Wikipedia

Kota Kinabalu

(Dialiahkan dari Koto Kinabalu)

Kota Kinabalu (disingkek KK; daulu banamo "Jesselton"), adolah ibukota dari nagara bagian Sabah nan talatak di Malaysia Timur.[2][3] Kota ko marupoan juo pusek pamarentahan untuak Bahagian Pantai Barat nagara bagian Sabah. Kota ko talatak di barat lauik pasisia Kalimantan nan maadok ka Lauik Cino Salatan. Gunuang Kinabalu nan jadi asa namonyo barado di wilayah kota ko, baitu juo jo Taman Tunku Abdul Rahman nan adolah tampek palinduangan kahiduikan lia sato tamasuak wilayah ko pulo. Sampai taun 2010, Kota Kinabalu adolah tampek tingga untuak 452,058 jiwa panduduak samantaro daerah Penampang nan juo maliputi wilayah kota ko mamiliki sakitar 176,667 jiwa. Kok dijumlahan, jumlah populasi area metropolitan Kota Kinabalu adolah 628,725 jiwa.

Kota Kinabalu
كوتا كينبالو, 亚庇市
Dari kida ateh manuruik arah paputaran jam: Menara Tun Mustapha, Tugu Ikan Todak, Wisma Tun Fuad Stephens, Persimpangan Wawasan, pusek Kota Kinabalu dan 1Borneo.
Dari kida ateh manuruik arah paputaran jam: Menara Tun Mustapha, Tugu Ikan Todak, Wisma Tun Fuad Stephens, Persimpangan Wawasan, pusek Kota Kinabalu dan 1Borneo.
Bandera Kota Kinabalu
Bendera		Lambang rasmi Kota Kinabalu
Lambang
Julukan: Bandaraya Di Bawah Angin
Lokasi di Sabah
Lokasi di Sabah
Kota Kinabalu di Malaysia
Kota Kinabalu
Kota Kinabalu
Lokasi di Malaysia
Koordinat: 5°58′17″N 116°05′43″E / 5.97139°N 116.09528°E / 5.97139; 116.09528
Nagara Malaysia
Nagari Sabah
Diasaskan dek SBUB1882
Pusek pamarintahan Borneo Utara1946
Penubuhan
(Menerima taraf bandaraya)		2 Februari 2000
Pamarintahan
 • Datuk BandarDatuk Haji Nordin Siman
Laweh
 • Kota351 km2 (136 sq mi)
Panduduak (2010)
 • Kota452,058[1]
 • Metro628,725
 Sumber dari Kawasan Pihak Berkuasa Tempatan, Malaysia. Populasi metro dikira hasil dari gabungan populasi Kota Kinabalu dan Penampang.
Zona wakatuWPM (UTC+8)
Poskod88xxx; 89xxx
Kode wilayah088
Situs webwww.dbkk.sabah.gov.my
1 World Gazetteer

Kota ko juo marupoan tujuan wisata utamo dan pintu masuak nan populer bagi palancong nan mangunjuangi Sabah dan juo Kalimantan.[4] Taman Nasional Kinabalu talatak sakitar 90 kilometers ([convert: unknown unit]) dari kota ko dan ado banyak tampek nan rancak untuak palancong di sakitar daerah ko. Kota Kinabalu juo marupoan salah satu pusek industri dan pusek balanjo di wilayah Malaysia Timur. Kaduo faktor ko mambuek Kota Kinabalu manjadi salah satu kota nan paliang kancang pakambangannyo Malaysia.[5][6]

Sijarah

suntiang

Sajak abaik ka-15, kawasan Jesselton barado di bawah pangaruah KarajaanBrunei.[7][8] Pado akhia taun 1800-an, Parusahoan Borneo Utara Inggirih (SBUB) bamulo koloni mandiri di saluruah Kalimantan Utara. Pado taun 1882, parusahoan ko alah mandirian sabuah pamukiman ketek di daerah nan diingek sabagai Teluk Gaya' nan diuni dek suku Bajau. Pamukiman patamo adolah di Pulau Gaya. Namun pado taun 1897, pamukiman patamo ko dibaka habih dan diancuaan dek pajuang kamardekaan Bajau, iyolah Mat Salleh.[8]

 
Charles Jessel, wakil katua SBUB pado wakatu tu, namo Jesselton diambiak dari namonyo.

Salapeh ancuanyo Pulau Gaya, SBUB mamutuihan untuak mamindahan pamukiman ka darek nan labiah mudah dipatahankan co di Taluak Alternatif (kini Taluak Sepanggar) pado taun 1898, namun tanyato indak sasuai jo nan diharokan. Pado taun 1899, Mr Henry Walker, Komisaris Tanah mangidentifikasi sabuah wilayah jo laweh 30 acres[convert: unknown unit] jo lebar anam rantai dan panjang kurang labiah satangah kilometer sabagai pangganti Taluak Alternatif.

Sabuah desa nelayan nan banamo Api-Api (caliak Namo asa dibawah) akhianyo dipiliah dek posisinyo nan dakek jo Layanan Kareta Api Borneo Utara dan marupoan palabuahan alam nan talinduangi dari angin. Pusek administrasi nan baru iko dinamokan Jesselton[9] sasuai jo namo Tuan Charles Jessel, nan marupoan Wakil Katuo SBUB pado katu itu.

Akhianyo, Jesselton manjadi sabuah pos dagang utamo di wilayah Borneo Utara, jo padagangan karet, rotan, madu, jo lilin manjadi komoditas utamo. Kareta api alah digunokan untuak mangangkuik barang-barang ka palabuahan Jesselton. Palawanan urang Melayu jo Bajau pado wakatu itu indak baitu signifikan, dan parusahoan juo bakarajo kareh untuak malawan ancaman bajak lauik nan alah lamo tajadi di wilayah iko.

Kota iko alah dibumihanguihan dek pihak Inggirih katiko Parang Dunia Kaduo untuak mancegah kajatuahan ka tangan Japang. Salapeh akuisisi Borneo dek Japang, kota iko baliak dinamokan Api-Api.

Babarapo pamberontakan tahadok pamarintahan tantaro Japang sempat tajadi di Api-Api. Ciek pambarontakan gadang nan tajadi pado 10 Oktober 1943 dekGerilyawan Kinabalu nan marupoan panduduak pribumi. Tantaro Japang manghantikan pambarontakan iko salapeh pamimpinnyo, Albert Kwok, ditangkok jo dibunuah pado taun 1944.[10][11]

Pado tahap akhia parang, kota iko sakali lai dihancuakan dek tantaro sakutu jo pangeboman siang jo malam dalam wakatu labiah dari anam bulan sabagai bagian dari Kampanye Borneo pado taun 1945. Sabagai akibaik dari aksi iko, hanyo tigo bangunan nan tatap tagak. Parang di Borneo Utara baakhia jo panyarahan diri rasmi Angkatan Darek Japang ka-37 dek Letjen Baba Masao di Labuan pado 10 September 1945.

Salapeh parang baakhia, SBUB baliak untuak mangatur Jesselton tatapi indak talok untuak mambayia biayo rekonstruksi nan amaik gadang. Mareka manyarahan pangawalan Borneo Utara ka Mahkota Inggirih pado 15 Juli 1946. Pamarintah kolonial baru alah dipiliah untuak mambangun baliak Jesselton sabagai pusek pamarintahan baru, salain Sandakan nan juo alah ancua sawakatu parang.[12]

Pado periode 1948-1955, sabuah Rencana Rekonstruksi jo Pambangunan untuak Borneo Utara alah didirian dek pamarintah Inggirih.[13] Pamarintah Inggirih alah manyatujui dana sabanyak £ 6,051.939 - £ 2,232.882 untuak mambangun baliak dan £ 3,819.057 untuak pambangunan baru. Jalan alah dibangun, palabuahan dibarasiahan dan palabuahan udaro dipeloki. Rekonstruksi pakan jo sektor patanian juo diagiah paratian. Roy Edgardo Parry, Direktur Pendidikan patamo, alah ditunjuak untuak mampasiapkan rencana limo taun untuak pangambangan pendidikan.

Wakatu Borneo Utara basatu jo Sarawak, Singapura jo Federasi Malaya untuak mambantuak Federasi Malaysia pado taun 1963, nagari iko barubah namo dan diingek sabagai Sabah, jo Jesselton tatap sabagai pusek pamarintahan utamo. Jesselton sabagai kota diubah namonyo manjadi Kota Kinabalu pado 30 September 1968 dan manarimo status kota dari pamarintah Malaysia pado 2 Februari 2000.

Etimologi

suntiang
 
Pamandangan Gunuang Kinabalu nan nampak dari Tanjung Aru pado wakatu pagi.

Kota Kinabalu baasa dari namo Gunuang Kinabalu, nan talatak kurang labiah 50 kilometer ka arah timur lauik kota. Kinabalu baasa dari namo Aki Nabalu nan bamukasuik "tampek nan diharagoi". Aki pulo bamakasuik "niniak muyang" atau "datuak", dan Nabalu adolah namo untuak gunuang dalam bahaso Dusun.[14] Ado juo sumber nan mangatokan baso istilah iko baasa dari Ki Nabalu; Ki bamakasuik "ado" atau "wujuik", dan Nabalu bamakasuik "sumangaik urang mati".[15]

Namo Asli

suntiang

Salain Jesselton, ado babarapo teori lain soal namo asa Kota Kinabalu. Nan paliang populer, bak nan disabuikan di ateh, adolah Api-Api, atau hanyo Api. Dinamokan baitu dek panduduak satampek, utamonyo kaum Bajau, untuak mamparingati pambakaran kantua pamarintahan Inggirih di Pulau Gaya dek Mat Salleh,[16] sarato kajadian pambakaran lain nan biasonyo dilakukan dek bajak lauik.

Wendy Law Suart manulih soal namo Api-Api dalam bukunyo nan bajudul Lingering Eye,

Di Museum Negara bagian Sabah ado peta Balando Borneo jo Sulawesi batangga tahun 1657, ciek panyalasaian di mano nampak baso Jesselton dari awal memang dibari namo Api Api. Iko mungkin punyo kaitan jo pokok di tepi pantai dengan akar pernafasan (pohon di tapi pantai jo aka panapasan) nan manunjuakan namo nan samo.[17]

Ciek lai panjalehan adolah baso namo Api-Api baasa dari kabakaran nan dahsyat nan tajadi pado zaman awal kota iko tabantuak. Dalam bahaso Cino, kota iko diingek sabagai "Api" dan disabuik urang Hakka sabagai 亚庇 (Cino sadarano; Cino Tradisional: 亚庇; Pinyin: Ya Bi)

Ado pakiroan baso kawasan Kota Kinabalu kini sabananyo dinamoi jo namo batang aia tadakek nan disabuik Sungai Api-Api. Salain Api-Api, ciek lai namo nan dapek dijalehan adolah Deasoka, nan bamakasuik "di bawah pohon karambia".[18] Panduduak Bajau satampek manggunokan namo iko untuak marujuak pado sabuah kampuang di bagian selatan kota nan dipanuahi pohon karambia. Namo lain adolah Singgah Mata nan bamakasuik "mato singgah", tapi dapek juo ditarjamahan sabagai "manyanangan mato". Iko adolah namo nan diagiah dek nalayan dari Pulau Gaya nan marujuak kapado kawasan nan hari iko marupoan pusek Kota Kinabalu.[19]

Pado maso kini, sadonyo namo digunokan sabagai namo jalan atau bangunan di sakaliliang kota. Contohnyo adolah Lintasan Deasoka, Api-Api Centre, jo Jalan Singgah Mata.

Ibu kota

suntiang
 
Peta Kota Kinabalu dan daerah kota sakaliliang. Garih biru manunjuakan jalan-jalan utamo, garih kulabu manunjuakan jalur kareta api, jo garih batitiak sirah jambu manunjuakan pabatehan daerah.

Sabagai ibu kota Sabah, Kota Kinabalu mamainkan paran nan pantiang dalam politik jo ekonomi panduduak di saluruah nagari iko. Iko marupoan daerah pamarintahan utamo nagara di mano talatak hampia sado kantua kamantarian jo limbago pamarintah. Kabanyakan limbago jo departemen pamarintah federal Malaysia juo talatak di Kota Kinabalu. Dewan Undangan Nagari Sabah talatak di Taluak Likas nan tadakek. Ado ampek anggota parlemen (MP) nan mawakili 4 kawasan parlemen di kota: Sepanggar (P.171), Kota Kinabalu (P.172), Putatan (P.173), jo Penampang (P.174). Kota iko juo mamiliah 9 wakil badan legislatif nagara dari daerah DUN Karambunai, Inanam, Likas, Api-Api, Luyang, Tanjung Aru, Petagas, Kepayan, jo Moyog.[20]

Pamarintahan daerah jo definisi kota

suntiang
 
Balai Kota Kinabalu.

Kota iko diatur dek Balai Kota Kinabalu. Walikota kini (2013) adolah Datuak Abidin Madingkir, nan manjabaik dari Datuak Iliyas Ibrahim pado 31 Januari 2011. Datuak Iliyas adolah walikota kaduo salapeh manjabaik dari Datuak Abdul Ghani Rashid pado taun 2006. Kota iko mandapek status kota pado 2 Februari 2000. Sabalun iko diatur dek Kotamadya Kota Kinabalu.

Kawasan kota iko juo marupoan daerah, nan sabalunnyo munisipalitas Kota Kinabalu. Jo area salaweh 351 kilometer persegi, iko adolah daerah nan taketek tapi tapadek di Sabah.[21] Kawasan kota mancakuik Tanjung Aru jo Kepayan di selatan, hinggo Telipok jo Sepanggar di utara. Kawasan kota-kota juo malaweh ka daerah Penampang[22] di selatan pabatehan kota, nan tamasuak kota-kota Donggongon jo Putatan. Kawasan kombinasi Kota Kinabalu (daerah) di Penampang jo Putatan diingek sabagai Greater Kota Kinabalu (Kota Kinabalu Rayo).[23]

Daerah Penampang punyo area salaweh 466 kilometer persegi, dan diatur dek Dewan Daerah Penampang.[24]

Hubuangan Internasional

suntiang

Babarapo nagara alah mandirikan konsulat mareka di Kota Kinabalu, diantaronyo Australia, Brunei, Finlandia, Indonesia, Japang, Parancih, Swedia jo Baritania Rayo.[25]

Kota Kinabalu kini punyo anam kota kamba (sister city) jo ciek provinsi kamba.

NAgara Kota / Provinsi Status pambagian Sumber
  Australia Rockingham Kota kamba [26]
  China Heyuan Kota kamba [27]
  China Jiangmen Kota kamba [28]
  Korea Selatan Yeosu Kota kamba [28]
  Korea Selatan Yongin Kota kamba [29]
  Rusia Vladivostok Kota kamba [30]
  Thailand Ratchaburi Provinsi kamba [31]

Geografi

suntiang
 
Pamandangan matohari tabanam di Sutera Harbour, Kota Kinabalu.

Kota Kinabalu talatak di pantai barat Sabah. Kota iko talatak di dataran nan sampik di antaro Banjaran Crocker ka timur jo Lauik Cino Selatan kA barat. Ado anam pulau di lua pantai kota. Nan paliang gadang adolah Pulau Gaya nan marupoan bakeh lokasi panduduakan Inggirih nan patamo. Dipakirokan 8.000 urang tingga di sinan.[32] Pulau-pulau ketek nan indak bapanguni, diantaronyo Pulau Manukan, Pulau Mamutik, Pulau Sapi, Pulau Suluk, jo Pulau Sepanggar, talatak di utara basubarangan jo Taman Nasional Teluk Sepanggar.[33]

 
Pamandangan matohari tabanam di Kota Kinabalu.

Tanah rato takonsentrasi di pusek kota, dan ado batehan nan ketat untuak katinggian bangunan: palabuahan udaro talatak 7 km (4 mi) dari kota jo daerah kota barado langsuang dalam jalur panabangan. Kabanyakan kawasan Distrik Pusek Bisnis (Central Business District, (CBD)) hari iko dibangun di ateh tanah reklamasi dari lauik. Kahidupan tumbuahan asli kabanyakan alah hilang, tapi babarapo bukik di dalam kota (talalu curam untuak dibangun gaduang) masih tatutuiki jo hutan hujan tropis. Salah satunyo adolah Signal Hill, nan babatehan jo CBD arah ka pantai. Di kawasan Taluak Likas, siso hutan bakau nan laweh alah hampia hilang.[34] Pado taun 1996, nagara alah manyatokan 24 ekars (97,000 m2) hutan sabagai kawasan nan dilinduangi. Hutan iko kini tanamo sabagai Kota Kinabalu Wetlands. Tampek palinduangan itu dibarikan palinduangan tambahan sabagai Situs Warisan Budayo Nagari pado taun 1998.[34]

 
Panampekan banso Moro di Pulau Gaya.

Limo pulau (Gaya, Sapi, Manukan, Sulug, Mamutik) nan bahadokan jo kota dipaliharo sabagai Taman Nasional Tunku Abdul Rahman. Taman iko dinamokan Pardano Mantari Malaysia nan patamo, iyolah Tunku Abdul Rahman. Iko marupoan tampek rekreasi populer bagi wisatawan jo panduduak lokal.[35] Pusek Kota Kinabalu kabanyakan marupoan kawasan bisnis jo administrasi pamarintah nan tamasuak Karamunsing, daerah palabuahan (Tanjung Lipat), Signal Hill, Kampuang Air, Sinsuran, Segama, Asia City, Gaya Street (Kota Lama), Kota Berhasil, Api-Api, Sutera Harbour jo Sembulan. Lingkuangan jo pinggiran parumahan tamasuak Kepayan Ridge, Tanjung Aru, Petagas, Kepayan, Lido, Lintas, Nosoob, Bukit Padang, Luyang, Damai, Likas jo Kolombong. Kota iko samakin bakambang sahinggo manjangkau ka kota Inanam, Menggatal, Sepanggar, Telipok jo selatan pabatehan daerah Penampang, Putatan, jo Lok Kawi.[36]

Kota Kinabalu umumnyo barado jauah dari pusek pamarintahan utamo nagara, talatak kurang labiah 1,624 kilometers (1,009 mi) dari Kuala Lumpur nan barado di Samananjuang Malaysia[37] dan juo 804 kilometers (500 mi) dari Kuching, ibu kota nagari tatangganyo iyolah Sarawak.[38]

Iklim

suntiang
 
Pohon karambia ado di sapanjang jalan, iklim hutan hujan tropis di Kota Kinabalu.

Kota Kinabalu punyo iklim hutan hujan tropis, di bawah klasifikasi iklim Köppen. Namun, kota iko punyo musim nan nyatonyo labiah basah jo kariang. Pado bulan Februari, kota iko manarimo rato-rato hujan 60mm, nan layak untuak iklim hutan hujan tropis. Duo musim hujan nan manjadi ciri iklim bagian Sabah iko adolah Monsun Timur Lauik jo Monsun Barat Dayo. Monsoon Timur Lauik tajadi antaro November jo Maret jo suhu dingin dan kurang hujan, samantaro Monsun Barat Dayo tajadi antaro Mai jo September, nan mambaok suhu paneh jo hujan nan labek. Ado juo duo monsun baturuik-turuik dari bulan April sampai Mei jo dari September sampai Oktober.[39] Parubahan suhu sapanjang taun adolah kaciak. Namun, April jo Mei umumnyo bulan tapaneh, samantaro Desember jo Januari acok dingin. Salamo iko (Desember jo Januari), babarapo galombang angin dingin bahambuih dari Siberia dan kadang-kadang suhu pado awal pagi dapek mancapai 20 °C.[40] Hujan sangaik bavariasi sapanjang tahun. Bulan Februari jo Maret biasonyo musim paneh terik jo kariang wakatu hujan turun dalam periode monsun dakek Oktober. Kondisi kalambaban cukuik tinggi tajadi sapanjang tahun.[41]

Data iklim Kota Kinabalu pada tahun 2013 (Minimal Hujan : 2009-2012)
Bulan Jan Peb Mar Apr Mai Jun Jul Agt Sep Okt Nov Des Tahun
Rato-rato tatinggi °C (°F) 29
(84) 		29
(84) 		30
(86) 		31
(87) 		31
(87) 		31
(87) 		30
(86) 		30
(86) 		30
(86) 		30
(86) 		30
(86) 		30
(86) 		30.1
(85.9)
Rata-rato tarandah °C (°F) 22
(71) 		22
(71) 		23
(73) 		23
(73) 		23
(73) 		23
(73) 		23
(73) 		23
(73) 		23
(73) 		23
(73) 		23
(73) 		23
(73) 		22.8
(72.7)
Presipitasi mm (inci) ta ta ta ta ta ta ta ta ta ta ta ta ta
Curah hujan mm (inci) 278.8
(10.976) 		120.7
(4.752) 		136.9
(5.39) 		167.4
(6.591) 		192.9
(7.594) 		311.9
(12.28) 		319.3
(12.571) 		234.9
(9.248) 		294.4
(11.591) 		252.2
(9.929) 		328.8
(12.945) 		216.9
(8.539) 		2.855,1
(112,406)
Sumber: Departemen Meteorologi Malaysia

Demografi

suntiang

Indak ado namo atau gala rasmi dan juo demonim untuak manggambarkan rakyaik Kota Kinabalu. Ciek caro mudah untuak manggambarkan urang kota di siko adolah "orang KK". Istilah "K.K-ian" juo kadang-kadang digunokan.[6] Umumnyo, sadonyo urang dari Sabah disabuik "orang Sabah".

 
Gereja Katedral Sacred Heart'.

Etnik jo agamo

suntiang

Laporan Statistik Malaysia 2010 manunjuakan baso wilayah Kota Kinabalu bapopulasi 452,058.[1] Kini, panduduak di kota iko punyo babagai campuran kaum joetnis nan babedo. Warga asiang manjadi mayoritas panduduak kota jo 110,556 urang disusul jo Tionghoa (93,429), Bajau (72,931), Kadazan-Dusun (69,993), Bumiputra (59,607), Melayu Brunei (35,835), Murut (2,528), India (2,207) jo lain-lain (5,482).[42] Urang Tionghoa kabanyakan adolah urang Hakka jo sabagian gadang tingga di daerah Luyang. Distrik Penampang dihuni dekKadazan, kaum Bajau kabanyakan tingga di Likas, Sembulan, jo Karambunai, sadangkan Urang Melayu Brunei buliah ditamuan di sekita kota.

Urang Melayu Brunei jo Bajau baragamo Islam. Kadazan manjalankan agamo Kristen, sadangkan urang Cino manjalankan agamo Buddha atau Kristen. Ado juo sajumlah ketek panganuik Hindu, Sikhisme, Animisme; sajumlah ketek Sekularisme lai ado juo.

 
Musajik kota.

Ado juo sajumlah gadang urang Filipina di Kota Kinabalu. Galombang patamo imigran tibo pado abaik ka-15 wakatu panjajahan Spanyol, sadangkan babarapo pangungsi tibo pado awal 1970-an karano masalah pambarontakan di selatan Filipina. Sajumlah gadang dari mareka hari iko tadiri dari pakarajo asiang nan tibo dari taun 1970-an sampai kini. Kabanyakan pandatang awal alah baraliah kawarganagaraan manjadi rakyaik Malaysia, namun ado juo nan masih hiduik tanpa dokumentasi di sakaliliang kota iko nan dianggap sabagai pandatang haram.[43] Kabanyakan pandatang Filipina adolah baetnis Suluk jo Tausug. Ado juo sajumlah gadang masyarakaik Indonesia nan tingga di sakaliliang kota nan sabagian gadang datang dari Sulawesi, Jawa, Kalimantan, jo pulau Flores, bagian dari Kapulauan Sunda Kecil.[44]

 
Kuil Che Sui Khor.

Ado sajumlah kaciak panduduak India, Pakistan jo Eurasia nan manatap di sakaliliang kota. Baru-baru iko juo jumlah ekspatriat nan tingga di kota, baiak sacaro samantaro atau tatap juo maningkek. Kabanyakan datang dari Korea Selatan, Japang, Australia, dan juo Eropa.

Pakawinan bukanlah suatu hal nan lua biaso di siko dan panikahan campua antaro Tionghoa - Kadazan adolah amaik biaso. Anak-anak banso campuran Kadazan dan Tionghoa disabuik sabagai Sino-Kadazan atau hanyo "Sino".

Bahaso

suntiang

Panduduak Kota Kinabalu umumnyo babicaro Bahaso Melayu jo bahaso kreol Sabah. Hampia 50% panduduak Kota Kinabalu katurunan Tionghoa. Bahaso Hakka joMandarin ditutuakan dek urang Cino. Salain itu, kabanyakan urang Cino juo dapek babicaro dalam bahaso Kanton. Hampia sadoalah panduduak juo dapek babicaro bahaso Inggirih, tautamo generasi mudo. Pado hari iko, kabanyakan urang alah dapek babicaro dalam bahaso Inggirih dasa. Namun, babarapo payah babicaro lanca karano pabandoharoan kato nan tabateh dan kurangnyo panggunoan bahaso Inggirih sabagai lingua franca pacakapan di kalangan rakyaik Sabah sacaro kasaluruahan.

Panggunoan Bahaso Kadazan jo Dusun manjadi indak signifikan di saluruah Sabah tautamo di kota-kota gadang atau kota-kota sarupo Kota Kinabalu. Babarapo usaho alah diambiak dek babarapo pihak untuak mamuliahan panggunoan bahaso tasabuik. Kaduo bahaso iko alah dianggap sabagai bahaso tarancam, baitu juo jo budayo etnis Kadazan-Dusun.[45]

Ekonomi

suntiang
 
Kantua Petronas di Kota Kinabalu, Sabah.

Salain manjadi ibu kota, Kota Kinabalu juo marupoan pusek utamo industri jo komersial bagi Sabah. Ekonomi didominasi dek sektor industri utamo sarupo patanian, parikanan, kahutanan, jo minyak dan gas. Dari sagi sijarah, sektor sekunder manguasoi ekonomi, tapi dek karano urbanisasi nan pasek jo pambangunan ekonomi, sektor sekunder iko kudian palahan-lahan manurun. Labiah-labiah lai baru-baru iko, ciek langkah ka arah nan labiah ka industri babasis sektor jaso alah dilakukan.[4] Parusahoan dalam nagari, lua nagari, jo bank padagangan internasional, sarato babarapo parusahoan asuransi jo parusahoan lain punyo kantua pusek atau cabang mareka di siko.

Urang Cino parantauan juo banyak manyumbang kapado pambangunan KK sajak migrasi mareka lewat abaik ka-19. Paran asli mareka adolah sabagai 'kuli' dan kini banyak nan manjadi pamiliak toko.

Babarapo industri jo parusahoan manufaktur juo punyo pabrik mareka di siko tarutamo di daerah-daerah industri sarupo Likas, Kolombong, jo Inanam. Pambangunan bakalanjuikan dari 8,320-ekar (33.7 km2) Taman Industri Kota Kinabalu (KKIP) di Sepanggar juo batujuan untuak maningkekkan kagiatan industri jo komersial di kota jo manjadi pusek patumbuahan utamo di Malaysia Timur, sabagaimano juo tujuan untuak wilayah BIMP-EAGA (Kawasan Patumbuahan ASEAN Timur Brunei - Indonesia - Malaysia - Filipina).[46] Kota Kinabalu juo manjadi tuan rumah babarapo kagiatan nasional, regional, dan juo konferensi internasional atau pameran dagang pado satiok taun tamasuak Ekspo Internasional Biennial Sabah, Konferensi Pelancongan Asia Pasifik dek Konferensi PBB mengenai Perdagangan dan Pembangunan (UNCTAD), Kongres Teknik Australia ASEAN, sarato lain-lain lagi. Kagiatan bak cando iko biasonyo diadokan di resort Sutera Harbour.

Transportasi

suntiang

Darek

suntiang

Jalan padalaman nan mangubuangkan bagian kota nan balainan umumnyo dikataui sabagai jalan nagari. Jaringan jalan iko dibangun dan dikalola dek Departemen Pakarajoan Umum Malaysia. Kabanyakan jalan padalaman utamo adolah jalan rayo kamba. Salah satu jalan utamo di siko adolah Jalan Lintas-Jalan Tuaran Bypass, nan bafungsi sabagai jalan lingka, mangaliliangi kota dan mangubuangkan daerah jo daerah pinggiran di sakitar sarupo Putatan, Penampang, Luyang, Likas, Inanam, Menggatal, Sepanggar, dan Tuaran. Kota Kinabalu dihubuangkan dek jalan tol jo kota-kota nan bajauahan di sakaliliang Sabah tautamo malalui jalan federal nan dikalola dek Departemen Pakarajoan Umum. Jalur jalan rayo dari kota iko tamasuak:

Transportasi Umum

 
Terminal bus di Inanam.

Layanan bus acok baoperasi di sakaliliang kota. Bus kaciak atau van juo digunokan salain bus sabagai transportasi alternatif. Ado duo terminal bus utamo di kawasan bisnis pusek. Terminal sapanjang Jalan Tun Razak manyadiokan layanan bus padalaman ka babagai kota jo daerah pinggiran. Ciek lai terminal dakek Kota Berjaya manyadiokan layanan ka arah tujuan di selatan kota sarupo Papar, Tenom, Beaufort, dan lain-lain. Terminal Bus Utara Kota Kinabalu di Inanam manyadiokan layanan bus di antaro kota nan ado pado jalur manuju ka arah tujuan utara dan utara-timur Kota Kinabalu sarupo Tuaran, Kudat, Ranau, Sandakan, Tawau, Semporna, dan lain-lain. Layanan taksi juo dapek ditamukan di sakaliliang kota.

 
Signage stasiun Tanjung Aru.

Ciek sistem kareta api nan dulunyo diingek sabagai Kareta Api Borneo Utara alah didirian pado taun 1896 dek Parusahoan Borneo Utara Inggirih. Inyo alah dibangun nan batujuan utamo untuak mangangkuik komoditas dari padalaman ka palabuahan di Kota Kinabalu sawaktu panjajahan Inggirih dulu. Jalur kareta api manghubuangkan kota iko joTenom dan babarapo kota-kota lain; iko juo marupoan ciek-cieknyo sistem kareta api nan ado di Malaysia Timur. Pado hari iko, sistem kareta tasabuik dikana sabagai Kareta Nagari Sabah dan manyadiokan layanan harian bagi panumpang, wisatawan, sarato transportasi kargo. Sabuah parusahoan tapisah nan baoperasi sabagai transportasi rekreasi pariwisata juo disabuik Kereta Borneo Utara. Satasiun kareta jo halte utamo talatak di Tanjung Aru.

Udaro

suntiang

Bandara Internasional Kota Kinabalu (KKIA) ​​(Kode ICAO: WBKK) manyadiokan panabangan nan mangubuangkan Kota Kinabalu jo tujuan domestik dan internasional nan lain. Iko marupoan hub kaduo untuak Panabangan Malaysia dan AirAsia nan tadiri dari duo terminal. KKIA marupoan palabuahan udaro kaduo tasibuak di Malaysia salapeh Bandara Internasional Kuala Lumpur dan marupoan salah satu pintu masuak utamo ka Sabah dan Malaysia Timur.[47]

Babarapo tujuan panabangan dari palabuahan udaro iko mancakuik Jakarta, Shenzhen, Seoul, Shanghai, Guangzhou, Hong Kong, Macau, Cebu, Singapura, Taipei, Kaohsiung, dan kota-kota lain, baiak di dalam atau di lua Malaysia. Salain itu KKIA juo marupoan hub kaduo untuak MASwings, nan malayani panabangan ka kota-kota kaciak dan padesaan di Malaysia Timur.

 
Bandara Internasional Kota Kinabalu nampak dari lua.

Lauik

suntiang
 
Terminal Feri Kota Kinabalu manyadiokan layanan harian ka Pulau Manukan, sarato pulau-pulau lain. Dari kida adolah Pulau Sulug, dan di sabalah suok adolah Pulau Mamutik jo Pulau Manukan (nan labiah gadang).

Kota Kinabalu punyo duo palabuahan iyolah Palabuahan Kota Kinabalu jo Palabuahan Kontainer Teluk Sepanggar (SBCP). Palabuahan Kota Kinabalu bafungsi sabagai palabuhan kargo, samantaro SBCP baoperasi sabagai basis Angkatan Laut untuak Angkatan Laut Malaysia, depot minyak jo sadoalah kargo kontainer.[48] Pado taun 2004, Palabuahan Kota Kinabalu mangalola kurang labiah 3,6 juta ton kargo, katigo tatinggi di nagari iko salapeh Palabuahan Sandakan jo Palabuahan Tawau.[21] Bagaimanopun mangandalikan jumlah palabuahan kontainer di nagari iko adolah jo 153,793 kontainer nan dioperasikan pado taun 2006. Sado palabuahan di Sabah dikalola dan dioperasikan dek Sabah Ports Sdn Bhd.[49]

Layanan Feri Kota Kinabalu adolah terminal panumpang feri nan talatak di Jesselton Point dakek palabuahan KK nan manyadiokan layanan feri dan parahu bamotor ka pulau-pulau tadakek untuak wisatawan sarato bagi panumpang nan tingga di pulau-pulau. Ado juo layanan feri tatok ka Labuan.

Fasilitas umum lainnyo

suntiang

Pangadilan jo panagakan hukum

suntiang
 
Pangadilan Kota Kinabalu.

Kompleks Pangadilan talatak di sapanjang Jalan Pantai di pusek kota. Iko mancakuikPangadilan Tinggi, Mahkamah Tingkek, dan Pangadilan Hakim.[50]

Markas Polisi Kontingen Sabah talatak di Kepayan. Ado duo markas daerah di kota, iyolah Markas Polisi Daerah Kota Kinabalu nan talatak di Karamunsing, dan Markas Kapolisian Daerah Penampang. Kaduonyo baoperasi sabagai kantua polisi. Kantua polisi nan lain dapek ditamukan di KKIA, Tanjung Aru, Putatan, dan Menggatal samantaro Pos Polisi dapek ditamukan di daerah Luyang, Likas, Telipok, dan Babagon.[51]

Markas polisi lalu linteh di kota iko talatak di sapanjang Jalan Dewan dakek Gaya Street, dan markas polisi lauik dakek palabuahan feri dakek Jalan Tun Razak.

Panjaro Kota Kinabalu talatak di Kepayan. Sel-sel panjaro juo ado di kantua-kantua polisi di sakaliliang kota.

Kasihatan

suntiang

Ado tigo rumah sakik jo ciek klinik publik di Kota Kinabalu. Rumah Sakik Queen Elizabeth, talatak di sapanjang Jalan Penampang dan itu adolah rumah sakik umum nan tagadang di Sabah. Dibangun pado taun 1957, itu adolah pusek kasihatan nan paliang pantiang di kota jo marupoan salah satu dari tigo rumah sakik umum di Sabah. Rumah Sakik lain adolah Rumah Sakik Spesialis Likas (Likas Specialist Hospital). Rumah Sakik Mesra Bukit Padang (Bukit Padang Mental Hospital), nan dibukak pado taun 1971, manyadiokan layanan psikiater bagi nagari Sabah. Klinik Kasihatan Luyang talatak kurang labiah 6 kilometer dari pusek kota. Ado juo babarapo klinik gigi umum di sakaliliang kota, dan juo klinik desa di pinggiran kota.[52]

Pusek Medis Sabah di Damai adolah rumah sakik swasta nan tagadang di Sabah. Ciek lai pusek medis swasta adolah Pusek Spesialis Damai. Ado banyak klinik swasta nan baoperasi di sakaliliang kota.[53]

Pendidikan

suntiang
 
Gaduang Kanselir UMS.

Universitas

suntiang

Universitas Malaysia Sabah (UMS) marupoan universitas nan tagadang di Sabah dan didirian pado taun 1994. Kampus utamonyo talatak di sabidang tanah salaweh 999-ekar (4.04 km2) di ateh bukik nan mangadok Lauik Cino Selatan di Taluak Sepanggar, kurang labiah 10 kilometer di utara pusek kota. Iko juo punyo kampus cabang di Labuan dan dianggap sabagai salah satu universitas nan paliang rancak di Malaysia.[54][55] Universitas tatuo di Sabah adolah Universitas Teknologi Mara Sabah nan alah didirian dek UiTM jo Yayasan Sabah pado taun 1973. Universitas iko alah disahkan dek dewan Kota Kinabalu sabagai universitas bebas sarok.[56] Ado juo babarapo perguruan tinggi swasta sarupo TARUMT, Universitas Tun Abdul Razak, Universitas Internasional AlmaCrest, Kolej INTI, College Komersial Kinabalu, jo Sikolah Tinggi Informatika. Banyak panduduak nan kayo mangirim anak-anak mareka ka lua nagari baiak untuak malanjuikan pandidikan manangah atau perguruan tinggi.

 
Gaduang Papustakaan Nagari Sabah.

Papustakaan

suntiang

Kantua Papustakaan Nagari Sabah talatak di Jalan Penampang dan marupoan papustakaan tagadang di nagari iko. Papustakaan-papustakaan umum lain tamasuak Papustakaan Kota Kinabalu, Papustakaan Cabang Penampang jo Papustakaan Kampuang Menggatal. Sadoalah papustakaan iko dikalola dek Departemen Papustakaan Nagari Sabah.[57] Salain itu, papustakaan juo tasadio di sikolah-sikolah, perguruan tinggi, atau kampus universitas.

Kabudayoan jo liburan

suntiang

Atraksi jo tampek-tampek rekreasi

suntiang

Kabudayoan

suntiang
 
Museum Sabah nan marupoan museum utamo di Sabah.

Ado babarapo tampek budayo di kota iko. Museum Sabah nan talatak dakek Rumah Sakik Queen Elizabeth adolah museum utamo Sabah. Di dakek museum juo ado Pusek Sains jo Teknologi, Galeri Seni Sabah, jo Taman Etno Botani. Wisma Galeri Seni Budaya manjadi tuan rumah tingkek internasional sarato pameran seni regional. Bangunan Hongkod Koisaan di Penampang juo marupoan rumah bagi Asosiasi Kabudayoan Kadazan-Dusun (KDCA). Inyo manjadi tuan rumah pesta tahunan Kaamatan atau Pesta Panen, dan kontes kecantikan Unduk Ngadau nan diadokan sarantak di bulan Maret. Kampuang Monsopiad juo manampilkan patunjuakan budayo nan bakaikan jo kabudayoan Kadazan-Dusun. Inyo dinamokan sasuai jo namo legenda pahlawan pamburu kapalo Kadazan-Dusun, iyolah Monsopiad.

Kawasan basajarah

suntiang
 
Peringatan Perang Petagas nan talatak di Bandara Internasional Kota Kinabalu.

Lapangan Merdeka marupoan situs dimano deklarasi pambantuakan Malaysia tajadi. Panyatoan itu diumumkan dek pardano mantari Sabah nan patamo yaitu, Tun Fuad Stephens pado 16 September 1963, juo diingek sabagai Hari Malaysia. Pado hari iko, situs tasabuik manjadi tuan rumah pado parayoan Hari Kota tahunan pado 2 Februari, Hari Mardeka pado 31 Agustus, jo babarapo festival lain.

Menara Jam Atkinson ado di Kota Berjaya. Menara jam iko alah dibangun dek Mary Edith Atkinson pado taun 1905 untuak manganang anaknyo, Francis George Atkinson. Menara iko dulunyo digunokan untuak mambantu jalur kapa-kapa. Inyo marupoan ciek dari tigo struktur paninggalan Parang Dunia Kaduo nan ado inggo kini. Ciek lai situs paringatan nan tanamo di siko adolah Peringatan Perang Petagas nan talatak di KKIA. Itu adolah sabuah situs paringatan untuak manganang mareka nan alah tewas katiko malawan tantaro Japang salamo Parang Dunia Kaduo. Iko juo marupoan tampek di mano gerilyawan Kinabalu alah dibunuah dek tantaro Japang pado taun 1944. Salain itu, Monumen Double Six, nan talatak di Sembulan turuik manjadi simbol paringatan bagi nagara Sabah. Tugu iko marupoan sabuah situs paringatan untuak mangingek Tragedi Double Six pado 6 Juni 1976 nan manalan korban pardano mantari Sabah nan patamo yaitu, Tun Fuad Stephens.

Kawasan rekreasi jo konservasi

suntiang
 
Titian di Kota Kinabalu pado wakatu sanjo.

Ado banyak tampek rekreasi jo kawasan konservasi di Kota Kinabalu. Anjuang Samudra ( KK Waterfront) diantaronyo marupoan tampek hiburan tapi pantai di pusek kota nan punyo restoran, kafe, pub, jo klub malam. Royal Sabah Turf Club di Tanjung Aru juo manjadi tuan rumah untuak acaro pacu kudo mingguan tapi kini inyo alah ditutuik jo dipindahan ka Lapangan Pacuan Kudo Tambalang di Tuaran disababkan dek pangambangan Bandara Internasional Kota Kinabalu. Kareta Api Borneo Utara nan mamuloi pajalanan dari satasiun Tanjung Aru juo manawarkan wisata indah desa di Bagian Pantai Barat dan Bagian Pedalaman. Pajalanan kareta iko baakhia di Tenom. Salain itu, Sutera Harbour Golf and Country Club dakek pusek kota nan dibangun di ateh tanah reklamasi jo alah siap sapanuahnyo. Inyo punyo sabuah lapangan golf jo duo hotel.

 
Pantai Tanjung Aru.

Tanjung Aru, nan talatak di 6 kilometers ([convert: unknown unit]) dari pusek kota marupoan salah satu pantai di Pantai Barat. Namonyo diambiak dari pohon sena (sajinih pohon lokal nan disabuik Aru) nan tumbuah di daerah pantai.[58] Pantai iko punyo panjang labiah kurang 2 kilometers ([convert: unknown unit]) dan dilangkoki jo babarapo waruang makanan jo minuman, restoran, dan juo klub-klub hiburan malam. Di dakek daerah Tanjung Aru ado Kinabalu Golf Club, Kebun Raya Putera Philip, Klub Kapal Layar KK, dan Resort Pantai Shangri-La. Pantai iko sangaik tanamo jo kaindahan pamandangan matohari tabanam nan dapek dinikmati banyak urang.

Talatak di dalam kawasan Taluak Likas adolah Cagar Buruang Kota Kinabalu. Jo area salaweh 24 ekars (97,000 m2), inyo marupoan kawasan hutan asali nan masih ado inggo kini di sapanjang wilayah pantai kota Kinabalu.[59] Kawasan iko disampaikan pado September 1996 dek pamarintah nagari untuak mananamkan kasadaran tahadok nilai lahan basah. Zoological and Botanical Gardens Sabah ( Lok Kawi Wildlife Park) itu talatak di Lok Kawi, kurang labiah 20 kilometers ([convert: unknown unit]) di selatan kota. Taman iko marupoan kabun nan patamo di Sabah. Talatak di sabidang tanah salaweh 280 ekars (1.1 km2), inyo juo dapek dikatokan sabagai kabun binatang tagadang di Malaysa.[60]

Taman Tun Fuad Stephens nan talatak di Bukit Padang nan marupoan tampek jogging jo mandaki nan populer di kalangan panduduak satampek. Inyo dikaliliangi dek hutan jo ado sabuah danau buatan manusia. Inyo punyo babarapo kadai makanan jo rstoran. Taman Tunku Abdul Rahman adolah Taman Nasional nan tadiri dari pulau Sapi, Mamutik, Manukan, Sulug dan Gaya. Iko adolah tampek nan paliang populer untuak manyalam. Taman iko dapek disinggahi jo manggunokan parahu nan ado di terminal feri dan hanyo mambutuahkan wakatu kiro-kiro 15 sampai 30 minik untuak sampai ka sinan. Sungai Babagon, di Penampang, jo aia mancua Kiansom dakek Inanam juo marupoan tampek nan populer untuak piknik jo mandi.

Di daerah pedesaan, labih kurang 70 kilometers ([convert: unknown unit]) dari Kota Kinabalu, adolah Taman Nasional Banjaran Crocker, dakek jo Keningau. Taman Crocker adolah tampek nan populer untuak pandakian jo pakemahan hutan. Salain itu, Kota Kinabalu juo marupoan pintu masuak ka salah satu taman nasional nan paliang populer di Malaysia, iyolah Taman Nasional Kinabalu. Pajalanan ka taman iko mamakan wakatu duo jam dari kota jo di sinanlah latak Gunuang Kinabalu. Salain itu, Cagar Rafflesia, (30 kilometers ([convert: unknown unit]) dari kota) nan ado di Tambunan dan babatehan jo Taman Nasional Banjaran Crocker, juo marupoan tampek manariak dek wisatawan. Spesies bungo tagadang di dunia, iyolah Rafflesia, tasadio di siko. Dakek dari siko ado juo Gunuang Emas Highland Resort nan marupoan ciek lai tampek nan tanamo jo pamandangan dan cuaco dingin. Ladang Buayo Tuaran, nan ado di 30 kilometers ([convert: unknown unit]) ka utara kota punyo 1.400 ikua buayo dalam kandang, manjadikannyo nan tagadang di Sabah.[61]

 
Menara Tun Mustapha.

Atraksi lain

suntiang

Menara Tun Mustapha, marupoan bangunan nan kaduo tatinggi di pulau Kalimantan salapeh Wisma Sanyan di Sibu jo diikuti dek Gaduang Kamantarian Kauangan Brunei di Bandar Seri Begawan, Brunei Darussalam.

Bangunan lain nan manariak pangunjuang adolah rumah batiang tinggi nan dapek ditamukan di daerah Sembulan, Tanjung Aru, Kampuang Likas, jo Desa Pondo di Pulau Gaya. Rumah-rumah iko dibangun di ateh parairan pantai dangka jo marupoan rumah khusus bagi kaum Bajau jo panduduak Suluk dan Tausūg.

Musajik Sabah di Sembulan juo marupoan musajik tagadang di Sabah samantaro Musajik Kota di Taluak Likas marupoan ciek lai kaunggulan tapantiang di kota.

Kawasan pabalanjoan

suntiang
 
1Borneo, pusek pabalanjoan nan tagadang di Malaysia Timur.

Kota Kinabalu juo punyo babarapo pusek balanjo nan manariak banyak pangunjuang. Iko tamasuak Kompleks Karamunsing, Centre Point, Wisma Merdeka, Warisan Square, Plaza Wawasan, Kompleks Asia City, City Mall, KK Plaza, Suria Sabah dan pusek balanjo tagadang iyolah 1Borneo. Kawasan pabalanjoan nan baru dibangun di Kota Kinabalu tamasuak Suria Sabah Shopping Mall nan kini ado GSC Kota Kinabalu dan juo Megalong Shopping Mall nan talatak di Penampang. Di Karamunsing pulo, ado Kompleks Karamunsing.[62] Salain itu, di pasa pakan Gaya Street ado banyak padagang kaki limo lokal nan manjua babagai barang jo suvenir etnik budayo tradisional. Pasa Kraftangan Kota Kinabalu (nan sabalunnyo diingek sabagai Pasa Filipina) atau Kota Kinabalu Handicraft Market juo manjua karajinan, souvenir, jo makanan tradisional.

Hiburan

suntiang
 
Bioskop Golden Screen Cinemas nan talatak di Suria.

Ado limo bioskop di Kota Kinabalu duo Golden Screen Cinemas (diingek sabagai GSC), Cathay Cineplex, Growball Cineplex jo Megalong Cineplex. GSC talatak di dalam Mall Suria dan di bagian lain 1Borneo. Kaduo cabang GSC mamuek salapan ruang bioskop masing-masing. Surya Shopping Mall punyo duo ruang 3D samantaro 1Borneo punyo ciek ruang 3D. Growball Cineplex dan Megalong Cineplex juo punyo ciek ruang 3D di bioskop masing-masing.[62]

Olahraga

suntiang
 
Stadion Likas, nan marupoan stadion rumah bagi tim SabaHawks.

Kompleks Olahraga Likas Kota Kinabalu manyadiokan fasilitas untuak babagai kagiatan olahraga jo rekreasi untuak panggunoan umum. Antaro lain inyo juo punyo stadion sipak bola, hoki, badminton, tenis, squash, gym, kolam ranang ukuran Olimpiade. Iko adolah kompleks olahraga nan tagadang di Sabah jo alah manjadi tuan rumah babarapo acaro olahraga internasional. Stadion Likas adolah rumah bagi tim sipak bola (SabaHawks) nan juo dikana sabagai Sabah FA nan sadang batandiang dalam Liga Utamo Malaysia. Ado ciek lai kompleks olahraga di Penampang nan juo punyo sabuah stadion sipak bola baukuran panuah.

Ado ampek lapangan golf di Kota Kinabalu, diantaronyo Sabah Golf and Country Club di Bukit Padang, Kinabalu Golf Club, di Tanjung Aru, Sutera Harbour Golf and Country Club, joKarambunai Golf and Country Club.

Kota Kinabalu juo alah manjadi tuan rumah untuak babarapo acaro olahraga tingkek nasional sarupo SUKMA 2002, sarato kajuaroan internasional sarupo Kajuaroan Karate Dunia 1994 dan Kajuaroan BWF Super Series 2008.[63] Salain itu, inyo juo marupoan titiak awal Tantangan Borneo Safari 4x4 internasional tahunan.[64] Kota iko juo manjadi tuan rumah dan marupoan salah satu sirkuit untuak F2 Parahu Daya UIM Seri Piala Dunia nan dilangsuangkan pado bulan Desember satiok taun sajak 2007.[65]

Tokoh tanamo

suntiang

Kota Kinabalu adolah rumah bagi babarapo musisi independen nan maraiah kasuksesan di Samananjuang Malaysia umpamonyo panyanyi-panulih lagu Pete Teo, panyanyi asa Taiwan Gary Chaw, jo pamain gitar akustik Roger Uang. Kota iko juo marupoan tampek lahianyo tokoh televisi Malaysia nan populer, iyolah Daphne Iking. Panyanyi R&B nan populer di Australia iyolah Che’Nelle (Cheryline Lim), juo baasa dari kota iko. Baitu juo jo pamanang musim ka-6 Akademi Fantasia, Stacy, nan baasa dari Penampang nan juo tamasuak dalam wilayah Kota Kinabalu.

Musik

suntiang

Kota Kinabalu adolah tuan rumah salah satu Festival Jazz favorit Asia, iyolah Festival Jazz KK nan manjadi acaro tahunan di siko. Pamain internasional sarupo Son2nos (Venezuela), Jazz Korea Nah Youn Sun nan mamanangan pangharagoan diva, Hong Kong Junk Unit, Malaysia's Double Take , Atilia jo Mood Indigo dari Inggirih alah mambuek konser di festival iko.[66]

Majalah Bandwidth Street Press marupoan majalah gratis di Kota Kinabalu nan mampromosikan musisi lokal Sabah di dalamnyo. Majalah iko alah diluncuakan pado Maret 2009 dan didukuang dek pamarintah satampek dan juo Mantari Lingkungan Kabudayoan, jo Pariwisata Sabah, iyolah YB Datuak Masidi Manjun, untuak mampakenalkan jon mamajukan musik lokal.[67]

Rujuakan

suntiang
  1. ↑ a b Ringkasan perangkaan penting bagi kawasan oleh Jabatan Perangkaan, Malaysia, 2010 Archived 2015-02-05 di Wayback Machine., hlm. 1 dan 8
  2. ↑ Charles De Ledesma, Mark Lewis, Pauline Savage Malaysia, Singapore & Brunei. Google Books, p. 508.
  3. ↑ "Dari Jesselton ke Kota Kinabalu". Utusan Malaysia. 25 Februari 2010. Diakses tanggal 11 Februari 2013. 
  4. ↑ a b "Tourism hub set to lift Sabah real estate". TheStar. 11 Juni 2007. Diakses tanggal 15 Januari 2008. 
  5. ↑ With a 233% increase in population from 1991 to 2007; Helders, Stefan. "Malaysia: largest cities and towns and statistics of their population". World Gazetteer. Diarsipkan dari versi asli tanggal 2012-09-19. Diakses tanggal 6 April 2007. 
  6. ↑ a b Muguntan Vanar (20 September 2010). "Rapid development in Kota Kinabalu has its drawbacks". The Star, Malaysia. Diakses tanggal 3 Januari 2011. 
  7. ↑ Frans Welman. Borneo Trilogy Volume 1: Sabah. Booksmango. pp. 152–. ISBN 978-616-245-078-5. http://books.google.com/books?id=glG-WBH8hkQC&pg=PA152. 
  8. ↑ a b Rozan Yunos (20 Januari 2011). "The History of Kota Kinabalu". The Brunei Times. Diarsipkan dari versi asli tanggal 2014-05-10. Diakses tanggal 10 Mei 2014. 
  9. ↑ "Kota Kinabalu". ABC Sabah. Diakses tanggal 12 Agustus 2009. 
  10. ↑ Benjohn Simbaku (14 September 2006). "Hargai Perjuangan Kemerdekaan". Bernama.com. Diarsipkan dari versi asli tanggal 4 March 2016. Diakses tanggal 2 Mac 2013. 
  11. ↑ "SEJARAH AWAL KOTA KINABALU". Laman Web Rasmi DBKK. Diarsipkan dari versi asli tanggal 2013-07-08. Diakses tanggal 2 Maret 2013. 
  12. ↑ "Sabah's Heritage: A Brief Introduction to Sabah's History". Muzium Sabah, Kota Kinabalu. 1992. Diarsipkan dari versi asli tanggal 2007-03-11. Diakses tanggal 15 Januari 2008. 
  13. ↑ Ismail Ali. "The Role and Contribution of the British Administration and the Capitalist in the North Borneo Fishing Industry, 1945-63" (PDF). Sosiohumanika-jpssk.com. Diarsipkan dari versi asli (PDF) tanggal 24 February 2013. Diakses tanggal 14 November 2012. 
  14. ↑ "Mount Kinabalu". Virtual Malaysia. Diarsipkan dari versi asli tanggal 20 March 2007. Diakses tanggal 2 April 2007. 
  15. ↑ Sorudim, Lesaya (2 Mei 2005). "KINABALU: Kina Balu , Aki Nabalu, or Ki Nabalu?". KDCA Publications. Diakses tanggal 15 Januari 2008. 
  16. ↑ "History of Sabah". Sabah Travel Guide. Diarsipkan dari versi asli tanggal 2006-10-27. Diakses tanggal 8 Maret 2007. 
  17. ↑ Wendy Law Suart (1993) Lingering Eye halaman 55, nota kaki
  18. ↑ "NAMA ASAL". Laman Web Rasmi DBKK. Diarsipkan dari versi asli tanggal 2013-07-08. Diakses tanggal 2013-05-16. 
  19. ↑ Sawatan, Jackson. "Adakah Gaya Sekadar 'Singgah mata' Untuk Pembangkang?". BERNAMA. Diarsipkan dari versi asli tanggal 29 September 2007. Diakses tanggal 8 Maret 2007. 
  20. ↑ "Parliament and State Legislative Assemblies". Election Commission of Malaysia. Diarsipkan dari versi asli tanggal 2007-10-14. Diakses tanggal 2008-01-15. 
  21. ↑ a b "Monthly Statistical Bulletin: Sabah". Department of Statistics Malaysia, Sabah. 01-01-2007. 
  22. ↑ "Satellite image of Kota Kinabalu". Google Maps. Diakses tanggal 17 March 2007. 
  23. ↑ "Greater Kota Kinabalu Healthcare Overview" (PDF). Sabah Economic Development and Investment Authority (SEDIA). Diarsipkan dari versi asli (PDF) tanggal 13 May 2013. Diakses tanggal 19 April 2012. 
  24. ↑ "Laman Utama". Majlis Daerah Penampang. Diarsipkan dari versi asli tanggal 2013-08-07. Diakses tanggal 15 Januari 2008. 
  25. ↑ "Kota Kinabalu (Consulates)". Wiki Voyage. Diakses tanggal 6 Februari 2013. 
  26. ↑ "A Growing Partnership: Western Australia & Malaysia". AUSTRALIA MALAYSIA: FORGING AHEAD. Diarsipkan dari versi asli tanggal 2013-02-24. Diakses tanggal 5 Maret 2012. 
  27. ↑ "Guangdong haijiaohui delegation met with heads of state and Kota Kinabalu, Sabah, Mayor". Free Paper World News. 20 Agustus 2011. Diakses tanggal 5 Maret 2012. 
  28. ↑ a b Julia Chan (20 Maret 2015). "KK-Portland sister city pact could see US craft beer coming to Sabah". The Malay Mail. Diakses tanggal 21 Maret 2015. 
  29. ↑ "Friendship Visit to Yongin by Kota Kinabalu City". YONGIN City. 18 Maret 2010. Diarsipkan dari versi asli tanggal 2013-11-12. Diakses tanggal 5 Maret 2012. 
  30. ↑ "VLADIVOSTOK TO BECOME KOTA KINABALU'S FOURTH SISTER CITY". MALAYSIA.com. 17 Maret 2010. Diakses tanggal 5 Maret 2012. 
  31. ↑ "Another city wants to be KK's sister". Borneo Post. 23 April 2010. Diakses tanggal 4 Mei 2010. 
  32. ↑ "Cops storm Pulau Gaya, clash leaves one dead, four injured". The Star. 8 Agustus 2006. 
  33. ↑ Google Maps, Capaian 14 Desember 2008
  34. ↑ a b WWF Malaysia, A City Oasis, 28 Desember 2006. WWF Malaysia website, Capaian 14 Desember Untitled Document
  35. ↑ "Sabah Parks website, Capaian 14 Desember 2008". Diarsipkan dari versi asli tanggal 2009-11-27. Diakses tanggal 2013-05-16. 
  36. ↑ "Sabah Travel Guide website, Capaian 14 Desember 2008". Diarsipkan dari versi asli tanggal 2012-11-02. Diakses tanggal 2013-05-16. 
  37. ↑ Distance from Kuala Lumpur, Malaysia to Kota Kinabalu, Malaysia. Capaian 5 Jun 2009
  38. ↑ Distance from Kuching, Malaysia to Kota Kinabalu, Malaysia. Capaian 5 Jun 2009
  39. ↑ Coastal Profile of Sabah, Sabah State Government website, Capaian 14 Desember 2008 3 CLIMATE (Part I) Archived 2012-02-16 di Wayback Machine.
  40. ↑ Cooler mornings, Daily Express Newspaper Online, Sabah, Malaysia, Capaian 17 September 2010 Cooler mornings|Daily Express Newspaper Online, Sabah, Malaysia. Archived 2013-05-13 di Wayback Machine.
  41. ↑ "Kota Kinabalu climate graphs". Allmetsat. Diakses tanggal 14 Desember 2008. 
  42. ↑ "Population Distribution by Local Authority Areas and Mukims, 2010" (PDF). Jabatan Perangkaan, Malaysia. 01-12-2011. Diarsipkan dari versi asli (PDF) tanggal 2012-02-27. Diakses tanggal 12 Maret 2012. 
  43. ↑ "Non-citizens dictating outcome of elections". Malaysiakini.com. 23-2-2006. Diakses tanggal 2 Maret 2013. 
  44. ↑ Mantra, Ida Bagoes (1998). "Indonesian Labor Mobility to Malaysia (A Case Study: East Flores, West Lombok, and The Island of Bawean)" (DOC). National Workshop on International Migration at Yogyakarta. Population Studies Center, Gadjah Mada University, Indonesia. Diakses tanggal 15 Maret 2007. 
  45. ↑ Reid, Anthony (1997). "Endangered Identity: Kadazan or Dusun in Sabah". Journal of Southeast Asian Studies, Vol. 28. Diakses tanggal 15 Januari 2008. 
  46. ↑ "Introduction". Kota Kinabalu Industrial Park. Diarsipkan dari versi asli tanggal 30 September 2007. Diakses tanggal 9 April 2007. 
  47. ↑ "KKIA to become key air hub". The Star. 15 Februari 2007. 
  48. ↑ "Sepanggar Container Port Terminal ready". Daily Express. UK. 8 Agustus 2006. Diarsipkan dari versi asli tanggal 2009-01-10. Diakses tanggal 2013-05-22. 
  49. ↑ "Sabah Ports Sdn Bhd". Suria Group. Diarsipkan dari versi asli tanggal 2007-12-26. Diakses tanggal 15 Januari 2008. 
  50. ↑ "List of court addresses". Malaysian Court. Diarsipkan dari versi asli tanggal 2010-08-19. Diakses tanggal 2 Maret 2007. 
  51. ↑ "Direktori: Alamat dan telefon PDRM". Royal Malaysian Police. Diarsipkan dari versi asli tanggal 30 September 2007. Diakses tanggal 2 April 2007. 
  52. ↑ "Senarai hospital kerajaan". Kementerian Kesihatan. Diarsipkan dari versi asli tanggal 27 September 2007. Diakses tanggal 2 April 2007. 
  53. ↑ "List of member hospital". Association of Private Hospitals of Malaysia. Diarsipkan dari versi asli tanggal 5 March 2007. Diakses tanggal 2 April 2007. 
  54. ↑ Tan Shiow Chin (14 September 2008). "UMS a haven for students". The Star. Diakses tanggal 27 Desember 2012. 
  55. ↑ "UMS to have a 6ha botanical garden in its campus". The Star. 8 Mei 2010. Diakses tanggal 27 Desember 2012. 
  56. ↑ UiTM Cawangan Sabah (27 Agustus 2010). "UiTM Sabah is Now a Litter Free University". UiTM Sabah. Diarsipkan dari versi asli tanggal 2013-06-16. Diakses tanggal 27 Desember 2012. 
  57. ↑ "Introduction". Sabah State Library Online. Diarsipkan dari versi asli tanggal 30 September 2007. Diakses tanggal 9 April 2007. 
  58. ↑ "Cuti Malaysia - Sabah". Diarsipkan dari versi asli tanggal 2012-01-11. Diakses tanggal 2013-05-22. 
  59. ↑ "Sabah Wetlands Conservation Society, Sabah, Malaysia". Diarsipkan dari versi asli tanggal 2009-04-30. Diakses tanggal 2013-05-22. 
  60. ↑ "Sabah's first zoo ready soon". Daily Express. Malaysia. 22 Februari 2005. Diarsipkan dari versi asli tanggal 2007-09-26. Diakses tanggal 2013-05-22. 
  61. ↑ Cheah, P.K. (25 Juni 2007). "Rocking round the crocs". The Star. Kota Kinabalu. 
  62. ↑ a b "Reign226's Guide to Kota Kinabalu, Sabah". Malaysia Students. 6 Juni 2006. 
  63. ↑ "Lee Chong Wei claims win at Kota Kinabalu tourney". Taipei Times. 19 Desember 2008. Diakses tanggal 20 Desember 2008. 
  64. ↑ "Borneo 4x4 Safari 2008". mysinchew.com. 31 Juli 2008. Diakses tanggal 20 Desember 2008. 
  65. ↑ "F2000 powerboat race heads for Sabah". The Star. 10 Oktober 2007. Diakses tanggal 18 Agustus 2009. 
  66. ↑ "4th Edition of KK Jazz Festival Returns in June". Virtual Malaysia. 2 Juni 2010. Diarsipkan dari versi asli tanggal 2012-02-29. Diakses tanggal 20 Agustus 2010. 
  67. ↑ "Local music industry has government's support". New Sabah Times. 25 Mei 2009. Diarsipkan dari versi asli tanggal 2013-05-12. Diakses tanggal 20 Agustus 2010. 

Pautan lua

suntiang
  Portal Malaysia
Ado kategori tantang Kota Kinabalu di Wikimedia Commons
Diambiak dari "https://min.wikipedia.org/w/index.php?title=Kota_Kinabalu&oldid=3157265"