Muhammad Taufiq Thaib
Sutan Muhammad Taufiq Thaib, S.H., Tuanku Maharajo Alam (lahia di Pagaruyung, Tanah Datar, 2 Desember 1948 – maningga di Padang, 1 Februari 2018 pado umua 69 taun) [1] adolah tokoh adat jo budaya sarato tokoh Minangkabau nan mangaku manjadi warih Kesultanan Pagaruyung Minangkabau bagala Daulat Yang Dipertuan Rajo Alam Minangkabau Pagaruyung Dārul Qarār.[2][3]
 | |
| Biografi | |
|---|---|
| Lahia | 2 Desember 1948  Pagaruyung |
| Kamatian | 1r Pebruari 2018 (69 tahun (id)  )Koto Padang |
| Kalompok etnis | Urang Minangkabau |
| Almamater | Universitas Andalas |
| Kaluarga | |
| Sanak saibu/sabapak | Raudha Thaib (id) |
Latar dan pandidikan
suntiangMuhammad Taufiq Thaib lahia di Pagaruyung, Tanah Datar, Sumatera Barat pado 2 Desember 1948. Apaknyo, Sutan Muhammad Thaib Datuak Panghulu Basa, iolah katurunan katigo dari Rajo Pagaruyung tarakhir, Sultan Alam Bagagarsyah. Bundonyo, Puti Disma Tuan Gadih Gadang adolah turunan kaampek dari adiak Sultan Alam Bagagarsyah, Tuan Gadih Puti Reno Sari.[1]
Taufiq manamekkan pandidikan Sekolah Dasar Pagaruyung pado taun 1961, SMP Negeri 1 Batusangkar pado taun 1964, jo SMP Ganesha Padang pado taun 1967. Inyo mandapek gelar Sarjana Hukum dari Fakultas Hukum Universitas Andalusia pado taun 1976. Dari SMA, inyo aktif dalam organisasi dengan bagabuang jo Hizbul Wathan, PNI, jo Pramuka. Saat SMA jo kuliah di Padang, inyo bagabuang pulo ka Angkatan Muda Pembaharuan Indonesia (AMPI), Komite Nasional Pemuda Indonesia (KNPI), jo Golongan Karya (Golkar).[1]
Koneksinyo jo pamarentah daerah dan inyo surang nan manjadi anggota legislatif mampakuek dirinyo sabagai tokoh, apolagi dirinyo iolah saurang dengan darah rajo. Pado masonyo, Istano Istano Basa Pagaruyuang dibangun megahnyo, nan dimulai dengan batagak tonggak tuo dipimpin oleh gubernur maso itu Harun Zain. Pangaruhyo dikuekkan dengan kahadiran Lembaga Kerapatan Adat Alam Minangkabau (LKAAM), hinggo badirinyo Lembaga Pucuk Adat Alam Minangkabau (LPAAM) pado taun 2002 dengan Fadlan Maalip Tuanku Bosa sabagai kapalonyo.[4] Pado taun 2003, diadokanlah silaturahmi antaro katurunan Pagaruyuang di Malaysia nan dilaksanakan di kadiaman Dato’ Tengku Haji Mustapha b Tengku Haji Seti.[5]
Rajo Alam Pagaruyung
suntiang
Muhammad Taufiq Thaib didaulat manjadi Yang Dipertuan Rajo Alam Pagaruyung. Ibunyo adolah Putih Reno Dismah Yang Dipertuan Gadih XVI (Tuan Gadih XVII) nan maningga pado 10 Juni 2007. Inyo adolah anak dari apak nan banamo Muhammad Thaib. Adiaknyo, Puti Reno Raudhah Thaib nan labiah dikenal jo namo Upita Agustine dinobatkan sabagai Yang Dipertuan Gadih XVII (Tuan Gadih XVIII) menggantikan mandehnyo samantaro manjabaik sabagai Bundo Kanduang sampai kini. Taufik Thaib adolah saurang Sarjana Hukum (SH) dan pernah marupokan anggota DPR RI.
Sabagai saurang rajo kontemporer, Taufiq Thaib manjalankan pabagai tugas adatnyo. Di antaronyo, inyo banyak mangagiah gala sangsako adat kapado urang yang tanamo, sarupo Irman Gusman[6] dan Irwan Prayitno[7] hinggo Tuanku Ja'afar Yang di-Pertuan Besar Negeri Sembilan.[4] Pado 11 Oktober 2016 Rajo Alam Pagaruyuang manjalin tali kakerabatan dengan masyarakat Kecamatan Delang, Kabupaten Lamandau, Kalimantan Tengah, nan mampunyoi darah katurunan Pagaruyuang.[8] Konon, saurang katurunan Pagaruyuang banamo Malikur Besar Gelar Patih Sebatang Balai Seruang marantau ka Delang dan bakaturunan di sinan.[9]
Inyo maningga di Rumah Sakit Umum Pusat Dr. M. Djamil (RSMDJ), Padang, Sumatera Barat, pado Kemis 1 Februari 2018 pado pukul 20.00 sasudah perawatan intensif salamo 20 hari. Inyo maningga pado umua 69 taun.[2] Jenazahnyo disamayamkan di kadiaman rasminyo, Istano Silinduang Bulan, lalu dikuburkan di Pandam Pakuburan Ustano Silinduang Bulan di kawasan situs cagar budaya Timbak Tuan Gadih di Kabupaten Tanah Datar, Sumatera Barat. Inyo maninggakan surang bininyo Siti Rahmah Oesman jo duo anaknyo yaitu Sutan Emir Hidayat jo Sutan Arif Budimansyah.[10]
Penghargaan
suntiangPenghargaan lua nagari
suntiang
Negeri Sembilan
- Darjah Dato' Tuan Tuan Tuan Ja'afar (D.P.T.J.) - Dato' (2003) [rujuakan?]
Panunjuak
suntiang- ↑ a b c (dalam bahaso id) Profil Tokoh, Aktivis, dan Pemuka Masyarakat Minang. Permo Promotion. 3 Nopember 1995. pp. 433–435. ISBN 978-979-8931-00-0. https://books.google.com/books?id=5IhwAAAAMAAJ&pg=PA433. Diakses pado 22 Januari 2024. Kutipan rusak: Tanda
<ref>tidak sah; nama "bio" didefinisikan berulang dengan isi berbeda - ↑ a b "Raja Pagaruyung Mangkat" Tempo.co. Diakses 22 Januari 2024. Kutipan rusak: Tanda
<ref>tidak sah; nama "tempo.co.id" didefinisikan berulang dengan isi berbeda - ↑ "Ranah Minang Berduka, Raja Pagaruyung Meninggal" Tribunnews.com. Diakses 22 Januari 2024.
- ↑ a b Nopriyasman, "Peranan lnstitusi Raja pada Masa Kemerdekaan di lndonesia", dalam Ni Made Diana Erfiani (editor), Ragam Wacana: Bahasa, Sastra dan Budaya (Yogyakarta: Pustaka Pelajar, 2015).
- ↑ "Majlis Hari Keluarga Keturunan Rajo Alam Pagaruyung 2003". Suprizal Tanjung's Surau (dalam bahasa Inggris). 2012-08-12. Diakses tanggal 2024-01-22.
- ↑ BeritaSatu.com. "Irman Gusman Dapat Anugerah Gelar Sangsako Adat". beritasatu.com (dalam bahasa Indonesia). Diakses tanggal 2024-01-22.
- ↑ "IP Bergelar Tuanku Paduko Marajo Basa,"https://www.harianhaluan.com/hiburan/pr-10186903/ip-bergelar-tuanku-paduko-marajo-basa diakses tanggal 22 Januari 2024
- ↑ superadmin (2016-10-13). "Delang Dinobatkan Jadi Daerah Keturunan Kesultanan Pagaruyung". Kabupaten Lamandau (dalam bahasa Indonesia). Diakses tanggal 2024-01-22.
- ↑ Triwibowo, Dionisius Reynaldo (2018-08-23). "Dayak Tomun, Kalimantan Rasa Minang". kompas.id (dalam bahasa Indonesia). Diakses tanggal 2024-01-22.
- ↑ "Beginilah Prosesi Pemakaman Raja Pagaruyung" VIVA.co.id. Diakses 22 Januari 2024.