Taman Nasional Bukit Duabelas
Taman Nasional Bukit Duabelas (disingkat TN Bukit Duabelas) adolah sabuah taman nasional nan talatak di Provinsi Jambi, Sumatra, Indonesia. Dalam pambagian administratif, lokasinyo masuk ka dalam Kabupaten Tebo, Kabupaten Batanghari jo Kabupaten Sarolangun. Laweh lahan ko sajumlah 54.780,41 hektare.[1]
| Taman Nasional Bukit Duabelas | |
|---|---|
IUCN Kategori II (Taman Nasional) | |
 Suku Anak Dalam atau Orang Rimba adalah penghuni asli Taman Nasional Bukit Duabelas | |
| Letak TN Berbak di Pulau Sumatra | |
| Letak | Jambi, Indonesia |
| Kota terdekat | Kota Jambi |
| Koordinat | 1°51′0″S 102°39′0″E / 1.85000°S 102.65000°EKoordinat: 1°51′0″S 102°39′0″E / 1.85000°S 102.65000°E |
| Luas | 54.780,41 hektare (547,8 km²) |
| Didirikan | 2000 |
| Pihak pengelola | Kementerian Lingkungan Hidup dan Kehutanan |
| Situs web | tnbukitduabelas.id |
Taman Nasional Bukit Duabelas marupoan kawasan perlindungan. Namanyo barasal dari kondisi geografis daerahnyo nan babukik-bukik. Babarapo bukiknyo paliang tinggi yaitu bukik Punai (164 meter), Panggang (328 meter), jo Kuran (438 meter). Daerah ko marupoan daerah tangkapan aia dari daerah aliran sungai dari Sungai Batanghari.[2] Di Taman Nasional Bukit Duabelas ado labiah kurang 120 jinih flora nan iduik, tamasuak ulin, menggeris satinggi 80 meter, jelutung berdiameter 2 meter, jo rotan jerenang.[2]
Di dalam Taman Nasional Bukit Duabelas iko juo manjadi tampek badiamnyo Suku Anak Dalam atau Suku Kubu atau Orang Rimba. Suku iko alah lamo mambagi zonasi kawasan jauah sabalun taman nasional ko tabantuak. Suku ko bakarajo samo jo pengelola Taman Nasional Bukit Duabelas untuak mambuek pametaan pemetaan taman nasional. Jalur tebing hutan dinamoi masyarakaik satampek sabagai Tali Bukit dek itu dilarang manabang papohonan nan ado di situ. Adapun zona hutan nan mampunyoi tanaman buah-buahan, mako wilayah tu masuak zona pamanfaatan Taman Nasional Bukit Duabelas. Jumlah Orang Rimba di siko pado taun 2018 mancapai 2960, naiak dari taun 2013 sabanyak 1775 urang.[3]
Taman Nasional Bukit Duabelas marupoan perwakilan bagi hutan hujan tropis di provinsi Jambi. Bagian utara taman nasional iko tamasuak ka dalam kategori hutan primer, samentaro sisonyo marupuoan hutan sekunder, sabagai akibaik dari parambahan kayu.[4]
Dasa hukum
suntiangTaman Nasional Bukit Duabelas awalnyo marupuoan hutan lindung jo cagar biosfer. Status awalnyo ini diusulan dalam surek Bupati Sarolangun Bangko tanggal 7 Februari 1984 Nomor 522/182/1984. Daerah nan diusulan adolah kawasan hutan di Bukit Duabelas. Usulan iko batujuan manjadian hutan tasabauik sabagai tampek iduik jo pangiduik an urang rimba. Usulan tasabuik ditaruihan dek pemerintah Provinsi Jambi kapado Menteri Kehutanan malalui surek Kepala Sub Balai Perlindungan dan Pelesterian Alam Jambi pado taun nan samo. Surek ko juo dikaluan dek Gubernur Jambi melalui surat Nomor : 522.52/863/84 tanggal 25 April 1984. Menteri Kehutanan manyetujui usulan tasabuik, tatapi anyo sabagai cagar biosfer. Lahan nan ditatak an salueh 28.707 ha. Kudian pado taun 2000, cagar biosfer iko ditapekan manjadi Taman Nasional Bukit Duabelas. Lahan nan ditapekan manjadi 60.500 ha. Penambahan lahan ko barasa dari penggabungan cagar bisofer Bukit Duabelas (27.200 ha), Hutan Produksi Tetap Serengam Hilir (11.400 ha) jo areal penggunaan lain salueh 1.200 ha. Panetapan iko badasaran pado Surat Keputusan Mentri Kehutanan dan Perkebunan Nomor : 285/Kpts-II/2000 tertanggal 23 Agustus 2000.[5]
Pamanfaatan
suntiangTaman Nasional Duabelas diudi dek Orang Rimba. Dipagunoan Orang Rimba untuak pamanfaatan hasil hutan bukan kayu khususnyo dama untuak babagai keperluan. Pamanenan dama oleh Orang Rimba diatur dek ketentuan adaik mereka. Damar dikumpuan badasaan fungsi pohon jo latak dama. Orang Rimba memanfaatkan dama sebagai sumber bahan bakar, pengobatan, perekat jo ritual adat.[6]
Rujuakan
suntiang- ↑ Haidir, dkk. (2020). Membangun Sistem Kelola TN Bukit Duabelas berbasis Penghargaan pada Orang RImba dan Pengetahuan Aslinya. Balai TN Bukit Duabelas. pp. 2. http://www.tnbukitduabelas.id/sites/default/files/unduhan/membangun_sistem_kelola_tnbd.pdf. Diakses pado 1 April 2022.
- ↑ a b Ministry of Forestry of Indonesia: "Bukit Dua Belas National Park" Archived September 25, 2015, di Wayback Machine., retrieved 7 December 2013
- ↑ "Aturan Adat Masuk Skema Pelestarian Hutan", Kompas, 10 September 2018. Hlm. 18
- ↑ Ministry of Forestry: Brief description Archived 2012-02-26 di Wayback Machine., retrieved 04-01-2010
- ↑ "Tentang Kami | Taman Nasional Bukit Duabelas". www.tnbukitduabelas.id. Diarsipkan dari versi asli tanggal 2022-03-17. Diakses tanggal 2021-06-16.
- ↑ Andhika, dkk. (2016). "Etnobotani Damar pada Orang Rimba di Taman Nasional Bukit Duabelas". Berita Biolog. Pusat Penelitian Biologi, Lembaga Ilmu Pengetahuan Indonesia. 15 (1): 105. ISSN 0126-1754.
Pranala lua
suntiang- Ministry of Forestry: Brief description Archived 2012-02-26 di Wayback Machine.