Irak

Republik Irak (namo lokal: Al Jumhuriyah al Iraqiyah - namo lokal singkek: Al Iraq (Arab: العراق , Turki: Irak, Kurdi: عيَراق), adolah sabuah nagara di Timur Tengah atau Asia Baraik Daya, nan maliputi sabagian tagadang daerah Mesopotamia sarato ujuang barat lauik dari Pagununagan Zagros jo bagian timur dari Gurun Suriah. Nagaro iko babatasan jo Kuwait jo Arab Saudi di selatan, Yordania di barat, Suriah di barat lauik, Turki di utara, dan Iran di timur. Irak mampunyoi bagian nan sangaik sampik dari garih pantai di Umm Qashr di Taluak Persia.

Republik Irak جمهورية العـراق Jumhūriyyat al-‘Irāq (Arab) كۆماری عێراق Komar-i ‘Êraq (Kurdi)
Bandera Lambang
Semboyan: الله أكبر Allahu Akbar (Arab: "Allah Maha Basa")
Lagu kebangsaan:  موطني Mawtini
Ibu kota (dan kota paliang gadang)	Bagdad
Bahaso resmi	Arab jo Kurdi
Pamarintahan	Republik parlementer
• Presiden	Fuad Masum
• Wakia Presiden	Ayad Allawi, Nouri al-Maliki, jo Usama al-Nujayfi
• Perdana Menteri	Haider al-Abadi
Legislatif	مجلس النواب Majlis an-Nuwwāb
Kamerdekaan  dari Britania Rayo
• Aia (%)	1,1
Populasi
- Pakiroan 2014	36.004.552 (36)
PDB (KKB)	2015
- Total	$522.700 miliar (37)
- Per kapita	$14.571 (85)
PDB (nominal)	2015
- Total	$240.006 miliar (47)
- Per kapita	$6.491 (88)
Gini (2007)	30,9 (sadang)
IPM (2013)	Steady 0,642  · 120
Mato uang	Dinar Irak (د.ع) (IQD)
Zona wakatu	Wakatu Standar Arab (UTC+3)
Lajua kamudi	suok
Kode telepon	+964
Kode ISO 3166	IQ
Ranah Internet	.iq dan عراق.

Irak mampunyoi sajarah nan kayo. Kini Irak tamasuak nagara bakambang di tangah-tangah parang sudaro.

Namo

Ado babarapo pandapek tantang asa usua namo Irak; - satu di antaronyo barasa dari kota Uruk (atau Erech) dari maso Karajaan Sumer. Pandapek lainnyo mengatoan baso Irak barasa dari bahaso Aram, nan baarti "tanah sapanjang tapian sungai." Pendapek lainnyo mangatoan baso Irak adolah sabuah rujuakan kapado aka pohon palma, karano jumlahnyo banyak bana di nagara itu.

Di bawah Dinasti Sassanid Persia, ado wilayah nan dinamoi "Erak Arabi" nan marujuak ka bagian dari wilayah barat daya Kakaisaran Persia, nan kini marupoan bagian dari Irak selatan. Al-Iraq adolah namo nan digunoan dek urang-urang Arab surang untuak daerah iko sajak abaik ka-6.

Sajarah

Sajarah kuno

Bagian ateh dari stela aturan hukum Hammurabi.

Sacaro historis Irak dikenal sabagai Mesopotamia, nan sacaro harafiah baarti "di antaro duo sungai " dalam bahaso Yunani. Tanah iko manjadi tampek kalahiran paradaban partamo dunia nan dikenal, budayo Sumeria, diikuiki jo budayo Akkadia, Babilonia jo Asyur nan pangaruahnyo maluas ka daerah-daerah tatangganyo sajak sakitar 5000 SM. Paradaban-paradaban iko manghasiaan tulisan tatuo jo sabagian dari ilmu pengetahuan, matematika, hukum jo filsafat nan partamo di dunia, hinggo manjadian wilayah iko pusek dari apo nan umumnyo dikenal sabagai "Buaian Paradaban". Paradaban Mesopotamia kuno mandominasi paradaban-peradaban lainnyo pado zamannyo.

Pado abad ka-6 SM, wilayah iko manjadi bagian dari Kakaisaran Persia di bawah Koresy Agung salamo hampia 4 abad, sebalun ditakluakan dek Alexander Agung jo tatap barado di bawah kakuasaan Kerajaan Makedonia salamo hampia duo abad. Sabuah suku bangsa Iran dari Asia Tangah nan banamo Parthia kamudian marabuik wilayah iko, diikuiki jo Dinasti Sassanid Persia salamo 9 abad, hinggo abad ka-7.

Di awal abad ke-7, Islam manyebar ka daerah nan kini banamo Irak. Sapupu sakaligus minantu Nabi Muhammad, iyolah Ali bin Abi Thalib mamindahan ibukota di Kufah "fi al-Iraq" di mano inyo manjadi Khulafaur Rasyidin nan ka-4. Bani Umayyah nan bakuaso dari Damaskus pado abaik ka-7 manguasai Provinsi Irak.

Baghdad, ibukota Khilafah Abbasiyah, adolah kota utamo bagi dunia Arab jo Islam salamo 5 abad.

Kasultanan Utsmaniyah

Pado taun 1258, Baghdad dihancuaan dek bangso Mongol. Kasultanan Utsmaniyah maambiak aliah Baghdad dari Persia pado taun 1535. Utsmaniyah kahilangan Baghdad ka Dinasti Safavid Persia pado taun 1509, dan maambiaknyo baliak pado taun 1632. Kakuasaan Utsmani ateh Irak balangsuang hinggo Parang Dunia I saaik Kesultanan Utsmaniyah barado basamo Kakaisaran Jerman jo Blok Sentral.

Geografi

Irak talatak di antaro garih lintang 29 ° jo 38 ° N, jo garih bujur 39 ° dan 49 ° E. Wilayahnya mamiliki laweh 437.072 km2 (168.754 sq mi), manjadiannyo sabagai nagara ka-58 tagadang di dunia. Lawehnyo sabandiang jo ukuran nagara bagian AS California, jo agak labiah gadang dari Paraguay.

Wilayah Irak sabagian gadang tadiri dari padang pasia, namun di sakitar Sungai Eufrat jo Tigris tadapek daratan aluvial nan subua. Bagian utara nagara tasabuik sabagian gadang tadiri dari pagunuangan; titik tatinggi nagara iko barado di Chekha Dar jo katinggian 3.611 m (11.847 ft). Irak mamiliki garih pantai kaciak baukuran 58 km (36 mil) di sapanjang Taluak Persia. Dakek jo pantai jo sapanjang Shatt al-Arab (dikenal sabagai arvandrūd: اروندرود antaro Iran) dahulu pernah ado rawa, tapi banyak nan dikariangan pado 1990-an.

Iklim

Sabagian gadang wilayah Irak mamiliki iklim nan earing jo pangaruah subtropis. Suhu musim paneh rato-rato di ateh 40 °C (104 °F) di sabagian gadang wilayah jo acok malabiahi 48 °C (118,4 °F). Suhu musim dingin jarang malabiahi 21 °C (69,8 °F) jo suhu maksimal sakitar 15 sampai 19 °C (59,0-66,2 °F) jo pado wakatu malam suhu antaro 2 sampai 5 °C (35,6-41,0 °F). Biasonyo curah hujan randah; sabagian gadang tampek mamiliki curah hujan 250 mm (9,8 in) per taun, jo curah hujan maksimum tajadi salamo bulan-bulan musim dingin. Hujan salamo musim paneh sangaik jarang, kacuali di ujuang utara nagara itu. Daerah pagununagan utara mamiliki musim dingin jo salju dalam jumlah gadang nan kadang-kadang manyababan banjir gadang.

Pamarintahan

Politik

Peta Irak

Pambagian administrasi

Caliak pulo: Distrik di Irak

Irak dibagi ka dalam 18 governorat (atau provinsi) (bahaso Arab: muhafadhat, tunggal - muhafadhah, bahaso Kurdi: پاریزگه Pârizgah). Governorat dibagi baliak ka dalam sajumlah qadhas (atau distrik).

Baghdad Salah ad Din Diyala Wasit Maysan Al Basrah Dhi Qar Al Muthanna Al-Qādisiyyah

Babil Karbala An Najaf Al Anbar Ninawa Dahuk Arbil At Ta'mim (Kirkuk) As Sulaymaniyah

Peta jo angko-angko nan manunjuakan Governorat di Irak

Konstitusi Irak nan baru mampasiapan pambantuakan sajumlah region jo manggabuangan 1 governorat atau labiah. Kini baru ado 1 region - Kurdistan Irak - jo ado usulan supayo labiah banyak lai region nan dibantuak di salatan.

Demografi

Sejarah populasi dalam jutaan
Taun	Jumlah Pend.	±% p.a.
1878	20	—
1947	48	+1.28%
1957	63	+2.76%
1977	120	+3.27%
1987	163	+3.11%
1997	220	+3.04%
2009	316	+3.06%
2015	37	−30.06%
Sumber:

Pakiroan 2016 dari total panduduak Irak adolah 37.202.527. Populasi Irak dipakiroan 2 juta pado taun 1878. Pado 2013, populasi Irak mancapai 35 juta jiwa di tangah ladakan populasi pasca parang.

75-80% panduduak Irak adolah bangso Arab; kalompok etnis utamo lainnyo adolah Kurdi (15-20%), Asiria, Turkmen Irak dll (5%), nan kabanyakan tingga di utara jo timur lauik nagari. Kalompok lainnyo adolah urang Persia jo Armenia (kamungkinan katurunan budayo Mesopotamia kuno). ±25.000–60.000 urang Arab Marsh tingga di selatan Irak.

Bahaso

Bahaso Arab jo Kurdi adolah bahaso resmi. Bahaso Asiria jo Turkmen adolah bahaso rasmi di daerah-daerah nan baturuik-turuik didiami dek urang Asiria jo Turkmen. Bahaso Armenia jo Persia ditutuakan juo namun jarang. Bahaso Inggirih adolah bahaso Barat nan umum ditutuakan.

Kalompok Etnis jo Agamo

Dipakiroan 75-80% panduduak Irak adolah bangso Arab; kalompok etnis utamo lainnyo adolah Kurdi (15-20%), Asiria, Turkmen Irak dll (5%), nan kabanyakan tingga di utara jo timur lauik nagari. Kalompok lainnyo adolah urang Persia jo Armenia (kamungkinan katurunan budayo Mesopotamia kuno). ±25.000–60.000 urang Arab Marsh tingga di selatan Irak. Komposisi etnis:

• Kalompok etnis: Arab, 75–80%; suku Kurdi, 15-20%; Turkoman, Assyria atau lainnyo 5%.
• Agamo: Islam, 97%; Kristen atau lainnyo, 3%.

Proporsi: Indak ado angko rasmi nan tasadio, tautamo karano sipeknyo nan sangaik politis. Sumber: Britannica: Syi'ah 60%, Sunni 40% Sumber: CIA World Fact Book: Syi'ah 60%-65%, Sunni 32%-37%

• Syi'ah: umumnyo Arab jo sabagian Turkmen jo Kurdi Faili hampia sadonyo adolah pangikuik aliran Duo Baleh Imam
• Sunni: tadiri dari urang-urang Arab, Turkmen nan manganuik Mazhab Hanafi jo urang-urang Kurdi nan mamaluak Mazhab Syafi'i

Manuruik kabanyakan sumber-sumber barat, mayoritas bangso Irak adolah urang Arab Muslim Syi'ah (sekitar 60%), dan Sunni nan mawakili sakitar 40% dari saluruah populasi nan tadiri dari suku Arab, Kurdi jo Turkmen. Urang-urang Sunni menyangkal kareh angko-angko ini, tamasuak saurang bakeh duta basa Irak , nan mangacu ka sumber-sumber Amerika . Mereka mengklaim baso banyak laporan atau sumber hanyo mancantumkan Sunni Arab hanyo sabagai 'Sunni', jo indak mamparetongan orang-urang Sunni Kurdi jo Sunni Turkmen. Sabagian bapandapek bahso Sensus Irak 2003 mancaliakan baso urang-urang Sunni labiah banyak (mandominasi Irak). Etnis Assyria (kabanyakan daripadonyo adolah pamaluak Gereja Katolik Khaldea jo Gereja Assyria di Timur) mawakili sabagian tagadang panduduak Kristen Irak nan cukuik gadang, basamo-samo jo urang Armenia. Pameluqk Bahá'í, Mandeanisme, Shabak, jo Yezidi ado juo. Kabanyakan urang Kurdi adolah pamaluak Muslim Sunni, walaupun kaum Kurdi Faili (Feyli) umumnyo adolah Syi'ah.

Budayo

Saurang gadih Irak nan tingga dakek Panyuliangan Minyak Al Daura.

Dalam milenium nan paliang mutakhir, Irak alah dibagi manjadi limo daerah budayo: Kurdi di utara nan bapusek di Arbil, Arab Islam Sunni di tangah sakitar Baghdad, Arab Islam Syi'ah di selatan nan bapusek di Basra, Assyria, sakalompok urang Kristen, nan tingga di babagai kota di utara, jo Arab Rawa, sakalompok urang nan bapindah-pindah, nan tingga di daerah barawa-rawa di sungai tangah. Pasa jo barter adolah bantuak padagangan nan lazim mareka karajoan.

Musik

Irak dikenal tautamo karano alat musik nan disabuik oud (mirip jo lute) jo rabab; bintang-bintangnyo tamasuak Ahmed Mukhtar jo Munir Bashir, saurang Assyria. Hinggo kajatuahan Saddam Hussein, satasiun radio nan paliang populer adolah Suaro Pemuda. Satasiun iko mamainkan campuran musik rock barat, hip hop jo musik pop, nan kasadonyo harus diimpor lewaik Yordania karano adonyo sanksi ekonomi internasional. Irak juo mamproduksi saurang bintang pop pan-Arab pantiang nan hiduik di pangasiangan iyolah Kazem al Saher, nan lagu-lagunyo mancakup Ladghat E-Hayya, nan dilarang karano kato-katanyo nan talampau kareh.

Galeri

• 
  Sungai Tigris dakek Mosul
• 
  Gerbang Ishtar (Bab Ishtar) 604-562 SM Babilonia Kuno
• 
  Menara Malwiya di Samarra

• 
  Raruntuahan Hatra
• 
  Tampek ziarah Imam Ali di Najaf
• 
  Parahu di Sungai Eufrat

Caliak pulo

• Pembangunan kambali Irak
• Rancangan Renaisanse Baghdad
• Ekonomi: Bursa Saham Irak, Dinar Irak, Ekonomi Irak
• Kajadian: 2005 di Irak, 2004 di Irak, Invasi Irak 2003, Irak pasca-invasi, 2003–sekarang, Pamberontakan di Irak, Parang Irak
• Geografi: Daftar tampek di Irak, Komunikasi di Irak, Transportasi di Irak
• Kalompok: Kurdi, Syi’ah, Sunni, Asyur, Suku Arab di Irak, Maslawi
• Politik: Politik Irak, Irak jo Demokrasi, Tantara Irak Baru, Hubunagan lua nagari Irak, Palanggaran hak asasi manusia di Irak, Pamberontakan di Irak, Parang sudaro di Irak, M. Ismail Marcinkowski, Religion and Politik in Iraq. Shiite Clerics between Quietism dan Resistance, jo panganta dek Profesor Hamid Algar of the University of California at Berkeley. Singapore: Pustaka Nasional, 2004 (ISBN 9971-77-513-1)
• Sajarah: Daftar rajo Irak, Daftar presiden Irak, Daftar pardano manaeri Irak, Mandat Britania ateh Irak, Sajarah Yahudi di Irak, Parang Iran-Irak, Sajarah astrologi, Bulan sabik subur, Mesopotamia, Babilonia
• Literatur: Epos Gilgames, Enuma Elish, Atra-Hasis
• Lainnya: Perangko jo sajarah pos di Irak, Hak kaum homoseksual di Irak, Mitologi Mesopotamia
• Kuburan massal di Irak

Bacaan labiah lanjuik

• Wawancara jo Sean Garcia dari Refugees International, tantang pandelaritaan ratusan ribu pangungsi Irak [2] Archived 2007-03-13 di Wayback Machine.
• Shadid, Anthony 2005. Night Draws Near. Henry Holt and Co., New York, Amerika Serikat. ISBN 0-8050-7602-6
• Hanna Batatu, "The Old Social Classes and the Revolutionary Movements of Iraq", Princeton: Princeton University Press, 1978
• Irak adolah salah satu setting utamo untuak novel fiksi ilmiah John J. Rust "Epsilon"
• A Dweller in Mesopotamia Archived 2005-05-25 di Wayback Machine., patualangan saurang seniman rasmi di Taman Eden, dek Donald Maxwell, 1921. (faksimili nan dapek dicari di Papustakaan Universitas Georgia; DjVu & layered PDF Archived 2005-09-06 di Wayback Machine. format)
• By Desert Ways to Baghdad Archived 2005-04-02 di Wayback Machine., dek Louisa Jebb (Mrs. Roland Wilkins) jo ilustrasi jo peta, 1908 (edisi 1909). (faksimili nan dapek dicari di Papustakaan Universitas Georgia; DjVu & layered PDF Archived 2005-09-06 di Wayback Machine. format)

Pranala lua

Pamarintah

•  Caliak panduan wisata Irak di Wikivoyage

• (Arab) (Inggirih) Situs rasmi Archived 2013-12-08 di Wayback Machine.
• (Inggirih) Situs Otoritas Samantaro Koalisi (arsip)
• (Inggirih) Iraq Analysis Group
• (Inggirih) Struktur pamarintahan baru Irak (PDF) Archived 2006-08-15 di Wayback Machine. (sajak 17 Juli 2006)
• (Inggirih) Pamarintahan Regional Kurdistan Archived 2016-05-06 di Wayback Machine.
• (Inggirih) Departemen Perindustrian jo Mineral

Caliak pulo

• Daftar nagara-nagara di dunia
• Daftar tokoh Irak
• Saddam Hussein

Tinjauan

• Encarta Encyclopedia Archived 2009-10-28 di Wayback Machine.
• al-Bab - Iraq Archived 2016-06-10 di Wayback Machine.
• Encyclopaedia Britannica Iraq Country Page
• BBC News Country Profile - Iraq
• CIA World Factbook - Iraq Archived 2007-03-14 di Wayback Machine.
• US State Department - Iraq tamasuak Catatan Lata belakang, Studi nagara, jo laporan-laporan penting
• Laporan Congressional Research Service (CRS) tentang Irak Archived 2008-05-02 di Wayback Machine.
• Iraq Country Profile dari Reuters AlertNet
• Country Briefing: Iraq dari The Economist

Barito

• Iraq News and Iraqi views Archived 2018-02-18 di Wayback Machine. from Electronic Iraq
• News in Depth Archived 2006-06-14 di Wayback Machine. from the Financial Times
• Diplomacy Monitor-Iraq Archived 2013-04-15 di Wayback Machine.
• IPS Inter Press Service Archived 2008-06-10 di Wayback Machine. Independent news about Iraq
• Iraqis react with joy, anger to Hussein death sentence CNN story on Hussein's death sentence

Lainnyo

• Juan Cole, a leading scholar and public intellectual
• The Ground Truth Project Archived 2006-09-26 di Wayback Machine.—A series of exclusive interviews and other resources capturing the voices of Iraqis, aid workers, military personnel and others who have spent significant time on-the-ground in Iraq.
•  Caliak panduan wisata Irak di Wikivoyage

• Education for Peace in Iraq Center (EPIC)—A Washington DC-based nonprofit organization promoting a free and secure Iraq
• Amnesty International Report on Iraq
• Coalition Provisional Authority Now-defunct occupation authority; site is archived
• Iraq Law Archived 2013-12-14 di Wayback Machine. dari University of Pittsburgh’s Jurist project
• 1900 - 2000 a history of Iraq
• US Embassy in Baghdad, Iraq Archived 2008-08-20 di Wayback Machine.
• Iraqi Familiarization Guide Archived 2007-12-01 di Wayback Machine. - (546 kilobyte PDF file)