Syaiful Adnan
Drs. Syaiful Adnan (lahia di Saniangbaka, Solok, Sumatera Barat, 5 Juli 1957; umua 67 taun) adolah surang palukih Indonesia.[1] Syaiful dipandang sabagai salah surang tokoh pambaharu seni lukih kaligrafi di tanah aia nan manamuan hal baru di lua kaidah-kaidah baku dalam seni lukih kaligrafi. Syaiful banyak baraja dari urang-urang nan bukan palukih, tapi justru dari tokoh-tokoh rohaniawan, sarupo Abdul Hamid Dimiyati, ahli kaligrafi dari IAIN Yogyakarta sarato Sirajudin, ahli kaligrafi dari Jakarta. Dari hasil pambalajaran tu, akhianyo Syaiful manamuan gaya nan babedo dari palukih-palukih kaligrafi lainnyo, sahinggo malaiakan aliran baru nan dijuluaki Kaligrafi Arab Syaifuli.[2]
Syaiful Adnan | |
|---|---|
| Lahia | 5 Juli 1957 |
| Kabangsaan |  Indonesia |
| Karojo | Seniman |
| Dikana dek | Parintis aliran Kaligrafi Arab Syaifuli |
Riwayaik
suntiangPandidikan
suntiangSyaiful laia di Saniangbaka, Solok, namun manatap jo barkarya di Yogyakarta, DIY.[3] Syaiful manamaikan pandidikan di jurusan seni lukih SSRI/SMSR (SMKN 4) Padang pado taun 1975.
Karya
suntiangSyaiful Adnan malaksanaan pameran pardana lukisan kaligrafinyo pado MTQ (Musabaqah Tilawatil Quran) tingkek nasional di Semarang, Jawa Tengah. Sajak taun 1978, Syaiful Adnan alah banyak maikuiki iven-iven nasional bahkan internasional, di antaronyo pameran visual art Festival Seni Melayu Asia Tenggara 2012 (See MAAF) nan disalanggaraan dek Badan Kerja Sama-Perguruan Tinggi Seni Indonesia (BKS-PTSI) se-Indonesia jo sajumlah paguruan tinggi nagaro tatangga, di antaronyo Universitas Teknologi Mara Malaysia, Universitas Rajabhat Thailand di gaduang Graha Serambi Mekkah, Padangpanjang, Sumatera Barat pado bulan November 2012.
Syaiful alah puluahan kali malaksanaan pameran di babagai nagaro Asia lainnyo, sarupo di Jeddah jo Riyadh, Arab Saudi, Japang, Hong Kong, Singapura, Thailand, Brunei Darussalam, Malaysia jo lain-lainnyo. Karya-karya masterpiece nan dihasiaannyo lah dikoleksi pulo dek babarapo urang kapalo nagaro baiak sabagai koleksi pribadi maupun koleksi negara, di antaronyo dek Mahathir Mohamad dan Museum Nagaro Malaysia, Presiden Republik Islam Pakistan, Zia-ul-Haq, Sultan Hassanal Bolkiah dari Brunei Darussalam sarato babarapo tokoh dunia sarupo Karel A. Steenbrink dari Amerika Serikat, Dieter Amsler dari Kanada. Sadangkan di dalam nagari, karya Syaiful Adnan tacatat dikoleksi dek Istana Negara RI, Adam Malik, A.H. Nasution, Azwar Anas, Alamsjah Ratoe Perwiranegara, Dewi Motik Pramono, sarato babarapo tokoh lainnyo.[4]
Pangaragoan
suntiangSasudah maabdian dirinyo pado dunia seni lukih kaligrafi salamo puluahan taun, Syaiful mandapekan babarapo pangaragoan, diantaronyo:
- Medali Emas dalam Kompetisi Seni Lukis Seluruh Indonesia (1982)
- Penghargaan Affandi Adikarya sabagai Pelukis terbaik
Rujuakan
suntiang- ↑ Syaiful Adnan Archived 2015-07-22 di Wayback Machine. Situs Dewan Kesenian Jakarta. Diakses 5 Agustus 2013.
- ↑ Profil Syaiful Adnan Gudeg.net. Diakses 5 Agustus 2013.
- ↑ Rumah Gadang Saniangbaka di Yogyakarta Siap Diresmikan Archived 2015-07-22 di Wayback Machine. KRjogja.com, 30 Agustus 2012. Diakses 14 Juli 2013.
- ↑ Karyanya Dikoleksi Sejumlah Kepala Negara Padang Ekspres, 15 Desember 2012. Diakses 5 Agustus 2013.
Pautan lua
suntiang- (Indonesia) Analisis Visual pada Lukisan Kaligrafi Arab pada Karya Amang Rahman dan Syaiful Adnan Archived 2015-07-22 di Wayback Machine. Situs Fakultas Seni Rupa dan Desain ITB. Diakses 14 Juli 2013.
- (Indonesia) Pameran Seni Rupa Kaba dari Ranah karya Kamal Guchi[pranala nonaktif permanen] Bentara Budaya Yogyakarta, 21 April - 29 April 2012. Diakses 14 Juli 2013.
- (Indonesia) Universitas Ahmad Dahlan Gelar Festival Muhamaram Republika.co.id, 26 November 2011. Diakses 14 Juli 2013.
- (Indonesia) Indonesia di festival "Tlemcen" Aljazair ANTARA News, 12 September 2011. Diakses 14 Juli 2013.
- (Inggirih) Picturing Islam: Art and Ethics in a Muslim Lifeworld Kenneth M. George. Diakses 14 Juli 2013.
