Abdul Haris Nasution
Jenderal Besar TNI (Purn.) Dr. (H.C.)[1] Abdul Haris Nasution (3 Desember 1918 – 6 September 2000) adolah saurang pahlawan nasional Indonesia nan marupoan tokoh TNI AD nan manjadi sasaran dalam peristiwa Gerakan 30 September. Baliau salamaik dari upayo penculikannyo, tapu harus rela kahilangan anak padusinyo Ade Irma Suryani Nasution sarato ajudannyo Lettu Pierre Tendean.
 | |||||||||||||
| Namo dalam bahaso usali | (id) Abdul Haris Nasution  | ||||||||||||
|---|---|---|---|---|---|---|---|---|---|---|---|---|---|
| Biografi | |||||||||||||
| Lahia | 3 Desember 1918 Hindia-Balando | ||||||||||||
| Kamatian | 5 September 2000 (81 tahun (id) terjemahkan) Daerah Kusuih Ibukota Jakarta | ||||||||||||
| Panyabab kamatian | Penyakit serebrovaskular (id)  | ||||||||||||
| Tampek dimakamkan | Taman Makam Pahlawan Nasional Utama Kalibata (id) | ||||||||||||
27 Agustus 1964 – 24 Pebruari 1966
13 Nopember 1963 – 27 Agustus 1964
6 Maret 1962 – 13 Nopember 1963
18 Pebruari 1960 – 6 Maret 1962
10 Juli 1959 – 18 Pebruari 1960
| |||||||||||||
| Data pribadi | |||||||||||||
| Agamo | Islam | ||||||||||||
| Almamater | Sekolah Raja | ||||||||||||
| Kagiatan | |||||||||||||
| Karajo | Politikus jo anggota angkatan basanjato | ||||||||||||
| Periode aktif | 1945 – | ||||||||||||
| Kesetiaan (id) | Indonesia | ||||||||||||
| Cabang militer (id) | Tentara Nasional Indonesia Angkatan Darat (id) | ||||||||||||
| Pangkat militer (id) | jenderal (id) | ||||||||||||
| Komando (id) | Tantara Nasional Indonesia | ||||||||||||
 | |||||||||||||
Nasution marupoan konseptor Dwifungsi ABRI nan disampaian pado taun 1958 nan salanjuiknyo diadopsi salamo pamarintahan Soeharto. Konsep dasarnyo marupoan jalan supayo ABRI indah harus barado di bawah kandali sipil, tapi di wakatu nan samo indak buliah mandominasi sahinggo manjadi sabuah kediktatoran militer. Basamo Soeharto jo Soedirman, Nasution manarimo pangkek kahormatan Jenderal Besar nan dianugrahan pado tanggal 5 Oktober 1997, katiko ulang tahun ABRI.
Kahidupan awal
suntiangNasution dilahian di Desa Hutapungkut, Kotanopan, Kabupaten Mandailing Natal, Sumatra Utara,[2] dari kaluargo Batak Muslim.[3] Baliau adolah anak kaduo jo marupoan anak laki-laki paliang gadang di kaluargonyo. Ayahnya adolah saurang panggaleh nan manjua tekstil, karet, kopi, jo marupoan anggota dari organisasi Sarekat Islam. Ayahnyo nan religius nio anaknyo masuak sikolah agamo, samantaro mandenyo nio anaknyo baraja kadokteran di Batavia. Namun, katiko lulus dari sikolah pado taun 1932, Nasution manarimo beasiswa untuak baraja di Sekolah Raja Bukittinggi (kini SMA Negeri 2 Bukittinggi).
Pado taun 1935 Nasution pindah ka Bandung untuak malanjuikan studi, disinan baliau tingga salamo tigo taun. Baliau punyo kainginan untuak manjadi guru, namun lambek laun kainginannyo tu mamuda sairiang minaik politiknyo batumbuah. Baliau diam-diam mambali buku nan ditulih dek Soekarno jo mambaconyo basamo kawan-kawannyo. Salapeh lulus pado taun 1937, Nasution baliak ka Sumatra jo maaja di Bengkulu, nan katiko itu baliau tingga di dakek rumah pangasingan Soekarno. Baliau kadang-kadang maota jo Soekarno jo mandangaan pidatonyo. Satahun kudian, Nasution pindah ka Tanjung Raja, dakek Palembang, disinan baliau malanjuikan maaja, tapi baliau samakin suko jo tertarik samo politik jo militer.[4]
Pado taun 1940, Jerman Nazi manduduki Balando jo pamarintah kolonial Balando mambuek korps perwira cadangan nan manarimo urang Indonesia. Nasution bagabuang untuak mandapekan palatihan militer. Basamo urang Indonesia lainnyo, baliau dikirim ka Akademi Militer Bandung untuak palatihan. Pado bulan September 1940 baliau dipromosian manjadi kopral, tigo bulan salanjuiknyo manjadi sersan. Baliau pernah pulo manjadi saurang perwira di Koninklijk Nederlands-Indische Leger (KNIL).[5] Pado taun 1942, Jepang manyarang jo manduduki Indonesia. Katiko itu, Nasution barado di Surabaya ditampekan untuak mampatahanan palabuhan. Salanjuiknyo Nasution dapek caro baliak ka Bandung sarayo manyuruak dari Japang. Namun, baliau manolong milisi PETA nan dibuek dek panjajah Japang nan mambaok pasan. Tapi baliau indak sautuhnyo manjadi anggota PETA.[6]
Revolusi Nasional Indonesia
suntiangDivisi Siliwangi
suntiang
Sasudah Soekarno mamproklamasian kemerdekaan Indonesia pado 17 Agustus 1945, Nasution bagabuang jo militer Indonesia nan kudian dikana jo Tentara Keamanan Rakyat (TKR). Pado bulan Mei 1946, baliau diangkek manjadi Panglima Regional Divisi Siliwangi, nan manjago kaamanan Jawa Barat. Dalam posisi ko, Nasution mangambangan teori parang teritorial nan akan manjadi doktrin patahanan Tentara Nasional Indonesia (TNI) di maso salanjuiknyo.[7][8]
Pado bulan Januari 1948, Pamerintah Indonesia jo Pamerintah Balando menandotangani Perjanjian Renville, mambagi Jawa antaro daerah nan dikuasai Balando jo Indonesia. Dek wilayah nan diduduki dek Balando tamasuak Jawa Barat, Nasution dipaso untuak mamimpin Divisi Siliwangi untuak manyubarang ka Jawa Tengah.[9][10]
Wakil Panglima
suntiang
Pado 1948 Nasution naiak ka posisi Wakil Panglima TKR. Walaupun hanyo bapangkek Kolonel, panunjukan ko mambuek Nasution manjadi urang paliang kuek kaduo di TKR sasudah Jenderal Soedirman. Pado bulan April, baliau manolong Soedirman mareorganisasi struktur pasukan. Pado bulan Juni di sabuah patamuan, Nasution maagiah saran basonyo TKR harus malakuan parang gerilya malawan Balando.
Walapun Nasution bukanlah Panglima TKR, Nasution dapek pangalaman baparan manjadi Panglima Angkatan Bersenjata pado bulan September 1948 katiko Paristiwa Madiun. Kota Madiun di Jawa Timur diambik aliah dek mantan Perdana Menteri Amir Syarifuddin jo Musso dari Partai Komunis Indonesia (PKI). Sasudah kaba tu sampai ka Markas TKR di Yogyakarta, diadoan patamuan antaro perwira militer senior. Soedirman salanjuiknyo manugasan Letnan Kolonel Soeharto, untuak manegosiasian kasapakatan jo komunis. Sasudah baliak dari pajalanannyo, Soeharto baliak ka Nasution jo Soedirman untuak malaporan basonyo di sagalo tampek indak ado nan damai. Nasution nan sadang sakik indak picayo jo kaba laporan nan dikatoan dek Soeharto. Salanjuiknyo Nasution sabagai Wakil Panglima mangirim pasukan untuak manyalasaian pemberontakan komunis disinan.[11][12]
Pado 30 September, Madiun diambiak aliah dek pasukan republik dari Divisi Siliwangi. Ribuan anggota partai komunis tewas, 36.000 lainnyo dipanjaro. Diantaro nan tabunuah adolah Musso pado 31 Oktober, nan kabanyo tabunuah katiko nio malarian diri dari panjaro. Pamimpin PKI lainnyo sarupo DN Aidit pai ka pangasingan di Cino.
Pado 19 Desember 1948, Balando manyarang Yogyakarta jo mandudukinyo. Nasution basamo TKR jo komandan lainnyo mundur ka padesaan untuak malawanjo taktik parang gerilya. Presiden Soekarno jo Wakil Presiden Mohammad Hatta ditawan dek Balando, Pemerintahan Darurat Republik Indonesia (PDRI) didirian di Sumatra. Dalam pamarintahan samantaro ko, Nasution diagiahan posisi Komandan Angkatan Darat joTeritorial Jawa. Sasudah pangakuan Balando untuak kamerdekaan Indonesia, PDRI mambaliakan kakuasaan ka Soekarno jo Hatta, salain itu Nasution baliak pulo ka posisinyo sabagai Wakil Panglima Soedirman.
Panghargoan
suntiang| Baris ke-1 | Bintang Republik Indonesia Adipradana (26 September 1997)[13] | Bintang Republik Indonesia Utama (10 Januari 1963)[14] | ||
|---|---|---|---|---|
| Baris ke-2 | Bintang Mahaputera Adipradana (1961)[14] | Bintang Sakti | Bintang Dharma | Bintang Yudha Dharma Utama |
| Baris ke-3 | Bintang Kartika Eka Paksi Utama | Bintang Jalasena Utama | Bintang Swa Bhuwana Paksa Utama | Bintang Bhayangkara Utama |
| Baris ke-4 | Bintang Gerilya | Bintang Sewindu Angkatan Perang Republik Indonesia | Satyalancana Peringatan Perjuangan Kemerdekaan | Satyalancana Kesetiaan 16 Tahun |
| Baris ke-5 | Satyalancana Jasadharma Angkatan Laut | Satyalancana Perang Kemerdekaan I | Satyalancana Perang Kemerdekaan II | Satyalancana G.O.M I |
| Baris ke-6 | Satyalancana G.O.M II | Satyalancana G.O.M III | Satyalancana G.O.M IV | Satyalancana Satya Dharma |
| Baris ke-7 | Satyalancana Wira Dharma | Satyalancana Penegak | Knight Grand Cross of the Most Exalted Order of the White Elephant - Thailand (1960) | First Rank of the Order of the People's Army with Laurer Wreath - Yugoslavia (1960) |
| Baris ke-8 | First Rank of the Order of the Yugoslav Flag with Sash - Yugoslavia (1961) | Military Medal of the Republic - Republik Arab Bersatu (1961) | Commander of the Philippine Legion of Honor - Filipina (1963) | Grand Cross of the Order of Merit of the Federal Republic of Germany - Jerman (1963) |
| Baris ke-9 | Jubilee Medal "Twenty Years of Victory in the Great Patriotic War 1941–1945" - Uni Soviet (1965) | Grand Cross (Datu) of the Order of Sikatuna - Filipina (1967) | Grand Cross and Collar of the Order of the Holy Trinity - Kekaisaran Etiopia (1968) | Knight Grand Cross of the Order of Orange-Nassau - Balando (1971) |
Rujuakan
suntiang- ↑ https://catalogue.nla.gov.au/Record/1185196
- ↑ Bachtiar, Harsja W. (1998) (dalam bahaso Indonesia). Siapa Dia?: Perwira Tinggi Tentara Nasional Indonesia Angkatan Darat [Who's Who?: Senior Officers of the Indonesian Army]. Jakarta: Penerbit Djambatan. p. 220. ISBN 978-979-428-100-0.
- ↑ Conboy, Kenneth J.; Morrison, James (1999). Feet to the fire: CIA covert operations in Indonesia, 1957–1958. Naval Institute Press. pp. 3. ISBN 978-1-55750-193-6. http://books.google.com.my/books?id=ldNPrKp_Q1gC.
- ↑ Prsetyo & Hadad 1998, hlm. 21–34.
- ↑ Keegan, John (1979). World Armies. p. 314. ISBN 978-0-333-17236-0.
- ↑ Prsetyo & Hadad 1998, hlm. 35–41.
- ↑ "Abdul Haris Nasution". pdat.co.id. Archived from the original on 2011-10-02.
- ↑ Cribb, Robert (October 2001). "Military strategy in the Indonesian revolution: Nasution's concept of "Total People's War" in theory and practice". War & Society. 19 (2): 143–154. doi:10.1179/072924701799733190.
- ↑ Kahin, George McTurnan (1952). Nationalism and Revolution in Indonesia. Cornell University Press. p. 233. ISBN 0-8014-9108-8. https://archive.org/details/nationalismrevol0000kahi.
- ↑ Ricklefs 1982, hlm. 215.
- ↑ Ricklefs 1982, hlm. 217.
- ↑ Elson 2001, hlm. 26.
- ↑ Daftar WNI yang Menerima Tanda Kehormatan Bintang Republik Indonesia 1959 - sekarang. https://cdn.setneg.go.id/_multimedia/document/20200107/3822wni_penerima_tanda_kehormatan_bintang_republik_indonesia_1959_sekarang.pdf.
- ↑ a b Daftar WNI yang Mendapat Tanda Kehormatan Bintang Mahaputera tahun 1959 s.d. 2003. https://cdn.setneg.go.id/_multimedia/document/20180910/41462-Bintang_Mahaputera_tahun_1959-2003.pdf.
Sumber rujuakan
- Prsetyo, Adi; Hadad, Toriq, eds (1998) (dalam bahaso Indonesia). Jenderal Tanpa Pasukan, Politisi Tanpa Partai: Perjalanan Hidup A.H. Nasution. Jakarta: Pusat Data dan Analisis Tempo (PDAT). ISBN 978-979-9065-02-5.
- Ricklefs, Merle Calvin (1982). A History of Modern Indonesia (edisi ke-reprint). Macmillan Southeast Asian. ISBN 978-0-333-24380-0.