Kamiri

Kamiri, dama, bukareh, atau cegek (Aleurites moluccana), adolah tumbuhan nan bijinyo digunokan sabagai sumber minyak dan rempah-rempah. Tumbuahan iko masih sakarik karabaik jo ubi kayu dan tamasuak dalam suku Euphorbiaceae. Dalam padangangan antarobanso, dama disabuik candleberry, Indian walnut, dan candlenut. Pohonnyo dikecekan sabagai varnish tree atau kukui nut tree. Minyak nan disarikan dari bijinyo baguno dalam industri, contohnyo untuak bahan campuran cat.

Kamiri
Aleurites moluccanus
Data
Sumber dari	minyak kamiri jo kamiri (id)
Status konservasi
Risiko randah
UICN	18435618
Taksonomi
Divisi	Tracheophytes
Subdivisi	Spermatophytes
Klad	Angiosperms
Klad	mesangiosperms
Klad	eudicots
Klad	core eudicots
Klad	Superrosids
Klad	rosids
Klad	Eurosids
Klad	fabids
Ordo	Malpighiales
Famili	Euphorbiaceae
Genus	Aleurites
Spesies	Aleurites moluccanus Willd., 1805
Tata namo
Basionim	Jatropha moluccana (en)

Kagunoan

Buah kamiri marupokan bakulik kareh, nan kok dipacah ado duo bijo barono kaputiah-putiahan jo pamukoannyo nan kasa balapih tapuang cando lilin. Lilin ko barasa dari kanduangan minyak nan bareknyo mancapai satangah dari barek bijonyo. Dalam masakan Nusantara, kamiri marupokan bumbu inti dalam bumbu dasar putiah nan dipakai dalam masakan cando opor, gudeg, pangek, ataupun pindang.

Dalam pamasakan, kamiri paralu dibaka, digoreng atau dirandang (jo indak pakai minyak atau aia) untuak mangaluakan aroma. Katiko disiapkan basamo bumbu dapua lainnyo, kamiri digiliang paliang akia dek talampau mudah untuak aluih. Samantaro dalam masakan Bali, cando penyon jo lawar, kamiri dapek diirih-irih.

Kamiri dapek maagiah tekstur nan pakek sarato baminyak pado masakan nan dipakai untuak manggantikan atau manambah pakeknyo santan dalam masakan. Salain pakek, kamiri dapek manambah raso gurih dalam masakan.