Wikipedia

Urang Aceh

Suku banso dari Aceh

Urang Aceh adolah namo sabuah suku nan mauni ujuang utara Sumatra. Mareka baagamo Islam. Bahaso nan dipagunokannyo adolah bahaso Aceh nan masih ado karabaik jo bahaso Mon Khmer (wilayah Champa). Bahaso Aceh marupoan bagian dari bahaso Melayu-Polinesia barat, cabang dari kaluargo bahaso Austronesia.

Urang Aceh
Ureuëng Acèh
Para lelaki Aceh dalam kesenian Rapa'i Pase
Total populasi
kurang labiah 5 juta
Kawasan jo populasi nan signifikan
Aceh: > 3,6 juto[1][2][3][4]
Bahaso
Aceh
Agamo
Islam
Kalompok etnis takaik
Melayu, Champa, Minang, Gayo, Alas, Singkil, Devayan

Urang Aceh mamiliaki sijarah panjang tantang kajayoan sabuah karajoan Islam hinggo pajuangan ateh panakluakan kolonial Hindia Balando.

Banyak dari budayo Aceh nan manyerap budayo Hindu India, dimano kosakato bahaso Aceh banyak nan babahaso Sanskerta. Urang Aceh marupoan suku di Indonesia nan patamo mamaluak agamo Islam sarato mandirikan karajoan Islam. Masyarakaik Aceh mayoritas bakarajo sabagai patani, buruah tambang, jo nalayan.

Sijarah

suntiang

Panduduak Aceh marupoan katurunan babagai suku, kaum, jo bangso. Laluhua urang Aceh barasa dari Semenanjung Malaysia, Cham, Cochin, Kamboja.

Di sampiang itu banyak pulo katurunan bangso asiang di tanah Aceh, Arab jo India arek hubuangannyo pasca panyebaran agamo Islam di tanah Aceh. Bangso Arab nan datang ka Aceh banyak nan barasa dari provinsi Hadramaut (Nagari Yaman), dibuktikan jo marga-marga mareka al-Aydrus, al-Habsyi, al-Attas, al-Kathiri, Badjubier, Sungkar, Bawazier jo lain lain, nan sadonyo marupoan marga-marga bangso Arab asa Yaman. Mareka datang sabagai ulamo jo badagang. Kko banyak dari mareka nan alah kawin campua jo panduduak asli Aceh, sarato mailangan namo marganyo.

Sadangkan bangso India banyak nan dari Gujarat jo Tamil. Dapaik dibuktikan jo panampilan wajah bangso Aceh, sarato variasi makanan (kari), jo juo warisan budayo Hindu Tuo (namo-namo kampuang nan diambiak dari bahaso Hindi, contoh: Indra Puri). Katurunan India dapaik ditamukan tasebar di saluruah Aceh. Karano latak geografis nan badakaikan mangka katurunan India cukuik dominan di Aceh.

Padagang-padagang Tiongkok acok juo mamiliaki hubuangan nan arek jo bangso Aceh, dibuktikan jo kadatangan Laksamano Cheng Ho, nan lah pernah singgah jo mahadiahkan Aceh jo sabuah lonceng gadang, nan kko takana jo namo Lonceng Cakra Donya, tasimpan di Banda Aceh. Samenjak saaik itu hubuangan dagang antaro Aceh jo Tiongkok cukuik mesro, sarato palauik-palauik Tiongkok pun manjadikan Aceh sabagai palabuahan transit utamo sabalun malanjuikka palayarannyo ka Eropa.

Salain itu banyak juo katurunan bangso Persia (Iran/Afghan) jo Turki, mareka pernah datang ateh undangan Karajoan Aceh untuak manjadi ulamo, padagang sanjato, palatiah prajurit jo serdadu parang karajoan Aceh, jo kko katurunan-katurunan mareka kabanyakan tasebar di wilayah Aceh Besar. Hinggo kko bangso Aceh sangaik suko namo-namo warihan Persia jo Turki. Bahkan sabuikan Banda, dalam namo koto Banda Aceh pun adolah warihan bangso Persia (Bandar arti: palabuahan).

Di samping itu ado pulo katurunan bangso Portugis, di wilayah Kuala Daya, Lam No (pasisia barat Aceh). Mareka adolah katurunan dari palauik-palauik Portugis di bawah pimpinan nakhodo Kapten Pinto, nan balaya handak manuju Malaka (Malaysia), sampaik pulo singgah jo badagang di wilayah Lam No, jo sabagian gadang di antaro mareka tatok tingga sarato manetap di Lam No. Sijarah mancataik paristiwa iko tajadi antaro taun 1492-1511, katiko itu Lam No di bawah kakuasoan karajoan kaciak Lam No, pimpinan Rajo Meureuhom Daya. Hinggo kko masih dapaik dicaliak katurunan mareka nan masih mamiliki profil wajah Eropa nan masih kental.

Asal keturunan

suntiang
Artikel utama: Sejarah Aceh

Bukti-bukti arkeologis awa panghuni Aceh adolah dari maso pasca Plestosen, dimano mereka tingga di pantai timur Aceh (daerah Langsa jo Tamiang), jo manunjukkan ciri-ciri Australomelanesid.[5] Mereka tarutamo hiduik dari hasia lauik, tarutamo babagai jenis kerang, sarato hewan-hewan daraik saroman babi jo badak.[6] Mereka alah mamakai api jo manguburan mayaik jo upacara tatantu.[6]

 
Sabuah ilustrasi dari Portugis nan tadapek dalam buku Códice Casanatense tahun 1540 nan manggambaran orang Aceh. Inskripsi nan tatulih: "Orang-orang nan mandiami pulau Sumatra nan dikenal sabagai Orang Aceh, mereka adolah orang-orang kafir, sangaik gemar parang nan batampua jo sumpik baracun; dari pulau Sumatra ko dikenal hasia cendana, kemenyan, jo banyak emas jo perak, sungguah pulau ko sangaiklah kayo."

Salanjuiknyo tajadi papindahan suku-suku asli Mantir[7] jo Lhan (proto Melayu), sarato suku-suku Champa, Melayu, jo Minang (deutro Melayu) nan datang balakangan turuik mambantuak panduduak pribumi Aceh. Bangso asiang, tarutamo bangso India selatan, sarato sabagian ketek bangso Arab, Persia, Turki, jo Portugis juo adolah komponen pambantuak suku Aceh. Posisi strategis Aceh di bagian utaro pulau Sumatra, salamo baribu tahun alah manjadi tampek pasinggahan jo pacampuran babagai suku bangsa, saroman dalam jalua padagangan lauik dari Timur Tengah hinggo ka Cina.

Asa muasa urang Aceh

suntiang

Legenda rakyat Aceh manyabuikan bahwa panduduak Aceh patama barasa dari suku Mante & Suku Lhan, Suku Mante marupoan etnis lokal nan marupoan bagian dari Suku Alas & Suku Karo, sadangkan suku Lhan diduga masih bakarabaik jo suku Semang nan bamigrasi dari Semenanjung Malaya atau Hindia Belakang (Champa, Burma).[8] Suku Mante pado mulonya mandiami wilayah Aceh Besar jo kamudian manyeba ka tampek-tampek lainnyo. Ado pulo dugaan sacaro etnologi tantang hubungan suku Mante jo bangso Funisia di Babilonia atau Dravida di lambah sungai Indus jo Gangga, namun hal tasabuik alun dapek ditatapkan dek para ahli kapastiannya.[9]

Katiko Kerajaan Sriwijaya mamasuki maso kamundurannyo, dipakirokan sakalompok suku Melayu mulai bapindah ka tanah Aceh.[10] Di lambah sungai Tamiang nan subur mereka kamudian manatok, jo salanjuiknyo dikan jo sabutan suku Tamiang.[11] Sasudah mereka ditaklukkan dek Kerajaan Samudera Pasai (1330), mulailah integrasi mereka ka dalam masyarakaik Aceh, walau sacaro adaik jo dialek tatap tadapek kadakatan jo budayo Melayu.

Suku Minang nan bamigrasi ka Aceh banyak nan manetap di sakita Meulaboh jo lembah Krueng Seunagan.[12] Umumnyo daerah subur ko mereka kelola sabagai persawahan basah jo kebun lada, sarato sabagian lagi juo badagang.[12] Panduduak campuran Aceh-Minang ko banyak pulo tadapek di wilayah bagian selatan, yaitu di daerah sekita Susoh, Tapaktuan, jo Labuhan Haji. Mereka banyak nan sahari-harinyo mangecek baiak dalam bahaso Aceh maupun bahasa Aneuk Jamee, yaitu dialek khusus mereka surang.

 
Bendera Kesultanan Aceh

Akibaik politik ekspansi jo hubungan diplomatik Kesultanan Aceh Darussalam ka wilayah sakitanyo, mako suku Aceh juo bacampua jo suku-suku Gayo, Nias, jo Kluet. Pangikek kasatuan budayo suku Aceh nan barasa dari babagai katurunan tu tarutamo iolah dalam bahasa Aceh, agama Islam, jo adat-istiadaik khas satampek, sabagaimano nan dirumusan dek Sultan Iskandar Muda dalam undang-undang adaik Makuta Alam.[13]

India

suntiang

Banyak pula tadapek katurunan bangso India di tanah Aceh, nan arek hubungannya jo padagangan jo panyabaran agamo Hindu-Buddha jo Islam[14] di tanah Aceh. bangso India kabanyakan dari Tamil[15] jo Gujarat,[16] nan katurunannyo dapek ditamukan taseba di saluruah Aceh. Pangaruah bangso India tacaliak antaro lain dari panampilan budayo jo fisik pado sabagian uang Aceh, sarato variasi makanan Aceh nan banyak manggunoan kari.[17] Banyak pulo namo-namo desa nan diambiak dari bahasa Hindi, (contoh: Indra Puri), nan mancaminan warisan kabudayaan Hindu maso lampau.

Arab, Persia, jo Turki

suntiang


"Sukèë Lhèë Reutōïh ban aneu' drang

Sukèë Ja Sandang jra haleuba.

Sukèë Ja Batèë na bachut-bachut;

Sukèë Imeum Peuët nnan gō'-gō' dōnya."

— Puisi lisan (hadih maja) dalam

De Atjeher, Snouck Hurgronje.[18]

Bangso Arab nan datang ka Aceh banyak nan barasal dari Hadramaut, Yaman. Di antaro para pandatang tasabuik tadapek antaro lain marga-marga al-Aydrus, al-Habsyi, al-Attas, al-Kathiri, Badjubier, Sungkar, Bawazier, jo lain-lain, nan sadoalahnyo marupoan marga-marga bangso Arab asal Yaman.[19] Mereka datang sabagai ulama panyeba agamo Islam jo sabagai padagang.[14] Daerah Seunagan misalnyo, hinggo ko takenal banyak mampunyoi ulamo-ulamo katurunan sayyid, nan dek masyarakaik satampek dihormati jo sabutan Teungku Jet atau Habib.[12] Di Seunagan banyak katurunan dari ulama gadang Al Qutb Wujud Habib Abdurrahim bin Sayid Abdul Qadir Al-Qadiri Al-Jailani nan dikana jo Habib Seunagan. Damikian pulo, sabagian Sultan Aceh adolah juo katurunan sayyid.[20] Katurunan mereka pado masa ko banyak nan alah kawin campua jo panduduak asli suku Aceh, jo manghilangan nama marganyo.

Tadapek pulo katurunan bangso Persia nan umumnya datang untuak manyebaran agamo jo badagang,[14] sadangkan bangso Turki umumnyo diundang datang untuak manjadi ulamo, padagang sanjato, palatih prajurit, jo serdadu parang karajaan Aceh.[21] Saat ko katurunan bangso Persia jo Turki kabanyakan taseba di wilayah Aceh Besar. Namo-namo warisan Persia jo Turki masih tetap digunoan dek urang Aceh untuak manamoi anak-anak mereka, bahkan sabutan Banda dalam namo kota Banda Aceh juo adolah kato sarapan dari bahasa Persia (Bandar artinya "pelabuhan"). [9]

Portugis

suntiang

Keturunan bangso Portugis tarutamo tadapek di wilayah Kuala Daya, Lam No (pesisir barat Aceh).[22] Palauik-pelauik Portugis di bawah pimpinan nakhoda Kapten Pinto, nan balayar hendak manuju Malaka, sempat singgah jo badagang di wilayah Lam No, di mano sabagian di antaro mereka lalu tinggaa manetap di sana. Sijarah mancataik paristiwa ko tajadi antaro tahun 1492-1511, pado saat itu Lam No di bawah kakuasaan karajaan kecil Lam No, pimpinan Raja Meureuhom Daya. Hinggo saat ko, masih dapek diliek katurunan mereka nan masih mampunyoi profil wajah Eropa. [9]

Tarian

suntiang

Bahaso

suntiang

Bahaso nan dipagunokan adolah Bahaso Aceh

Makanan Khas

suntiang

Masakan

suntiang

Kue

suntiang

Tokoh

suntiang

Rujuakan

suntiang
  1. ↑ Making Noise: The Politics of Aceh and East Timor in the Diaspora[pranala nonaktif permanen]
  2. ↑ "Making Noise: The Politics of Aceh and East Timor in the Diaspora" (PDF). Diarsipkan dari versi asli (PDF) tanggal 2014-08-12. Diakses tanggal 2013-04-02. 
  3. ↑ "Acehnese in New York" (PDF). Diarsipkan dari versi asli (PDF) tanggal 2012-02-19. Diakses tanggal 2013-04-02. 
  4. ↑ [1]
  5. ↑ Poesponegoro & Notosusanto 2008, hlm. 147.
  6. ↑ a b Poesponegoro & Notosusanto 2008, hlm. 148.
  7. ↑ Ion & Errington 1993, hlm. 61.
  8. ↑ Alamsyah 2008, hlm. 201.
  9. ↑ a b c M. Zainuddin. 1961. Tarich Atjeh dan Nusantara. Medan. Pustaka Iskandar Muda
  10. ↑ Usman, Abdul Rani (2003), Sejarah peradaban Aceh: suatu analisis interaksionis, integrasi, dan konflik, Yayasan Obor Indonesia, ISBN 9789794614280 , hlm. 40.
  11. ↑ Suny, Ismail (1980), Bunga rampai tentang Aceh, Bhratara Karya Aksara , hlm. 146.
  12. ↑ a b c Kuhnt-Saptodewo, Grabowsky & Grossheim 1997, hlm. 183.
  13. ↑ "Suku Aceh". RomaDecade (dalam bahasa Indonesia). 2019-04-16. Diarsipkan dari versi asli tanggal 2019-01-26. Diakses tanggal 2019-11-23. 
  14. ↑ a b c Graf, Schroter & Wieringa 2010, hlm. 182.
  15. ↑ Reid 2006, hlm. 25-30.
  16. ↑ Reid 2006, hlm. 30-59.
  17. ↑ Graf, Schroter & Wieringa 2010, hlm. 183.
  18. ↑ Hurgronje 1984, hlm. 57.
  19. ↑ Adan, Hasanuddin Yusuf (2006). Politik dan tamaddun Aceh, Adnin Foundation Aceh, ISBN 9789792594805. Hlm. 4.
  20. ↑ Hurgronje 1984, hlm. 47-48.
  21. ↑ Graf, Schroter & Wieringa 2010, hlm. 26-43.
  22. ↑ Muammar Fikire, Muhajir Abdul Aziz. "Telusur Jejak Turunan Portugis di Aceh". Diarsipkan dari versi asli tanggal 26 November 2020. Diakses tanggal 18 September 2020. 

Caliak pulo

suntiang


  Iko baru laman rancangan. Bantulah Wikipedia untuak mangambangannyo.
Diambiak dari "https://min.wikipedia.org/w/index.php?title=Urang_Aceh&oldid=3159397"