Usmar Ismail
Usmar Ismail (lahia di Bukittinggi, Sumatera Barat, 20 Maret 1921 – maningga 2 Januari 1971 pado umua 49 taun) adolah sutradara Indonesia. Kariernyo dimulai sabagai asisten sutradara di Perfini nan didirian pado taun 1950.[1] Pado taun 1952-1953, inyo malanjuikan studi di Universitas Los Angeles jurusan film lalu mandapek-an gala Bachelor of Arts. Baliau maningga dunia pado 2 Januari 1971 karano stroke.
Usmar Ismail | |
|---|---|
 | |
| Lahia | 20 Maret 1921 |
| Maningga | 2 Januari 1971 (umua 49) |
| Kabangsaan |  Indonesia |
| Alma mater | Universitas Los Angeles, Amerika Serikat |
| Karojo | Sutradara |
Kahidupan awal
suntiangUsmar Ismail lahia sabagai anak dari Datuk Tumenggung Ismail, guru Sakolah Kadokteran di Padang, jo Siti Fatimah. Kaluarganyo barasa dari Lintau, Sumatera Barat.[2] Inyo mampunyai saurang kakak nan juo terjun ka dunia sastra, yakni Dr. Abu Hanifah nan manggunoan namo pena, El Hakim.[3]
Usmar manampuah pandidikan di HIS Batusangkar, lalu malanjuikan ka MULO Simpang Haru, Padang, dan kudian ka AMS-A Yogyakarta (kini SMA Negeri 1 Yogyakarta).[3] Tamaik dari AMS, inyo kuliah lalu mamparoleh B.A. di bidang sinematografi dari Universitas California, Los Angeles, Amerika Serikat pado tahun 1952.
Usmar alah manunjuakan bakat sastranya sajak masih duduak di bangku SMP. Sangkek itu, inyo basamo konco-konconyo, antaro lain Rosihan Anwar, nio tampil dalam acara parayaan hari ulang tahun putri mahkota, Ratu Wilhelmina, di Palabuhan Muaro, Padang. Usmar nio mambaokan suatu partunjukan dengan panampilan yang gagah, unik, jo mamukai. Inyo basamo konco-konconyo hadir di parayaan itu dengan manyewa parahu jo pakaian bajak laut. Sayang, acara nan dirancanoan itu gagal dek mereka baru sampai sangkek matohari tabanam dan mereka ampiang pingsan dek litak mangayuah parahu manuju Palabuhan Muaro. Akan tetapi, acara nan gagal itu dicataik dek Rosihan Anwar sabagai tando bahasonyo Usmar Ismail memang berbakat manjadi sutradara, nan punyo aka panjang untuak mambaokan tontonan nan menarik jo mengesankan.[3]
Sasudah duduak di bangku SMA di Yogyakarta, Usmar samakin banyak terlibat jo dunia sastra. Inyo mampadalam pangetahuan dramanyo dan aktif dalam kagiatan drama di sekolahnyo. Inyo juo mulai mangiriman karangan-karangannyo ka babagai majalah.[3][4]
Filmografi
suntiang- Harta Karun (1949)
- Tjitra (1949)
- Darah dan Doa (1950)
- Enam Djam di Djogja (1951)
- Dosa Tak Berampun (1951)
- Kafedo (1953)
- Krisis (1953)
- Lewat Djam Malam (1954)
- Lagi-Lagi Krisis (1955)
- Tamu Agung (1955)
- Tiga Dara (1956)
- Delapan Pendjuru Angin (1957)
- Asrama Dara (1958)
- Pedjuang (1960)
- Toha, Pahlawan Bandung Selatan (1961)
- Anak Perawan di Sarang Penjamun (1962)
- Bajangan di Waktu Fadjar (1962)
- Holiday in Bali (1963)
- Anak-Anak Revolusi (1964)
- Liburan Seniman (1965)
- Ja, Mualim (1968)
- Big Village (1969)
- Ananda (1970)
Pautan lua
suntiang- (Indonesia) Situs Usmar Ismail di Perpustakaan Nasional Indonesia Archived 2007-06-04 di Wayback Machine.
- (Parancih) Usmar ISMAIL - Indonésie Archived 2006-11-16 di Wayback Machine.
- (Indonesia) Kepustakaan Tokoh Perfilman Indonesia Archived 2009-10-23 di Wayback Machine.
- ↑ Ismail, Usmar (1983) (dalam bahaso id). Usmar Ismail mengupas film. Penerbit Sinar Harapan. https://books.google.com/books?id=qw4LAAAAIAAJ&newbks=0&printsec=frontcover&dq=usmar+ismail+bicara+film&q=usmar+ismail+bicara+film&hl=en.
- ↑ Biografi Usmar Ismail : Si Bung Dalam Layar Film Kita, Matra, 1990
- ↑ a b c d Kutipan rusak: Tag
<ref>indak sah; indak ado teks untuak ref banamobb - ↑ Dewan Redaksi Ensiklopedi Sastra Indonesia. (2004). Ensiklopedi Sastra Indonesia. Bandung: Titian Ilmu. ISBN 9799012120 hlm. 825