Seri Menanti
Seri Menanti atau Sari Mananti (Jawi: سري مننتي; Nogoghi: Soghi Monanti) adolah sabuah kota, mukim, sarato daerah pamiliahan majilih nagara bagian nan barado dalam Distrik Kuala Pilah. Barado di tangah Negeri Sembilan, Malaysia, kota iko talatak 33 km barat laut dari Seremban (ibu kota nagari) sarato 14 km barat daya Kuala Pilah. Kota iko marupokan kota rajo nagara bagian Negeri Sembilan sarato singgosano Yang Di-Pertuan Besar Negeri Sembilan atau Yamtuan Besar, kapalo nagara bagian Nagari Sambilan.[1]
| Seri Menanti Soghi Monanti Sari Mananti | |
|---|---|
| Bandar Diraja Seri Menanti بندر دراج سري مننتي | |
| Transkripsi Lainnyo | |
| • Jawi | سري مننتي |
 Istano Lamo, sarato Pagunuangan Titiwangsa nan tagak di balakang | |
 Lokasi Seri Menanti di Negeri Sembilan | |
| Nagara |  Malaysia |
| Nagara bagian |  Negeri Sembilan |
| Distrik | Kuala Pilah |
| Luak | Adat Lingkungan (utamo) Gunung Pasir, Jempol, Terachi, Inas, Ulu Muar (sacaro administratif) |
| Ditaruko | sakitar Abaik ka-15 |
| Sabagai ibu kota karajaan | 1773 |
| Panduduak | |
| • Total | 1,610 |
| Zona wakatu | MST (UTC+8) |
| Kode pos | 71550 |
Daerah tampek Seri Menanti barado dinamokan Adat Lingkungan. Salain itu, Seri Menanti juo mamarintah nagari (disabuik juo luak) sakaliliangnyo, antaro lain Terachi, Gunung Pasir, Ulu Muar, Jempol, jo Inas. Kasadoalahannyo dinamokan Luak Tanah Mengandung.
Sijarah
suntiangUrang-urang Minangkabau marantau ka Negeri Sembilan pado abaik ka-14. Sakitar abaik ka-15, marantau labiah jauah ka darek dari Rembau inggo manaruko daerah nan kini dinamokan Seri Menanti. Di antaro panaruko iko, ado tokoh nan banamo Datuak Puteh dari Pagaruyuang. Manuruik kaba, urang-urang iko manamukan tigo batang padi nan ijau, sainggo Datuak Puteh manamokan daerah iko Padi Menanti. Lamo-kalamoan, imbauan daerah ko barubah manjadi Seri Menanti.[2] Kato seri dipicayoi barasa dari namo dewi padi manuruik tradisi Jawa saisuak. Datuak Puteh picayo jo panamuan tigo batang padi itu ka mamakmuakan nagari itu jikok ditaruko.[3]
Rajo Melewar tibo di Negeri Sembilan pado 1773, dilewa manjadi Yamtuan Besar partamo di Kampung Penajis, Rembau. Baliau kudian mamindahkan istanonyo ka Seri Menanti inggo manjadi kota rajo Negeri Sembilan sampai kini.
Adat
suntiangSeri Menanti iko mamainkan posisi pantiang sabagai pusek karajaan Negeri Sembilan. Posisinyo cando mandala nan dikaliliangi 8 nagari (luak) dalam 2 lingkaran:[4]
- Lingkaran partamo iolah "surambi" tadiriateh Ulu Muar, Jempol, Gunung Pasir dan Terachi,
- Lingkaran kaduo nan maapik luak "surambi" iko iolah Jelebu, Johol, Rembau dan Sungai Ujong (kini Seremban).
Markah tanah pantiang
suntiang
Istano rasmi Yang Di-Pertuan Besar Negeri Sembilan adolah Istana Besar. Kompleks istano nan tadiri ateh istano utamo, balairuang singgosano (Balairong Seri), jo aula jamuan rajo. Istana Besar salasai dibangun pado 1932.
Istano kayu lamo, tanamo jo Istano Lamo, dibangun sarato dilewakan dek Yang Di-Pertuan Besar Tuanku Muhammad Shah ibni Almarhum Tuanku Antah (nan bakuaso antaro 1888–1933). Istano ko tabuek dari kayu Neobalanocarpus jo kayu basi atau kayu bulian (Eusideroxylon zwageri) sarato dipaku jo paku kayu. Istano ko dibangun salamo anam taun dan salasai pado 1908 nan maabihkan pitih $45,000.00 pado maso itu. Desain bangunan marujuak pado arsitektur Minangkabau, mampunyoi limo tingkek katinggian nan mancapai 67 kaki atau kiro-kiro 20 meter, sarato mampunyoi 99 tunggak nan manopang struktur utamo. Istano lamo dibangun manggangtikan Istana Pulih nan abih tabaka dek Tantara Baritania. Panggambaran jo parencanaan Istana Lama disalasaikan dek Mr Woodford (Public Works Department) nan marujuak pado desain duo tukang kayu satampek, Kahar jo Taib. Istano iko dipakai sampai 1932 salapeh Yang Di-Pertuan Besar pindah ka Istana Besar. Istana Lamo alah ditatapkan sabagai situs warisan nasional dan diubah manjadi Museum Karajaan pado taun 1992.
Rujuakan
suntiang- ↑ "Seri Menanti Palace of Negeri Sembilan" (PDF). Malaysian Australian New Zealand Association. March 2007. Diarsipkan dari versi asli (PDF) tanggal 29 August 2007. Diakses tanggal 27 May 2009.
- ↑ "The Royal Town of Seri Menanti". Malaysia Story Blog. 31 July 2007. Diarsipkan dari versi asli tanggal 26 February 2009. Diakses tanggal 27 May 2009.
- ↑ "Tunku Ali appointed Tunku Besar Seri Menanti". Bernama. The Star (Malaysia). 23 February 2009. Diakses tanggal 27 May 2009.
- ↑ Tambiah, Stanley Jeyaraja (2013). "The galactic polity in Southeast Asia". HAU: Journal of Ethnographic Theory. University of Chicago Press. 3 (3): 504–506.