Tingkuluak

panutuik kapalo padusi bangso Minangkabau
(Dialiahkan dari Tangkuluak)

Tingkuluak atau tikuluak marupokan salah satu jinih panutuik kapalo padusi dalam budayo masyarakaik Minangkabau. Jinih panutuik kapalo ko tabuek dari kain salendang panjang nan kudian dikreasikan baragam bantuak sasuai jo pamakai sarato fungsi dalam tradisi adaik Minangkabau.

Tikuluak Talakuang adolah salah satu ragam tikuluak di Minangkabau

Sacaro umum tikuluak dapek dibedakan dari bantuak jo kain nan dipakai. Dalam ragam bantuak tikuluak ado nan manyarupoi tanduak jo kaduo duo sisi marunciang cando tanduak kabau (tikuluak tanduak). Jinih ko biaso dipakai dek anak-anak dalam tari adaik sarato pangiriang marapulai jo anak daro wakatu baralek. Ragam lainnyo babantuak malingka jo ujuang kain nan bajutai dari ateh ka arah lakang atau biaso juo disabuik jo tikuluak Bundo Kanduang, sabab jinih ko biasonyo anyo bapakai dek padusi dewasa dan dipakai dalam acara-acara rasmi adaik.[1]

Di samping duo ragam tasabuik ado jinih tikuluak nan biaso dipakai anak daro dalam alek nan disabuik juo jo tangkuluak Koto Gadang dek jinih ko khas dari Koto Gadang, Kabupaten Agam.[2] Tikuluak ko labiah sederhana karano babantuak salendang biaso jo hiasan motif sulaman sarato manik-manik bapola khas Minangkabau.

Ragam suntiang

Tikuluak baikek suntiang

Tingkuluak iko mampunyoi bantuak manyurupoi tanduak kabau nan pado kaduo ujuang batanduak tumpua.

Tikuluak kompong suntiang

Tikuluak kompong marupokan tikuluak nan ukurannyo agak gadang. Pado bagian ateh kapalo tangkuluak dibuek agak gadang sarupo carobong.

Tikuluak bugih suntiang

Bantuak tangkuluak iko sederhana. Pado bagian sampiang kapalo bantuaknyo dibuek tagak dan bagian balakang talimpok dek kain. Bahan nan digunokan kain saruang bugih jo motif kotak-kotak.

Tikuluak talakuang putiah suntiang

Bantuaknyo samo saperti tangkuluak kompong hanyo sajo bedanyo dapek diliek dari bahan jo rono nan digunokan.[3]

Caliak pulo suntiang

Rujuakan suntiang

  1. Bukittinggi, Pemerintah Kota. "KEGIATAN BUNDO KANDUANG KECAMATAN GUGUK PANJANG â€..." www.bukittinggikota.go.id (dalam bahasa Indonesia). Diarsipkan dari versi asli tanggal 2018-03-24. Diakses tanggal 2018-03-24. 
  2. "Pernikahan Adat Koto Gadang". Seputar Pernikahan (dalam bahasa Inggris). 2016-01-15. Diakses tanggal 2018-03-24. 
  3. bekti, setia. "Busana Pengantin Koto Gadang". 

Pautan lua suntiang