Batu basurek Lubuak Layang

Batu basurek

Batu basurek Lubuak Layang, atau disabuik juo batu basurek Kubu Sutan, adolah ciek batu basurek nan ditamuan taun 1970 di Kubu Sutan, Lubuak Layang, Rao Selatan, Pasaman,[1][2]

Batu basurek ko tapahek pado batu pasia, lataknyo miriang dek sabagian tabanam di tanah.[3] Tingginyo 85 cm di sisi nan indak tabanam jo 43 cm nan sisi tabanamnyo, leba 42 cm, jo taba 18 cm.[3] Tulisan tadapek pado kaduo sisinyo,[1][4] bagian muko 9 barih jo bagian balakang 7 atau 8 barih,[4] dalam bahaso campuaran Malayu Kuno jo Jawa Kuno.[2] Banyak tulisan alah sulik dibaco karano lah kabua.[3] Batu basurek ko indak batarikh, tapi kok diliek sacaro paleografi mangko dipakiroan baasa dari maso pamarentahan Rajo Adityawarman juo.[2]

Isi batu basurek ko manyabuik tantang surang rajo ketek/putra mahkota (Sanskerta: yuwaraja) banamo Bijayendrawarman nan mambuek stupa di suatu tampek nan disabuik Parwatapuri.[2] Iko manunjuakan kamungkinan baso sistem pamarentahan sarupo jo Mojopaik dipakai juo saaik tu, di mano anak rajo nan mudo dikirim ka pabatasan untuak manjadi panguasa satampek.[2]

Caliak puloSuntiang

RujuakanSuntiang

  1. ^ a b Abidin, Mas'oed (2005). Ensiklopedi Minangkabau. Pusat Pengkajian Islam dan Minangkabau. p. 90. ISBN 9793797231, 9789793797236. https://books.google.co.id/books?hl=id&id=VJFuAAAAMAAJ&dq=prasasti+lubuk+layang&focus=searchwithinvolume&q=lubuk+layang. 
  2. ^ a b c d e Kozok, Uli (2015). A 14th Century Malay Code of Laws: The Nitisarasamuccaya. Vol. 16 dari Nalanda-Sriwijaya Series. Institute of Southeast Asian Studies. p. 39, 325-326. ISBN 9814459747, 9789814459747. https://books.google.co.id/books?id=35lqBgAAQBAJ&pg=PA381&dq=prasasti+lubuk+layang&hl=id&sa=X&ved=0ahUKEwjAl8KRoPDOAhUJMo8KHdmvA2kQuwUIIjAB#v=onepage&q=lubuk%20layang&f=false. 
  3. ^ a b c Chandra, Dodi (25 September 2013). "Prasasti Lubuk Layang, Pasaman". dodichandra.blogspot.co.id. http://dodichandra.blogspot.co.id/2013_09_01_archive.html. Diakses pado 2 September 2016. 
  4. ^ a b Kontributor Lembaga Kerapatan Adat Alam Minangkabau Sumatera Barat (2000). Bunga rampai pengetahuan adat Minangkabau. Padang: Yayasan Sako Batuah. p. 172. https://books.google.co.id/books?id=YNNuAAAAMAAJ&q=prasasti+lubuk+layang&dq=prasasti+lubuk+layang&hl=id&sa=X&ved=0ahUKEwjAl8KRoPDOAhUJMo8KHdmvA2kQ6AEIKDAD.