Rabab

Rabab adaolah alaik musik gesek tradisional khas Minangkabau nan tabuek dari tampuruang karambia. Jo rabab iko dapek tasaluakan bakaik musik saurang. Biasonyo dalam rabab iko dikisahkan babagai carito nagari atau dikana jo istilah Kaba. Rabab Darek, Rabab Piaman dan Rabab Pasisie marupokan salah satu kesenian tradisional nan cukuik bakambang jo wilayah dan di dukuang dek masyarakaik satampek. Rabab Darek tumbuah dan bakambang di daerah darek Minangkabau malipuiki Luhak nan Tigo sadangkan Rabab Piaman bakeambang di daerah pesisie barat Minangkabau, nan maliputi daerah tapian pantai (pesisie).

Pamain rabab jo rababnyo

Kesenian Rabab sabagai salah satu kesenian tradisional nan tumbuah jo bakambang dalam kabudayaan masyarakaik Minangkabau, tasaba dibabarapo daerah jo wilayah jo komunitas masyarakaik nan mampunyoii jinih jo spesifikasi tatantu.

Pesisie Salatan sabagai wilayah kabudayaan Minangkabau nan manuruik geohistorisnyo di klasifikasikan kapado daerah Rantau Pasisia nan cakuikan wilayah tasabuik sangaik luweh jo didaerah ikolah bakambangnyo kasenian Rabab Pasisia. Rabab Pasisia ditinjau dari suduik pandang fisik partunjuakanyo mamiliki spesifikasi tasandiri dan ciri khas nan babedo jo rabab lainya. Tarutamo dari sagi bantuak alaik sarupo, jo biola sacaro historis barasa dari pangaruah budayo portugis nan datang ka Indonesia pado abaik ka XVI malalui pantai baraik Sumatra.

Dalam rabab mamiliki komposisi tasendiri tagantuang kapado lagu nan diinginkan jo mamainkan lagu nan basifaik kaba sabagai materi pokok. Lagu nan lahie tasabuik marupokan ide gagasan nan barasa dari komunitas masyarakaik nan babedo namun ado dalam daerah nan samo.