Taman nasional

Taman nasional adolah kawasan pelestarian alam nan mampunyoi ekosistem asli, dikelola jo sistem zonasi nan dimanfaatkan untuak tujuan penelitian, ilmu pangatahuan, pandidikan, manunjang budidaya, pariwisata, jo rekreasi.[1] Taman nasional marupoan salah satu jinih kawasan konservasi karano dilinduangi, biasonyo dek pemerintah pusat, dari pakambangan manusia jo polusi.

Pantai Bande Alit, Taman Nasional Meru Betiri, Tempurejo, Jember, Jawa Timur
Taman Nasional Los Cardones, Argentina

Taman nasional marupoan kawasan nan dilinduangi (protected area) dek World Conservation Union Kategori II. Taman nasional tagadang adolah Taman Nasional Greenland Timur Laut, nan didirikan sajak taun 1974.

SajarahSuntiang

Gagasan dari sabuah taman nasional partamo kali muncul pado awal abad ka-19. Pado 1810 puitris Inggris William Wordsworth manggambaran Danau District sabagai "sabuah bagian dari hak miliak nasional di mano satiok urang mamiliki hak bagi nam mamiliki mato untuak manarimo jo sabuah hati untuak menikmati". Pelukis George Catlin]], dalam pajalanannyo ka Amerika Barat, manjadi khawatir jo maso depan panduduak asli Amerika nan inyo tamui jo kaajaiban alami nan inyo caliak. Pado 1832 inyo manulih baso mereka dapek dilinduangi:

Dek kabijakan pamarintah untuak malinduangi... dalam sabuah taman nan lua biaso... Sabuah taman nasional, barisikan manusia jo hewan, di kaliaran jo kasegaran dari kaindahan alami mereka!

Usaho partamo dek pamarintah untuak manetapkan tanah talindunagi tasabuik dilakukan dek Amerika Serikat, katiko Presiden Abraham Lincoln manandatangani "Act of Congress" pado 30 Juni 1864, manetapkan Lembah Yosemite jo Mariposa Grove di Giant Sequoia (puseknyo ka manjadi takenal ka saluruah dunia Taman Nasional Yosemite) kapado nagara bagian California.

Namun, visi Taman Nasional alun langkok di Yosemite, jo mambutuahan usaho dari John Muir untuak mangagiahan hasia. Yosemite indak manjadi taman nasional sacaro legal sampai 1 Oktober 1890.

Pado 1872, Taman Nasional Yellowstone dirasmian sabagai taman nasional partamo di dunia. Indak cando Yosemite, indak ado pamarintah nagara bagian nan malinduanginyo, jadi Pamarintah Federal maambiak tangguang jawab sacaro langsuang taman tasabuik.

Maikuti dirasmikannyo Yellowstone nagara lain marasmian juo taman nasional mereka. Di Australia, Taman Nasional Royal dirasmian di sabalah salatan Sydney pado 1879. Taman Nasional Banff (wakatu itu dikana sabagai Taman Nasional Gunung Rocky) manjadi taman nasional partamo Kanada pado 1887. Selandia Baru maniliki taman nasional partamonyo pado 1887. Di Eropa taman nasional partamo dirasmian pado 1910 di Swedia. Tarutamo satalah PD II banyak taman nasional dirasmian di saluruah dunia.

Taman nasional di IndonesiaSuntiang

Manuruik Undang-Undang Nomor 5 Tahun 1990 tantang Konservasi Sumber Daya Alam Hayati jo Ekosistemnyo, Taman Nasional didefinisian sabagai kawasan pelestarian alam nan mampunyoi ekosistem asli, dikalola jo sistem zonasi nan dimanfaatan untuak tujuan panalitian, ilmu pangatahuan, pandidikan, manunjang budidaya, pariwisata, jo rekreasi.

Kini ko tadapek 50 Taman Nasional di Indonesia, nan pangalolaannyo di bawah Kementerian Lingkuangan Hiduik jo Kahutanan Republik Indonesia. Anam di antaronyo ditatapan sabagai Situs Warisan Dunia (World Heritage Sites), jo duo dalam Situs Ramsar.

Taman-taman nasional nan alah ditataaan sabagai Situs Warisan Dunia UNESCO, di antaronyo adolah, Taman Nasional Komodo di Nusa Tenggara Timur, Taman Nasional Lorentz di Papua dan Taman Nasional Ujung Kulon di Banten. Taman Nasional Gunung Leuser di Sumatra Utara dan Aceh, Taman Nasional Kerinci Seblat di Jambi dan Taman Nasional Bukit Barisan Selatan di Lampung, Bengkulu, dan Sumatra Selatan, juo di tamasuak dalam Situs Warisan Dunia UNESCO, nan tagabuang sabagai Warisan Hutan Hujan Tropis Sumatra.

Caliak puloSuntiang

RujuakanSuntiang

  1. Atlas Nasional Indonesia. Penerbit Bakosurtanal (Badan Koordinasi Survey dan Pemetaan Nasional). Cibinong, Bogor 2008. ISBN 978-979-26-6938-1. Hal 158.

Pranala luarSuntiang