Wikipedia:Artikel nan Tapiliah/Agustus 2024
Mohammad Natsir adolah surang pajuang kamardekaan Indonesia, tokoh Islam, sarato politisi tanamo Indonesia. Natsir marupoan pardana mantari Indonesia nan kalimo. Inyo panah pulo dipicayo manjadi Presiden Liga Muslim sa-Dunia.
Natsir mulai mampalajari ajaran Islam nan mandalam sasudah pindah dari tampaik kalahiarannyo di Solok, Sumatera Barat ka Banduang untuak basikola di sinan. Tulisan-tulisannyo mulai ditabikan sajak 1929, dan pado maso 1930-an, inyo manulih babarapo makalah nan batema Islami. Inyo masuak dunia politik pado patangahan 1930-an, jariahnyo taruih batambah maningkek di antaro partai-partai Islam. Pado 5 September 1950, inyo tapiliah manjadi pardana mantari, jabatan tu dipaciknyo sampai 26 April 1951. Salapeh indak manjabaik lai, inyo acok mausaoan paningkatan pangaruah Islam jo fungsi otonomi daerah di Indonesia.
Natsir adolah pamimpin partai Masyumi nan tanamo. Di bawah kapamimpinannyo, Masyumi dapek maimpun sabagian gadang partai nan baaluan Islam di bawah ciek payuang, sainggo dapek maraiah suaro nan banyak dalam Pemilu 1955.(Salangkoknyo...)
Artikel nan Tapiliah sabalunnyo: Persatuan Tarbiyah Islamiyah – Tan Malaka – Tuhan – Adam B.B. – Daud Rasyidi