Baralek

Baralek marupoan rangkaian adaik untuak marayoan paniakahan, pakawinan, atau managak pangulu. Biaso juo mambangun rumah jo lain sabagainyo. Namun, Baralek ko labiah dikana jo acara marayoan panikahan. Di darek jo di rantau punyo caro masiang-masiang dalam palasaksananyo, tapi pado umumnyo salalu marujuak kapado syarak.

Acara Adaik Baralek (Panikahan)

maresek

Pado baralek mulonyo pihak anak daro mandatangi pihak calon marapulai disabuik jo maresek. Ado pulo nan manyabuik marisiak, maresek, atau marosok sasuai jo dialek daerah masiang-masiang. Namun, arati jo maknanyo samo iyolah kunjuangan paramo. Biasonyo proses iko dilaksanakan sacaro rasio jo sangaik elok-elok, antaro pihak kaluargo nan diwakilan dek mamak dari pihak padusi jo mamak dari pihak laki-laki supayo ndak tajadi salah paham jiko diantaro calon atau kaluarga calon ado nan indak katuju. Proses pancarian kato supakaik dalam panjodohan balaku samo di sado suku Minangkabau, baik nan tingga di ranah maupun di rantau. Apobilo saurang anak padusi nan alah cukuik usia jo saaiknyo mambina rumah tanggo surang, pado saaik itu urang gaeknyo akan barundiang jo mamak untuak mancarian jodoh bagi anak padusi tasabuik.