangahan tahun 2014, Garuda Indonesia mandapek panghargaan "World's Best Cabin Crew".[rujuakan?]
Pado tanggal 5 Maret 2014, Garuda Indonesia resmi bagabuang jo aliansi SkyTeam sabagai anggota ka-20 nan paresmiannyo balangsuang di Denpasar, Bali.[5] Pado tanggal 30 Mei 2014, Garuda Indonesia malayani rute ka Amsterdam jo nonstop manggunokan kapatabang Boeing 777-300ER nan mampunyoi kabin paliang baru dari doalah armada. Pado tanggal 8 September 2014, Garuda Indonesia mapapanjang rute panabangannyo manuju London. Pado tanggal 11 Desember 2014, batapaikan jo mundurnyo Dirut Garuda Indonesia katiko tu, Emirsyah Satar. Garuda Indonesia mandapekkan Anugerah panghargaan sabagai maskapai "babintang 5" sadunia dari Skytrax dan manjadi anggota dari 8 maskapai dunia nan mandapek panghargaan tasabuik.
Asal namo Garuda Indonesia
suntiangPado tanggal 25 Desember 1949, wakil dari KLM nan juo kawan Presiden Soekarno, Dr. Konijnenburg, maadok dan malapor ka presiden di Yogyakarta bahwa KLM Interinsulair Bedrijf akan disarahkan kapado pamarintah sasuai jo hasil Konferensi Meja Bundar (KMB) dan mamintak ka inyo maagiah namo bagi parusahaan tasabuik karano kapatabang nan akan mambaoknyo dari Yogyakarta ka Jakarta nanti akan dicat sasuai namo itu.
Mananggapi hal tasabuik, Presiden Soekarno manjawek pertanyaan tasabuik jo mangutip satu barih dari sabuah sajak bahaso Belando gubahan pujangga tanamo, Raden Mas Noto Soeroto di zaman kolonial nan baisi, Ik ben Garuda, Vishnoe's vogel, die zijn vleugels uitslaat hoog boven uw eilanden ("Ambo adolah Garuda, buruang punyo Wisnu nan mambantangkan sayoknyo manjulang tinggi di ateh kepulauanmu").
Rujuakan
suntiang- ↑ "List of airlines banned within the EU". European Commission's "Transport" website. Diakses tanggal 21 Juni 2009.
- ↑ "Garuda Indonesia Joins SkyTeam". Flight Blight. 28 November 2010. Diarsipkan dari versi asli tanggal 11 July 2011. Diakses tanggal 7 Januari 2011.
- ↑ Garuda meraih penghargaan World's Most Improved Airline "Garuda Raih Worlds Most Improved Airline" Periksa nilai
|url=(bantuan). Kompas.com. 24 Mei 2010. - ↑ "Garuda Indonesia menandatangani perjanjian kerjasama dengan Liverpool FC". Garuda Indonesia. 12 Juli 2012.
- ↑ "Garuda Indonesia resmi menjadi anggota ke-20 aliansi global SkyTeam". Garuda Indonesia. 5 Maret 2014.
| Wikimedia Commons mampunyoi media nan bahubuangan jo Garuda Indonesia |