Kalompok etnik di Indonesia
Ado labiah dari 300 kalompok etnik atau suku banso di Indonesia.[1] atau labiah tapeknyo ado 1.340 suku banso manuruik sensus BPS taun 2010.[2]
Suku Jawa adolah kalompok etnik tabanyak di Indonesia jo jumlah mancapai 41% dari total populasi. Urang Jawa banyak nan tingga di pulau Jawa, akan tetapi jutaan urang alah batransmigrasi dan tasebar ka babagai pulau di Nusantara [3] bahkan bamigrasi ka lua nagari umpamonyo ka Malaysia jo Suriname. Suku Sunda, suku Melayu, jo suku Madura adolah kalompok tabanyak barikuiknyo di nagara iko.[3] Banyak etnik-etnik tarasiang, utamonyo di Kalimantan jo Papua, populasinyo amaik saketek nan hanyo baanggotakan ratusan urang. Sabagian gadang bahaso daerah masuak dalam golongan rumpun bahaso Austronesia, walaupun baitu sajumlah gadang etnik di Papua tagolong dalam rumpun bahaso Papua atau Melanesia.
Pambagian kalompok suku di Indonesia indak mutlak jo indak jaleh akibaik papindahan panduduak, pacampuran budayo, jo saliang mampangaruahi; sabagai contoh sabagian pihak bapandapek urang Cirebon adolah etnik nan tapisah surang jo dialek nan khusus pulo, sadangkan pihak lainnyo bapandapek baso mareka hanyolah subetnik dari suku Jawa sacaro manyaluruah. Baitu pulo suku Baduy jo suku Banten nan sabagian pihak manganggap mareka sabagai bagian dari suku Sunda. Contoh lain pacampuran suku banso adolah Suku Betawi nan marupokan suku banso hasia pacampuran babagai suku banso pandatang baiak dari Nusantara maupun Cino jo Arab nan datang jo tingga di Batavia pado era kolonial.
Proporsi populasi jumlah suku banso di Indonesia manuruik sensus 2000 sabagai barikuik:
| Suku Banso | Populasi (juta) | Persentasi | Kawasan utamo |
|---|---|---|---|
| Suku Jawa | 86,012 | 41,7 | Jawa Timur, Jawa Tengah, Lampung |
| Suku Sunda | 36,096 | 17,5 | Jawa Barat, Banten |
| Cino-Indonesia[4] | 7,776 | 3,7 | Jabodetabek, Bandung, Kalimantan Barat, Surabaya, Bangka Belitung, Kapulauan Riau, Medan, Bagan Siapi-api, Jambi, Palembang, Makassar, Manado |
| Suku Malayu | 7,013 | 3,4 | Pasisir timur Sumatera, Kalimantan Barat |
| Suku Madura | 6,807 | 3,3 | Pulau Madura |
| Suku Batak | 6,188 | 3,0 | Sumatera Utara |
| Minangkabau | 5,569 | 2,7 | Sumatera Barat, Riau |
| Suku Betawi | 5,157 | 2,5 | Jakarta |
| Suku Bugis | 5,157 | 2,5 | Sulawesi Selatan |
| Arab-Indonesia[5] | 5,000 | 2,4 | Jakarta, Jawa Barat, Jawa Tengah |
| Suku Banjar | 3,506 | 1,7 | Kalimantan Selatan |
| Suku Bali | 3,094 | 1,5 | Pulau Bali |
| Suku Sasak | 2,681 | 1,3 | Pulau Lombok |
| Suku Makassar | 2,063 | 1,0 | Sulawesi Selatan |
| Suku Cirebon | 1,856 | 0,9 | Jawa Barat |
Etnik pribumi
suntiang
Kawasan Indonesia punyo banyak etnik pribumi. Dek karano adonyo migrasi di Indonesia (sabagai bagian dari program transmigrasi pamarintah atau alasan lain), ado jumlah populasi etnik nan cukuik signifikan di lua daerah asalinyo.
- Jawa: Jawa (Tengger, Osing, Banyumasan, dll.), Sunda (Banten, Badui), Betawi
- Madura: Madura
- Sumatera: Malayu, Batak, Minangkabau, Aceh, Lampung, Kubu
- Kalimatan: Dayak, Banjar
- Sulawesi: Makassar, Bugih, Mandar, Minahasa, Toraja, Bajau
- Kapulauan Sunda Kaciak: Suku Bali, Suku Sasak,
- Maluku: Suku Ambon, Suku Nuaulu, Suku Manusela, Suku Wemale
- Papua - Suku Papua tadiri 466 suku banso di antaronyo: Suku Dani, Suku Bauzi, Suku Asmat
Etnik pandatang
suntiangManuruik sajarah Indonesia, galombang migrasi etnik pandatang manyebar ka saluruah Indonesia, biasonyo mareka mauni pusek karamian co kota gadang dan jarang tingga di daerah kampuang.
- Cino: Etnik minoritas tabanyak di Indonesia. Urang Cino mulai tingga di Indonesia sajak abaik ka-15 jo galombang gadang migrasi di abaik ka-18 jo 19. Umumnyo tingga di kawasan pecinan (kampuang cino) di daerah urban Jawa, Sumatera, jo Kalimantan, jo jumlah nan signifikan di Jakarta, Medan, Semarang, Surabaya, Cirebon, Pekanbaru, Batam, Bangka island, Padang, jo Pontianak di Kalimantan Barat.
- Arab: Manuruik sajarah padagang Arab batugas untuak manyebarluaskan ajaran Islam di Musantara. Banyak di antaronyo nan alah baassimilasi jo etnik lokal misalnyo Betawi, Malayu, Jawa, jo Sunda; namun, sabagian kota di Indonesia punyo jumlah populasi urang Arab nan signifikan nan ditandoi jo budayonyo, identitasnyo, jo hubuangannyo jo nagara-nagara Arab. Kota jo populasi nan signifikan di antaronyo Surabaya, Gresik, Jakarta, Medan, dan kota-kota pasisia lain di Indonesia.
- India: Urang India alah tinggal pulo sajak lamo di Indonesia, namun jumlahnyo indak sabanyak urang Cino Indonesia. Umumnyo tingga di pusat-pusat kota gadang misalnyo di Pasar Baru di Jakarta jo Kampuang Kaliang di Medan.
- Indo: Indo atau Paranakan, adolah campuran antaro etnik pribumi Indonesia jo urang Eropa utamonyo nan dari Balando samaso periode Hindia Balando. Sakitar satu juta urang Indonesia jo babagai status sosialnyo tamasuak golongan iko. Salamo maso kolonialiasi, jumlah mareka labiah gadang, namun sajak Indonesia mardeka mareka labiah mamiliah pulang ka Balando. Eurasia Indonesia samakin saketek jumlahnyo sajak emigrasi gadang dari Indonesia salapeh Parang Dunia II.
- Japang: Urang Japang bamigrasi ka Indonesia sajak zaman kolonial Hindia Balandi; namun, salapeh Japang kalah pado parang dunia ka duo, populasinyo manurun dan hanyo manyisokan saketek poplasi nan marupokan mantan tentara Japang nan masih tatok tingga di Indonesia jo manjadi WNI. Pakambangan takini populasi urang Japang di Indonesia mulai maningkek sajak 1970-an, dan banyak expatriat nan tatok jo kawarganagaraannyo. Jumlah signifikan urang Japang nan tingga di Indonesia utamonyo di Jakarta jo Bali.
- Korea: Mareka adolah etnik pandatang nan paliang baru di Indonesia, dimulai sajak babarapo dekade nan lalu. Jumlah mareka samakin maningkek sairiang jo maningkeknyo bisnis jo investasi Korea di Indonesia, dan banyak di antaronyo tatok jo kawarganaraannyo.
Caliak pulo
suntiangRujuakan
suntiang- ↑ Kuoni - Far East, A world of difference. Page 88. Published 1999 by Kuoni Travel & JPM Publications
- ↑ Kewarganegaraan Penduduk Indonesia
- ↑ a b Indonesia's Population: Ethnicity and Religion in a Changing Political Landscape. Institute of Southeast Asian Studies. 19 Nopember 2003.
- ↑ Lihat catatan di Tionghoa-Indonesia#cite note-sensus-2000-1
- ↑ Dikutip dari pernyataan Menteri Agama Said Agil Al Munawar dalam seminar internasional Warisan Budaya Arab di Indonesia: Percampuran Budaya Indonesia - Hadramaut (Yaman) dari artikel "Hadramaut dan Para Kapiten Arab", oleh Alwi Shahab, di muat di Republika, edisi Minggu, 21 Desember 2003.
Pautan lua
suntiang- (Inggirih) Encyclopedia of the Nations