Anak Daro

Anak Daro adolah istilah dari pasangan pangantin (padusi) nan asanyo dari Minangkabau. Anak Daro biasonyo basamo jo pasangannyo (laki-laki) nan disabuik marapulai. Kaduonyo disabuik sabagai pasangan pangantin nan alah sah dalam agamo dan adaik dek karano alah malakuan parnikahan sabalunnyo.

Anak Daro punyo corak pakaian nan sangaik manarik dan kas. Satiok daerah di Minangkabau, Anak Daro punyo gaya pakaiannyo nan babeda-beda, mulai dari istilah pakaian Anak Daro Koto Gadang, Anak Daro Solok, Anak Daro Payakumbuah, Anak Daro Padang Magek, Anak Daro Sungai Pagu, dan Anak Daro Padang Gantiang.

Pado saat kini ko, Anak Daro indak hanyo basobok di acara baralek daerah Minangkabau ajo do, tapi dapek juo basobok di acara lainnyo. Contohnyo, pado acara pawai budaya, lomba pakaian adaik, dan pado kagiatan adaik budayo nan lainnyo.

Beko Anak Daro ntu akan manjadi panghuni di Rumah Gadang. Kaum padusi dan anak-anak nan jadi panghuni tatap nan sasungguhnyo dari ciek Rumah Gadang nan itu, dan emang inyo se nan diagiahan tampek tingga dan lalok di sinan.