Tuanku Ja'afar dari Negeri Sembilan
Tuanku Ja'afar ibni Almarhum Tuanku Abdul Rahman GCB (Jawi: توانكو جعفر ابن المرحوم توانكو عبدالرحمن; 19 Juli 1922 - 27 Desember 2008) adolah Yang Dipertuan Besar Negeri Sembilan dari 1967 sampai kamatiannyo pado taun 2008, dan pernah duduak sabagai Yang di-Pertuan Agong ka sapuluah, kapalo nagara Malaysia, dari 1994 sampai 1999.
| Ja’afar جعفر | |||||||||
|---|---|---|---|---|---|---|---|---|---|
| Yang di-Pertuan Agong X | |||||||||
 | |||||||||
| Yang di-Pertuan Agong | |||||||||
| Bakuaso | 26 April 1994 – 25 April 1999 | ||||||||
| Malewa | 22 September 1994 | ||||||||
| Pandaulu | Azlan Shah | ||||||||
| Panaruih | Salahuddin | ||||||||
| Yang di-Pertuan Besar Negeri Sembilan | |||||||||
| Bakuaso | 18 April 1967 – 27 December 2008 | ||||||||
| Partabalan | 8 April 1968 | ||||||||
| Pandaulu | Munawir | ||||||||
| Panaruih | Muhriz | ||||||||
| Menteri Besar | Mohamed Said Muhammad Mansor Othman Rais Yatim Mohd Isa Abdul Samad Mohamad Hasan | ||||||||
| Lahia | 19 Juli 1922 Klang, Selangor, Malaya | ||||||||
| Maningga | 27 Desember 2008 (umua 86) Hospital Tuanku Jaafar, Seremban, Negeri Sembilan, Malaysia | ||||||||
| Pamakaman | 29 Desember 2008 Makam Diraja Seri Menanti, Negeri Sembilan | ||||||||
| Wangsa | Pagaruyung | ||||||||
| |||||||||
| Ayah | Tuanku Abdul Rahman Ibni Almarhum Tuanku Muhammad | ||||||||
| Mandeh | Che Engku Maimunah Binti Abdullah | ||||||||
| Pasangan | Tuanku Najihah binti Almarhum Tunku Besar Burhanuddin (m. 1942–kini) | ||||||||
| Anak | Tunku Naquiah Tunku Naquiyuddin Tunku Imran Tunku Jawahir Tunku Irinah Tunku Nazaruddin | ||||||||
| Agamo | Islam | ||||||||
Hiduik jo pandidikan awal
suntiang
Tuanku Ja'afar adolah anak patamo dari Tuanku Abdul Rahman bin Tuanku Muhammad dan Che Engku Maimunah binti Abdullah pado taun 1919. Bundonyo adolah saurang campuran katurunan Irlandia dan Inggris-India,[1][2] namun pasangan itu nantinyo bacarai. Tuanku Ja'afar lahia pado 19 Juli 1922 di Klang, Selangor, dan gadang di Seri Menanti. Adiak-adiaknyo iolah Tunku Abdullah, Tunku Aidah dan Tunku Sheila.
Tuanku Ja'afar mandapek pandidikan patamo di Sekolah Melayu di Seri Menanti. Tuanku Ja'afar malanjuikkan pulo baraja ka Malay College Kuala Kangsar (MCKK). Olahraga adolah subjek wajib di MCKK. Tuanku Ja'afar manyalakan di babarapo olahraga dan dijadian kapten untuak limo tim nan iyolah kriket, tenis, squash, sepak bola jo hoki. Salain itu, Tuanku Ja'afar adolah pamain badminton jo catur nan pantiang. Di MCKK inyo manjadi dakek jo Tun Abdul Razak Hussein, nan marupokan Perdana Menteri Malaysia nan kaduo.[3]
Pado taun 1940, sasudah lulus dari MCKK, Tuanku Ja'afar malanjuikkan ka Raffles College, Singapura, nan maso itu manjadi salah satu institusi pendidikan tinggi nan populer di Asia Tenggara. Tuanku Ja'afar saso labiah suko jo olahraga daripado kuliah. Dari kagamarannyo sabagai pamain tenis inyo bakanalan jo Lee Kuan Yew, nantinyo Perdana Menteri partamo Singapura. Tuanku Ja'afar, nan saharusnyo tamek tigo taun, sayangnyo harus babaliak ka Malaya karano Parang Dunia II mulai tajadi pado Desember 1941.[3]
Pagawai
suntiangSakambalinyo Tuanku Ja'afar dari Singapura, inyo bakarajo di Kantor Tanah Seremban, Rembau jo juo Kuala Lumpur, sabagai pagawai (state officer) di pamarentahan Japang. Salain itu, pado akhir taun 1940an, inyo dipindahan karajonyo ka Sekretariat Negara Perak di Ipoh dan bertanggung jawab untuak mangolah pamohonan kewarganegaraan.[3]
Sasudah PD II, Pado taun 1946 Tuanku Ja'afar mulai bakarajo di Malay Administration Service, lalu Asisten Perpajakan di Rembau pado tahun 1947. Sasudah itu, inyo diangkek manjadi kapalo distrik di Tampin sampai 1955 jo mandorong kegiatan anti-komunis. Salain kapalo distrik, inyo pulo manjadi Ketua Komite Perang Tampin. Pangalaman jo pangamatan Tuanku Ja'afar salamo taun-tahun parang alah manukakkan inyo. Di wakatu iko dalam hiduiknyo, inyo kini punyo tujuan nan labiah tinggi: inyo katuju manjalehan studi hukumnyo.[4]
Inyo manjalani ampek taun baraja di Universitas Nottingham dan lulus bagala Sarjana Hukum pado taun 1947 sabalun lanjuik ka Balliol College, Oxford jo LSE. Tuanku Ja'afar dikawanan jo Tuanku Najihah sarato anak-anaknyo. Sambari kuliah di universitas, inyo manarusannyo bamain olahraga favoritnyo dari kriket, sepak bola jo badminton. Inyo juo manjadi kapten klub tenis jo badminton.[4]
Sasudah pulang dari Inggirih pado taun 1952, Tuanku Ja'afar duduak dalam babarapo jabatan dalam dinas sipil Malaysia tamasuak Asisten Sekretaris Nagara Perak, Asisten pegawai Parit, Perak, jo PNS Kabupatèn Tampin.[4]
Diplomat
suntiang
Tuanku Ja'afar manaruko dunia diplomatik sajak taun 1957. Katiko kursus diplomatik di London, rombongan Tuanku Abdul Rahman (Perdana Menteri Malaya wakatu itu, bukan apak Tuanku Ja'afar) tibo untuak basobok jo para pejabat dari Kantor Kolonial Britania di Lancaster House, London, demi kemerdekaan Malaya. Tuanku Ja'afar mambantu di bidang logistik, makalah dan presentasi rombongan itu. Upayo iko mandapek hasil, katiko Inggris akhirnya manyatujui kamardekaan dan pandirian Federasi Malaya. Kabar iko ditarimo jo sukoan gadang jo upacara rasmi di Dataran Merdeka, Kuala Lumpur pado 31 Agustus 1957. Sasudah itu, inyo manjadi Charge d'affaires di Kedutaan Malaysia, Washington, DC, Amerika Serikat, lalu Sekretaris partamo jo Misi Tetap PBB di New York, Konsuler jo Wakil Komisaris Tinggi di Komisi Tinggi Malaysia, London. Tuanku Ja'afar sataruihnyo ditunjuak sabagai Duta Malaysia di Mesir dan salajengnyo sabagai Komisaris Tinggi di Nigeria jo Ghana.[4]
Yang di-Pertuan Besar
suntiang
Katiko Tuanku Ja'afar ka barangkek sabagai Duta Malaysia di Japang, inyo dipanggia dek kerajaan dek karano apaknyo Tuanku Munawir maningga pado taun 1957. Sasuai Adat Perpatih Negeri Sembilan, musyawarah oleh Undang yang Empat diadokan untuk manunjuak Yang Di-pertuan Besar nan baru. Undang yang Empat iolah datuak-datuak dari ampek wilayah dasar nan mambantuak Negeri Sembilan. Tuanku Ja'afar iolah salah satu Putera Yang Empat, gala dari calon panaruih takhta Negeri Sembilan, inyo bagala Tuanku Muda Serting. Tigo lainnyo iolah Tunku Besar Seri Menanti (Tuanku Muhriz), Tunku Laksamana, (Tunku Nasir Alam ibni Almarhum Tuanku Muhammad), dan Tunku Panglima Besar, (Tunku Abdullah ibni Almarhum Tuanku Abdul Rahman)
Undang Yang Empat tasabuik bamufakaik manyatujui Tunku Muda Serting, Tuanku Ja'afar langsuang diumumkan sacaro adat Balairung Seri Istana Besar Seri Menanti oleh Dato' Undang Luak Jelebu, Dato' Abu Bakar bin Ma'amor, di . Tuanku Ja'afar maninggakan tahta sabagai Rajo ka-10 Negeri Sembilan pado 18 April 1967.
Yang di-Pertuan Agong
suntiang
Tuanku Ja'afar dipiliah manjadi Yang di-Pertuan Agong ka-10 manggantikan Sultan Azlan Shah dari Perak. dan manjabat dari 26 April 1994 hinggo 25 April 1999. Sabagai kapalo nnegara Malaysia, Tuanku Ja'afar ma-inisiasi peran nan signifikan dalam maningkatkan hubungan antaro Malaysia jo nagara-nagara lainnyo.
Pado masonyo manjabat Yang Di-pertuan Agong, Malaysia banyak manggala alek, di antaronyo Sukan Komanwel ka-16 jo KTT APEC pado taun 1998. Maso inyo pulo, dibangunlah Bandara Internasional Kuala Lumpur (KLIA) di Sepang, Menara kembar Petronas, Multimedia Super Corridor (MSC) jo ibu kota administrasi baru Putrajaya.
Katurunan
suntiangTuanku Ja'afar manikah jo Tuanku Najihah binti Almarhum Tunku Besar Burhanuddin nan katurunan Yang Di-pertuan Besar ka-6. Basamo suaminyo, Tuanku Najihah manjabat pulo sabagai Raja Permaisuri Agong antaro taun 1994 jo 1999. Inyo punyo anak, 3 anak laki-laki jo 3 anak perempuan:
- Tunku Dara Negeri Sembilan Tunku Tan Sri Naquiah binti Almarhum Tuanku Ja'afar (lahia pado taun 1944)
- Tunku Laksamana Negeri Sembilan Tunku Dato' Seri Utama Naquiyuddin ibni Almarhum Tuanku Ja'afar (lahia pado taun 1947)
- Tunku Muda Serting Negeri Sembilan Tunku Tan Sri Dato' Seri Imran ibni Almarhum Tuanku Ja'afar (lahia pado taun 1948)
- Tunku Puteri Negeri Sembilan Tunku Puan Sri Dato' Seri Jawahir binti Almarhum Tuanku Ja'afar (lahia pado taun 1952)
- Tengku Puan Panglima Raja Selangor Tunku Dato' Seri Irinah binti Almarhum Tuanku Jaafar (lahia pado taun 1957)
- Tunku Panglima Besar Negeri Sembilan Tunku Dato' Seri Nadzaruddin ibni Almarhum Tuanku Ja'afar (lahia pado taun 1959)
Kamatian
suntiangTuanku Ja'afar maningga pado tanggal 27 Desember 2008 di Rumah Sakit Tuanku Ja 'afar, Seremban dek stroke pado umua 86 tahun.[5] Adiaknyo nan mudo, Tunku Panglima Besar Tunku Tan Sri Abdullah alah maningga ampek bulan sabalunnyo. Tuanku Ja'afar sabalunnya dirawatdi rumah sakit dek karano sakik. Inyo dikubur di Mausoleum Kerajaan Seri Menanti di Seri Menanti pado tanggal 29 Desember 2008.[6]
Galeri Diraja Tuanku Ja'afar
suntiang
Galeri Diraja Tuanku Ja'afar talatak dakek Taman Tasik Seremban. Bangunan salaweh sakitar 44.000 kaki persegi marupoan galeri kanangan Tuanku Ja 'afar ibni Almarhum Tuanku Abdul Rahman. Ide mambangun galeri iko tarabik dari upayi manggambarkan keunikan Negeri Sembilan, sarato biografi bajalan dari Tuanku Ja'afar. Galeri iko dirasmian pado tanggal 4 Desember 2014 oleh Tuanku Najihah, isterinyo.
Rujuakan
suntiang- ↑ "Juliet Ada Roderick". geni_family_tree (dalam bahasa Inggris). Diakses tanggal 13 Januari 2024.
- ↑ "Clement Kilroy Campbell". geni_family_tree (dalam bahasa Inggris). Diakses tanggal 13 Januari 2024.
- ↑ a b c Pertabalan DYMM Tuanku Ja'afar Negeri Sembilan: Setem Pos Kenang2an, https://commons.wikimedia.org/wiki/File:Risalah_Pertabalan_DYMM_Tuanku_Ja%27afar_Negeri_Sembilan_1968_FDC.pdf, diakses tanggal 13 Januari 2024
- ↑ a b c d "Biografi Tuanku Ja'afar," https://gdtjns.com/biografi-tuanku-jaafar/, diakses tanggal 13 Januari 2024
- ↑ "Yang Dipertuan Besar Negeri Sembilan mangkat". Utusan Malaysia. 27 December 2008. Diarsipkan dari versi asli tanggal 31 December 2008. Diakses tanggal 13 Januari 2024.
- ↑ "Negara Brunei Darussalam: obituary 2008. - Free Online Library". www.thefreelibrary.com. Diakses tanggal 13 Januari 2024.
| Gelar kebangsawanan | ||
|---|---|---|
| Didaului jo: Sultan Azlan Shah (Sultan of Perak) |
Yang di-Pertuan Agong (King of Malaysia) 1994–1999 |
Digantian dek: Sultan Salahuddin (Sultan of Selangor) |
| Didaului jo: Tuanku Munawir |
Yang di-Pertuan Besar of Negeri Sembilan 1967–2008 |
Digantian dek: Tuanku Muhriz |