Yang di-Pertuan Agong

Yang di-Pertuan Agong (Templat:Jawi) atau langkoknyo Kebawah Duli Yang Maha Mulia Seri Paduka Baginda Yang di-Pertuan Agong iolah gala rasmi bagi kapalo nagara Malaysia, di mano nagara iko nan maamalan bantuak pamarentahan rajo tapiliah nan balain bana daripado bantuak-bantuak karajaan lain di dunia. Konsep rajo tapiliah dipicayo baaka ka karajaan-karajaan Sriwijaya jo Ayutthaya pado abaik ka-7; nan pado maso itu rajo dipilih dari salah satu panguaso nagara-nagara kota di Sriwijaya.

Dek Malaysia maamalan sistem karajaan konstitusional, Yang di-Pertuan Agong baparan laweh tapi tatap tunduak kapado konstitusi. Undang-undang dasa alah jaleh manyatoan baso kakuasoan eksekutif sacaro teorinyo di bawah kuaso kapalo pamarentahan, dijalanan dek (atau ateh nasihaik) Kabinet atau Dewan Mantari nan dikatuoi dek Pardana Mantari.

Walau baitu, Yang di-Pertuan Agong punyo kuaso untuak mamiliah siapo sajo nan ka diangkek sabagai Pardana Mantari nan manjabaik basamo Baginda; urang tu indak taikek jo kandak Pardana Mantari sabalunnyo, kok indak ado partai nana manang jo suaro mayoritas. Bagaimanopun, Yang di-Pertuan Agong indak punyo hak jo kuaso untuak manyingkiaan Pardana Mantari. Yang di-Pertuan Agong buliah manulak atau manundo pamohonan untuak mambubaran parlemen. Baginda dapek pulo mambubaran atau manggantuang Parlemen, tapi anyo buliah mambubaran Parlemen atas nasihaik Pardana Mantari. Baginda buliah juo manulak undang-undang baru atau parubahan undang-undang nan lah ado; tapi kok indak ado kaputusan nan babuek, sacaro otomatih itu ka rasmi manjadi undang-undang sasudah 30 ari dari panyampaian awanyo.

Sultan Johor, yaitu Sultan Ibrahim, alah tapiliah sabagai Yang di-Pertuan Agong ka-17 untuak limo taun sajak 31 Januari 2024 sasudah maso jabatan Al-Sultan Abdullah dari Pahang baakia pado 30 Januari 2024. Samantaro itu, Sultan Perak, Sultan Nazrin Muizzuddin Shah, lanjuik lai sabagai Wakia Yang di-Pertuan Agong.