Abu Hanifah
Dr. Abu Hanifah Dt. Marajo Ameh atau nan labiah dikana jo Abu Hanifah (lahia di Padangpanjang, Sumatera Barat, 6 Januari 1906 – maningga di Jakarta, 4 Januari 1980 pado umua 73 taun) adolah surang pajuang kamardekaan, ahli kasehatan (dokter), seniman sarato politisi Indonesia. Abu Hanifah pernah manjabat sabagai Mantari Pandidikan jo Kabudayoan Indonesia pado taun 1949 sampai 1950 dalam Kabinet RIS. Salain tu, baliau pernah pulo ditugehan sabagai Duta Basa RI untuak Brazil.
Abu Hanifah | |
|---|---|
 | |
| Lahia | 6 Januari 1906 |
| Maningga | 4 Januari 1980 (umua 73) |
| Kabangsaan |  Indonesia |
| Alma mater | - ELS; STOVIA, Jakarta - Geneeskundige Hogeschool, Jakarta |
| Karojo | Dokter, seniman, politisi |
| Dikana dek | Mantari Indonesia, pajuang kamardekaan |
Abu Hanifah dikana pulo sabagai seniman nan sato maramian dunia teater pado maso-maso pandudukan Japang basamo jo adiak kanduangnyo, Usmar Ismail sarato kawannyo Armijn Pane. Babarapo karya sastranyo pernah dipentasan dek pakumpulan drama Maya, sarupo Taufan di Atas Asia pado taun 1943 sarato babarapo karya lainnyo. Disampiang itu baliau dikana pulo sabagai palukih.
Sambia bapraktek sabagai dokter, Abu Hanifah giaik pulo dikancah politik praktis dalam karangko pajuangan kamardekaan Indonesia. Babarapo kagiatan politiknyo, diantaronyo manjadi redaktur babagai majalah pahimpunan pamuda, sarupo Jong Sumatranen Bond pariode 1923-1926 sarato Indonesia Moeda pado taun 1931 sarato babagai kagiatan lainnyo. Abu Hanifah adolah salah surang tokoh dalam paristiwa Sumpah Pemuda pado taun 1928. Katiko Japang masuak manduduak-i Hindia Balando (Indonesia), Abu Hanifah giat sabagai anggota Barisan Pamuda Asia Raya. Kasadonyo kagiatan politik sarato pajuangan kamardekaannnyo, alah manampek-an Abu Hanifah sabagai salah surang tokoh parintis kamardekaan Indonesia.
Abu Hanifah maningga dunia pado 4 Januari 1980 di Rumah Sakit Pusat Angkatan Darat Gatot Soebroto, Jakarta, karano panyakik imbuli (kalumpuahan pado maso tuo) nan didaritonyo. Baliau dikabumian di Taman Pemakaman Umum Karet Bivak, Jakarta, ditampek nan samo jo adiak kanduangnyo, Usmar Ismail. Abu Hanifah maninggaan surang bini, 3 urang anak sarato 4 urang cucu.
Pandidikan
suntiang- ELS; STOVIA di Jakarta (1932)
- Geneeskundige Hogeschool di Jakarta (1932-1938)
- Gelar Doctor Honoris Causa bidang kabudayaan dari Universitas Brazilia
Karier jo pajuangan
suntiang- Pado maso awal pernah bakarajo pado babagai rumah sakik pamarentah
- Redaktur majalah pahimpunan pamuda Jong Sumatranen Bond (1923-1926)
- Redaktur majalah pahimpunan pamuda Pemoeda Indonesia
- Redaktur majalah pahimpunan pamuda Indonesia Raya dari PPPI (1926-1930)
- Tokoh Sumpah Pamuda 1928
- Redaktur majalah pahimpunan pamuda Indonesia Moeda (1931)
- Sastrawan jo palukih
- Anggota Barisan Pamuda Asia Raya (maso pandudukan Japang)
- Anggota BKR (1945-1950)
- Katua Fraksi Masyumi dalam KNIP
- Katua Delegasi Indonesia ka Inter-Asian Relation Conference di New Delhi, India (1947)
- Mantari Pandidikan & Kabudayoan Republik Indonesia (1949-1950)
- Katua Delegasi Indonesia ka UNESCO, Firenze, Italia (1950)
- Anggota Eksekutif Headquarters UNICEF di New York, Amerika Serikat (1951)
- Duta Basa RI untuak Brazil
Karya Tulih
suntiang- Dewi Rani (1943)
- Dokter Rimbu (1955)
- Rokaya
- Pelaut
Rujuak-an
suntiang- Profil Abu Hanifah Archived 2008-08-02 di Wayback Machine. Situs Taman Ismail Marzuki. Diakses 14 Mei 2013.
| Didaului jo: Sarmidi Mangunsarkoro |
Menteri Pendidikan dan Kebudayaan Indonesia 1949 - 1950 |
Digantian dek: Sarmidi Mangunsarkoro |
