Harun Al-Rasjid Zain
Prof. Drs. H. Sutan Harun Al-Rasjid Zain gala Datuak Sinaro (lahia di Jakarta, 1 Maret 1927 – maningga di Jakarta, 19 Oktober 2014 pado umua 87 taun) adolah saurang pangajar jo birokrat Indonesia.
 | |
| Biografi | |
|---|---|
| Lahia | 1r Maret 1927  Batavia (id)  |
| Kamatian | 19 Oktober 2014 (87 tahun (id) ) Daerah Kusuih Ibukota Jakarta |
| Kalompok etnis | Urang Minangkabau |
| Almamater | Universitas Indonesia |
| Kagiatan | |
| Karajo | Pagawai negeri sipil jo akademisi |
| Partai politik | Partai Golongan Karya (id) |
| Kaluarga | |
| Sanak saibu/sabapak | Yetty Rizali Noor |
Inyo pernah manjabat Mantari Tanago Karajo jo Transmigrasi pado Kabinet Pembangunan III jo salamo duo periode (1967-1977) mamimpin Sumatra Barat sabagai gubernur. Inyo pernah juo manjabat Rektor Universitas Andalas, Padang.[1]
Riwayat
suntiangKahidupan pribadi
suntiangInyo marupoan anak kaanam dari tujuah basaudara dari Prof. Sutan Muhammad Zain, saurang pakar bahaso nan takamuko di Indonesia. Maso keteknyo banyak dihabihan di kota-kota gadang di Pulau Jao misalnyo Bandung, Batavia (kini Jakarta), Yogyakarta, jo Surabaya maikuki ayahnyo nan batugas sabagai guru. Namun Harun Zain baanggapan baso maso awal pambantuakan kapribadiannya balangsuang pado saaik inyo di Surabaya.
Harun Zain maningga dunia pado 19 Oktober 2014 pado umua 87 taun karano sakik tuo nan dialaminyo. Janazahnyo kamudian dimakamkan di Taman Makam Pahlawan Kalibata, Jakarta Salatan.[1][2]
Karier
suntiangInyo maawali karier di Sumatra Barat sabagai dosen tabang di Universitas Andalas, Padang, Sumatra Barat. Salanjuiknyo manjabaik sabagai Rektor Universitas Andalas sampai taun 1966. Taun 1985 sampai jo 1997 manjabat sabagai Rektor Universitas Mercu Buana, Jakarta.
Pado taun 1966, inyo ditunjuak untuak manjabat sabagai Gubernur Sumatra Barat salamo duo periode sampai taun 1977.
Sairiang jo pandidikan nan diamban di Amerika Sarikek manganai masalah paburuahan, pado taun 1978 inyo dipacayo untuak manjadi Mantari Tanago Karajo jo Transmigrasi pado Kabinet Pambangunan III jo manjabat sampai taun 1983.
Satalah manyalesaian tugeh di Kabinet, inyo manjabat sabagai anggota Dewan Patimbangan Agung Republik Indonesia dari taun 1983 sampai 1988 nan pado maso itu dipimpin dek M. Panggabean.
- Taun 1966 sampai 1977 manjabat sabagai Gubernur Sumatra Barat
- Taun 1978 sampai 1983 manjabat sabagai Mantari Tanago Karajo jo Transmigrasi
- Taun 1983 sampai 1988 manjabat sabagai Anggota Dewan Patimbangan Agung (DPA)
- Taun 1985 sampai 1997 manjabat sabagai Rektor Universitas Mercu Buana
Rujukan
suntiang- ↑ a b "Siapa Almarhum Harun Al Raysid Zain nan Ditakziahi Jusuf Kalla"[pranala nonaktif permanen] Kompas.com. 19-10-2014. Diakses 23-11-2014.
- ↑ "Mantan Menakertrans Era Orde Baru Harun Zein Wafat" Detik.com. 19-10-2014. Diakses 23-11-2014.
Pranala lua
suntiang- Kisah Anak Bertuah, Tempo 8 Oktober 1977 Archived 2016-03-03 di Wayback Machine.
| Jabatan politik | ||
|---|---|---|
| Didaului jo: Subroto |
Mantari Tanago Karajo jo Transmigrasi 1978–1983 |
Digantian dek: Sudomo |
| Didaului jo: Saputro Brotodirejo |
Gubernur Sumatra Barat 1967–1977 |
Digantian dek: Azwar Anas |