Istano Basa

museum jo istano di Sumatra Barat

Istano Basa nan labiah di kana jo namo Istano Pagaruyuang, adolah sabuah istano nan talatak di Kecamatan Tanjung Emas, Kota Batusangkar, Kabupaten Tanah Datar, Sumatera Barat. Istano ko marupokan tampek wisata budayo nan gadang di Sumatera Barat.

Istano Basa Pagaruyuang
Istano Basa di Sumatra
Istano Basa
Latak Istano Basa Pagaruyuang di Sumatra
LatakBatusangkar, Sumatra Barat, Indonesia
Dibangunkiro-kiro abaik ka-17
Dibangun untuakHunian kaluarga karajaan
Diruntuahan1837 (dek parang)
1966 (tabaka)
2007 (tabaka)
Dibangun baliak1930, 1968, 2007
ArsitekIndak dikatahui
ArsitekturMinangkabau
PamiliakPamarintah Kabupaten Tanah Datar

Istano Basa nan tagak kini sabananyo adolah replika dari nan asali. Istano Basa asali talatak di ateh Bukik Batu Patah dan tabaka habih pado sabuah karusuahan badarah pado taun 1804. Istano tasabuik kudian didirian baliak namun tabaka baliak pado taun 1966.

Proses pambangunan baliak Istano Basa dilakukan jo palatakan tunggak tuo (tiang utamo) pado 27 Desember 1976 dek Gubernur Sumatera Barat wakatu itu, Harun Zain. Bangunan baru ko indak didirian di tapak istano lamo, tapi di lokasi baru di sabalah salatannyo.[1]. Pado akhie 1970-an, istano iko alah dapek dikunjuangi dek umum.

Kabakaran 2007 suntiang

Pado tanggal 27 Februari 2007, Istano Basa maalami kabakaran hebaik dek patuih nan manyemba di puncak istano[2]. Dek karanonyo, bangunan tigo tingkek iko anguih tabaka. Ikuik tabaka pulo sabagian dokumen, sarato kain-kain hiasan.[3]. Dipakirokan hanyo sakitar 15 persen barang-barang baharago nan salamaik. Barang-barang nan lolos dari kabakaran tasabuik kini disimpan di Balai Bando Purbakala Kabupaten Tanah Datar. Harato pusako Karajaan Pagaruyuang surang disimpan di Istano Silinduang Bulan, 2 kilometer dari Istano Basa.[4]

Samantaro itu, biaya pandirian baliak istano iko dipakirokan labiah dari Rp 20 miliar[5].

Galeri suntiang

Caliak pulo suntiang

Catatan suntiang

  1. "Terbakar Habis Pada 1804". Diarsipkan dari versi asli tanggal 2007-03-10. Diakses tanggal 2017-10-17. 
  2. "Istano Pagaruyung Terbakar". Diarsipkan dari versi asli tanggal 2007-03-10. Diakses tanggal 2017-10-17. 
  3. Istano Pagaruyung Terbakar, Semua Bukti Sejarah di Istano Hangus
  4. Kebakaran Istano Basa Isyarat Kepada Pemerintah
  5. "Perbaikan Istana Pagaruyung Lebih dari Rp 20 Miliar". Diarsipkan dari versi asli tanggal 2007-03-07. Diakses tanggal 2017-10-17.