Kubah Nabi
Kubah Nabi (Arab: قبة النبي, Qubbatun Nabi, Inggirih: Dome of the Prophet), dikana juo sabagai Kubah Jibril, adolah sabuah kubah nan tagak badiri di sabalah utara al-Haram asy-Syarif (kompleks Masjid Al-Aqsa) di Yerusalem, nan labiah baparan sabagai monumen simbolis daripado bangunan kaagamoan. Bangunan ko marupoan bagian dari langkan Kubah Batu, dan marupoan salah satu dari tigo buah kubah tapisah nan dibangun dek panguaso Utsmaniyah di area al-Haram asy-Syarif.[1]
.jpg)
Sijarah
suntiangAwanyo Kubah Nabi dibangun pado taun 1538 dek Muhammad Bey, Gubernur Yerusalem Utsmaniyah.[2][3] Namun bangunan ko dipaeloki ulang thun 1620 ateh parentah Gubernur Yerusalem panggantinyo, Farruk Bey, dan disalasaian pado maso pamarentahan Sultan Utsmaniyah Suleiman II. Kondisi kubah kini ko sabagian gadang manunjuakan asia renovasi taun 1620 tasabuik.[4] Kubah ko dibangun untuak mangana nabi umaik Islam, Muhammad SAW. Panambahan taakia pado kubah dilakuan salanjuiknyo pado taun 1845.[1]
Babarapo panulih Muslim, tarutamo Imam Suyuthi, bapandapek baso situs kubah ko adolah tampek Nabi Muhammad mamimpin para nabi dan malaikat badoa pado malam Isra dan Mi'raj, sabalun baliau diangkek naiak ka sarugo.[5] Dokumen sumbangan dari periode Utsmaniyah mancatat baso sabagian wakaf Masjid Al-Aqsa dipagunoan untuak mambiayoi panarangan palito di Kubah Nabi satiok malamnyo.[4]
Arsitektur
suntiangStruktur Kubah Nabi babantuak oktagonal (sagi dalapan) dibangun di ateh dalapan buah tiang kolom marmer bawarno kulabu.[6] Kubahnyo babantuak satangah bola (hemisferik), dan didukuang dek langkungan-langkungan tiang nan ujuangnyo diiasi jo babatuan bawarno sirah, itam, dan putiah. Tadapek mihrab kuno nan tabuek dari potongan marmer putiah nan ditanaman di lantai bangunan dan dikuliliangi dek batu-batu bawarno sirah sato dibateh dek sabuah tembok randah, nan sacaro tradisional tabukak di sabalah utaranyo untuak mamungkinan liwaiknyo para jamaah Muslim nan nak pai ka arah selatan untuak naiak aji di Mekkah.[1][4]
Ukuaran kubah ko labiah ketek daripado kubah-kubah tapisah lainnyo nan tadapek di sinan,[3] iyolah indak labiah gadang dari pintu masuak bangunan Kubah Batu.
Rujuakan
suntiang- ↑ a b c Prophet's Dome Archived 2012-12-10 di Wayback Machine. Archnet Digital Library.
- ↑ Dome of the Prophet Archived 2019-12-18 di Wayback Machine. Noble Sanctuary Online Guide.
- ↑ a b Visit the Dome of the Rock Archived 2016-01-25 di Wayback Machine. Kentucky Educational Television.
- ↑ a b c Al Masjidul Aqsa Site Plan Al-Aqsa Friends 2007.
- ↑ Imam as-Suyuthi, al-Isra' wal Mi'raj, Darul Hadits, Kairo, 2002, dalam Darusmanwiati, Aep Saepulloh, MA. Selaksa Hikmah di Balik Peristiwa Isra' Mi'raj Archived 2010-07-25 di Wayback Machine.. Situs Penerbit Zaman Archived 2010-08-24 di Wayback Machine.. Edisi 19 Juli 2010. Diakses 19 Agustus 2010.
- ↑ Jacobs, Daniel. Israel and the Palestinian Territories Rough Guides, p.350. ISBN 1-85828-248-9.
Koordinat: 31°46′41.30″N 35°14′06.31″E / 31.7781389°N 35.2350861°E