Wikipedia:Artikel nan Tapiliah/2017

< Wikipedia:Artikel nan Tapiliah
Bahrain

Karajoan Bahrain (Bahaso Arab: مملكة البحرين, Mamlakah al-Bahrain) adolah sabuah nagara kapulauan di Taluak Persia nan indak mampunyoi pabatehan darek. Taluak Bahrain ko marupoan pamisah antaro nagara ko jo Qatar dan Arab Saudi. Nagara Arab Saudi talatak di baraik Bahrain, dan disambuang ka Bahrain liwaik Tambak Raja Fahd nan dibukak sacaro rasmi pado 25 November 1986. Nagara Qatar talatak di salatan Bahrain, di subarang Taluak Persia. Laweh wilayah Bahrain ampia samo jo laweh wilayah DKI Jakarta, yaitu 780 km2. Bahrain ko alah diunyi dek manusia dari jaman pra-sajarah. Bahrain dalam Bahaso Arab nan aratinyo "Duo Lauik". (salangkoknyo...)

Artikel nan Tapiliah sabalunnyo: Kubah NabiBatu basurek Saruaso IIRumpun bahaso Malayu-PolinesiaKurambiakKambiang utan sumatera


Makam Achmad Mochtar

Prof. Dr. Achmad Mochtar (lahia 10 November 1890 di Sumatera Barat; wafaik 3 Juli 1945 di Jakarta) adolah surang ahli biologi molekuler Indonesia. Baliau luluih pado taun 1916 dari STOVIA, dan mulai praktik sabagai dotor di klinik ketek di Panyabungan, Sumatera Utara. Di sinan baliau batamu jo Wilhelm Schüffner, dotor Jerman ahli panyakik tropis nan sadang manaliti patogen malaria, nan kudian manjadi mentor Achmad Mochtar. Pamarentah kolonial Balando kudian mangiriman baliau untuak malanjuikan pandidiakan kadotorannyo di Universitas Amsterdam. Disertasi baliau baso leptospirosis bukan sabauk dari damam kuniang, batantangan jo pandapek Hideyo Noguchi, surang ahli mikrobiologi Japang. (salangkoknyo...)

Artikel nan Tapiliah sabalunnyo: BahrainKubah NabiBatu basurek Saruaso IIRumpun bahaso Malayu-PolinesiaKurambiak


Kambiang utan sumatera

Kambiang utan sumatera (Capricornis sumatraensis sumatraensis), dalam bahaso Gayo: Noang, bahaso Malayu: Kambing gurun, adolah ciek spesies anggota upafamili kambiang-antelop (Caprinae); nan marupoan hewan asli paunyi utan-utan pagunuangan pulau Sumatera jo samananjuang Thai-Malaya. Kambiang utan sumatera tarancam dek karusakan habitat jo paburuan, inggo dimasuakan dek IUCN ka dalam daftar spesies rentan. Hewan ko dilinduangi di Indonesia, badasar kapado Lampiran Peraturan Pemerintah RI No. 7 Tahun 1999, nan ditabikan tangga 27 Januari 1999. Kini ko populasi nan masih tasisa di Indonesia dapek ditamui di Taman Nasional Kerinci Seblat, Taman Nasional Batang Gadis, jo Taman Nasional Gunung Leuser. (salangkoknyo...)

Artikel nan Tapiliah sabalunnyo: Achmad MochtarBahrainKubah NabiBatu basurek Saruaso IIRumpun bahaso Malayu-Polinesia


Bijayendrawarman adolah namo salah surang yuwaraja (rajo mudo/pangeran) dari Karajaan Malayupura, nan bakuaso pado abaik ka-14 di daerah Pasaman, Sumatera Barat. Namo Bijayendrawarman disabuik dalam Batu basurek Lubuak Layang, nan ditamuan di Pancahan, Rao, Pasaman. Dikatoan baso inyo mandirian sabuah stupa, di suatu tampek nan dinamoan Parwatapuri. Kok diliek sacaro paleografi, bantuak tulisan pado batu basurek tu sarupo jo tulisan lainnyo nan dikaluaan salamo pamarentahan Rajo Adityawarman. Iko aratinyo ado duo yuwaraja di maso nan samo; yaitu Ananggawarman nan disabuik dalam Batu basurek Saruaso II, sarato Bijayendrawarman nan kamungkinan adolah anak pulo dari Rajo Adityawarman. Tampek kakuasoan Bijayendrawarman nan talatak di wilayah perbatasan karajaan (Pasaman), buliah jadi manunjuakan baso inyo adolah anak nan mudo, nan diangkek jadi panguaso untuak daerah tu. Kamungkinan nan lain adolah Bijayendrawarman baubuangan jo Akarendrawarman, yaitu panguaso karajaan sabalun Adityawarman. (salangkoknyo...)

Artikel nan Tapiliah sabalunnyo: Kambiang utan sumateraAchmad MochtarBahrainKubah NabiBatu basurek Saruaso II


Patamuan Batang Hari jo Batang Tembesi (poto k.1877-79)

Batang Hari (kadang ditulih juo Batanghari) adolah sabuah batang aia nan maalia malalui duo provinsi, yaitu Sumatera Barat dan Jambi, di bagian tangah pulau Sumatera, Indonesia. Batang aia ko adolah nan tapanjang di pulau Sumatera, yaitu mancapai 800 km sajak dari ulu inggo ka muaronyo, sarato lebanyo mancapai 500 km. Mato aianyo baasa dari Gunuang Rasan (2585 m), dan ulunyo adolah dari Danau Diateh, Solok. Dari Solok, Batang Hari baturuik-turuik malewati kabupaten-kabupaten Solok Selatan, Dharmasraya, Bungo, Tebo, Batang Hari, Kota Jambi, Muaro Jambi, dan Tanjung Jabung Timur, inggo tibo di lauik lapek dakek Muara Sabak. (salangkoknyo...)

Artikel nan Tapiliah sabalunnyo: BijayendrawarmanKambiang utan sumateraAchmad MochtarBahrainKubah Nabi


Wikipedia:Artikel nan Tapiliah/Juni 2017


Wikipedia:Artikel nan Tapiliah/Juli 2017


Wikipedia:Artikel nan Tapiliah/Agustus 2017


Wikipedia:Artikel nan Tapiliah/September 2017


Wikipedia:Artikel nan Tapiliah/Oktober 2017


Wikipedia:Artikel nan Tapiliah/Nopember 2017


Wikipedia:Artikel nan Tapiliah/Desember 2017