Asuransi

Asuransi adolah sabuah pajanjian antaro pihak parusahaan asuransi jo pamegang polis asuransi, aratinyo dalam pajanjian iko tadapek sabuah mekanisme tahadok palinduangan harato,jiwa , atau kasehatan nan dipunyoi dek pihak tatangguang. Pihak tatangguang ko mampunyoi kawajiban mambayia sajumlah dana ka pihak panangguang atau perusahaan asuransi nan nantinyo untuak dapek mandapekan penggantian karugian tahadok resiko atau musibah nan mungkin tajadi di maso nan kan datang. Di Indonesia banyak tadapek parusahaan nan mangalola asuransi ko baiak itu dari pihak swasta ataupun dari pihak Badan Usaha Milik Negara (BUMN). BUMN nan mangalola asuransi diantaronyo iolah PT. Jasa Raharja (persero), PT. Asuransi Kesehatan Indonesia (persero), PT. TASPEN, PT. Jamsostek dan lainnyo.

Kantua sabuah asuransi Jasindo

Prinsip-prinsip asuransi

Insuratable interst

Prinsip iko dapek diartian bahwasanyo saurang hanyo dipabuliehan maasuransian sasuatu, nan mampunyoi hubungan ekonomi sarato diakui sacaro hukum.

Utmost goog faith

Pado prinsip iko pamegang polis maupun parusahaan asuransi harus baitikad baiak dalam malakuan parikatan. Itikad baiak di sikoi diartian sabagai mangungkapkan informasi sacaro detil jo akurek. Pamegang polis harus transparan tentang obyek nan kan diasuransian. Samantaro tu panyadio asuransi harus marinci pasyaratan patangguangan.

Indemnity

Prinsip iko manjalehan manfaaik asuransi untuak pamegang polis. Jadi, asuransi bafungsi mangambalian posisi kauangan nasabah jiko tajadi sabuah risiko, ka posisi sabalum tajadi risiko.

Subrogation

Arati dari prisnip iko iolah parusahaan asuransi sabagai pananggung risiko, maambiak posisi tatangguang dalam manuntuik ganti rugi jiko tajadi risiko. Prinsip iko contohnyo balaku pado asuransi umum.

Contribution

Prinsip iko balaku untuak ciek obyek nan diasuransian ka labiah dari ciek parusahaan asuransi. Praktek iko biasonyo tajadi di asuransi umum nan nilai patangguangan nan diasuransian sangaiklah gadang.

Proximate cause

Prinsip iko manjadi rujuakan parusahaan asuransi katiko manantuan kondisi nan manjadi panyabab utamo tajadinyo risiko sarato syaraik pancairan manfaaik. Prinsip iko batujuan untuak mangurangi tajadinyo pasalisiahan akibaik salah tafsir manganai risiko. Ateh dasar prinsip iko, polis asuransi pado umumnyo mamuek risiko nan dijamin jo nan dikacualikan sacaro mandetil.

Jinih-jinih asuransi

Asuransi jiwa

Asuransi iko maagia palinduangan barupo dukuangan finansial ateh kamatian tatangguang. Sistem pambayaran untuak jinih asuransi jiwa ko kini alah makin baragam. Ado parusahaan asuransi nan mambayiaan klaim sasudah kamatian, ado pulo parusahaan nan maagia tatangguang untuak mangklaim dana sabalum kamatiannyo.

Asuransi kandaraan jo properti

Jinih asuransi iko maagia palinduangan tahadok kahilangan atau karusakan nan mungkin tajadi pado barang-barang tatantu di properti punyo pribadi tatangguang. Asuransi ko maagia pulo karinganan apobilo properti tatangguang tadampak dek musibah sarupo kabakaran atau kabanjiran.

Asuransi pendidikan

Asuransi pendidikan adolah asuransi nan kabaradoannyo dianggap sangaik paralu dimaso kinikoi. Hal tasabuik dikaranoan masyarakaik baranggapan bahwasanyo asuransi pendidikan marupoan asuransi cerdas nan dapek manjamin pendidikan nan labiah baiak.

Asuransi pajalanan

Asuransi jinih iko maagia painduangan kapado nasabah pado jangko wakatu pendek yaitunyo salama pambali premi malakuan pajalanan hinggo babaliak pulang. Palinduangan nan di dapek salamo pajalanan diantaronyo santunan kacelakaan pribadi, biaya pangobatan darurat, evakuasi medis hinggo palinduangan tahadok barang-barang nan dibawo salamo pajalanan.

Asuransi umum

Asuransi umum atau general insurance bagunoi untuak maagia proteksi tahadok resiko karugian ataupun kahilangan manfaaik jo tangguang jawab hukum pado pihak katigo. Palinduangan asuransi umum mampunyoi rentang wakatu jangko pendek, biasanyo sakitar satahun.

Asuransi kredit

Asuransi iko baguno untuak malinduangi dari risiko kagagalan debitur untuak malunasi fasilitas kredit atau pinjaman tunai sarupoi kredit padagangan, modal karajo, atau kabutuahan lainnyo. Asuransi kredit iko batujuan untuak malinduangi lembago kauangan jo bank dari kamungkinan indak mandapekan baliaki dana nan diagian kapado nasabah.

Manfaaik asuransi

Sacaro umum asuransi pado dasanyo mampunyoi babarapo manfaaik, yaitunyo nan partamo partamo maagia bantuan untuak masyarakaik guno manyalasaian babagai macam pamasalahan risiko nan dihadapinyo, karano demikian mako dapek maagia kapicayoan diri sarato katanangan nan labiah untuak para pihak nan bagabuang dalam asuransi. Asuransi sabagai sarana dalam manyalasaikan babagai risiko nan dijalani katiko melakuan pambangunan. Lain daripado itu, maskipun ado babagai caro untuak manghadoi risiko, salanjuiknyo asuransi manjadi caro nan labiah acok dipagunoan hal itu karano asuransi maagia janji patangguangan kapado pihak tatangguang risiko nan kan dijalani sacaro personal ataupun risiko nan kan dijalani dek lembago asuransi.