Fadlan Maalip Tuanku Bosa
dr. H. Fadlan Maalip, SKM (lahia di Kampung Koto Dalam, Talu, 5 Juli 1942 – maningga di Padang, Sumatera Barat, 20 Februari 2021 pado umua 78 taun) adolah Tuanku Bosa Talu ka XIV nan manjabat dari taun 2007 hinggo kamatiannyo pado taun 2021. Inyo dikenal pulo dek mandirikan Perkumpulan Baiturrahim, sabuah yayasan rumah sakit jo sikolah kesehatan swasta patamo di Jambi.
| Biografi | |
|---|---|
| Lahia | 5 Juli 1942 Kampung Koto Dalam, Talu, Pasaman |
| Kamatian | 21 Februari 2021 Padang, Sumatera Barat |
| Tampek dimakamkan | Ustano Tuanku Bosa, Talu, Pasaman Barat |
| Agamo | Islam |
Riwayaik Hiduik
suntiangFadlan lahia di Kampung Koto Dalam, Nagari Talu, Onderafdeling Talamau, Afdeling Pasaman, pado hari minggu, 5 Juli 1942. Apaknyo iolah Maalip Datuk Sati, sadang bundonyo banamo Hadiah. Inyo hiduik katurunan paruik kaum di bawah payung Tuanku Bosa. Maalip marupoan tokoh pentolan Muhammadiyah nan bapangaruh di tampeknyo, lulusan Sumatera Thawalib Parabek Bukittinggi sarato pernah manjadi Camat Suko Mananti, sadang galanyo Datuk Sati manunjuakkan inyo tamasuak ka dalam panghulu andiko nan 16 di Kabuntaran Talu.[1] Sasudah tamek SMA di Lubuk Sikaping, inyo malanjuikan kuliah ka Fakultas Kedokteran Universitas Indonesia. Di sela-sela kuliah itu, inyo mangambangan hobi fotografi sakaligus mamanfaatkannyo sabagai penghasilan untuak pangidupannyo. Salain fotografi, inyo ikuik olahraga cabang bridge dan partner dekan fakultasnyo untuak ajang lomba itu.[2]
Karir patamonyo sabagai dokter iolah katiko iparnyo manawarkan jabatan kapalo Laboratoriun Kesehatan Pemda Jambi dan kapalo Puskesmas di desa Olak Kemang, Kecamatan Danau Teluk, Kota Jambi. Inyo mulai bakarajo di situ sajak bulan Maret 1972. Puskesmas inyo banahi dari nol dek kurangnyo fasilitas nan mamadai, kadang pasien dijapuik jo parahu dek payahnyo transportasi wakatu itu. Pado bulan November 1973, inyo diangkek jadi kapalo Dinas Kesehatan Kabupaten Sarolangun. Sasudah 4,5 tahun manjabat, inyo malanjuikkan pandidikan magister kesehatan masyarakat di UI, dan sasudah lulus manjadi sekretaris kapalo Dinas Kesehatan di Provinsi Jambi. Inyo mamprakasai pambangunan Rumah Sakit Jiwa Jambi dan Bina Diklat Dinas Kesehatan. Inyo madirian pulo yayasan Perkumpulan Baiturrahim nan bakiprah di bidang kesehatan dan pandidikannyo pado taun 1985.[2]
Pado taun 1998 inyo ditunjuak manjadi direktur utama Rumah Sakit Ortopedi Traumatologi Dr. Soeharso di Solo. Rumah sakit itu terkenal pado dekade 1950-1970, tapi kamudian marosot. Inyo dianggap berhasil manaikkan baliak pamor rumah sakit itu. Dek jasonyo itu pulo, pado taun 2001 Sri Sultan Pakubuwono XII manganugerahkan inyo gala Kanjeng Raden Haryo Tumenggung Husododiningrat dan taun 2003 naiak manjadi Kanjeng Raden Haryo Husododiningrat. Fadlan pensiun pado taun 2002 dan pindah ka Jambi mangasuah yayasan Perkumpulan Baiturrahim.[1][2]
Tuanku Bosa ka XIV
suntiangFadlan dilewakan manjadi Tuanku Bosa Talu nan ka XIV pado taun 2007 katiko pandahulunyo maningga. Bara taun sabalun Iskandar Zulkarnaini Tuanku Bosa pandahulunyo itu maningga, inyo mambari mandat kapado Fadlan untuak manggantian pabagai tugasnyo, mambari mandat itu diistilahkan sabagai mangulipah. Dulu katiko musyawarah untuak manantuan Tuanku Bosa nan ka XIII, inyo nan dicalonkan basamo Iskandar Zulkarnaini bamufakaik jo pamangku adat untuak mamiliah Zulkarnaini. Dalam adat Kabuntaran Talu, mangulipah adolah salah satu caro mawarihkan pamarentahan Tuanku Bosa, di sampiang musyawarah (hiduik bakarilaan) jo wasiat (mati batungkek budi). Tuanku Bosa X-XI naiak malalui adat sako balega cahayo batimbang, yoitu jabatan Tuanku Bosa digilia di tigo induak (induak mudiak, tongah jo ilia).[3]
Pancalonan Fadlan Maalip dari induak ilia iko manimbulkan protes dari induak mudiak jo tongah, diwakili Zulfikar, nan bapegang jo adat sako balega, sadang pihak Fadlan bapegang jo adat mangulipah.[3][4] Pado 7 Maret 2004, pihak Fadlan jo Zulfikar duduak basamo untuak mambahas pakaro suksesi Tuanku Bosa. Sakalipun pihak Zulfikar (induak mudiak jo tongah) tetap manulak, niniak mamak jo induak ilia bamufakaik mangangkek Fadlan sabagai panaruih Tuanku Bosa. Pado tanggal 27 Juli 2007, inyo dilewakan manjadi Tuanku Bosa ka XIV, dihadiri jo Bupati Pasaman.[3]
Pado tanggal 21-23 Juni 2012, sasudah dibangun salamo duo taun, Istano Tuanku Bosa dirasmian oleh Sultan Muhammad Taufiq Thaib Daulat Yang Dipertuan Rajo Alam Pagaruyung. Parasmian istano babantuak rumah gadang bagonjong tujuah itu manjadi alek garang Nagari Talu.[5] Istano iko manjadi pasamayaman rasmi Tuanku Bosa untuak mangadoan alek jo acaro-acaro lain nan diadoan Tuanku Bosa, sarupo panganugerahan gala adat sangsako.[6] Inyo mambantu malastarikan adat Talu malalui kadudukannyo di Karapatan Adat Nagari Talu,[7] hinggo mawakili Kabuntaran Talu dalam relasi antar kerajaan-kerajaan Nusantara. Inyo mandapek Anugerah Kebudayaan Sumbar pado taun 2020.[8]
Kamatian
suntiangFadlan dirawat di Rumah Sakit M. Djamil sajak 12 Februari 2021, namun inyo tutup usia pado tanggal 20 Februari 2021 di Padang.[9][10] Jasadnyo dibaok ka Istano Tuanku Bosa di Talu untuak disamayamkan dan disalatakan, lalu dimakamkan di Ustano Tuanku Bosa, indak jauah dari istano itu.[11]
Rujuakan
suntiang- ↑ a b Hasri Chaniago (editor). 2023. Ensiklopedia Tokoh 1001 Orang Minang. Padang: UMSB Press. ISBN: 978-623-8416-00-4
- ↑ a b c Aswil (2021-04-14). "Mengenang Dr. Fadlan Maalip Tuanku Bosa XIV, Pewaris Kerajaan di Talu". Aswil's Personal Repository. Diakses tanggal 2024-01-19.
- ↑ a b c Lembaga Adat Nagari Talu, Adaik Salingka Nagari Talu (https://hbis.files.wordpress.com/2009/08/buku_adaik_talu.pdf)
- ↑ "Pemerintahan Tuanku Bosa di Nagari Talu". Paco Paco. 2009-10-16. Diakses tanggal 2024-01-19.
- ↑ "Orang Talu Akan Baralek Gadang". 2012-06-21. Diakses tanggal 2024-01-20.
- ↑ BAKRI, MAQRI NELVI L/ JONI. "Tuanku Bosa Anugrahi Gala Sangsako". www.tvrisumbar.co.id. Diakses tanggal 2024-01-20.
- ↑ Agency, ANTARA News (2018-01-08). "Tokoh Masyarakat: Dukung Pemkab Pasaman Barat Untuk Pembangunan". Antara News Sumbar. Diakses tanggal 2024-01-20.
- ↑ Agency, ANTARA News (2020-10-02). "Sejumlah tokoh seni dan budaya terima Anugerah Kebudayaan Sumbar 2020". Antara News Sumbar. Diakses tanggal 2024-01-20.
- ↑ Romi, Ahmad (2021-02-21). "Tuanku Bosa XIV Pucuak Adat Talu Fadlan Maalif Tutup Usia". Padangkita.com (dalam bahasa Indonesia). Diakses tanggal 2024-01-20.
- ↑ "Founding Father Baiturrahim Group Tutup Usia". stikba.ac.id. Diarsipkan dari versi asli tanggal 2024-01-20. Diakses tanggal 2024-01-20.
- ↑ Pasaman, Redaksi (2021-02-21). "Biografi Tuanku Bosa Talu Fadlan Maalip, Tutup Usia 78 Tahun" (dalam bahasa Indonesia). Diakses tanggal 2024-01-20.