Tuanku Muhriz dari Negeri Sembilan
Tuanku Muhriz ibni Almarhum Tuanku Munawir (lahia 14 Januari 1948) adolah Yang Dipertuan Besar Negeri Sembilan ka-11 sajak tahun 2008 hinggo kini. Muhriz sabalunnyo dicadangan manjadi calon Yang Dipertuan Besar, tapi didahului dek pamannyo Tuanku Ja'afar karano umuanyo alun sampai akil balig.
| Muhriz | |||||||||
|---|---|---|---|---|---|---|---|---|---|
| Yang Dipertuan Besar Negeri Sembilan | |||||||||
 Tuanku Muhriz taun 2018 | |||||||||
| Yang di-Pertuan Besar Negeri Sembilan | |||||||||
| Bakuaso | 29 Desember 2008 – kini | ||||||||
| Partabalan | 26 Oktober 2009 | ||||||||
| Pandaulu | Tuanku Ja'afar | ||||||||
| Menteri Besar | Mohamad Hasan Aminuddin Harun | ||||||||
| Lahia | 14 Januari 1948 Kuala Pilah, Negeri Sembilan, Federasi Malaya | ||||||||
| |||||||||
| Ayah | Tuanku Munawir | ||||||||
| Mandeh | Tunku Ampuan Durah binti Tunku Besar Burhanuddin | ||||||||
| Pasangan | Tuanku Aishah Rohani binti Almarhum Tengku Besar Mahmud | ||||||||
| Anak | |||||||||
| Agamo | Islam | ||||||||
Hiduik mudo suntiang
Tuanku Muhriz adolah anak laki-laki nan surang dari sado anam anak dari Tuanku Munawir ibni Almarhum Tuanku Abdul Rahman, Yang Dipertuan Besar dari 1960 hinggo 1967, jo Tunku Ampuan Durah binti Almarhum Tunku Besar Burhanuddin.
Tunku Muhriz lahia tahun 1948 dan mandapek pandidikan di SMK Tuanku Muhammad (Sekolah Tuanku Muhammad) Kuala Pilah, Tunku Besar Schools di Tampin, King George V School di Seremban, Negeri Sembilan dan salanjuiknyo di Aldenham School di Inggris. Tunku Muhriz mandapek gelar hukum (LLB) dari Universitas College of Wales di Aberystwyth (kini Universitas Wales, Aberystwyth).[1]
Sabalun diangkek jabatan karajaan, inyo mamulai karirnyo dari satu bank internasional di Malaysia, manjanjang karir jadi direktur jo pemegang saham di sabuah parusahaan finansial (1973-1986). Sataruihnyo manjadi presiden jo aksionari suatu usaha patamo Malaysia jo agensi iklan dunia (1981-1992), presiden jo direktur suatu perusahaan patamo nan terlibat dalam produksi produk bangunan (1995-1998) jo direktur jo aksionaris sabuah perusahaan nan terlibat dalam teknik listrik jo konstruksi (1995 sampai kini). Inyo adolah anggota dewan direktur Bangkok Bank sajak 2006.[1]
Tuanku Besar Seri Menanti suntiang
Tuanku Muhriz diangkek manjadi Tunku Besar Seri Menanti pangkat paliang tinggi dari Putera Yang Empat) pado taun 1961, sasudah maningganyo niniaknyo Tunku Besar Burhanuddin. Namun, jabatan Yang Dipertuan Besar dipaliangan ka bakonyo Tuanku Jaafar wakatu bapaknyo maningga pado taun 1967. Tuanku Jaafar dipiliah dek Undang sabagai Yang Dipertuan Besar ka-10 dari Negeri Sembilan.
Negeri Sembilan mampunyoi Dewan Undang untuak mamiliah Yang Dipertuan Besar nan sasuai. Urutan panaruihnyo iolah anak patamo dari Yang Dipertuan Besar sabalunnyo, satalah itu saudaronyo, saudaro bapaknyo, cucu, anak saudaronyo, jo anak saudara bapaknyo.
Sasuai undang, Tuanku Muhriz adolah urutan partamo nan buliah diangkek Yang Dipertuan Besar katiko Tuanku Munawir maningga, Sasudah itu Tunku Nasir Alam (Tunku Laksamana), Tunku Ja'afar (Tunku Muda Serting) jo Tunku Abdullah (Tunku Panglima Besar). Katiko Tuanku Munawir maningga, Dewan Undang mamutuihan indak mangangkek Tuanku Muhriz malainkan saudaro bapaknyo Tuanku Jaafar ibni Almarhum Tuanku Abdul Rahman. Hal iko disababkan saran Perdana Menteri Malaysia wakatu itu, Tunku Abdul Rahman, dek umua Tuanku Muhriz hanyo salapan baleh tahun.
Yang Dipertuan Besar suntiang
Tuanku Jaafar mangkat pado tanggal 27 Desember 2008. Tigo hari sasudahnyo, Dewan Undang Negeri Sembilan managakkan Tuanku Muhriz sabagai Yang Dipertuan Besar nan baru. Batagak iko dihadiri oleh saluruah anggota karajaan, tamasuak Putera Yang Empat, manandoan mufakaik dalam lingkuang karajaan. Sasudah batagak itu, jasad Tuanku Jaafar dimakamkan di Makam Diraja Seri Menanti.[2]
Dek karano kabiasaan salamo hiduik untuak manjago diri dari khalayak ramai, Tuanku Muhriz indak banyak dikenal di lua lingkuang karajaan Negeri Sembilan. Duo dari ampek urang Undang nan sangaik manjunjuang pamiliahannyo dan manolak Tuanku Naqiyuddin, anak patamo dari Tuanku Jaafar, untuak duduak dalam jabatan itu. Tuanku Muhriz salamo iduiknyo santiaso manjago hubungan nan kuek jo Dewan Undang, patinggi nagaro, dunsanak karajaan jo urang Negeri Sembilan, dan sabalun diangkek bara taun sabalunnyo alah bapindah ka Nagari Sambilan. Sacaro politis banyak pandukuangnyo di nagara iko, tamasuak di antaronyo mantan Menteri Besar Tan Sri Mohd Isa Abdul Samad.
Pado tanggal 26 Oktober 2009, Tuanku Muhriz ditabalkan sabagai Yang di-Pertuan Besar Negeri Sembilan. Kalau batagak sataun lalu iolah menetapkan Tuanku Muhriz, mangko pado pertabalan iko iolah marasmikan inyo untuk manduduki singgasana Negeri Sembilan. Saari sabalunnyo, Tuanku Muhriz sarato Tunku Ampuan Besar malakukan adat basiram dan babadak limau, yaitu manyiram tubuah sacaro simbolik untuak manyucikan diri sabalun bakuaso. Maso adat pertabalan, Yang di-Pertuan Besar dan Tunku Ampuan Besar masuak ka dalam Balairung Seri, didahului dek Urang Ampek Istano nan mambaok Peti Benian. Adat pertabalan dimulai katiko datuak-datuak dari Undang nan ampek mangadok Tuanku Muhriz, tiok datuak undang itu manyambah salam ka Yang di-Pertuan Besar. Sasudah itu, adat Saru Manyaru dilaksanakan, yaitu Bentara Kanan manyaru kapado hadirin bahwa Tuanku Muhriz naiak takhta sabagai Yang di-Pertuan Besar Negeri Sembilan. Laungan "Daulat Tuanku" basauik di Balairung Seri, samantaro mariam ditembakkan 32 kali manandokan kajadian itu.[3]
Kehidupan pribadi suntiang
Tunku Muhriz manikah jo Putri Tengku Aishah Rohani dari Terengganu dan dikaruniai tigo anak laki-laki: Tunku Ali Redhauddin, Tunku Zain Al-'Abidin jo Tunku Alif Hussein.
Gala Kahormatan dan Pangkek suntiang
Gala suntiang
- 14 Januari 1948 - 4 April 1960: Yang Mulia Tunku Muhriz ibni Tunku Laksamana Munawir
- 5 April 1960 - c. Juli 1961: Yang Amat Mulia Tunku Muhriz ibni Tuanku Munawir
- c. Juli 1961 - 14 April 1967: Yang Amat Mulia Tunku Muhriz ibni Tuanku Munawir, Tunku Besar Seri Menanti
- 15 April 1967 - 28 Desember 2008: Yang Amat Mulia Tunku Muhriz ibni Almarhum Tuanku Munawir, Tunku Besar Seri Menanti
- 29 Desember 2008 - kini: Duli Yang Maha Mulia Yang di-Pertuan Besar Negeri Sembilan Tuanku Muhriz ibni Almarhum Tuanku Munawir[4]
Rujuakan suntiang
- ↑ a b Chaniago, Hasril & Rahmat Irfan Denas (editor). 2023. Ensiklopedia Tokoh 1001 Orang Minang. Padang: Pusat Kebudayaan Minangkabau.
- ↑ "Yang Dipertuan Besar Negeri Sembilan mangkat", https://www.malaysiakini.com/news/95497 diakses pado tanggal 26 Desember 2023
- ↑ "Tuanku Muhriz Ditabal Yang Di-Pertuan Besar Negeri Sembilan ke-11", https://www.mstar.com.my/lokal/semasa/2009/10/26/tuanku-muhriz-ditabal-yang-dipertuan-besar-negeri-sembilan-ke11, diakses tanggal 20 Desember 2023
- ↑ "Audience with His Royal Highness Tuanku Muhriz ibni Almarhum Tuanku Munawir, Yang Di-Pertuan Besar of Negeri Sembilan by Ambassador Takahashi". Ministry of Foreign Affairs of Japan (dalam bahasa Inggris). Diakses tanggal 2023-04-25.
| Gelar kebangsawanan | ||
|---|---|---|
| Didaului jo: Tuanku Ja'afar |
Yang Dipertuan Besar Negeri Sembilan 2008–kini |
Digantian dek: batahan |