Adam Malik

Adam Malik
Namo dalam bahaso usali	(id) Adam Malik Batubara
Biografi
Lahia	22 Juli 1917 ; Kota Pematangsiantar
Kamatian	5 September 1984 (67 tahun (id) ); Kota Bandung
Panyabab kamatian	Kanker hati (id)
Tampek dimakamkan	Taman Makam Pahlawan Nasional Utama Kalibata (id)
Wakia Presiden Indonesia
Menteri Luar Negeri (id)
Duta Besar Indonesia untuk Perserikatan Bangsa-Bangsa (id)
Presiden Majelis Umum Perserikatan Bangsa-Bangsa (id)
Ambassador of Indonesia (en)
Data pribadi
Agamo	Islam
Kagiatan
Penasihat doktoral (id)	Georges Vasseur (id)
Karajo	Diplomat (id) , wartawan, politikus jo kolektor seni (id)
Partai politik	Partai Golongan Karya (id)
Kaluarga
Kerabat (id)	Faisal Basri (id) (grandnephew (en) )
	Panghargaan Pahlawan Nasional Indonesia; Bintang Mahaputera; Bintang Republik Indonesia; Darjah Yang Mulia Setia Mahkota Malaysia (id) ;
	Tando tangan

Adam Malik Batubara (lahia di Pematangsiantar, Sumatra Utara, 22 Juli 1917 – meningga di Bandung, Jawa Barat, 5 September 1984 di umu 67 taun) Baliau mantan Menteri Indonesia di sajumlah Departemen, antaro lain baliau pernah manjabat manjadi Menteri Lua Nagari. Baliau pernah pulo manjadi Wakil Presiden Indonesia nan katigo. Adam Malik ditetapkan sabagai saurang Pahlawan Nasional Indonesia pado tanggal 6 November 1998 manuruik Keppres Nomor 107/TK/1998.

Asal Mulo Kahidupan

Adam Malik adolah anak dari pasangan Abdul Malik Batubara dan Salamah Lubis. Ayahnyo, Abdul Malik, adolah saurang panggaleh nan kayo di Pematangsiantar. Adam Malik tu anak katigo dari sapuluh badunsanak. Adam Malik menampuah sakolah dasar di Hollandsch-Inlandsche School Pematangsiantar. baliau malanjuian di Sakolah Agama Madrasah Sumatra Thawalib Parabek di Bukittinggi, tapi hanyo salamo satuan satangah sajo sabab sasudah itu baliau pulang kampuang untuak menolong urang gaek manggaleh.

Keinginannyo untuk maju jo babakti ka bangsa mandorong Adam Malik untuak pai marantau ka Jakarta. Di umua 20 taun, baliau basamo jo Soemanang, Sipahutar, Armijn Pane, Abdul Hakim, jo Pandu Kartawiguna mandukuang untuak mambuek Kantor Berita Antara.

Jajak Karajo

Berkas:Adam Malik PBB 1966.jpg

Menteri Utamo Bagian Politik/Menteri Lua Nagari Adam Malik sadang mangecek di mimbar PBB pado taun 1966.

Berkas:Adam Malik 1975.jpg

Menteri Lua Nagari Adam Malik mangawankan Presiden Soeharto maadokan patamuan jo Perdana Menteri Takeo Miki di Jepang pado taun 1975.

Berkas:Pelantikan24031978(1).jpg

Pangambilan sumpah jabatan Adam Malik sabagai Wakil Presiden RI pado 24 Maret 1978.

Berkas:Pelantikan24031978(2).jpg

Adam Malik alah resmi manjadi Wakil Presiden RI. Sri Sultan Hamengku Buwono IX maagiah kota salamaik ka baliau.

Berkas:Adam Malik Fc 24031978.jpg

Keadaan Palantikan Adam Malik sabagai Wakil Presiden RI di Gedung DPR/MPR RI.

Karir baliau diawali sabagai wartawan jo tokoh pargerakan kabangsaan nan baliau lakukan surang diri. Di maso mudonyo, baliau alah aktif ikuik pargerakan nasional memperjuangkan kamardekaan Indonesia, antaro lain malalui pandirian Kantua Berita Antara nan bekantua di wakatu itu di Buiten Tijgerstraat 38 Noord Batavia (Jl. Pinangsia II Jakarta Utara) sasudah itu pindah ka JI. Pos Utara 53 Pasar Baru, Jakarta Pusat. Sabagai Direktur diangkeklah Mr. Soemanang, jo Adam Malik manjabat Redaktur marangkap Wakil Direktur. Jo modal ciek meja tulis nan alah tuo, ciek masin tulis tuo, jo ciek masin roneo tuo, urang nan baduo tu menyuplai kaba ka babagai surek kaba nasional. Sabalumnyo, baliau alah acok manulis bantuak di koran Pelita Andalas jo Majalah Partindo. Tahun 1941 sabagai utusan Mr. Soemanang basamo jo Djohan Sjahroezah datang ka rumah Sugondo Djojopuspito maminta supayo Soegondo nio manjadi Direktur Antara, jo Adam Malik tetap sabagai Redaktur marangkap Wakil Direktur.

Pado tahun 1934-1935, baliau mamimpin Partai Indonesia (Partindo) Pematang Siantar jo Medan. Pado tahun 1940-1941 baliau manjadi anggota Dewan Pimpinan Gerakan Rakyat Indonesia (Gerindo) di Jakarta. Pado 1945, menjadi anggota Pimpinan Gerakan Pemuda untuak mamparsiapkan Kamardekaan Indonesia di Jakarta.

Di zaman panjajahan Jepang, Adam Malik aktif pulo bagerilya di dalam pagerakan pamudo mempajuangkan kamardekaan. Manjalang 17 Agustus 1945, barsam0 Sukarni, Chaerul Saleh, jo Wikana, baliau pernah membaok Bung Karno jo Bung Hatta ke Rengasdengklok untuak mamproklamasikan kamardekaan Indonesia. Demi mandukuang kapemimpinan Soekarno-Hatta, baliau maajak rakyat bakumpua di lapangan Ikada, Jakarta.

Mawakili kalompok anak mudo, Adam Malik sabagai pamimpin Komite Van Aksi, tepiliah sabagai Ketua III Komite Nasional Indonesia Pusat (1945-1947) nan btugas manyiapkan susunan pamarintahan. Salain itu, Adam Malik ko pandiri dan anggota Partai Rakyat, pandiri Partai Murba, jo anggota parlemen. Tahun 1945-1946 baliau manjadi anggota Badan Persatuan Perjuangan di Yogyakarta. Karir baliau samakin mananjak katiko manjadi Katua II Komite Nasional Indonesia Pusat (KNIP), sakaligus marangkap jabatan manjadi anggota Badan Pekerja KNIP. Pado tahun 1946, Adam Malik mandirikan Partai Rakyat, sakaligus manjadi anggotanyo. 1948-1956, baliau manjadi anggota jo Dewan Pimpinan Partai Murba. di tahun 1956, baliau berhasil mamangku jabatan manjadi anggota Dewan Perwakilan Rakyat (DPR-RI) nan lahia dari hasil pamilihan umum.

Karir Adam Malik di dunia internasional tabantuak katiko diangket manjadi Duta Besar luar biaso jo bakuaso panuah untuak nagara Uni Soviet jo Polandia. Pado tahun 1962, baliau manjadi Ketua Delegasi Republik Indonesia untuak parundingan Indonesia jo Belanda takaik daerah Irian Barat di Washington D.C, Amerika Serikat. nan kamudian patamuan tu manghasilkan kasapakatan Pandahuluan pakaro Irian Barat. Pado bulan September 1962, baliau manjadi anggota Dewan Pangawas Lambagao di lambago nan didirikannyo,lambago Kantua Berita Antara. Pado tahun 1963, Adam Malik partamo kali masuak ka dalam jajaran kabinet, Kabinet nan banamo Kabinet Kerja IV sabagai Menteri Perdagangan sakaligus manjabat sabagai Wakil Panglima Operasi nan ka-I Komando Tatinggi Operasi Ekonomi (KOTOE). Pado masa samakin manguaeknyo pangaruah Partai Komunis Indonesia, Adam Malik barsamo Roeslan Abdulgani jo Jenderal Abdul Haris Nasution dianggap sabagai musuah PKI lalu diagaih gala sabagai trio sayokk kanan nan kontra-revolusi.

Ketiko tajadi pagantian rezim pamerintahan Orde Lamo, posisi Adam Malik nan barsabarangan jo kalompok kiri malah menuntungkannyo. Tahun 1966, Adam disabuik-sabuik dalam trio baru Soeharto-Sultan-Malik. Pado tahun nan samo, malalui televisi, baliau menyatoan kalua dari Partai Murba kareno pandirian Partai Murba, nan manantang masuknyo modal asiang. Ampak tahun sasudah itu,baliau bagabuang jo Golkar. Pado tahun 1964, baliau mangemban tangguang jaweb sabagai Katua pawakilan untuak Komisi Padagangan jo Pambangunan di PBB. Di tahun 1966, karir baliau samakin gamilang katiko menjabat manjadi Wakil Perdana Menteri II (Waperdam II) sakaligus sabagai Menteri Luar Negeri Republik Indonesia di kabinet Dwikora II.

Jajak karajo murni baliau sabagai Menteri Lua Nagari dimulai di kabinet Ampera I pado tahun 1966. Pado tahun 1967, baliau baliak mamangku jabatan Menteri Lua Nagari di kabinet Ampera II. Pado tahun 1968, Menteri Lua Nagari dalam kabinet Pembangunan I, jo tahun 1973 baliak mamangku jabatan sabagai Menteri Lua Nagari untuak terakhir kalinyo dalam kabinet Pembangunan II. Pado tahun 1971, baliau tapiliah sabagai Katua Majelis Umum PBB ka-26, urang Indonesia pertamo dan sorang nyo sabagai Katua SMU PBB. Saat itu baliau harus memimpin pasidangan PBB untuak mamutuskan kabaradoan RRC di PBB nan hinggo kini masih tatap balaku. Jajak karajo tatinggi baliau capai katiko barasil mamangku jabatan sabagai Wakil Presiden RI nan diangket dek Majelis Permusyawaratan Rakyat (MPR) pado tahun 1978. Baliau tu Menteri Lua Nagari RI di urutan nan kaduo nan cukui lamo dipicayo untuak mamangku jabatan tu sasudah Dr. Soebandrio. Sabagai Menteri Lua Nagari dalam pemerintahan Orde Baru, Adam Malik punyo peranan pantiang dalam babagai parundingan jo negara-negara lain tamasuk panjadwalan ulang utang Indonesia paninggalan Orde Lama. Basamo Menteri Lua Nagari negara-negara ASEAN, Adam Malik mampalopori tabantuaknyo ASEAN tahun 1967.

Sabagai saurang diplomat, wartawan bahkan birokrat, Adam Malik acok mangecekan “Sadonyo bisa diatur”. Sabagai diplomat baliau memang dikenal salalu punyo 1001 jawaban untuak sagalo macam pertanyaan jo parmasalahan nan diadokan ka baliau. Tapi kecek “sSado bisa di atur” itu juo sakaligus sabagai ungkapan kritik kalau di negara iko “ Sadonyo bisa di atur ” jo piti.

Meningga dunia

Sasudah mangabdikan diri untuak bangsa jo negaranyo, H.Adam Malik maningga di Bandung pado 5 September 1984 karano kanker lever. Jenazahnyo di kubuakan di Taman Makam Pahlawan Kalibata. Sasudah itu, bini jo anak-anak nyo mengabadikan namonyo jo mendirikan Museum Adam Malik. Pamarintah pun mambarikan babagai tando kahormatan jo jaso-jaso baliau, Adam Malik dianugerahi babagai macam panghargaan, di antaronyo tu sabagai Bintang Mahaputera kl. IV pado tahun 1971, Bintang Adhi Perdana kl.II pado tahun 1973, samo diangkek sabagai Pahlawan Nasional pado tahun 1998.

Caliak Pulo

Daftar Wakil Presiden Indonesia
Adam Malik Award
Halte Busway Adam Malik

Rujukan

Pranala luar

(Indonesia) Adam Malik Wakil Presiden RI (1978-1983) Archived 2017-07-06 di Wayback Machine.

Jabatan politik
Didaului jo: Sri Sultan Hamengkubuwono IX	Wakil Presiden Republik Indonesia 1978–1983	Digantian dek: Umar Wirahadikusumah
Didaului jo: K.H. Idham Chalid	Ketua DPR/MPR 1977–1978	Digantian dek: Daryatmo
Didaului jo: Subandrio	Menteri Luar Negeri Indonesia 1966–1978	Digantian dek: Mochtar Kusumaatmadja
Didaului jo: Suharto	Menteri Perdagangan Indonesia 1963–1964	Digantian dek: Achmad Yusuf