Mamak

Mamak adolah sanak laki-laki dari ibu. Kato mamak indak sapanuahnyo samo artinyo jo paman dalam Bahaso Indonesia, dek kato paman manganduang makna sabagai sanak laki-laki dari ibu maupun dari apak. Kato mamak sarato manjadi sapoan atau pangilan untuak sanak laki-laki ibu. Dalam pergauaan kekarabe'an jo kamasyrakatan, sapoan mamak digunoan untuak sadoalah laki-laki nan labiah tuo atau dituoan dalam satu garih keturunan manuruik garih ibu atau sasuku, nan sebayanyo atau labiah tuo dari ibu. Dalam pakambangan salanjuiknyo, lazim digunoan untuak menghormati laki-laki nan labiah tuo atau awak hormati tanpa mancaliak sukunyo.