Jong Sumatranen Bond

Jong Sumatranen Bond (JSB; bahaso Minang: Pasatuan Rang Mudo Sumatera) adolah organisasi nan batujuan untuak mampaarek hubuangan di antaro murid-murid nan barasa dari Sumatera, mandidiak rang mudo Sumatera untuak manjadi pamimpin bangso sarato baraja jo mangambangkan budayo Sumatera. Organisasi ko didirian pado tanggal 9 Desember 1917 di Jakarta. JSB mampunyoi anam cabang, ampek di Jawa dan duo lai di Sumatera, yakni di Padang jo Bukiktinggi. Babarapo taun kudian, urang-urang mudo Batak kalua dari organisasi ko dek didominasi urang mudo Minangkabau dalam kapangurusannyo. Rang mudo Batak ko mambantuak organisasinyo surang, Jong Batak.

Foto para pandiri JSB di arsip Museum Sumpah Pemuda

Awa Mulo

Taman Tugu Jong Soematra di muko Hotel Inna Muara Kota Padang

Lahianyo JSB pado mulonyo banyak diragukan urang banyak. Salah satu di antaronyo iolah redaktur surek kaba Tjaja Sumatra, Said Ali, nan mangatokan baso Sumatera alun matang bagi politik jo umum. Tanpa mangiraukan suaro-suaro miriang tu, anak-anak Sumatra tatok mandirikan organisasinyo surang. Kaum tuo di Minangkabau manantang pagarakan nan dimotori dek kaum mudo ko. Mareka manganggap baso gerakan modern JSB adolah ancaman bagi adaik Minang. Aktivis JSB, Bahder Djohan manyoroti pabedaan persepsi antaro duo generasi ko pado mulo Jong Sumatra.

Tokoh utamo

• Adenan Kapau Gani
• Bahder Djohan
• Mohammad Amir
• Mohammad Hatta
• Muhammad Yamin
• Sutan Takdir Alisjahbana