Legendra Padusi
Legendra Padusi atau Legenda Drama Tari Padusi adolah suatu drama tari nan maangkek kisah tantang kasetiaan padusi Minangkabau. Drama tari ko bakisah tantang tigo sosok padusi Minang nan setia manjago kecek jo tindakannyo.[1] Katigonyo adolah sosok-sosok padusi diantaro babarapo sosok padusi lainnyo dalam legenda Minangkabau.
Latar balakang
suntiangPadusi dalam budayo Minangkabau dilatak-an dalam darajaik nan tinggi sarato mulia. Mareka adolah Bundo Kanduang nan mampunyoi paran gadang dalam pangalolaan harato pusako tinggi demi kabalangsuangan iduik anggota kaluarga nan badasarkan garih katurunan ibu atau matrilinial.
Tigo sosok padusi legenda Minang, Puti Bungsu, Siti Jamilan, sarato Sabai nan Aluih adolah sosok-sosok taladan padusi Minang. Kisah katigo sosok ikolah nan diangkek jo dipentaskan dalam drama tari Legendra Padusi nan diawak-i dek babarapo urang seniman tanamo Indonesia, sarupo Tom Ibnur (maestro tari), Nia Dinata (panulih naskah), Rama Soeprapto (sutradara), Jajang C. Noer (pemeran), Ine Febriyanti (pemeran), Marissa Anita (pemeran Padusi), Niniek L. Karim (pemeran), Elly Kasim, Arswendy Nasution (pemeran), Riyano Viranico (pemeran), Renitasari (program director) sarato nan lain-lain.[2]
Drama tari ko mambao pulo sajumlah panari asli dari Bukittinggi, Sumatera Barat. Legendra Padusi dipentaskan di Teater Jakarta, Taman Ismail Marzuki, Jakarta pado tanggal 11 jo 12 Mei 2013.
Rujuak-an
suntiang- ↑ Legendra: tentang Kesetiaan Perempuan Minang Archived 2013-05-20 di Wayback Machine. KOMPAS.com, 1 Mei 2013. Diakses 30 Juni 2013.
- ↑ Legendra Padusi : Harga Diri Perempuan Minang Dalam Gerak Tari GATRAnews, 02 Mei 2013. Diakses 30 Juni 2013.
Pautan lua
suntiang- Nia Dinata Gali Kembali Budaya Minangkabau GATRAnews, 02 Mei 2013. Diakses 30 Juni 2013.
- Sutradara: Legendra Padusi Layak Dibawa ke Luar Negeri[pranala nonaktif permanen] Metrotvnews.com, 09 Mei 2013. Diakses 30 Juni 2013.
